**مما راق لي جدا جدا **
جـيت يـسبقني ظـلام الشارع اللي تسكنينه=قـلت افـاجئ غايتي واضمّها واكسب رضاها
انـتـظرتك تـحت شـبّاكك لـعلّك تـفتحينه=وانـكشف نور الصباح ولاروت عيني ضماها
شـفت بـابك مـن غـيابك تـشتكيلي قفلتينه=والـبيوت الـلي ملاها الحزن وش علمه ملاها
عـانـك الله يـالمشاعر والـفؤاد الله يـعينه=سـافرت نـبض الغرام وخلّت حطامي وراها
سـافرت كـل الـغلا زهر الرياض وياسمينه=واحـرقت كـل الـقلوب اللي تغذّى من شذاها
هـالني ذاك الـسكوت الـلي حملني في يدينه=واخـنقتني عـبرةٍ قـشرا وسـرّاني عـناها
انـكسر خـاطر فؤادي والعيون امست سجينه=لـلدموع وكـلّ دمـعٍ هـلّته عـيني فـداها
قـمت انـادي مـثل طفلٍ ضاع يبغى والدينه=ضـاقت اسـوار البيوت وضاق بالدنيا فضاها
رحـت ازايـم حسرتي والقلب يوجعني ونينه=صـرت بـالدنيا وحيد وصاحبت روحي شقاها
كـلّ لـحظات الـزمن عندي تشابه مع سنينه=والـشفاه الـلي تـبي الـفرحة كساها ماكساها
والـشقا وجـهه عـبوس وقـام يرفع حاجبينه=لـلّيالي..والسعادة طـول عـمري فـي حراها
سـافر الـحزن وتـمادى واتّـخذ قلبي سفينه=والـغياب امـواج بـحر وسبّة الرحلة هواها
احـضنه طـيفك واضمّه والمسه وامسح جبينه=واسـأله يـاطيف ويش اللي على بعدي حداها
بـشّروا جـده واهـل جـده ومـكة والمدينه=جـتهم الـلي مـاذبحني فـالحياة الاّ غـلاها
جـتهم احـلام الـقلوب ودرّة الـعمر الثمينه=جـتهم الـلي كـلّ شـيٍ يسكن احلامي معاها
اكـتأب وجـه الرياض اللي من غيابك حزينه=صـابها لـون الـسواد وخـيّل الحزن بسماها
ارجـعي واخـذي حياتي واخذي اللي تاخذينه=يـكفي انـواع الـعذاب الـنفس جاها ماكفاها
ارجـعي لـعيون بـندر طـالبك لاتـذبحينه=قـبل تـنهيه الـهموم الـلي لحق نفسي مداها
اتـركي ذيـك الـديار وبـحر جـده والمدينه=وارجعي لاجل الرياض اللي طغا الحزن بسماها
الشاعر توفي في حادث هو وولدته ( الله يرحمهم )
دعواتكم **
مواضيع عشوائيه ممكن تكون تعجبك اخترناها لك:
رد مع اقتباس
المشاركة الأصلية كتبت بواسطة ابومحمد فهد
المشاركة الأصلية كتبت بواسطة vampireq8
المفضلات