مرحبا بالجميع...اكتب لكم تقرير عن رحلتي الى الفلبين ...في البداية اسف على التاخير بسبب دخول شهر رمضان المبارك وسفري لجدة ومكة لاداء العمرة.
سأضع تقريري على شكل نقاط واركز على اهم ملاحظاتي خلال رحلتي...وسأتجنب ما تم الكتابة عنة من قبل الاخوان...واي استفسار او سؤال فانا حاضر.
بسم الله نبدأ.
-بدت رحلتي من مطار الدمام على خطوط الاتحاد......الى ابو ظبي ...ومنها الى مانلا ....ثلاث ساعات وعلى الفلبينية الى سيبو.
-مع ان خطوط الاتحاد ممتازة لاكن نصيحة يا تكون راعي نوم بالطيارة والا اشبع نوم ببيتكم قبل تركب الطيارةلان الوقت طويل.:112:
-الامور سهالات ومادامك فاك الكشرة وتمزح مع الي قدامك اي كان ومحترم نفسك كلن يحترمك.:109:
-خل عنك الحجز عن طريق النت وغيرة (طبعا الكلام ما ينطبق على فنادق الخمس نجوم).....يوم يومين اخسر باي فندق وبعدها لفه على الفنادق وكلن يختار الي يحتاج بالفندق الي يختار.....والعرض اكثر من الطلب.(حطيت رقمي عند اكثر من ست فنادق وخليتهم يكلموني وكاسرتهم لين اخترت الي ابي بسعر مناسب).طبعا انا مامريت فنادق الخمس نجوم لاني بكون اغلب الوقت خارج الفندق كنت ادور فندق نظيف وامن وفيه خدمة النت بالغرف:113:
-الفنادق في سيبو كثيرة لاكن في شي غريب اول مرة اشوفة (فندق ممتاز وسعره معقول لاكن مافية ثلاجة والاممنوع الاكل بالغرفةوالا مافي الغرفة تلفزيون والا مافية تلفون)وبالمقابل فية فنادق كثير جيدة جدا ونظيفة وامنه باسعار مقبولة (من1000 الى 25000 بيسو).
-المنتجعات السياحية الموجودة في جزيرة لابو لابو رائعة ولاكن لا تصلح للاقامة الدائمة الا كان مجموعة ...لانها في اماكن مقطوعة ما حولك شي يعني بتطلع منها لاي مكان لازم تكسي فحنا نمرها وتكسينا معنا نتمشا فيها على البحر ونرجع.
-فنسن صديق تعرفت علية في رحلتي من ما نلا الى سيبو رجال بان لي زين طبعة كان واضح في كلامة ارتاح لي وارتحت له .....قالي بكون دليلك في سيبو قلت قدام .:24:
-كنت مقرر ما اجلس في سيبو الا خمس ايام ولاكن ثلاث اسباب جعلتني امدد اسبوع زيادة:-
-سيبو جزيره هادية امينة وبها اماكن كثيرة (وهنا اشكر الاخ العزيز الساحر فتقريرة افادني كثير ).:113:
-معرفتي للاخ فنسن فهو من اهل سيبو ورافقني في اغلب طلعات التمشي (وجود احد من اهل البلد معك يسهل عليك امور كثيرة ).:114:
-تعرفت على اخ من دولة الكويت جاء سيبوللتسجيل في احد الجامعات لدراسة الهندس وكان نعم الصديق
وكان باقيله خمس ايام على السفر فكنا لا نفترق الا للنوم حتا ا لجامعة رحت معه.فأجلت روحتي لبهول لين يسافر...وقد شكلنا انا وهو وفنسن ثلاثي للروحات والجيات.طبعا فنسن على حسب شغلة:115:
-بعد عودة صديقي الى الكويت قلت لفنسن يالله جاء وقت بهول ولاكنة لم يستطع لظروفة العائلية والعملية (عندة ست اطفال صراحة انا استغربت وقلت له انا اعرف كثير من الفلبينين حدهم ثلاثة وعلمني السبب.....
