السلام عليكم .. صباح الخير الجميع ..
الوالد خذاله جوله في الولايات المتحده بالسبعينات .. وانا ودي اجدد هالجوله اخليها جوله ألفينيه إذا الله أراد ..
لكن المشكله ان عندي نقص كبير في المعلومات عن هالديره .. اللي ابيه من الله ثم منكم انكم تقترحون علي:
1. خط سير رحلة برية تستمر لمدة 50 يوم في الولايات المتحدة .. وش الديار اللي أمرها ووين ابدا ووين انتهي .. خارطة الطريق يعني .. ومن وين اجيب خرايط الديره؟
2. المركبة المقترحة .. كرفان؟ استأجر سياره؟ اشتري سياره؟ ..
3. السكن .. موتيلات ولا أوتيلات ولا كرفان بارك ولا وشو .. ؟
4. أنسب وقت للقيام بهالرحله متى! بأي شهر؟ وليه؟
5. العدد المناسب للشله اللي تروح .. حالياً انا مو ضامن ولا واحد وهنا المشكله!! بس كم العدد المفترض لهالرحله؟ واذا طلع معنا واحد ماله علاقه باللغه الانجليزيه .. بيمشكلنا؟ تعرفون بعض الربع ملاقيف شوي ..
6. راس مال الرحله كم .. وكم اخذ معي كاش وأي نوع من البطاقات الائتمانيه احتاج .. الفيزا والماستر اللي مصدره من خارج الولايات المتحدة وبالتحديد من السعوديه تشتغل هناك؟ .. وهل ينصح فيها؟ .. ولا اطلع امريكان اكسبرس احسن؟ وليه؟ ...
7. التأمين الصحي والأدويه .. انا معي قولون .. اقدر اخذ حبوبي معي؟
8. أنا رجال امشي واشتري .. واخاف اشتري واشتري واتوهق باللي شريته اما بالشحن واما بالنقل .. وش الحل؟ علماً بأني مشترك في خدمة Shop&Ship من أرامكس وبالتالي عندي عنوان بريد في نيويورك اي شي يوصله يجي للرياض!.. وش رايكم؟
9. السفاره الامريكية تساعد في هالامور؟ السياحه أقصد .. وكيف؟
اعتبر نفسك مدرس أو مدرسه وانا باخذ نوتات .. عطني كل الللللي في جعبتك ولا عليك أمر ..
إذا فيه أسئله أغفلتها أتمنى منكم ذكرها لي ..
مع وافر التحية
سـعـدمواضيع عشوائيه ممكن تكون تعجبك اخترناها لك:
- ممكن معلومات عن كرنفال بفلوريدا
- رحلة شهر العسل الى امريكا
- مخالفة مرورية
- حريق هائل في
- أستفسار ومساعده بخصوص الفيزا
- جواز ابني باقيله سنوات
- موضوع مهم الجيلاتين المستخرج من الخنزير في الحلويات
- مساعده اذا فيه احد في نيويورك الان
- انا عايز مساعدة من الاخ امباكت ضرورى
- استفسار عـــــــــــن مدة الجلوس في امريكا ؟؟؟
- إستفسار الشعب الأمريكي
- استفسار الفيزا
- للخبره والمساعده ضروري ضروري
- بخصوص طيران جت بلو حجم الحقيبه
- واشنطون دي سي
- محتااااااااااااااااااااااااره ساعدوني بليز
- بخصوص الأبلكيشن والسيفس
- الاخت بنت الصقور والاخ ناصر الكويتي ارجو المساعده
- رحله صيفيه عائليه الى كاليفورنيا
- اللة يحلل مطار لوس انجلس عنددددددددددد
المفضلات