الموضوع: يوميات هولستن النمساوية

:smile002:

في البداية احمد الله سبحانه وتعالي أنه يسر لنا سفرنا والتي مرت علينا ولله الحمد من دون مشاكل تذكر تنغص علينا رحلتنا

ثم اشكر أعضاء بوابة العرب المسافرون كافه , من أصغرهم إلى أكبرهم على جهودهم ومساعدتهم لنا في كل تفاصيل الرحلة .

ثم بشكل خاص إلى كل من أبو ريان أخر الفرسان و العضوان السحاب ولمسات لأني استفدت منهم استفادة مباشرة من رحلاتهم السابقة ..

ولا انسي اخوي رجل شرقي لاني طبعت موضوعه الرائع واخذته معي كذلك مشرفنا الأخ خااااااالد وحدي مصر ..



نرجع للرحلة

[line]

أولاً : التخطيط للرحلة ..


بدء التخطيط للرحلة من أكثر من سنة كنا نفكر أين نقضي فيه إجازة السنة وكنا نفكر في شي مميز وغير كل المرات , طبعاً نبي دولة ما يكون فيها حر ولا رطوبة .

وخصوصاً أنها المرة الأولى اللي أُوكل لي كل شي بدأً من اختيار الدولة والتخطيط للرحلة (بس الميزانية ما علي منها :109

قعدت افرفر بالمنتدى لحد ماطحت على بوابة النمسا

ومن موضوع لموضوع حسيت إن الديرة غير وان السفر لها مو صعب , لما وجدت من تفاصيل دقيقة من أعضاء البوابة ..
وقلت بس هذي بوابتي لأوروبا وفعلاً الدولة تحسسك انك عارفها ومن زمان.
بعدها حطيتها أول الخيارات لهذي السنة (بيني وبينكم كانت أول وأخر خيار )

بعدها روقت على مواضيع الأعضاء ودونت عندي كل شي مهم عنها وعن أسعار التذاكر .

عرضت الموضوع على رفيق دربي بس قالي أخاف نتوهق هناك اذا هم لغتهم ألمانية ..قلت وشلون تقول الكلام نتوهق وأنت مع العرب المسافرون لا وألف لا ..

بعدين قلت لازم استنفر كل الجهود لان أي واحد يجرب شي جديد بياخذ فكرة من المرة الأولى ..خفت على غفلة نكره أوروبا.

[line]

بعد الاتفاق على دولة النمسا


بديت اسأل عن افضل خطوط طيران من حيث الخدمة والسعر بيني وبينكم فرحت يوم شفت اعلان الخطوط السعودية بعد فتح خط للنمسا بس يافرحة ماتمت قتلوا فرحتي في عقر دارها بسعرهم المبالغ فيه

واخترنا خطوط الطيران والفنادق وكان كل شي تمام بس كنا نستنا قرار الإجازة :112::112:.

وقدر الله وما شاء فعل تأجلت الرحلة من شهر 8 الى شهر 10
بعدها اخذت رست ..بس والله ما صبرت كنت كل يوم ادخل المنتدى تقولون ادمااااااااااااااان
وقررنا ان الرحلة تكون من يوم15/10 الى 30/10 اكتوبر
قبل رمضان بيومين .

هنا انتهى دوري وبدا دور الهازبند مع مكتب السفر لاستخراج الفيزة
طلبوا منا :
1-تأمين سفر وكان بسعر 465 ريال شخصين
2-كشف حساب لمدة 6 شهور
3-صورة مكشوف الرأس (للرجال فقط)
4-تعريف من العمل ..وهم من قام بترجمته للغة الانجليزية
كلفة استخراج الفيزا رسوم السفارة 620ريال للجوازين و200 ريال لمكتب السفر
5-حجز فنادق مؤكدة .. (وكنا حجزنا في السي فيلا والكراون بلازا ولي ماريوت واوتيل بوسي)
6-وحجزطيران مؤكد .(.وكنا ناوين على القطرية بس للأسف ماكان موعد طيرانها يناسبنا .)
حجزنا على الإماراتية وكان سعر التذكرة 2640ريال للشخص الواحد
وسلمنا الجوازات للمكتب . وقالو لنا بعد 12 يوم كلمونا ..وفعلاً 13 رمضان قالو تعالو خوذو الجوازات

[line]
الاستعداد للسفر
بعد ماتعيدنا وخلص العيد الله يعيدة علينا وعليكم .

