الموضوع: أستشاره لاهل استراليا

السلام عليكم ورحمة الله وبركاته...

اخواني انا انوي ان ازور استراليا في شهر يونيو لمدة 20 يوم تقريبا (شهر عسل) وعملت بكج ...

على خطوط طيران الخليج الى سنغافوره ومن ثم على الكوانتس الى ملبورن.... وجميع التنقلات الداخليه بين ملبورن وجولد كوست وسيدني على خطوط الكوانتس.

ووزعتها حسب التالي :

4 ايام ملبورن الفندق جراند حياة
12 جولد كوست الفندق ليجند
4 ايام سيدني الفندق كراون بلازا دارلنغ هاربر

طبعا شامل وجبة الفطور والتنقلات من المطار الى الفندق والعكس....

طبعا كامل البكج طلع تقريبا 000و23 ريال سعودي....

الاستشاره ... هل التوزيع جيد ... والفنادق كيف وضعها .... والسعر .. هل معقول ام غالي...ارجو افادتي...مشكورين وما تقصروووووون....

مواضيع عشوائيه ممكن تكون تعجبك اخترناها لك:

• الاتحاد للعطلات تطلق أول عروض ترويجية إلى ملبورن
• القطار في أستراليا
• تفضلوا عناوين مطاعم عربيه في سدني
• أرجو المساعدة و الأفادة لو تكرمتم
• رحلتي الى عـــــــام
• خبراء كرايتسشرش فزعتكم؟؟
• أفضل فنادق من فئة الثلاث نجوم في أديليد
• استفسار هام بخصوص الحجاب واللغة في استراليا
• ياخبراء يامشرفين افيدوني
• نداء الي الخبراء في السفر الي استراليا
• تكفون ابي فزعتكم
• بحاجه مساعده
• بريسبن لؤلؤة أستراليا السياحية الجديدة
• لخبراء استراليا
• بشان بطاقات الصعود الى الطائرة
• عاجلاً إلى خبراء أستراليا
• من لا يشكر الناس لا يشكر الله
• سؤال
• استفسار على آمل الافادة
• دليل استراليا السياحي المبسط

وعليكم السلام والرحمة والبركة ...

أول شي اخوي الف مبروك مقدماً والله يطرح لكم السعادة ...

المدة جداً ممتازة 20 حلوه وان شاءالله ناوي اسافر لأستراليا لكن موب بالصيف وحاط في بالي من 20 - 30 يوم وكان توزيعي على المدن لو رحت 20 يوم هي كالتالي :
- 5 ايام في سدني فندق " http://www.westin.com.au/" .
- 5 ايام في جولد كوست فنقد " http://www.palazzoversace.com.au/" .
- 5 ايام في ملبورن فندق " http://www.crowntowers.com.au/ " .
- 5 ايام في كايرنز " http://www.hilton.com/en/hi/hotels/i...tyhocn=CRNHITW " .

اما لو بزيدها فراح اتوجه لنيوزلندا او أحد الجزر القريبة مثل فيجي أو غيرها ..

السعر اخوي جداً جميل ومناسب هذا برأيي وانا اعطيتك برنامجي ولو عندي خبره بقولك ...

تمنياتي لكم برحلة وزواج سعيد .

تحية وتقدير
أخوك
هشام

مشكوووووووووور أخوي هشام على ردك ...

بس حبيت اسئل عن افضل الاماكن اللي ممكن ازورها تكون مناسبه لاشخاص حديثي الزواج (شهر عسل) في ملبورن او جولد كوست وسيدني...

ولكم تحياتي..

السلام عليكم ...

التوزيع ممتاز ... وصدقني الـ 12 يوم ألي راح تجلس فيهم في جولد كوست ماراح تحس فيهم ..

والله يوفقك ..

