[blink]تابعونا في ... الجزء الثاني من رحلتنا الصيفيه الى ... انترلاكن ..&.. زيلامسي[/blink]
[frame="2 80"]تفاصيل رحلتنا ل 14 يوم في زيلامسي من 4/8/2007 الى 18/8/2007[/frame]
(اليوم الاول) يوم السبت 4 / 8 / 2007
يوم الوصول الى زيلامسي
تتذكرون طلعنا من انترلاكن الساعه 10 الصبح وحسب الجارمن الطريج الى زيلامسي 6,5 ساعه ، ولكن نحن اخذنا في الطريج تقريبا عشر ساعات لانه كنا وايد ماخذين راحتنا ، وايد كنا نتوقف في المحطات للاستراحه ، واذكر دخلنا مطعم وتغدينا فيه ، والطريج الحمدالله وايد امان وسهل وعى الهاي واي بس اللي خرب علينا انه هذا اليوم مشمس :icon_sunn ولو كان مغيم جان روعه .
وصلنا زيلامسي وعلى طول سرنا عمارتنا وهي نفسها اللي سكنا فيها قبل سنتين ، ونزلنا اغراضنا ويلا حمل للدور الثالث ( الله يرحم ايامج ياانترلاكن ماتعذبنا فيج هذا العذاب :110: ) شو كثر الشنط وياثقلها ، وحليله زوجي وولدي وخدامتي هلكوا وهم يشيلون الشنط والاغراض لين فوق حتى بناتي فديتهم ماقصروا وانا يلست تحت احرس الشنط ، ومره وحده شلت وياهم شنطه ولما وصلت بغيت اهلك وعقبها تميت انتظر فوق وقلبي يتقطع عليهم من التعب .
دخلنا اغراضنا وبصراحه وايد تعبنا وماكان في مجال بعد نرتب شئ ، يادوب طلعنا الضروري من الاغراض ، ونزلت المكدونالد اللي عدالنا عشان اشتري عشاء لهم لانه بو عيالي انهد حيله وحليله .
وقبل ما اسير اشتري العشا نزلت امشي في الساحه ادور صديقتي :27: ( متفيقه )
صادف انها وياي في نفس العماره وكانت تترياني ، ولقيتها وسط الجموع تتمشى مع اهلها ياسلام لما تشوف حبايبك في الغربه :36_3_1: ، وكان لقاء حميم وسوالف وضحك :109: ، والجماعه في البيت يتريون العشاء ويوعانين ومايدرون اني يالسه اطق حنك :36_1_20:
صديقتي رافقتني للمكدونالد واشترينا العشا ،واول ماوصلت شفت القلق عليهم عشان تاخرت وخبرتيهم اني كنت ويا صديقتي :112: والمكدونالد وايد زحمه لانه هذا اليوم كان في احتفالات في زيلامسي والعاب ناريه .
تعشينا وتسبحنا ونمنا مثل الميتيين :36_1_50: .
انتظروني ... قريبا بكمل تفاصيل رحلتنا ...مواضيع عشوائيه ممكن تكون تعجبك اخترناها لك:
- جدول رحلتي و يومان ضائعان ارجو المساعدة
- أبحث عن موضوع إحداثيات أوروباأرجو المساعدة
- الشقــــــــــق في زيلامسي
- استفسار عن حجز تذاكر القطار للتنقلات بين المدن من الانترنت
- الطريق من زيلامسي الى فينيسيا
- ارجو منكم المساعده لاعداد برنامج ناجح
- شهر العسل في النمسا
- ممكن جدول سياحي ايام اول مره اسافر فيينا
- بعض الاستفسارات ويكتمل المخطط للسفرة
- رحلتي لألمانيا النمسا سويسرا الأولى في حياتي
- افيدوني بالاسواق والمولات بفيينا؟
- ساعدونا ترتيب جدولي بخبراتكم لا خلا ولا عدم
- مارأيكم بهذا الفندق سالزبورغ
- كيف أخذلي شريحة إنترنت بيانات فقط في النمسا
- النمسا و سويسرا في شهر فبراير ؟ بصحبة اطفال ؟
- السلام عليكم ودي تشاركوني في برنامجي لاهنتم
- اول مره اسافر النمسا وابي منكم النصحية
- هل تأخر الوقت
- ما رأيكم بتقرير مع أكثر من صورة
- النمسا وسويسرا اواخر سبتمبر
المفضلات