[blink]تابعونا في ... الجزء الثاني من رحلتنا الصيفيه الى ... انترلاكن ..&.. زيلامسي[/blink]
[frame="2 80"]تفاصيل رحلتنا ل 14 يوم في زيلامسي من 4/8/2007 الى 18/8/2007[/frame]
(اليوم الاول) يوم السبت 4 / 8 / 2007
يوم الوصول الى زيلامسي
تتذكرون طلعنا من انترلاكن الساعه 10 الصبح وحسب الجارمن الطريج الى زيلامسي 6,5 ساعه ، ولكن نحن اخذنا في الطريج تقريبا عشر ساعات لانه كنا وايد ماخذين راحتنا ، وايد كنا نتوقف في المحطات للاستراحه ، واذكر دخلنا مطعم وتغدينا فيه ، والطريج الحمدالله وايد امان وسهل وعى الهاي واي بس اللي خرب علينا انه هذا اليوم مشمس :icon_sunn ولو كان مغيم جان روعه .
وصلنا زيلامسي وعلى طول سرنا عمارتنا وهي نفسها اللي سكنا فيها قبل سنتين ، ونزلنا اغراضنا ويلا حمل للدور الثالث ( الله يرحم ايامج ياانترلاكن ماتعذبنا فيج هذا العذاب :110: ) شو كثر الشنط وياثقلها ، وحليله زوجي وولدي وخدامتي هلكوا وهم يشيلون الشنط والاغراض لين فوق حتى بناتي فديتهم ماقصروا وانا يلست تحت احرس الشنط ، ومره وحده شلت وياهم شنطه ولما وصلت بغيت اهلك وعقبها تميت انتظر فوق وقلبي يتقطع عليهم من التعب .
دخلنا اغراضنا وبصراحه وايد تعبنا وماكان في مجال بعد نرتب شئ ، يادوب طلعنا الضروري من الاغراض ، ونزلت المكدونالد اللي عدالنا عشان اشتري عشاء لهم لانه بو عيالي انهد حيله وحليله .
وقبل ما اسير اشتري العشا نزلت امشي في الساحه ادور صديقتي :27: ( متفيقه )
صادف انها وياي في نفس العماره وكانت تترياني ، ولقيتها وسط الجموع تتمشى مع اهلها ياسلام لما تشوف حبايبك في الغربه :36_3_1: ، وكان لقاء حميم وسوالف وضحك :109: ، والجماعه في البيت يتريون العشاء ويوعانين ومايدرون اني يالسه اطق حنك :36_1_20:
صديقتي رافقتني للمكدونالد واشترينا العشا ،واول ماوصلت شفت القلق عليهم عشان تاخرت وخبرتيهم اني كنت ويا صديقتي :112: والمكدونالد وايد زحمه لانه هذا اليوم كان في احتفالات في زيلامسي والعاب ناريه .
تعشينا وتسبحنا ونمنا مثل الميتيين :36_1_50: .
انتظروني ... قريبا بكمل تفاصيل رحلتنا ...مواضيع عشوائيه ممكن تكون تعجبك اخترناها لك:
- الاماكن موجوده بس باقي التوزيع زيلامسي
- رأيكم بالمخطط النهائي واستفسار للاماكن بزيلاميسي نبي رأيكم
- ايام في زيلامسي وكابرون وقرب موعد السفر رأيكم يفرج عني فرج الله همكم
- تنظيم سير الرحلة في النمسا إستشارات
- فندق رمـــادا سالزبورغ
- بخصوص التوقيت
- ساعدوني ياهل الخبره شكلي بلغي السفره
- الرحله الفلكيه في الاراضي الدمشقيه
- أستفسار بخصوص زيلامسي
- ساعدوني باختيار المدن والليالي لشهر عسل للنمسا وسويسرا،
- شهر ابريل ابغا مسااااعدتكم بليز
- مدينة الطفل في فيينا
- التخطيط لشهر عسل مناسب بمساعدتكم
- ما هي أفضل جبال الثلج و التزلج القريبه من منطقة سالزبورغ و جنيف
- فبراير ،
- الفيزا من المانيا ونازل في النمسا ساعدوني بليز
- مصيبه كبيرة اوقعت نفسى فيها ولا اعرف كيف ان انجو منها
- النمسا في شهر سبتمبر
- استفسار بخصوص رحله الى النمسا
- الموضوعات التي تفيدك في قيادة السيارة في أوروبا تجدها هنا ..!!
المفضلات