اهل زوجتة ما عندهم الا هالبنت ولا بقا من عايلتهم احدد واشرطو علية يزيد النسل للحفاظ على العايلة من الانقراض):109:
-ثاني يوم صحيت بدري الساعه سبع وبعد الفطور واستخارة رب العالمين اجتمعت مع نفسي وقررت الانطلاق الى بهول...وركض على السوق الي تحت فندق المد تاون...ابي المكاتب السياحية...وصلت ما بعد افتحو...قلت هين اب ارجع لكم ...واروح احلق...ومساج للرجول...واقعد الف بالسوق لين الساعه عشر.فتحت المكاتب...واحجز على رحلة الساعة وحده الظهر على السبيد كات.
-رجعت للفندق وجهزت اغراضي (اغلب الاغراض تركتها بالفندق عندهم خدمة حفظ الحقائب وهي ببلاش).
-كلمت فنسن وانا متجة للمينا اعلمة اني ماشي لبهول ....واركب القارب ساعتين وانا بجزيرة بهول...القارب كنك بطيارة ...اقصد صفة الكراسي ومكيف طبعا التدخين ممنوع ولا تقدر تطلع برا.
-وصلت بهول واركب سيارة الىPanglao Island ...الى شاطي الونا وكنت حاجز في فندق Paragayo Resort in Panglao Island ويوم وصلت الفندق واصاب بصدمة فلقد كان الفندق مخالف لتوقعي وانا كنت تعبان لاكن الفندق فيه عيب ما اقدر اتحملة... انة بالشارع الخلفي للبحريعني بينك والبحر بنيان(وكالعادة واجتمع مع نفسي واقرر اني ما اسكن) واشيل اغراضي وامشي على البحر من فندق لفندق...والقى فندق عندهم غرفة فاضية لمدة يومين...وبحكم ان التعب واصل حدة ...قلت اسكن الحين وبكرة يحلها رب العالمين ...واسكن واحط اغراضي واطلع اجلس على البحر اسمع دحة الماية ....يوم ارجهنت نفسي .
-وانا على البحر افكربالسكن واتأمل المناظر الرائعة الي قدامي...فسبحان الخالق...والناس الي يسبح...والي توه واصل من رحلة صيد اوغوص:surf...والي يسوي مساج...جاتني وحدة راعية مساج...تعرض خدماتها...قلت بس جابك الله.
-قلت لها اسمعي ...انتي راعية مساج يعني تعرفين كل الفنادق الي هنا صح...قالت صح...قلت اكيد تعرفين الفنادق الزينة الي على البحر واكيد تعرفين الي يشتغلون هنا صح...قالت صح...قلت انا ابي غرفة لمدة اسبوع بداية من بكرة وتكون بسعر كويس...روحي شوفيلي غرفة زوينة على البحر ...وتعالي علميني انا بستناك لين تجين ...وابشري بالي يرضيك....راحت ...واشوي الا بالصوت ال ينادي ...روح جاي روح جاي....طبعا بالفلبيني:109: واروحلها هاه بشري ...قالت تعال لقيت لك غرفة ...واروح معها ويعجبني الفندق ...واتفق معهم على ان انتقل بكرة الصباح للغرفة...( بفندق لوست هورايزن سعر 2400 بيسو).
-حمدت الله على توفيقه لي بتدبير موضوع السكن ...واقعد اتمشى على البحر ...شوي يوم بدت البروق والرعود ...قلت الحمد لله ...بتكمل تبي تمطر...:24: وازبن مطعم الفندق وهو مطعم مفتوح على البحر...الله ياهو منظر...مر على اكثر من اربع ساعات ما حسيت بالوقت.
-بعد العشاء والاستمتاع بالمناظر الرائعة...اجتمعت مع نفسي على عجل وقررت اروح انام عشان بكرة وراي تغيير فندق ...وبداية الاستمتاع بالرحلات البحرية.
