الموضوع: استراليا ليتك بقيت خيالا جميلا و لم يصدمني واقعك ؟؟

المشاركة الأصلية كتبت بواسطة بـلاوي
http://www.arabtravelersforum.com/tr...8/#post3399538

اولا الله يعطيكم العافيه على النقاشات الحلوه

ولون انكم حطمتووووا معنيواتي بقاشاتكم وارائكم ..

ولكن سنزورها وسنزور نيوزلندا معاها

هذا كان رأي احد الاخوه الاعضاء

والحقيقة رأيه عين الصواب

ولكن العندليب ... اسئل الله ان يوفقك ويردك بالسلامه اذا انت موجود فيها ... انت اكيد من النوع اللي يحب الدول الاوروبيه بشكل كبير هذا سبب كرهك لهالديره .



ومع ذالك استفدنا من نقاشاتكم الجميله

تقبلوا تحياتي

عين العقل كلامك اخوي بلاوي . . , اذا الناس كانت تمشي على كلام وتجربه شخص واحد او عده اشخاص . . , انعدمت السياحه . . , الانسب تجرب بنفسك . . , والتجربه خير دليل . . ,

اهلين حبايبي
احب اسلم على الجميع و اشكرهم على التواصل في هذي المنتدي الرائع

بصراحه انا قرات الموضوع من اوله للآخره

و اوافق كاتب الموضوع فيما قاله عن استراليا

انا دخلت المنتدي قبل الصيف
و طلبت معلومات عن البلد
وسالت هل تناسب لشهر العسل
و كان الجميع يؤكد على انها مناسبه و جنه لابد من مشاهدتها
و تغيير حقيقي و متعه , وووووووووو

في الحقيقه
انا نادمه اشد الندم على اختيارها
يا ليتي رحت لاوروبا او امريكا كان الرحله بتكون اكثرمتعه
و بحلل السفره ماديا و معنويا


لكن الحمد لله على كل حال
انا زوجي وعدني انه يعوضني عن شهر العسل بعيد الحج

و من الآن اجهز لهالرحله
ابي اعوض الكآبه الي عشناها في استراليا

تقبلو رايي الصريح بكل اريحيه

الأخت الكريمة متعة السفر

لا شك أن الجميع يعلم المقولة ( لولا أختلاف الأذواق لبارت السلع )

و بالرغم أنها ستكون زيارتي الأولى لـ أستراليا في شهر ديسمبر القادم ، إلا أنني أكاد أجزم

أن أستراليا ستعجبني كثيراً ، خاصة و أن هدفي واضح كالأنشطة و الرياضات و الرحلات و هذا ما تتمتع به أستراليا

السؤال الموجه لك : ما هي الإنطباعات التي جعلتك تتبنين نظرة سلبية تجاه أستراليا ؟

خالص التحايا

المشاركة الأصلية كتبت بواسطة d e e m
http://www.arabtravelersforum.com/tr...7/#post3455247

[size=4][b]لكن للاسف العرب نادر ماتلقين فيهم حب للستكشاف!!



أتفق مع هذه المداخلة ...

المشاركة الأصلية كتبت بواسطة d e e m
http://www.arabtravelersforum.com/tr...7/#post3455247

1 - انا معاج استراليا ماتناسب اللي يبي اماكن طبيعيه او رومانسيه او رحله شهر عسل !
افضل الجزر او النمسا او سويسرا ( الطبيعه والرومانسيه ) او ماليزيا او تايلند ( الطبيعيه والرومانسيه والمنتجعات) وانا متاكده استراليا تتميز بإماكن كثيره ومميزه وماتلقيناها الا في استراليا لكن للاسف العرب نادر ماتلقين فيهم حب للستكشاف!!اما اللي يبي يروح استراليا شهر عسل يحب الرحلات و الحدائق وحياه المدنية ولو ماكان هذا نوعه المفضل يدور له مكان ثاني عشان لا يخسر وقته ولا ماله ويتحسف معنى الدنيا تجارب والكل يتقبل الكلام الصريح وبالعكس محد بيقلب عليج البوابه وما اعتقد في اي مشاركه اي انتقاد لصاحب الموضوع ولا ماشفتي للحين موجود ( بصراحه استغرب هذا الكلام !! )

2 - اتمنى تروحين شهر عسل ثاني وتفرحين فيه ..

