+ الرد على الموضوع
النتائج 1 إلى 9 من 9

الموضوع: في الستيتس عطني رايك

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    في الستيتس عطني رايك


    السلام عليكم .. صباح الخير الجميع ..

    الوالد خذاله جوله في الولايات المتحده بالسبعينات .. وانا ودي اجدد هالجوله اخليها جوله ألفينيه إذا الله أراد ..

    لكن المشكله ان عندي نقص كبير في المعلومات عن هالديره .. اللي ابيه من الله ثم منكم انكم تقترحون علي:

    1. خط سير رحلة برية تستمر لمدة 50 يوم في الولايات المتحدة .. وش الديار اللي أمرها ووين ابدا ووين انتهي .. خارطة الطريق يعني .. ومن وين اجيب خرايط الديره؟

    2. المركبة المقترحة .. كرفان؟ استأجر سياره؟ اشتري سياره؟ ..

    3. السكن .. موتيلات ولا أوتيلات ولا كرفان بارك ولا وشو .. ؟

    4. أنسب وقت للقيام بهالرحله متى! بأي شهر؟ وليه؟

    5. العدد المناسب للشله اللي تروح .. حالياً انا مو ضامن ولا واحد وهنا المشكله!! بس كم العدد المفترض لهالرحله؟ واذا طلع معنا واحد ماله علاقه باللغه الانجليزيه .. بيمشكلنا؟ تعرفون بعض الربع ملاقيف شوي ..

    6. راس مال الرحله كم .. وكم اخذ معي كاش وأي نوع من البطاقات الائتمانيه احتاج .. الفيزا والماستر اللي مصدره من خارج الولايات المتحدة وبالتحديد من السعوديه تشتغل هناك؟ .. وهل ينصح فيها؟ .. ولا اطلع امريكان اكسبرس احسن؟ وليه؟ ...

    7. التأمين الصحي والأدويه .. انا معي قولون .. اقدر اخذ حبوبي معي؟

    8. أنا رجال امشي واشتري .. واخاف اشتري واشتري واتوهق باللي شريته اما بالشحن واما بالنقل .. وش الحل؟ علماً بأني مشترك في خدمة Shop&Ship من أرامكس وبالتالي عندي عنوان بريد في نيويورك اي شي يوصله يجي للرياض!.. وش رايكم؟

    9. السفاره الامريكية تساعد في هالامور؟ السياحه أقصد .. وكيف؟

    اعتبر نفسك مدرس أو مدرسه وانا باخذ نوتات .. عطني كل الللللي في جعبتك ولا عليك أمر ..

    إذا فيه أسئله أغفلتها أتمنى منكم ذكرها لي ..

    مع وافر التحية

    سـعـد

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    رد: في الستيتس عطني رايك

    اهلين اخوي سعد
    بداية اقول لك رحلة زي هذي تعتبر رحلة العمر ,, ماراح تناساها ابد واختيار جدا جدا موفق ! (لو ماعندي دراسة كان خاويتك )
    علشان كذا,, اول ماتبدا فيه اختيار اصحابك بعنااااااااااااية,, لأنهم ممكن يخلونها رحلة احلام او رحلة عذاااااااااااااب , شوف لك رجال شرواك ولايهونون اللي يقرون الموضوع (شرواك الطيب :109
    1- هذا اصعب سؤال (ان شاء الله ماعليه علامات واجد :109
    لأن الاماكن مو موجودة على خط واحد,, بس نفرض انك بديت من فلوريدا,, تطلع فوق باتجاه اطلانطا جورجيا - وتكمل شمال باتجاه فرجينيا وواشنطن, ثم نيويورك وبعدها شمال الى بوسطن, بعدين تتجه غرب نحو اوهايو وانديانا وايلينوي (شيكاقو) ثم جنوب باتجاه سنت لويس ميزوري, بعدها غرب باتجاه دنفر كولورادو وبعدين اريزونا علشان تشوف القراند كانيون, وبعدين فيجاس وبعدين كاليفورنيا كمحطة اخيرة,, وممكن تتجه بعدها شمال الى اوريجون وواشنطن "سياتل"

    صعبة اي شخص يحدد لك مسار,,
    2- من ناحية المركبة؟؟
    اممممممممم
    الاستئجار بيكلفك كثير,, قول اليوم بـ100 دولار على افتراض انك مامعك رخصة دولية, يعني 5000 دولار,, اممممممممم
    ممكن تشتري سيارة بـ9 الاف دولار وتبيعها وتقل خسارتك,,