-بعد ما دخلت الغرفة والتروش... تمددت على السريرلين نمت...واصحى الساعة اربع الفجر على صوت الرعد....اولا وثانيا من الحر...لان الكهرب كان طافي...حاولت النوم ماقدرت...واغزي الرسبشن...واسويلهم سالفة...انتها كلامي معهم ان انتقل لفندق ثاني على حسابي بدون ما ادفع لهم شي عن الليله الي جلست عندهم...وانتقل لفندقي الجديد واشوا الكهرب عندهم شغال...وبعد السكن في الفندق الجديد ...ريحت ساعتين ...وبدا الاستمتاع بشاطي الونا .
نقاط مختارة محددةوسريعه:-
-شاطي الونا ليس بالطويل ...وتتوفر اغلب الخدمات التي يحتاجها السايح على الشاطي او بالشارع الخلفي ولاكن ما تزال المناطق السياحية بالفلبين تحتاج للكثير ..فرغم وجود الكثير من الخدمات التي يحتاجها السايح(صرف عملة-مغسلة ملابس-بقالات-مكاتب سياحية-...الخ)الا انها قليلة .
-الصرف اقل من سيبو بـ200 بيسو والي يصرف مغسلة الملابس :109:
-الناس هنا وش حليلهم...اهل البلد او السياح ...والمنطقة امنه ...لاكن الحرص واجب.:114:
-الرحلات البحرية ...سواء صيد السمك...او الغوص ...او التمشية بالبحر والتنقل بين الجزر...متوفره وبأسعار مناسبة.
-لم اشاهد طول اقامتي اي عربي...كما ان الكثير من الفلبينين والاجانب يستغربون عندما اخبرهم اني سعودي...ويقولون كيف وصلت الى هنا.:114:
-لم اغادر شاطي الونا الا مرة واحدةفقط(غصب مو طيب)رحت جزيرة بهول عشان امدد الفيزه.:105:
-عدت الى سيبو لمدة يوم واحد ...ومنها الى مانلالمدة ست ايام.:112:
-ليس لدي ما اقول في مانلا...فأنا لا احب العواصم الكبيرة والزحمة لاني جيت لمانلا للتسوق فقط..فاغلب الايام مطر لانستطيع المشي...والتكاسي اقرب مشوار نص ساعه...وبحكم اني سكنت بمكاتي على شارع برقص...ماغير اتمشى بهالشارع وجلسة بالمطعم الي على الشارع وسوالف مع الخليجيين.:11ight:
بالختام...امل ان يحوز التقرير على رضاكم ...واي استفسار انا بالخدمة.مواضيع عشوائيه ممكن تكون تعجبك اخترناها لك:
- ياخبراء الفلبين وينكم هذا وقتكم
- استفسار عن مانيلا وبوركاي
- اضخم موقع للحجوزات الفنادق والطيران والسيارات مع الشرح
- شباب رواد سيو ارغب بفنادق موقعهم بوسط السوق والحركه
- روثمان وفلوس كاش
- حمودي وجديد مانيلا ؟؟؟
- منتجعات بروكاي وطريقة الحجز
- فزعتكم اول مرة اسافر الفلبين
- لخبراء مانيلا
- زراعة الشعر في الفلبين ارجو المساعدة
- أي خدمه من الفلبين؟؟؟؟؟
- هل افضل مانيلا او سيبو لدراسة اللغة الانجليزية ؟
- السندباد ناوي يسافر وبحاجة خبرتكم الفزعه
- تحليل ورصد لرحلتي لمانيلا وسيبو على متن خطوطنا السعودية
- من جديد في الفلبين
- بوراكاي الجميلة
- ما مدى مصداقية هذه الوكاله لحجز الفنادق
- مانيلا بعيون محبوب
- خارطة الجزيره الاسطوريه بالتفصيل
- استفسار عن فيزا للفلبين
رد مع اقتباس
المشاركة الأصلية كتبت بواسطة لعبتي بر وبحر
المفضلات