بدينا نرتب شنطنا ومثل ما قالو الأعضاء الله يجزاهم خير لازم تكون الشنط الحجم الصغير وفعلاً هذا ماركزت عليه

صورة لحجم الشنطة



وحطيت الاشياء المهمة

وكان مفيد جداً للترجمة وأيضاً لوقت الصلاة واتجاة القبلة



ورفيقة دربي في حلي وترحالي



وصيدليتي المصغرة



وأهم شي بالرحلة..واهم الاماكن السياحية بالنمسا





[blink]نقطة مهمة [/blink]

احب اذكر شي مهم السفر لمثل هالدول يبيلك جزم خاصة بالمشي مثل



لان أي جزمة ثانية ترى رجولك بتتقطع (خلو عنكم التكشخ بالسفر...هذا الكلام لاينطبق على المعاريس )لانهم لازم يصيرون:kashkhah:

المهم ثالث يوم خلاص قفلت شنطي وبعد ماسكرتهم الا وسمع صوت طرررق وإلآ وحدة من الشنط مفتوحة وش السالفة .. انقطعت الشنطة اوووة . :112::112:

قلت يله أغير الشنطة بس ماعندي الا كبيرة لاني استخدمت الحجم الصغير والوسط ..قلت مالي الا اشتري غيرها ..طلعنا ندور مالقينا احد فاتح تعرفون ثالث العيد مافيه احد فاتيح قلت ان شاءالله بلقى قزاز فاتح مريت ماعندك احد قلت مالي الا لجار الله.. بعد مسكر قلت خلاص ماراح القى الا بالعويس مرينا كلهم مسكرين .. وش نسوي وش نسوي؟؟

شوي وانا ندور لقيت محل صغير فاتح قلت والله مايجيبها الا ابو هنود وندخل عنده قلت ابي شنطة صغيرة لونها بني قالي عندي طقم 850 ريال وطلعة لي. قلت: نونو والله ما اخذها ولو بريال اقبح منه ماشفت
الا وشوف عنده شنطة حليوة لونها رمادي قلت له مافيه من هذي بني
قالي : لا..هازا بس لون ..قلنا الشكوى على الله هاتها.العوض ولا القطيعة

[line]


يوم السفر :

توجهنا للمطار الساعة 6.45 المساء وكان ودي اروح الساعة 6 ماحب التأخير .وعشان نشتري اليورو

المهم رفيق دربي كان يقول يمدينا وصلنا الساعة 7.30 للمطار

صورة اول ماوصلنا مطار الملك خالد





توجهنا للخطوط الإماراتية وكانت الساعة 7.40 صفينا عشان نحط الشنط ونقص البوردنق .

فجأة قال لنا خلاص قفلنا اكتفينا ..قلنا وشلون تو الناس قال لنا هذي تعاليم الخطوط الإماراتية
من هنا من هنا مافية فايدة .متنح ..بالاخير قال روحو كلموا اللي هناك

راح له زوجي ومعه كم واحد وكلمه. قالة من يقول تونا ؟؟!!

باقي على الرحلة ساعة .

ولا يهمك هات الشنط .

المهم الرجال طلع محترم واخذ شنطتا وشنط اللي ورانا --- بس الحركة مالها داعي

حطينا شنطنا وقصينا البوردنق على فينا على طول .

ورحنا بنشتري العملة إلا ذاك الطابور الله لايوريكم --الله لايلومهم مافيه إلامصرف واحد

يعني كذا يبي لنا حوالي نص ساعة قال زوجي والله منيب واقف بطابور هالعمال

أبصرف بدبي ..قلت لا مايصلح هناك بتبدل من عملة لعملة هنا احسن

قال: كيفها.. قلت : تيب

رجعنا ودخلنا للصالة وركبنا الطيارة وكانت كبيرة ومليانة ماشاء الله وكان معنا بالطيارة فهد الحيان يا حليله هو وبنياته

ركبنا بالمقاعد الوسطى وكنا ثلاثة , الكرسي الرابع كان جلس فيه واحد آسيوي

وكان جنب ولدي جالس ,

ولدي يحارش فيه يبيه يكلمه الرجال حبيب وهذا طبع كل شرق اسيا

صار يلعب معه ويقوله اربط الحزام

وولدي والله لو تحلم مايربطه من هنا من هنا مابي اربطه حتى المضيفة ما سمع كلامها

نرجع للرجال الأسيوي .

