السلام عليكم .. صباح الخير الجميع ..
الوالد خذاله جوله في الولايات المتحده بالسبعينات .. وانا ودي اجدد هالجوله اخليها جوله ألفينيه إذا الله أراد ..
لكن المشكله ان عندي نقص كبير في المعلومات عن هالديره .. اللي ابيه من الله ثم منكم انكم تقترحون علي:
1. خط سير رحلة برية تستمر لمدة 50 يوم في الولايات المتحدة .. وش الديار اللي أمرها ووين ابدا ووين انتهي .. خارطة الطريق يعني .. ومن وين اجيب خرايط الديره؟
2. المركبة المقترحة .. كرفان؟ استأجر سياره؟ اشتري سياره؟ ..
3. السكن .. موتيلات ولا أوتيلات ولا كرفان بارك ولا وشو .. ؟
4. أنسب وقت للقيام بهالرحله متى! بأي شهر؟ وليه؟
5. العدد المناسب للشله اللي تروح .. حالياً انا مو ضامن ولا واحد وهنا المشكله!! بس كم العدد المفترض لهالرحله؟ واذا طلع معنا واحد ماله علاقه باللغه الانجليزيه .. بيمشكلنا؟ تعرفون بعض الربع ملاقيف شوي ..
6. راس مال الرحله كم .. وكم اخذ معي كاش وأي نوع من البطاقات الائتمانيه احتاج .. الفيزا والماستر اللي مصدره من خارج الولايات المتحدة وبالتحديد من السعوديه تشتغل هناك؟ .. وهل ينصح فيها؟ .. ولا اطلع امريكان اكسبرس احسن؟ وليه؟ ...
7. التأمين الصحي والأدويه .. انا معي قولون .. اقدر اخذ حبوبي معي؟
8. أنا رجال امشي واشتري .. واخاف اشتري واشتري واتوهق باللي شريته اما بالشحن واما بالنقل .. وش الحل؟ علماً بأني مشترك في خدمة Shop&Ship من أرامكس وبالتالي عندي عنوان بريد في نيويورك اي شي يوصله يجي للرياض!.. وش رايكم؟
9. السفاره الامريكية تساعد في هالامور؟ السياحه أقصد .. وكيف؟
اعتبر نفسك مدرس أو مدرسه وانا باخذ نوتات .. عطني كل الللللي في جعبتك ولا عليك أمر ..
إذا فيه أسئله أغفلتها أتمنى منكم ذكرها لي ..
مع وافر التحية
سـعـدمواضيع عشوائيه ممكن تكون تعجبك اخترناها لك:
- مشكلة في تحديد موقع المقابلة
- هل القطار افضل والا الباص من بوسطن لنييورك؟
- سياحه في نيويورك وحولها يوم
- تفصيل الجينزات ، استفسار ؟؟
- من افضل تركيا او امريكا
- بطاقة الفيزا او الماستركارد
- المساعدة يا اهل الخبرة في الفيزا
- هل هذا الموضوع صحيح أرجو الرد
- الرجاء الدخول من عرب هيوستن الكرام
- لاس فيجاس
- أبنى سيعود لوحدة من امريكا ولكن جوازنا واحد
- أفيدوني بمعلومات
- في مطار امريكا هل يتم التفتيش على برامج الجوال
- هل توجد رحلة من امريكـا الى السعودية
- فيزا أمريكا بجوازي القديم
- تغيب عن المنتدى لمدة ايام
- أريد مساعدة عاجلة جزاكم الله خير
- أحسن ولايه دراسه جامعيه
- ساعدوني في اختيار شركة الطيران المناسبة
- سؤال عن السموكي ماونتن smoky mountain
المفضلات