الموضوع: اللي عندة الجواب الشافي عن استراليا

انا بروح لالستراليا انشاء الله وراح تكون الرحله من الرياض كوالالمبور بعدين استراليا
اللي ما اعرفه هو اول اروح لسدني ولا جولد كوست واذا جيت ارجع فيه مطار دولي في جولد كوست يرجع لكوالا لمبور اذا كانت جولد كوست الثانيه

وبالنسبه للاماكن السياحيه اللي قلتو عنها تجربه الطائره الشراعيه والحربيه والمروحيه وشلون ابي التفصيل لوسمحتو وكم تستغرق الرحله

ومزرعه الفواكه وبردايس كونتري كم تستغرق الرحله من الوقت وهل في البردايس كونتري ركوب الخيل للي يستعرضون فقط ولا لزوار

والشواطئ اللي في سدني وش فيها مميز عشان اروح احجز يعني ماهي مفتوحه واروح من الفندق ع الشاطئ كذا على طول
مع العلم اني ما احب الكروزات يعني السفن ورحلاتها احس انها ممله

واسف ع الاطاله
وشكرا وانتظر الرد

مواضيع عشوائيه ممكن تكون تعجبك اخترناها لك:

• طيران الامارات فى مطار برزبن
• أرجو المساعده
• بليييييييييييييز أفيدوني
• استفسار عن استراليا ولكم جزيل الشكر
• الوقت اللازم لاستخراج الفيزاء الاسترالية
• احتاج مساعدة الخبراء
• ما رايكم في شقق في جولد كوست
• استفسار عن الدليل وال
• الفيزا الأسترالية السياحية والدراسية و الترانزيت
• ميزانية أستراليا كم تكفي؟
• تحويل الاموال
• سؤال
• اريد اسافر استراليا في شهر شورايكم
• اااااااااااااااابي حل ضرررروررررري
• مواقع استرالية
• أنقذوني أسعار التذاكر إلي كرايس تشير فما الحل
• فندق مطار سنغافورة
• صلاحية الفيزا
• ساعدوني بالنسبة إلى الشحن إلى أستراليا
• شقراوي في استراليا سيدني بالصور

السلام عليكم ,,,

عزيزي .. تريح نفسك .. بإمكانك الذهاب من كوالالمبور ألى بريزبن .. وتستغرق الرحلة تقريباً سبع ساعات ونصف ... وبرزبين مدينة جميلة جداً .. بإمكانك البقاء فيها يوم للراحة .. ومن بعدها الذهب لجولد كوست حيث تبعد ساعة تقريباً بالقطار ... ومثلاً إذا رحلتك لأستراليا مدتها 20 يوم .. أنصحك بقضاء 10 أيام في جولد كوست ولن تشهر فيها بالملل بالإضافة أن الحياة فيها تمتد لمنتصف الليل بعكس باقي المدن ...

ومن جولد كوست بإمكانك الذهاب ألى سيدني .. ومن سيدني ألى جولد كوست ثم العودة عن طريق مطار بريزبن الدولي ....

للمعلومية .. وضعت لك هذا المخطط لأن حسب علمي مطار جولد كوست ليش دولياً ... والله أعلم .. وإذا المعلومة غلط ياليت تصححونها لي ..