ولدي بهذله السبع بهاذيل الله يعين اللي يقعد جنبه

صارو يلعبون ويسويله حركات .و قبل مانوصل بشوي عطاه وليدي بوكس

تأسفنا منه ثم قلنا لوليدي تأسف منه وتصالحوا الحمد الله
المهم راحت الرحلة ماحسينا فيها ---- هذا من تأثير دعاء السفر
وصلنا مطار دبي الساعة12.10 ونزلنا مع الناس اللي تنتهي رحلتهم بدبي لان رحلتنا الثانية من بكرة الساعة 9.5 صباحاً .

طلعنا من المطار وسألنا صاحب التاكسي فيه سينما الحين

قال لا خلاص قفلوا

قلنا اجل اقرب مطعم نتعشى ونزلنا عند مطعم عراقي تعشينا فيه وبعدين رحنا للفندق وكان قريب للمطار
اخترناه قريب عشان زحمة الدوامات الصباح وكان سعر الغرفة 900 درهم وعلى ما اعتقد أسمة مليليوم .

وكانت الساعة تشير إلى الثانية بتوقيت دبي .بعدها :thumb_ico:thumb_ico:thumb_ico
الساعة 7.30 رن منبه الجوال صحينا وسوينا تشيك أوت وسيدا على المطار:surf

الساعة 8.15 صباحا دخلنا المطار ويازين لما تجي المطار من دون شنط واحنا رايحين للصالة الا هذاك اللي يمر من عندنا يمشي على المسار الثاني من تتوقعون ...؟؟؟

رفيقنا الأسيوي ياحليله والله شافنا وسلم علينا من بعيد وهو يضحك بس تمنيت الكاميرا تشتغل عشان اصوره

صورة قبل الدخول للطيارة



.شوي ودخلنا الطيارة وكانت اغلب اللي فيها اجانب
جلسنا في مقاعدنا بالوسط وكان الرابع فاضي وليدي رفع التكاية وحط راسه وكمل نومته

قعدنا نسولف شوي حتى مرت ساعتين على الرحلة قنلنا ننام شوي راح زوجي ولقى مكان بالوسط فاضي ونام فيه وانا قعدت اتفرج على فلم

بعد تقريباً ساعتين وشوي الا زوجي يقولي قومي قومي .قلت وش فيه ؟؟

قال تعالي شوفي ...رحت معاه إلا ذاك المنظر من الشباك يرد الروح
يالله يارب الجنة .

جلسنا نطالع بالمنظر حتى قربنا من مطار فيينا

ورجعنا الى مقاعدنا استعداد للهبوط

بعد الهبوط اعلن كابتن الطيارة الوصول لمطار فينا الدولي وأن درجة الحرارة الخارجية 16 درجة مئوية
قلت شكلنا بنموت بررررررررد
بس قلنا جوا المطار مو مشكلة وأذا استلمنا شنطنا ناخذ ملابس ثقيلة

[line]




الوصول لفيينا



نزلنا ومشينا مع العلامة اللي مرسوم عليها شنط حتى وصلنا لتختيم الجوازات

ختمنا من دون أي أسأله ومشاكل بعدها استلمنا الشنط .حتى قطار الكات كان واضح جداً .

وطلعت جاكيت لوليدي خفت عليه من برودة الجو

وفجأة طب علينا واحد مدري من وين طلع يقول تبون تكسي قلنا ايه تونا واصلين

قلنا التكسي اريح
مشينا مع صاحب التاكسي حتى طلعنا من المطار .

اول ما طلعنا استقبلنا الجو..:24:

الله الله الله وش هالجو المنعش الجو حلووووو والشمس طالعه والبرودة منعشة

(بيني وبينكم ماكنت مقتنعة ان البرد عندهم مو مثل بردنا بس لازم تلبس اكمام طويلة .بس اذا غيمت الله لايوريك ذاك البرد)

بعدها توجهنا للفندق وكان اسمه بوسي (تذكرت نور الشريف ) وكانت قيمة الليلة 470 ريال سوينا تشيك ان

وطلعولنا خرايط وبروشورات الدنيا

طلعنا للغرفة وكانت حليوة غرفة وصالة وسرير للطفل

حطينا الشنط وسيدة على الأندرقراوند كان بيننا وبينه مشي خمس دقايق

[line]







[blink]انتظروا قريبا يوميات هولستن خلال أربع أيام في عاصمة السحر فيينا[/blink]

مواضيع عشوائيه ممكن تكون تعجبك اخترناها لك:

