السلام عليكم ورحمة الله وبركاته ..
مساء البارحة عدت من الكويت وقضيت ليلة ونصف كانت جميلة و ( متعبه) كذلك
طبعا
صحيت الساعه 9 صباح يوم الاحد ( مانمت الا 2
فقررت اني امر البنوك واخذ الفلوس
طبعا ساعه كامله او تزيد فريت خمسة بنوك ولا عندها تحويل
تصدقون بغيت اكنسل الرحله بكبرها
بالاخير حصلت محل صرافه
وحولت 1500 ريال الى دينار كويتي واخذ علي الدينار ب 13.3 .. وش رايكم كذب علي ولا لا
وصلت على 2 الظهر وسكنت بفندق أيبس على شارع سالم المبارك الليلة ب 30 دينار بعد بحث متواصل قرابة الساعه الكامله
الفندق نظيف موقعه ممتاز جدا يعيبه المواقف
ويعيبه صغر حجم الغرف مثل ما ذكروا لي الاخوان
يوجد به واير لس مفتوح
والقنوات للاسف بس 32 قناه ليش مدري
طبعا النوم كان هو مشكلتي فما نمت تمام وهذا اللي لخبط رحلتي بصراحه
ولا انسى لفتي لخمسة بنوك كما ذكرت
وصلت دااااايخ للغرفه
بس جو الكويت كان روعه بحكم اطلالة الغرفه على شارع الخليج
ذهبت للمارينا على المغرب ادور لي مطعم وبصراحه ما جاز لي شيء
واعجبني الجسر المعلق على امتداد شارع العرب
رحت بعدها لسوق شرق وعلى ماكدونالدز
بعدها للشقه
نمت ساعتين وصحيت بس قبلها دق باب الغرفه واحد من العاملين بالفندق وكنت على بداية النومهوخربها من جد
رحت الابراج جلست لي ساعه تقريبا وبعدها رجعت للغرفه
ولا جاني النوم بس دايخ
وشلون فسروها
طبعا شفت لي فلم ب سوبر موفيز ولا فيه فايده
طلع النور ورحت لشارع المطاعم واخذتي لي وجبه من كوردو
ورجعت نمت ساعتين
ثم رحت ل المركز العلمي ماطولت فيه
والفيشه اللي ماعرفت معناتها من المصري البواب الله يهديه
بعدها رحت للافينوز وطوالي على السينما
اخذت فلم اسمه 7 باوند لممثل معروف مدري شنو اسمه
بس ع فكره الفلم باااااايخ
ولفت انتباهي ان سعر الفلم ب 3 دينار وسوق شرق ب 1.5
بعدها رجعت لفندق اسوي شيك اوت واخذ التامين تبعي 10 دينار
رحت بعدها اتغدى على الساعه 4 في ميس الغانم وكان زحمه بصراحه
طلبت لي مشاوي على حمص رز ( وشلون تجي مدري
وانا طالع كان الجو عاصف وهواء شديد ( وش رايكم بالجمله متعوب عليها
المطعم بشكل عام راقي ونظيف والاكل اعطيه 7/10 .. بكيفي اقيم على مزاجي
بعدها
حبيت ازور اقاربي ب ضاحية صباح السالم
ومسكت طرق الين وصلت الضاحيه لكن انا جيتها بطريق الملك عبدالعزيز وضيعت وطلعت منها وامسك هالخط الين وصلت للفحيحيل وقفلت معي لاني قربت من المنفذ
واسأل واحد قال طريق الملك فهد بالجهه الثانيه واروح له وارجع للضاحيه
جلست قرابة الساعه
وتوكلت على الله الى السعوديه وكان الجو غبار وخطر بصراحه ..
وبكذا انتهت هالرحله
=============
===========
شكر خاص جدا لموقع العرب المسافرون وخاصة بوابة الكويت اللي والله ما قصروا معي من خلال موضوعي اللي كتبته وبالاخص المشرف ضاري والاخت نوره ( اعتقد هذا اسمها والله ناسي
فكل ما الاقي شيء اتذكر هالموقع فالف شكر لكم
=============
=============
موقف مضحك ..
طبعا انا من الناس اللي يحب شيء اسمه ماااااانجو
وعلى شارع الخليج كنت من اول ليله امر على لوحه مكتوب عليها فريش مانجو ( اعتقد هذا اسمه )
وقلت لازم امرررررره
ويوم قربت منه
بالاخير طلع
قهوه ومعسل اعتقد
تحطييييييييييييم صح
===============
============
ادري ان التقرير كثير كلامه ولا له سنع
وكان ودي اصور بصراحه لكن غلطتي ما جبت لي كاميرا فهي والله مهمه وقبل كذا لا عاد احد يسافر وهو ما ناااااااااااااام
=====
===========
مع السلامهمواضيع عشوائيه ممكن تكون تعجبك اخترناها لك:
- تجربتي ببراون توميتو
- ممكن جدولة لرحلة للكويت لمدة ثلاث أيام الاربعاء والخميس والجمعة
- لو سمحتوا أبي محل مساج نسائي بالكويت
- كيف اسعار العود والبخور في الكويت
- الساندوتشات فى مطاعم الكويت
- شحن من الكويت الى الظهران
- خبيرات الكويت ارجو المساعده
- برج الحمرا المول
- ابغى شاليهات ع البحر
- «أمريكانا» تدشن «رد لوبستر» في «الغراند أفنيو»
- استفسار ؟
- ياجماعة داخل على الله ثم عليكمويارب ماتخيبون ظني
- مارينا ، موفنبيك ، هيلتون ، ميسوري ،ماريوت ، شيراتون أي فندق ترشحون
- الزيارة الخاصه للولوة الخليج للمرة الاولى من
- استفسار؟؟؟
- فزعتكم يآ أهل الكويت
- تحياتي لكم يا اهل الكويت
- استفسار لأهل الكويت عن عروض مسرحيات طارق العلي
- الى الاخ المستحيل
- جاى ومشارك بمعرض بارض المعارض بالكويت
رد مع اقتباس
المشاركة الأصلية كتبت بواسطة ترافلز مان
المشاركة الأصلية كتبت بواسطة كويتية وافتخر
المفضلات