[blink]تابعونا في ... الجزء الثاني من رحلتنا الصيفيه الى ... انترلاكن ..&.. زيلامسي[/blink]
[frame="2 80"]تفاصيل رحلتنا ل 14 يوم في زيلامسي من 4/8/2007 الى 18/8/2007[/frame]
(اليوم الاول) يوم السبت 4 / 8 / 2007
يوم الوصول الى زيلامسي
تتذكرون طلعنا من انترلاكن الساعه 10 الصبح وحسب الجارمن الطريج الى زيلامسي 6,5 ساعه ، ولكن نحن اخذنا في الطريج تقريبا عشر ساعات لانه كنا وايد ماخذين راحتنا ، وايد كنا نتوقف في المحطات للاستراحه ، واذكر دخلنا مطعم وتغدينا فيه ، والطريج الحمدالله وايد امان وسهل وعى الهاي واي بس اللي خرب علينا انه هذا اليوم مشمس :icon_sunn ولو كان مغيم جان روعه .
وصلنا زيلامسي وعلى طول سرنا عمارتنا وهي نفسها اللي سكنا فيها قبل سنتين ، ونزلنا اغراضنا ويلا حمل للدور الثالث ( الله يرحم ايامج ياانترلاكن ماتعذبنا فيج هذا العذاب :110: ) شو كثر الشنط وياثقلها ، وحليله زوجي وولدي وخدامتي هلكوا وهم يشيلون الشنط والاغراض لين فوق حتى بناتي فديتهم ماقصروا وانا يلست تحت احرس الشنط ، ومره وحده شلت وياهم شنطه ولما وصلت بغيت اهلك وعقبها تميت انتظر فوق وقلبي يتقطع عليهم من التعب .
دخلنا اغراضنا وبصراحه وايد تعبنا وماكان في مجال بعد نرتب شئ ، يادوب طلعنا الضروري من الاغراض ، ونزلت المكدونالد اللي عدالنا عشان اشتري عشاء لهم لانه بو عيالي انهد حيله وحليله .
وقبل ما اسير اشتري العشا نزلت امشي في الساحه ادور صديقتي :27: ( متفيقه )
صادف انها وياي في نفس العماره وكانت تترياني ، ولقيتها وسط الجموع تتمشى مع اهلها ياسلام لما تشوف حبايبك في الغربه :36_3_1: ، وكان لقاء حميم وسوالف وضحك :109: ، والجماعه في البيت يتريون العشاء ويوعانين ومايدرون اني يالسه اطق حنك :36_1_20:
صديقتي رافقتني للمكدونالد واشترينا العشا ،واول ماوصلت شفت القلق عليهم عشان تاخرت وخبرتيهم اني كنت ويا صديقتي :112: والمكدونالد وايد زحمه لانه هذا اليوم كان في احتفالات في زيلامسي والعاب ناريه .
تعشينا وتسبحنا ونمنا مثل الميتيين :36_1_50: .
انتظروني ... قريبا بكمل تفاصيل رحلتنا ...مواضيع عشوائيه ممكن تكون تعجبك اخترناها لك:
- موعدي اليوم الخميس وكانت اجازه ما الحل ؟؟؟
- قطار من سالسبورغ الى زيلامسي
- استشارة خطة رحلتي للنمسا
- من لم يرى زيلامسي فهو لم يرى جمالاً قط
- ساعدوني بشهر العسل
- اول سفره لاوروبا ارجو المساعده
- أول سفرة لأوربا
- مساعدتكم لاهنتوا
- طلب برنامج سياحي للنمسا لمده أيام
- لو سمحتم فزعتكم احتاج سكن في فبراير الجاي
- ابي الشور بالفنادق والجدول لنمسا
- انا مستآجر سيارة فان للوالد وعفشهم كثير هل فيه طريقه لطلب شبك فوق التنده او
- هل الاسعار انخفضت في ظل الاحداث
- ابي فنادق كويسه الفزعه ياقدعان
- ميونخ ، سالزبورغ ، زيلامسي محتآجة مساعدتكم
- ارجوا مساعدتكم لجدول شهر العسل
- رحلة عائلية بعيون دمشقية
- يا اهل النمسا نجلاء تستغيث
- طلب مساعدة عاجلة جدا في اختيار الجدول
- قطار مباشر بدون توقف
المفضلات