• ترتيب لرحله الى المانيا والنمسا
• شهر عسل و محتار
• ساعدوني الله يجزاكم خير فلوسي طارت
• استفسار بخصوص القطارات في النمسا
• كم استفسار عن سوريا
• مزانيه لزلامسي تعالوا ساعدوني
• ارجو الرد في اقرب فرصه
• خبراء اوروبا ورعبوب ممكن شوي
• اتمنى من اهل الخبرة مساعدتي لتنسيق رحلتي الى النمسا
• مساعدتكم شهر العسل ب النمسا
• استفسار عن النمسا أهم المعالم و الانشطة السياحية في سالسبيرغ
• رحلتي إلى سوريا هـ
• فندق شيرتون فوشيل سي خيار رائع قريب من سالزبورغ
• رحلتي الى النمسا في صيف
• افيدوني بالاسواق والمولات بفيينا؟
• استفسار بخصوص فينا و إيطاليا
• شقق عوائل في زيلامسي
• مساعدة بخصوص جدول
• استأجرت سيارة من مطار فيينا إلى مطار ميونيخ بمبلغ
• دمووووع زوجتي غااااااالية

عزيزتي...هولستن

يسعدني ان اكون اول من يرد على تقريرك الذي في اعتقادي انه سيكون ممتع جدا

تسجيل متابعه

ودمتي بكل ود

والله انا اللي يشرفني مررورك والرد على موضوعي
وأعتذر على عدم ترتيب الموضوع لاني كنت مستعجلة وانا انزلة اليوم بالمنتدى

بداية جيدة هولستن انشا الله تكون الرحلة موفقة بانتظار التكملة ... تحياتي

عزيزتي ألف حمدلله على سلامتكم ..

وإن شاء الله كانت سفرتكم ممتعة وموفقة ..

في إنتظار التتمة ومتابعة إن شاء الله ..


تحياتي ..

الحمد لله على سلامتك


بدايه ررررررررررررررررررررائعه


وفي انتظار البقيه

يعطيك العافية

تقرير ممتع سجلني متابع

اخوك ريدس عداوم

الحمد الله على السلامه
بانتظار باقي التقرير على احر من جمر

السلام عليكم..

صراحة التقرير من اوله مبين انه راح يكسر كل التقارير وبيكون تقرير الموسم..

ماشاء الله واصلي على هذا التفصيل والاهتمام..

ونبيك تذكرين كل شي... حتى القراطيس لاترميها خليها وصوريها .. وخلينا نتمتع بكل شي في الرحلة..

صراحة انا من دخلت وشفت صورة الشناط والمطار والكاميرا ... فرحت وقلت هذا بيكون تقرير الموسم..

الله يقويك واحنا معاك ولا تنسي ولا صورة...

تحياتي لك هولستن والحمدلله عالسلامة






طلعنا من المطار وسألنا صاحب التاكسي فية سينما ألان قال لا خلاص قلنا اجل اقرب مطعم نتعشى ونزلنا عند مطعم عراقي تعشينا فية وبعدين رحنا للفندق وكان قريب للمطار اخترناه قريب عشان زحمة الدوامات الصباح وكان سعر الغرفة 900 درهم وعلى ما اعتقد أسمة مليليوم



وش هذا ههههههههه 900درهم حق ثمان ساعات الله يهديكم !!
فيه فنادق قريبة من المطار واسعارها 300درهم


عموما شي راجع لكم

وفندق بوسي وين يقع ؟ وليش اخترتوا هالفندق ؟

بانتظار تكملة لتقرير

تحياتي

يسلم يمينك على الجزء الاول هولستن

والله شنطتكم ذكرتني فيكم ابمحطه القطار انا مع زوجتي اموديها شهر عسل وكل ماتقول ادل اقول ايه ماعليج وكل الرحله على البركه وشفتكم في المحطه في سالزبورج ولحقتكم خفت اضيع انا والمدام وحلقتكم الا فجاه طلع نفس الفندق ساكنين اتمنى لك التوفيق

مشاء الله

رااااااااااااااااائعه وننتظر المزيد

المشاركة الأصلية كتبت بواسطة شم النسيم
http://www.arabtravelersforum.com/tr...0/#post1683560

[مرحبتين
هلا اختي هولستن على العموم اتمنى لج التوفيق والجز الاول من تقريرج حلو وناطرين التكمله وخاصه زلمسي لاني كنت في نفس الوقت هناك ونفس الفندق:101:والصراحه الجز الاول:24: انشالله عبود انبسط:109:[/



:109::109: وش هالفضايح اكيد سمعتونا ننادية لماكان ينزل عند البحيرة والله كنت اتوتر لما يطلع
فرحان يابعد امة بالفلج على قولتة (الفلج معناها ثلج ):109:

:109:عاد انا قلت حق زوجتي يوم امضيعين في المحطه اقولها روحي كلميها بتساعدنا قالت لا لا استحي:109:قالتلي روح كلم زوجها قلتلها لا استحي:109:

ماشاء الله باين عليه تقرير عجيب
يعطيج العافيه اختي بس ليش السفره في هالوقت مو برد عليكم لا اهي السفره القصد منها شتويه!!
بعدين شهيتينا علي شوفة (الفلج) من شهر 8 خبري فيه
من المتابعين لج وبانتظار التكمله

هولستن


ما شاء الله ...