3 - والافضل تاخذين فكره شامله وموسعه عن المكان اللي نويه فيه لان التخطيط 50% نجاح الرحلة تقبلي تحيتي اختي الفاضله




اهلين حبيبتي
كل عام و انتي بخير و جميع الأعضاء الكرام

اسعدتني مداخلتك
و قسمتها لنقاط عشان اعقب عليها

المشاركة الأصلية كتبت بواسطة barefoot
http://www.arabtravelersforum.com/tr...9/#post3455189

الأخت الكريمة متعة السفر

لا شك أن الجميع يعلم المقولة ( لولا أختلاف الأذواق لبارت السلع )

و بالرغم أنها ستكون زيارتي الأولى لـ أستراليا في شهر ديسمبر القادم ، إلا أنني أكاد أجزم

أن أستراليا ستعجبني كثيراً ، خاصة و أن هدفي واضح كالأنشطة و الرياضات و الرحلات و هذا ما تتمتع به أستراليا

السؤال الموجه لك : ما هي الإنطباعات التي جعلتك تتبنين نظرة سلبية تجاه أستراليا ؟

خالص التحايا



اخي الكريم
كل عام و انت و الأعضاء بالف خير و صحه

فعلا انا مؤمنه بهذه المقوله و بعد زيارتي للأستراليا
تاكدت لدي و رسخت اكثر من ذي قبل

و اتمنى ان تتمتع بهذه الزياره و تجد فيها ما تبحث عنه من مغامرات
بالنسبة لي كرهت فيها التكرار الممل
و انا اتوافق مع كاتب الموضوع في معظم النقاط التي ذكرها
يطفي ان شعبها لا يحترم المسلمين المتمسكين بالحجاب الشرعي
شعب منغلق على نفسه يفتقد للتطور و بضائع الأسواق فيها قديمه تنزل عندنا قبلهم بسنه
انا اعشق مظاهر التطور في الدول اللي ازورها و ابحث عن كل ما هو جديد و غريب

لو اخذنا مثلا المدن الترفيهيه في قولد كوست كلها ما تجي شي عند ديزني لاند باريس



عموما زي ما اتفقنا
لولا اختلاف الآراء لبارت السلع


اتمني لك المتعه و الفائده

السلام عليكم ورحمة الله .

أتمنى من الأخوان ان يتوقفوا عن ايذاء مشاعر بعضهم البعض وانتم تسيئون للجميع وليس فقط لأنفسكم .

نرجع للموضوع , بوجهة نظري وبعد زيارتي الأخيره لإستراليا اتوقع ان المشكله كانت بالترتيب للرحله , فاذا كان الترتيب للرحله ضعيفا بحتى لو ذهبت الى أفضل بقعه على وجه الأرض فان الرحله ستفشل .

بصراحه استراليا بوجهة نظري مظلومه بين البلدان السياحيه , ويرجع ذلك لبعدها النسبي , فهي جنة بالأرض ولا ننسى أننا نتكلم عن قاره هنا وليس بلد صغير فمن المستحيل الحكم عليها بأنها سيئه سياحيا بزيارة مدينه او اثنتين او حتى 3 .

سيتضح ذلك قريبا مع تقريري الذي أتمنى أن ينال اعجابكم ان شاء الله .

ماتمنيت ابدا النقاش يوصل لكل هذا !! . . ولكن السفر فن وذوق . . ان عجبتك ماعجبت غيرك . .
وهذا شيء راجع لهم 100% . . ولسنا متكفلين ان نغير نظرتهم او نظرة كل من مشى على كلام شخص . .
بدون مايشوف بعينه . . على العموم اذكروا الله ( لا اله الا الله ) ولا تنسون تصومون عاشوراء =) . .