تحياتي

عزيزي sfsf

انصحك بالوصول الى سيدني اولا في البداية والبقاء فيها 3-4 ايام،وحاول انك تذهب لمنطقة السيركلر كي وركوب الفيري "سفن صغيرة لتوصيل الناس للجزر المجاورة لسيدني"، وايضا اركب الهيلوكوبتر من عند المطار تاخذك في جولة لمدة نصف ساعه فوق سيدني والجزر المجاورة لها، بالاضافه الى رحلة blue moutians ، بعدها توجه الى قولد كوست واستعد انت وأهلك لرحلات المرح و "الرجة"، مثلا لايفوتك رحلة القارب الي يمشي بسرعة عاليه في البحر ويبدا "يفحط" فيكم يمين ويسار ، وما تخلص منها الا وانت كذا :110: بس اذا رجعت الفندق بتتذكرها وبيكون شعورك كذا :115: :113: ،
عموما قولد كوست فيها رحلات واااااااااااااجد "الى الليل على قولتهم" بس رتب وقتك وحط لك جدول كل يوم وشبتسوي فيه من أول يوم توصل واحجز واشتري الفاوتشر من بدري،
بالنسبة لرحلة مزرعة الفواكه، انا عجبتني كثير كثير وتستغرق تقريبا تقريبا مهي اكثر من خمس ساعات، ولا يفوتك طبق الفواكه الي يسوونه لك في الاخير ، أما رحلة الكونتري برادايس فيها متعه كبيره ايضا، تشوف الريف الاسترالي وكيفيه تربية الاغنام وحلق صوفها "بلا بلا بلا" بس بالنسبة لركوب الخيل ما يركبونك الخيل ضمن الرحلة ، حيث ان ركوب الخيل فقط للاستعراض من قبل المدربين، لكن ما اتوقع يمانعون ابد ابد لو تبي تركب، انت طلب منهم هالشي وصدقني مارح يقصرون ، اما بالنسبة لرحلات الطيران انا بصراحة ما جربت الا Barasailing او القارب الي يجر البرشوت في البحر وتكون انت متعلق في البرشوت مع حرمتك ، متعة بس فيها ملاحضه اذا كنت فوووووووق والقارب يجرك من تحت راح تحس بهدووووووووء عجيب مارح تسمع ولا صوت ، حتى صوت القارب الي يجرك ، وكان ودي اجرب ال Ski Diving بس ما قدرت لاني ما عرفت وين اخلي المدام اثناء قيامي بالرحله اضافة الى ان المدام ما شجعتني "خايفه علي طبعا ".

ختاما انصحك تجرب الكروزات من قزلد كوست خاصة الي تستمر رحلتها الى اخر الليل وانت في المحيط "ظلااااااام دااامس وهدووووء وروقاااان " خاصة اذا طلعت انت والمعزبه على ضهر السفينه وجلستم جلسه رومنسيه لحالكم

يالله تمنياتي لك بالتوفيق.

اول شئ مطار قولد كوست ما هو دولي
ثاني شئ القولد كوست تنام من الساعة خمسة ونص تقريبا
كل المحلات تسكر
يعني اللي باقي في راسه صهللة يروح للسرفرس برادايس
العالم هناك والتماشي في الليل هناك
وبرضه مطاعم شغاله لحد الساعه 10 في غير الويك إند
وبرضه فيه محلات 24 ساعه هناك
بس خطة السير حقتك روعة واسال مجرب
ريح في كوالا لمبور ليلة ومنها على برزبن ومنها عالقولد كوست وعيش حياتك هنا

مشكورين وماقصرتو

الاخ جولد كوست وش تقصد بBarasailing
وبعدين يصلح يركب اثنين سوا في البراشوت اللي ينجر بواسطه القارب

ومشكورين ع الرد

الرحله عباره عن 4ايام سدني او 3ايام و5 ايام جولد كوست ويمكن اكثر بيوم يومين

والاخ جولد كوست الفاضل رحله الكاوبوي كم تستغرق من الوقت
والبلو ماونتن وش عباره عنه وكم تستغرق من الوقت
والهليكوبترات موجوده في سدني وجولد كوست
وشكرا وناسف ع الاطاله

ايه بعد نسيت الجسر اللي في سدني يصلح الواحد يتسلقه ومعه زوجته وهي محجبه ولا لا لاني سمعت انهم يلبسون ملابس خاصه ياليت تجاوبوني