تحياتي لك

ممتاااااااااااااز البكج والمدة والسعر
Go Ahead :107:

على فكرة فندق ليجند في قولد كوست ، انا سكنت فيه مع العايله، وكان جدا ممتاز بصراحة، ميزة غرفهم انها واسعة مره، تحس انك في شقة، بعدين الغرف فيها بلكونات مرتبة، بس حاول ان الغرفه تكون خلفيه عشان يكون فيه اطلاله ولو بسيطة على المحيط، وايضا يتميز الفندق ان فيه غرفة غسيل ملابس، غسالات ويرلبول الامريكيه الي تحط فيها كوينز وتغسل ملابسك بنفسك ، اضف الى ذلك ان موقع الفندق ممتاز وترى قدامة شركة تأجير سيارات يونايتد كارز، استاجرت منها سيارة لمدة اسبوع مترت فيها قولد كوست وبرسبن والمناطق الي حولهم ، عموما حاول انك ترتب وقت صح في قولد كوست عشان تقدر تلحق على اكثر الرحلات والتورز وتنبسط اكثر ،
يالله تمنياتي لك بزواج مبارك وبالتوفيق

مشكوووووورين اخوي رحال قطر ... وقولد كوست...

طيب اخوي قولد كوست وايش وضع باقي الفنادق اللي اخترت .؟؟؟ وبالنسبه للوقت انا بكون في قولد كوست في اول July تقريبا ....

[align=center]وعليكم السلام ورحمة الله وبركاته

الف مبروك الزواج. والله يسعدكم ويرزقكم الذريه الصالحه.

سبحان الله، نفس توزيع البكج اللي عملته السنه الماضيه:
4 ايام سيدني
12 يوم جولد كوست
4 ايام ملبورن

وكلفني البكج 19,200 ريال !!!

بس في فرق انه ما كان شامل الفطور
والفندق اللي سكنت فيه في ملبورن اسمه رامادا (4 نجوم)
بينما الفندق اللي اخترته حضرتك جراند حياة (5 نجوم)

نصيحتي اذا تقدر تغير الفندق الى رامادا او هوليدي ان، وتلغي الفطور، علشان توفر كثير.
وصدقني، فنادق الـ 4 نجوم في استراليا ممتازه ونظيفه، وبالنسبه للفطور عندك المقاهي والمطاعم منتشره في كل مكان... في سيدني تختار لك جلسه على الهاربر.. منظر ولا أروع، وفي جولد كوست المطاعم على البحر... جلسه ترد الروح... وهكذا
بينما فطور الفندق راح تكون محكوم بوقت معين (غالبا الى الساعه 10 صباحا) ومكان واحد ما يتغير، وراح تمل مع الوقت... خصوصا في جولد كوست (12 يوم)

هذا رأيي الشخصي والامر راجع لك
اتمنى لك سفره ممتعه وذكريات جميله لا تنسى :107:


-------------------------------------

مشرفنا العزيز هشام

ما شاءالله تبارك الله برنامجك ممتاز
خصوصا انك اضفت كايرنز الجميله للبكج :107:
كان ودي ازورها بس الميزانيه كانت محدوده :110:

وانصحك تضيف 5 ايام اخرى لـ جولد كوست، ففيها الكثير من الرحلات والاماكن السياحيه.
وبالنسبه للفنادق، فأختيارك رائع... اذا الميزانيه جيده.
اما اذا حبيت توفر، فعليك بفنادق الـ 4 نجوم فهي نظيفه وممتازه ، مثل ما ذكرت للاخ

تحياتي[/align]

انا اتفق مع اخي فتى الشرقيه 100% بالنسبه لفنادق استراليا الاربع نجوم تعتبر مثل الخمس نجوم في اوروبا صدقني، وبالنسبه للفطور في الفندق ماله داعي لان وقته محدود بعض الفنادق يقفلن البوفيه تسع ونص ، وانت اصلا بتكون عريس يعني قابلنيييييي انت تقوم بدري عشان فطور ، وثاني شي السعر يقل كثير اذا الغيت الفطور.