عزيزي .. حلو ومدلع


من عفى واصفح فأجره على الله

انتم الأثنين ما تقصرون في المساهمة والمساعدة والردود الجميله على الاعضاء واثراء البوابه .. وما حصل ارجو ان يعتبر في مهب الريح .. ومن الماضي


جزاكم الله الف خير

رحلتي لـلاستراليا بعد اسبوعين تقريبا
بعد ماقريت موضووعك حسيت بنوع من التحطيــم
بس ردود الاعضاء اعاادتلي الحماس مره ثانيه
ولولا اختلاف الاذواق لبارت السـلع
[size="4"][color="black"][b]يمكن استراليا الي ماعيبتك بتعيب غيــرك

المشاركة الأصلية كتبت بواسطة لولو2
http://www.arabtravelersforum.com/tr...9/#post3600399

والله كاني هونت عن استراليا
وجزاك الله خير على الصراحه وهذا الي حنا نبي بالمنتدى ما نبي مبالغات واخر شي نروح وننصدم




والله لو كانت تقارير الاعضاء بدون صور كان قلنا فيها ومافيها ولاكن الصور موجوده وتقدر تحكم اذا في مبالغات او لا بس انك تحكم على دولة من دون ماتزورها هاي ظلم وعلى فكرة يعني بتصدق واحد وبتكذب الجميع
هاي لانك انت ماتبي اتروح وكنت تبيلك حجى على العموم الله يوفقك

والي مايطول العنب حامظاَ عنه يقول
وتحياتي لك

انا اشوف اي بلد راح تروح لها و تشوفها بعين الناقد راح تشوف كل شي مو حلو.......

إذا قعدنا نركز على السلبيات راح نفقد متعة السفر كل بلد فيها شي ......و صدق لولا اختلاف الاذواق لبارات السلع......شوفو الآجانب يروحون يغامرون و يساتنسون في آماكن نقول كيف هم يروحون لها....
بس هم يعرفون متعة السياحة احنا لا....

بصراحـــــــــــــة مشكلة العرب اللي يعجبهم الأسواق الصاخبة و بحيرة يقعدون يلفون عليها كل يوم....و القعده بس على الكوفي شوب ....ما تناسبهم هذيل استراليا....و هذا الشي ما استنتجته من موضوعك على فكرة.....

لا من كلام وحدة من الأهل راحت استراليا و سبتها و شتمتها شتم.....لإن هي من الفئة اللي ذكرتها فوق.....و قعدت تقول هاذي استراليا واااااااع ما فيها كوفي شوب عدل......قلت لها اوكي تبين كوفي شوبات الصيفية الجاية اقعدي في دبي الكوفيات على افا من يشيل و إلا روحي الدول المعتاده اللي تحبينها....

شوفو ما قالت شفت طبيعه ما قالت شفت بحر حلو ما قالت حدايق حيوان حلوه.....لا ركزت على الكوفي شوب و السوق !!!!

استراليا حق الناس اللي تحب الرحالات ....الطبيعة .....الحياة البرية...البيئة النظيفة الشواطئ النظيفة و الهواء النقي النظيف...

اختي
بالعكس كيف مافيها كوفيهات ؟!!!!! وفي كل شبر في اي مدينه من مدن استراليا او خلناا نقول المهمه مثل سيدني
ملبورن و قولد كوست كوفيهات فيها العالميه والمعروفه وفيها الاستراليه وفيها اماكن تجمعات العرب مثل كل بلد
والطبيعه فيها مختلفه عن اوروبا !! وبالنسبه للتسوق انا معاها هناك التسوق ابدا مايسوى لانه اغلبه صيني لكن
لاتنسين مناخهم مختلف عنا وعكسنا يعني مابتلقين الا اللبس الشتوي في وقت اجازه الصيف في الخليج وباقي العالم

اتمنى من الاخوان اللي يقولون هونوا او غيره يقرون كل الردود الموجوده في الموضوع وبتشوفون ان 90% من اللي راح استراليا وكتب رايه في هالموضوع كان ايجابي وراضي عن سفرته .. يعني الكفه الراجحه ان استراليا تنفع للسفر

واللي اصلا مش مقتنع بيقرا او رد وبيتجاهل الباقي وبيحط في باله ان استراليا ماتنفع !1

