[blink]تابعونا في ... الجزء الثاني من رحلتنا الصيفيه الى ... انترلاكن ..&.. زيلامسي[/blink]
[frame="2 80"]تفاصيل رحلتنا ل 14 يوم في زيلامسي من 4/8/2007 الى 18/8/2007[/frame]
(اليوم الاول) يوم السبت 4 / 8 / 2007
يوم الوصول الى زيلامسي
تتذكرون طلعنا من انترلاكن الساعه 10 الصبح وحسب الجارمن الطريج الى زيلامسي 6,5 ساعه ، ولكن نحن اخذنا في الطريج تقريبا عشر ساعات لانه كنا وايد ماخذين راحتنا ، وايد كنا نتوقف في المحطات للاستراحه ، واذكر دخلنا مطعم وتغدينا فيه ، والطريج الحمدالله وايد امان وسهل وعى الهاي واي بس اللي خرب علينا انه هذا اليوم مشمس :icon_sunn ولو كان مغيم جان روعه .
وصلنا زيلامسي وعلى طول سرنا عمارتنا وهي نفسها اللي سكنا فيها قبل سنتين ، ونزلنا اغراضنا ويلا حمل للدور الثالث ( الله يرحم ايامج ياانترلاكن ماتعذبنا فيج هذا العذاب :110: ) شو كثر الشنط وياثقلها ، وحليله زوجي وولدي وخدامتي هلكوا وهم يشيلون الشنط والاغراض لين فوق حتى بناتي فديتهم ماقصروا وانا يلست تحت احرس الشنط ، ومره وحده شلت وياهم شنطه ولما وصلت بغيت اهلك وعقبها تميت انتظر فوق وقلبي يتقطع عليهم من التعب .
دخلنا اغراضنا وبصراحه وايد تعبنا وماكان في مجال بعد نرتب شئ ، يادوب طلعنا الضروري من الاغراض ، ونزلت المكدونالد اللي عدالنا عشان اشتري عشاء لهم لانه بو عيالي انهد حيله وحليله .
وقبل ما اسير اشتري العشا نزلت امشي في الساحه ادور صديقتي :27: ( متفيقه )
صادف انها وياي في نفس العماره وكانت تترياني ، ولقيتها وسط الجموع تتمشى مع اهلها ياسلام لما تشوف حبايبك في الغربه :36_3_1: ، وكان لقاء حميم وسوالف وضحك :109: ، والجماعه في البيت يتريون العشاء ويوعانين ومايدرون اني يالسه اطق حنك :36_1_20:
صديقتي رافقتني للمكدونالد واشترينا العشا ،واول ماوصلت شفت القلق عليهم عشان تاخرت وخبرتيهم اني كنت ويا صديقتي :112: والمكدونالد وايد زحمه لانه هذا اليوم كان في احتفالات في زيلامسي والعاب ناريه .
تعشينا وتسبحنا ونمنا مثل الميتيين :36_1_50: .
انتظروني ... قريبا بكمل تفاصيل رحلتنا ...مواضيع عشوائيه ممكن تكون تعجبك اخترناها لك:
- استفسار عن زيارة النمسا حفظكم الله
- أسئلة لمن يعرف أنسبروك
- محتاجه مساعدتكم في ترتيب رحلتي
- زواجي ب اغسطس ابي احد يزبطني
- قطار من فيننا الى سالزبورغ
- قمه كابرون
- مسافر جديد استفسار عن النمسا
- استفسار
- طريقة التنقل بين ثلاث دول أوربية إفاده
- المسافة بين زيلامسي وسالزبورغ
- أود معرفة المواقف
- استفسار عن النمسا
- مساعدة في إختيار الجدول
- اعضاء المنتدى الكرام برنامج سياحي
- ╣۞╠ رحلتي الاقتصادية الى النمسا سبتمبر ╣۞╠ دون ردود
- اقرب محطة لفندقي ؟
- مساعده في ايجاد سكن
- ارجو الرد ايها االاحبه
- التقرير المنتظر عن النمسا والساحره زيل أم سي وآه يابيمو
- الى خبراء النمسا ارجوكم افادتي
المفضلات