    3- السكن؟؟ الموتيلات اللي على الطرق السريعة راااااائعة ونظيفة جدا في الغالب,,
    4- انسب وقت؟ مدري اشوف احسن وقت هو سبتمبر او ماي,, بس سبتمبر رمضان وصعب شوي,, ماي افضل لأن الاجواء جميلة جدا في غالب الولايات تقريبا ماتلاقي برد ولا حر
    5- العدد؟ 4-5 اشخاص مناسب جدا,, 3 ماينفع و6 احسها كثير, وجود اشخاص مايعرفون انقليزي ماراح يسبب لكم اي مشاكل حتى لو قدر الله مع البوليس راح تترجمون له
    6- راس مال الرحلة؟؟ الله يعينك , لو تحسبها كل ليلة موتيل بـ80 دولار, 80*50 = 4000 دولار حق السكن
    البنزين راح يكلفك كثير يعني 50 دولار كل يوم تقريبا, تطلع لك 2500 دولار
    الاكل والكوفي ايضا قول كل يوم بيكلف الشخص 30 دولار = 1500
    استئجار السيارة زي ماحسبناها تقريبا 5000 دولار
    قيمة تذاكر دخول الاماكن السياحية مثل ديزني لاند او سكس فلاقز او ناطحات السحاب او اي مزار سياحي من 10- 80 دولار,, , نفترض انها انها بـ50 وكل يومين ثلاثة تروحون لمكان زي هذا, راح تكون عليك بـ50 *30 = 1500 دولار للشخص

    الفلوس؟؟بطاقات الائتمان اللي من السعودية تعمل 100% بدون مشاكل,, اللهم في بعض المواقع اللي تحجز لك فنادق مثل برايس لاين لازم تكون البطاقة من امريكا او كندا لأنهم يطلبون البيلنق ادرس
    وطبعا الكاش مقبول في كل مكان,, بس انتبه غير مسموح لك باكثر من 10 الاف دولار للشخص يدخلها كاش

    7- اكيد تقدر تاخذ حبوبك,, من ناحية التامين الصحي اعتقد ممكن لو صارت لك مشكلة تكلم السفارة وماراح يقصرون,

    8- من ناحية الشرا الله يعينك, من جد بتلاقي نفسك اشتريت اغراض كثيرة وتبتلش بالعفش الزايد,, ممكن تشوف لك مكتب يشحنها لك للسعودية (زي ماتسوي وكالات السفر الي هنا , مثلا الطيار يشحن لامريكا الكيلو بـ10 )

    9- السفارة مامنها اي خوف باذن الله

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    رد: في الستيتس عطني رايك

    الصراحه فكرتك وااااايد حلوه

    بس اللي يعيبها التكاليف......... يعني يبيلها تكاليف عالية جدا

    انا شخصيا افكر اسافر امريكا شهر 9 .... طبعا هي زيارة.... بس افكر اقطع جوازي في امريكا علشان ما ارجع :109:

    حلمي اني اسافر لاميركا بس ضروف العمل والاهل ما تسمح :112:

    الله يسهلها عليك ويسهلها علي انا كمان

    بالتوفيق في رحلتك...... (( لو تأخرت رحلتك وميزانيتي كانت تسمح لهذه السفرية.... فإن شاء الله راح اخاويك)) :11ight:

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رد: في الستيتس عطني رايك

    والله يخوي من ناحية التقسيم صعب اي شخص يحدد لك, انا ماني خبير ولاودي احوسك, ممكن تشوف لك دليل السياحة هالكتب اللي في جرير او العبيكان تشتريه وتروق عليه وش ودك تشوف وش مايهمك, كل واحد وله اهتمامه
    اعتقد 50 يوم كافية جدا

    __
    الرخصة الدولية اللي من مكاتب السفر, لو معك رخصة امريكية راح يقل الاجار عليك بشكل كبير, بس لازم الرخصة الدولية ويفضل السعودية معها خصوصا اذا كانت الجديدة
    ___
    السكن مايحتاج غالبا حجز,, بس الحجز ارخص لك,, وممكن تستفيد من موقع اكسبيديا بهالخصوص
    على فكرة, فيه موتيلات بكل امريكا اسمها بست وسترن, ميزتها ممكن تشترك معهم وكل مانزلت عندهم يعطونك نقاط بعدين ممكن تستبدلها بسكن كذا ليلة مجاني
    ___
    بالنسبة للقطية :109: صحيح كل ماكثرتو كل ماقلت لأنكم تتقاسمون اشياء كثيرة مثل الفندق والبنزين واجار السيارة