في النهايه كل واحد يروح المكان اللي مرتاح فيه وعاجبنه

المشاركة الأصلية كتبت بواسطة D e e m
http://www.arabtravelersforum.com/tr...5/#post3693455

اختي
بالعكس كيف مافيها كوفيهات ؟!!!!! وفي كل شبر في اي مدينه من مدن استراليا او خلناا نقول المهمه مثل سيدني
ملبورن و قولد كوست كوفيهات فيها العالميه والمعروفه وفيها الاستراليه وفيها اماكن تجمعات العرب مثل كل بلد
والطبيعه فيها مختلفه عن اوروبا !! وبالنسبه للتسوق انا معاها هناك التسوق ابدا مايسوى لانه اغلبه صيني لكن
لاتنسين مناخهم مختلف عنا وعكسنا يعني مابتلقين الا اللبس الشتوي في وقت اجازه الصيف في الخليج وباقي العالم

اتمنى من الاخوان اللي يقولون هونوا او غيره يقرون كل الردود الموجوده في الموضوع وبتشوفون ان 90% من اللي راح استراليا وكتب رايه في هالموضوع كان ايجابي وراضي عن سفرته .. يعني الكفه الراجحه ان استراليا تنفع للسفر

واللي اصلا مش مقتنع بيقرا او رد وبيتجاهل الباقي وبيحط في باله ان استراليا ماتنفع !1

في النهايه كل واحد يروح المكان اللي مرتاح فيه وعاجبنه




اختي مب أنا اللي اقول استراليا ما فيها كوفي شوبات.....

قلت وحده من الأهل هي متعودة على فرنسا و هالاماكن.....يعني تبغي كوفيات مثل هناك.......

و أنا عارفه استراليا زين واسير لها من زمان.....و ادري فيها كوفيات عالمية مثل جلوريا جينز و ستار باك و غيرهم.....بس في ناس لا يعجبهم العجب و تقعد بس تشوف البلد بعين الناقد.....
اقول على طاري الكوفيات اللي بيسير جولد كوست
لا يفوت gloria jean's chocolate
macadamia latte

هالاتيه رهيب بنكهة المكاديميا و هي نوع من المكسرات يزرع في استراليا......عاد ما ادري إذا بعده يبعونه لإن ما رحت استراليا و لا سافرت من 5 سنوااااااات...اهي اهي... .....المهم هالصورة من تصويري من كثر ما حبيته صورته ههههههه....ادري طلعت عن اطار الموضوع

للحين موجود الكوفي ومثل ماقالت الاخت استراليا فيها كوفيات بس يمكن الي تقربلك قصدها مثل كوفيات لندن وباريس الي طالعني واطالعك يعني هي مب رايحه للكوفي نفسه لا تبي اتروح اتشوف الناس وعلى العموم الناس اذواق

وترا في غلوريا جينز بدبي بمجمع برجمان وبعد افتحو واحد بدوحه وهو رااااااائع

وانا اشوف ان غلود كوست فيها كوفيات غريبه وحلوة وايد وشرحه

مرحبا :
استراليا مووووووووووووو حلوه !!!!!
احسن عشان مايصير زحمه هناك !!!!!!!!!!
خلوها لأهلها .

احبتي جميعاً ...

للاسف لم اتمنى ان ياخذ الموضوع منحنى آخر فيه من الكلمات الغير موفقة ... والتقادف بالالفاظ الغير لائقة ... لذا تم اقفال الموضوع ... لاسيما وان الموضوع صار له حوالي 8 شهور منذ فتحه ... وهي فترة كافية للتعبير عن راي كل منا بوضوح تام ... مع التاكيد على ان الموضوع سيبقى ولن يحذف ... وذلك من ايماناً التام بمبدا الرأي والرأي الآخر ...

وبالتالي يستطيع اي مسافر جديد قراءة هذا الموضوع والردود اللي فيه ... ليستمع للرأي والرأي الآخر ... ومن ثم هو من يحكم بنفسة لاسيما بعد ان يقرأ العديد من التقارير الاسترالية المصورة ... لتكون الصورة اوضح واشمل ...

تحياتي ...