وبالنسبه لباقي الفنادق بصراحه لا اعلم، لكن شكلها ممتازه ماشاء الله من اسمائها بس اهم شي مواقعها، مثلا في سدني احرص ان الفندق يكون حول الدارلينق هاربور، وبالنسبه لشهر 7 في قولد كوست ، الجو في قولد كوست غير عن سيدني تماما، في النهار جو حلو وتقدر تلبس تيشيرت لكن انصحك دايم يكون معاك جكيت في يدك تحسبا للضروف، لانه اوقات يهب هوا بارد خاصة اثناء الرحلات في الجبال او في البحر، وبالنسبه للجو في الليل فهو بااارد ولكن مو ببرودة سيدني بس عموما الجو بيكون شتا لكنه مقبووول جدا جدا ومشمس في النهار

اخوي فتى الشرقية

والله لاحظت مشاركاتك عن استراليا وتركيزك الكبير على الجولد كوست بمدة أطول ...
كان بودي اني ازور أكثر من مدينة في أستراليا والإقامة فيها خمس ليالي يمديني أمر أجمل مافيها ...

وإن شاءالله إذا فيه أجازة زيادة فما عندي مشكلة وقلت من أول شي لو بقدر على شهر إجازة بجلس شهر ولو اقدر اكثر برضه ماعندي مانع لأني ودي اسافر غير عن استراليا ...

ومسألة الفنادق والله أدور على الأفضل ولو عندك خيار أفضل من اللي انا حاط ياليت تخبرني ...

تحية وتقدير

مشكووووووووورين يا شباب على الردود وبصراحه شوقتوني للسفره .....

اخوي فتى الشرقيه بالنسبه لوضع فندق رامادا اللي سكنت فيه ... كيف انا بصراحه ما حصلت له اي بروشور ولا موقع في الانترنت .... ووين سكنت في جولد كوست ... وسيدني....

وبالنسبه لوضع الفطور راح يكلف في البكج تقريبا 2000 ريال ... هل من رايك الغيه ..... بصراحه كثير نصحوني اني اخذه .... يا ريت تفيدني اكثر ... وكيف اسعار الفطور خارج الفندق في الكافيهات اللي برا الفندق ......

[align=center] حياك الله اخوي top820

فندق رمادا موقعه ممتاز في وسط ملبون، والغرف حلوه واثاثها جديد وفيها انترنت وبلاي ستيشن بعد :107:
وهذا رابط موقعهم http://www.ramada.com/Ramada/control...city=Melbourne

في جولد كوست سكنت بفندق كورت يارد ماريوت وهو قريب من فندق ليجند ونفس مستواه
في سيدني سكنت بفندق فور بوينت شيراتون وهو ايضا قريب من كراون بلازا وبنفس مستواه

بالنسبه لتكلفة الفطور خارج الفندق، يعتمد على نوع الفطور اذا كان دونات او اوملت او كروسون... الخ.
لكن في المتوسط راح يكلفك 20 دولار في اليوم للشخصين
وبحسبه بسيطه:
20 دولار * 20 يوم = 400 دولار
400 دولار * 3 ريال = 1200 ريال

يعني اكيد ارخص من الفندق
من رأيي انك تلغي الفطور

تحياتي[/align]

[align=center]ياهلا فيك اخوي هشام







كان بودي اني ازور أكثر من مدينة في أستراليا والإقامة فيها خمس ليالي يمديني أمر أجمل مافيها



وجهة نظر احترمها جدا خصوصا اذا بتزور اكثر من مدينه في وقت محدد







ومسألة الفنادق والله أدور على الأفضل ولو عندك خيار أفضل من اللي انا حاط ياليت تخبرني



الفنادق اللي اخترتها حضرتك هي الافضل وما عليها غبار وكلها 5 نجوم.
لكن اذا اردت التوفير فاقترح عليك فنادق 4 نجوم، فهي ممتازه ونظيفه وتفي بالغرض :107:

تحياتي[/align]

المشاركة الأصلية كتبت بواسطة فتى الشرقيه


لكن اذا اردت التوفير فاقترح عليك فنادق 4 نجوم، فهي ممتازه ونظيفه وتفي بالغرض :107:



مشكور عزيزي على هذا التأكيد من ناحية الفنادق وإن شاءالله قبل السفره بوقت كافي راح انزل البرنامج اللي راح أسويه بسفرتي علشان تعدلون اللي يتعدل وآخذ النصيحة منكم ...

