سلام عليكم و رحمة الله و بركاته
في هذا الموضوع نحاول نستفيد من أخونا المصور المحترف (( يم الدريشة )) أبوخالد ومن معلوماته وخبرته في (( كاميرا كانون )) .. ومن لديه أي تساؤلات أو ملاحظات أو أي غموض سواء عن الكاميرا أو الإعدادات أو الأوامر أو عدسات المتوافقه معها .. أبوخالد يجيب عنها ..!!
ونحن له شاكرين ،،،
المشاركة الأصلية كتبت بواسطة Kuwait-Love
http://www.arabtravelersforum.com/tr...7/#post1575207
السلام عليكم
الله يعطيك العافيه اخوي يم الدريشه ..
سؤال اذا ماعليك اى امر انا عندي كانون D350 وانا احب واعشق التصوري المباني العاليه والابراج وناطحات السحاب اشتنصحني بعدسات اخذها ولا اتحسف :101:
المشاركة الأصلية كتبت بواسطة يم الدريشة
http://www.arabtravelersforum.com/tr...1/#post1575401
اهلا اخوي العزيز
صارلي فتره ماشفتك في القسم .. مادري انا مو منتبه من مشاغلي أو انت مختفي .. الله اعلم :114:
شوف ..
في عدستين يعتبرون من روائع العدسات وهم للطبيعه والمباني بس هم واسعين وايد وهم
كانون 10-22
سيجما 10-20
انا عندي السيجما .. ومرتاح منها ومن نتائجها واخذتها على اساس انها فازت بأفضل عدسه من بين عشر عدسات متقاربين المدى ومنهم الكانون 10-20
هذي صورة من السيجما اللي عندي
طبعا اللقطه عادية جدا وفي افضل وأحس اني طالم العدسه
وأكيد هناك غيرهم عدسات ولكن المدى يختلف ...
ملاحظه: ان العدسات هذي تعتبر استخداماتها محدده لهذا النوع من التصوير وليسة لنصوير الناس ..
بارك الله فيك
المشاركة الأصلية كتبت بواسطة Kuwait-Love
http://www.arabtravelersforum.com/tr...3/#post1575703
سؤال : آخر اذا أمكن ..؟؟؟؟
والله ياخوي يم الدريشه الى خلاني فتره ماابين قاعد اراجع اخطائي بتصوير شوف خلني اوريك جم صوره فيها اخطاء وايد وراح تلاحض ان الخطء واضح وفي بعض القطات ممتازه طبعن من العدسه الى معها وانا يوم سالتك علا شنو افضل العدسات علشان احاول اصلح اخطائي وابي اعرف هل الخطء مني او من العدسه شوف اول صور اخطائي وثاني صور الى اطلعت معاي صح
وهذي الصور الى اطلع معاي صح
معني متاكد انه في اخطاء
وبس هذا اهوا السباب الى مخليني ما ابين وايد
ولازم اصلح اخطائي انا قلت من العدسه لازم اغير العدسه علشان اشوف الفرق واحكم بعدين
وعلا فكره كل الصور الى شفتها هذي من العدسه الى تكون معه الCanon D350
ومشكور وماقصرت اخوي يم الدريشه علا المعلومات المفيده معه خلاص احترامي لك ولشباب الى ساعدوني باشياء كثيره بنسبه لعالم التصوير :101:
المشاركة الأصلية كتبت بواسطة يم الدريشة
http://www.arabtravelersforum.com/tr...0/#post1575720
شوف ..
واضح من لقطاتك ان الخطأ هو توزيع الاضاءة والاهتزاز
عندي لك نصيحه وهي انك تشتري فلاش للكمره لأن دائما الفلاش اللي مع الكمره مايسوى بيزه
وصدقني مع الفلاش بتشوف شي ثاني .. انا اقصد التصوير الداخلي .. يعني في بيتك أو في غرفه اضائتها خفيفه ..
الاهتزاز هو مشكله كبيره وعلشان نتجنبها نحتاج شيئين
1- عدسه سريعه وانا انصح بالسيجما 30مم نظرا لفتحة العدسه الرائعه 1.4
2- حامل ثلاثي (ستاند)
وبتشوف الفرق شلون قايل ...
مواضيع عشوائيه ممكن تكون تعجبك اخترناها لك:
رد مع اقتباس
المفضلات