هلا اخوي ال barazailing أو BARASALING هو اسم الرحلهالي فيها لقارب يجر البراشوت ، وطبعا الباراشوت يشيل شخصين "يعني انت والمعزبه"
رحلة الريف تقريبا تاخذ نهار كامل من الصباح وترجع قبل الى حول الساعة 4 عصر تقريبا، والبلو ماونتن رحلة من سيدني يودونك لمنطقة جبال اسمها كذا وتشوف فيها مناضر عجب وشلالات وتطلع في حاجه زي التلفريك من بين الجبال هذي، والهليكوبترات موجوده في سيدني وقولد كوست، في سدني تركبها من منطقة قريبه من المطار ، طبعا هم يجونك الفندق بالباص حقهم وياخذونك ويودونك هناك انت بس طلع الدراهم وأمرهم أمر ، وبالنسبه لقولد كوست ما طلعت الهلكوبتر الي فيها لاني حسيت ان الهليكوبتر في سيدني احلى لان فيه ابراج وعماير طوال تمر الهلكوبتر من عندها، عموما في قولد كوست تقلع الهلوكبتر من السي وورلد .، بالنسبه للجسر الي في سيدني ممكن تركبه زوجتك وهي متحجبه "مغطيه شعرها او وجهها" بس ما يخلونها تلبس العبايه ولا البالطو لان فيه لبس خاص موحد لازم كلهم يلبسونه. بس بصراحه انا ماركبتها لاني ما اقتنعت فيها مدري ليه احسها عاديه !!!،

يالله الف مبروك ومنك المال ومنها العيال واي اسأله احنا جاهزين بالي نقدر عليه

اهلين
اشوف تروحي اول شي لسيدني وتقضي فيها الوقت المقترح ومنها على القولد كوست وومن القولد كوست خذو لكم يومين في بريزبين والله تستاهل ومن مطار بريزبين ارجعوا لكوالا لمبور ...خلو محطتكم الاخيرة القولد كوست.
اذا رحتوا لبريزبين مطارها سلموا لي عليها واذا شفتوا اي قدامكم سلمو لي علية القطار والسنترال والسوق والتووانق واهل التوانق و لوشيا قاردن واهل لوشيا قاردن وكوينز لاند واهلها وطلابها والساوث بانك هههههههههههههههههه
ههههههههه
اسفة و الله تذكرت الغالية ونسيت نفسي شكلي طلعت عن الموضوع مرررررررررررةهههههه

أختي طيف الورود نصيحتك في محلها :107:

الطريقه الي قلتيها هي الطريقه الي وزعت فيها اقامتي في استراليا بالضبططط ، ماشالله شكلك تموتين في بريزبن على فكره هل جربتي المطعم التركي المشهور الي على الساوث بانك ؟

تحياتي

اهلين اخ / قولد كوست ........ولو ذي بريزبين مو اي مكان آخ بس لو اني رجال كان تلاقوني هناك على مدار العام اقصد على مدار العمر..................

للاسف مازرت المطعم اللي في الساوث لاكن اكلت عند الاتراك اللي في القولد كوست والهندي كمان اللي في القولد كوست عندة برياني بحياتي ماذقتة والباكستاني اللي في منطقة اندروا بيلي آآآآآآآآآخ بس ليش ترجع لي الذكريات اللي مستحيل انساها والا (الهنقري جاكز) عندة ساندوتشات احلم فيها لليوم و (كباب)آخ بس آخ .......ههههههه رجعت لي الحالةههههههههههاسفة خرجت عن الموضوع....بس والله ذي بريزبين ياناس.

مشكورين لله يجزاكم الف 1000خير
ويسعدكم ع الرد و الاهتماتم

ههههههه أختي طيف الورود شكلك تموتين في الاكل مشالله لا اله الا الله
معليش بصراحه ما ودي اقلب المواجع "الذكريات" بس أسمحي لي اقول لك وبكل صراحة انه فاتك المطعم التركي الي على الساوث بانك في بريسبن، من جد من جد كل المطاعم هذي في كوم، مع اني ما عرفت اكثرها والمطعم التركي هذا في كوم ثاني واواواواووااووو، عليه حتة أكل إنما أيه، وبالذات الفطاير التركيه الي يسويها ما عمري ذقت زيها هنا،

بس الغريب انه بالنسبه لي مدينة بريسبن ما عجبتني واجد، يعني اتذكر اني ايام شهر العسل طلعنا من قولد كوست الى برسبن بسيارة اجار وكانت اقامتنا فيها اسبوع في فندق الهلتون الي قريبمن الساوث بانك، بس ملينا منها بسرعه وما كان مصبرنا الا المطعم التركي، كنا نروح يوميا نتغدى فيه وندق السلف وعلى قولد كوست وما جاورها نقضيها رحلات وتسوق وما نرجع الا أخر الليل لبريسبن وكنا على هالحال لمدة اسبوع !!

يالله تحياتي