    __
    بالنسبة للخطة,, مدري بس اشوف انكم تقسمون الاماكن من ناحية نوعها, مثلا مدن/: نيويورك-واشنطن- سانفرانسيسكو- شيكاقو- الخ ,,,,,,, حدائق ومنتزهات للتخييم فيها National Parks مثل يوزميت ناشونال بارك في كاليفورنيا,, يلوستون ناشونال بارك في وايومنق, الخ,,,,,, اماكن طبيعية جميلة مثل قمة البيرت اعلى قمة في امريكا الشمالية في كولورادو- شلالات نياقارا- وادي القراند كانيون العظيم في اريزونا ,,,,,,, اماكن للترفيه مثل ديزني لاند -سكس فلاقز - الخ
    عموما لعل هالموقع يساعدك واكرر انا ماني خبير والاخوان بيفيدونك اكثر مني
    http://www.usatourist.com/english/ti...toftheusa.html
    http://www.usaweekend.com/03_issues/...ingtravel.html

    وعموما ممكن تشوف لك منتديات الخواجات لأنهم اعرف بديرتهم وتخطيطهم ممتاااااااااااااز جدا بالعادة

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    رد: في الستيتس عطني رايك

    انزين ليش ما تفكر انك تشحن لك سيارة على اميركا.....

    يعني بدل ما تستأجر وكذا تكون السيارة متوافره وما بتكلفك غير تكاليف الشحن والبترول (( اقتراح بسيط لا اكثر ))

    ومثل ما قلت رصيد الاجازات بعد يبيلها شغله..... وين منرتب لنا اجازات 50 يوم ورى بعضها..... حساد ما يعطونا غير شهر ^_^

    خبرني بآخر مستجداتك وتطورات الرحله

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    رد: في الستيتس عطني رايك

    على طاري الشحن واحد من الربع اشترى سياره من بوستن وكلفته في االشحن ١٠٠٠ ريال لان الحاويه الوحده تشيل سيارتين يعني انت تاخذ الحاويه وتقدر تشحن عليها سيارتين بمبلغ ١٠٠٠٠ ريال ولو حصلت واحد من ربعك بيشتري بعد سياره تدفع بس ٥٠٠٠ويشحنون السياره الى ميناء جبل علي في الامارات في حوالي ٤٠ يوم في البحر

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    رد: في الستيتس عطني رايك

    ها شو صار على الرود تريب؟!! ^_^

    منو لسه معزم على الرحله ومنو غير رايه ومنو المشتركين الجدد؟!!

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    رد: في الستيتس عطني رايك

    والله يالجوكر انا خربتها .. نويت اروح لامريكا سنتين اخذ ماستر .. حجه وحاجه .. ادرس وسط الاسبوع وبالويكندات ادعس على اقرب ولايه حولك .. ويمكن بإجازة الصيف بعد .. الرياض مهي طايره :d

    الله يسهل هالروحه ... شوفولي اللي يعرف ماستر في إدارة الجودة في أمريكا .. بشرط تكون جامعه كويسه وبولاية بنت أوادم .. ما نبي عنصريه وقلق ..!


    شاكر لكم

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    رد: في الستيتس عطني رايك

    حبيبي في شركة اسمها تربل اي Aaa
    تنظملك الرحله و تعطيك اكثر من خط سير وتنصحك بفنادق و الاماكن السياحيه
    وفي موضوع احد الاخوان منزل خط سير الرحله اعتقد انه راح يفيدك للغايه

    فنادق عطلات


+ الرد على الموضوع

المواضيع المتشابهه

  1. ناويه اسافر المانيا والنمسا لمده اسبوعين
    بواسطة Robot في المنتدى بوابة السفر إلى المانيا | ميونخ | برلين
    مشاركات: 8
    آخر مشاركة: 01-30-2015, 04:08 PM
  2. وقف عطنى رايك
    بواسطة Robot في المنتدى بوابة السفر إلى مصر Egypt
    مشاركات: 2
    آخر مشاركة: 01-23-2015, 03:23 AM
  3. بين التشيك واليونان ورومانيا وش تختار ؟ عطني رايك
    بواسطة Robot في المنتدى بوابة السفر الى دول أوروبا الأخرى
    مشاركات: 5
    آخر مشاركة: 01-16-2015, 12:46 AM
  4. ابي فندق شبابي في بانكوك
    بواسطة Robot في المنتدى بوابة السفر إلى تايلاند Thailand
    مشاركات: 3
    آخر مشاركة: 01-15-2015, 11:04 PM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X