من ناحية الفنادق خبرك اخوي شهر عسل وبخليه يكون الأفضل حتى لو كلف موب مشكلة بس اهم شي يكون مميز ولو لقيت فنقد سبع نجوم مافيه مشكله ... الوعد عند الإشارات بعد ما أرجع :109:

تحية وتقدير للجميع

مشكوووووووورين على تجاوبكم معاي....

يا فتى الشرقيه ... بالنسبه ايش انواع الفطور اللي راح احصلها برا ... بس دونات وكروسان .... احس ان الفرق بسيط بالنسبه لفطور الفنادق ... بوفيه كامل ... والفرق تقريبا 600 ريال .... لا تذكر في نظري ... ايش رايك.......

ودي تقترح على برنامج للاماكن المهمه (ما تتفوت) في كل مدينه ..... ولك جزيل الشكر....

اخوك : محمد (top820)

اخوي هشام .. برتب معاك الدوام عند الاشارات .. ليلة الخميس والجمعه.... هههههههههه

على فكره يا فتى الشرقيه ... ما لاحظت في موقع فندق رمادا الا صورة الفندق من الخارج ... مو موجوده صورة الغرفه او اللوبي...

ارجو التوضيح
تحياتي ..محمد

وعلى فكره كم الميزانيه المتوقعه لليوميه ....

تحياتي .. محمد

[align=center]يا هلا اخوي محمد

بالنسبه للفطور راح تحصل كل شي بره ( ما عدا فول الجره والقلابه والتميس والعدس وكبدة الحاشي... هذي ما تلقاها الا في فوالة الحاره هههههههههههه) :109:

انا قلت لك رايي انك تلغي الفطور احسن حتى لو كان السعر نفسه... يكفي انك تغير جو وكل يوم في مطعم.

وبالنسبه لفندق رمادا، انا دورت بالنت وماحصلت الا هالموقع
الفندق زين وموقعه حلو
عندك خيارات ثانيه مثل هوليدي ان وفندق نوفوتيل... يمدحونها

الميزانيه تعتمد على الرحلات السياحيه والاماكن اللي تروحها ونوعية المطاعم
حط في حسابك 10 الى 12 الف ريال مصاريف الـ 20 يوم

والبرنامج اليومي تحصله على هذا الرابط:

http://www.travel4arab.com/vb/showthread.php?t=31114

وحياك الله[/align]

اخوي فتى اشكرك على تجاوبك السريع وردودك الجميله اللي تريح الواحد... وانا اطلعت على البرنامج اللي على الرابط وبصراحه ما قصرت ... وما نستغني عن ارائك...

انا بصراحه حاط 15 الف من ناحية مصاريف وبعض التسوق ... تتوقع انها كفايه....

ومن اي منطقه تنصحني بالتسوق (من ناحيه الاسعار تكون معقوله )..

تحيتي ...
اخوك محمد.

[align=center]اخوي محمد

15 الف ان شاء الله تكفيك وزياده بس يعتمد على التسوق
انا بالنسبه لي ما تسوقت كثير ( بس مجسمات صغيره للكنغر والكوالا ومداليات وهدايا بسيطه ما كلفتني 100 دولار)

لكن اذا بغيت تتسوق عندك اسواق ملبورن ارخص شي
المدينه هي المركز التجاري لأستراليا وفيها كل الماركات

سيدني وجولد كوست غاليه وما انصح بالتسوق هناك
لكن ما يمنع تجرب اسواقهم
هذا الرابط عن التسوق في قولد كوست

http://www.travel4arab.com/vb/showthread.php?t=20115

وحياك الله[/align]

الظاهر ان اسعارك زينة

يا هلا ومرحبا باخوي الضويحي...

كم الاسعار اللي حصلتها ومن وين....

الف الف مبروك اخوي علا الزواج

وانشالله الزملاء يفدونك بما تريد تحياتي لك..!

شوقتونا لزيارة أستراليا 00

بصراحه انا انتظر بس متى يجي يوم السفر ........

باقي 18 يوم ان شاء الله....

ومشكوووووورين على مروركم ...