يبدو أننا على موعد مع تقرير يأسر القلوب .. إلى سارقة القلوب النمسا .

الحمد لله على السلامه

اخيرا سافرتي

اول ما شفت تقريرك جيت سييييييييييييييده

لاني ذكرت معاناتي انا واياك بالصيف

وكنسله الرحله ههههههههههههههههههه

بس الحمد لله انا سافرت نهايه شهر 8


ومبروك السفره ما بغت لك سنتين تخططين ياعمري



سجليني متابعه بشغف لبقيه الايام الساحرة في فينا

يالله هولستن شدي حيلك نبي الصور

حتى يتم اضافة موضوعك لرحلات الاعضاء هذه السنة === شروط

تحياتي

اسرعي بباقي التقرير

ولا تنسي تفاصيل المواصلات والفادق وتقييمها

هلا والله والله اني مصورة محل لوي فيتون لماشفتة تذكرتك وتذكرت الايام العجاف
بس والله بغيت اكنسل الرحلة حتى بشهر 10 بس الهاز بند رفض وقالي اذا ما اعجبتنى نروح لها مرة ثانية بالصيف .بس الحمد الله اني ماكنسلتها لان منظر الثلج وهو نازل شئ لايوصف
بس بيني وبينك ولاتعلمين احد انا قلت لزوجي ترى ما أبسطت مرة عشان اكسب سفرة ثانية




ههههههههههههههههههههههههههههههههه

اجل بسوي زيك واقول لزوجي انها ماعجبتني

بس اخاف يقول جحوده مالك الا الي يخليك ما تعتبين برا الرياض ههههههه

بانتظار باقي التقرير

نتابع موضوعنا

يعطيج العافيه اختي هولستن على التقرير الخطيررررررررررررررررر والرائع اتمنى لج التوفيق وناطرين زلمسي من محطه القطار:109:

يووووووه ياهولستن


لازم الاحراج وتورين الناس املاكي ايه هين

بس بنزل صورتك بتقريري عقاب هههههههه









اقولكم قصتها جت لنا ومدري وش تقول عطتني وردة وقلت ياحليلها اعجبتني الوردة ثم عطت زوجي ووليدي ثم قالت 2يورو طلع زوجي لها 2يورو بعدها اخذت مني انا وزوجي الوردات وراحت



مت من الضحك عليكم

تكفين وش شعورك بالضبط؟؟؟



تقرير رائع

وبانتظار ايام زيلامسي

الاخت/ هولستن

السلام عليك ورحمة الله وبركاته ،،

لقد اعجبني تنظيمك للرحله وتخطيطك ، ويشهد الله اول ما قرأت التقرير قلت لزوجتي هذا التقرير راح يكون مميز ، وكنت حينها احاول ان اشارك واعلق الا ان هناك بطىء في الكمبيوتر اجهله ، هل بسبب المنتدى ام بسبب جهازي ، واليوم ها انا اقرأ ايامك في فيينا .. ولتعلمي بان اغلب الاماكن التي زرتيها كانت متشابهه لجدولي في فيينا .. يمكن ازيد عنك بقصر الشنبرون .

وخاصة رحلتك لبرج الدانوب وحديقته ومن ثم لنهر الدانوب ومن ثم لمجمع كاقران التجاري ، كان بصمه مطابقه للاصل من يومي الثاني في فيينا .

واود ان اضيف معلومه بالنسبه لمجمع شوبينق سيتي سود بالامكان الذهاب اليه مباشره من ساحة المشاه الى المجمع وذلك عبر الترام.. الذي يقع عند التقاطع الذي يوصلك لشارع المشاه ، امام دار الاوبرا تحديداً .. واسم المحطه التي تركب منها ( اوبرا ) .. اي تركب من عند محطة اوبرا الى ان تصل الى محطة شوبينق سيتي سود..

لكي تعرف انها المحطه الصحيحه ، اول ما تخرج من باب فندق المريديان اتجه يمين احسب 300 متر تقريبا تجد نفسك في محطة اوبرا .. اركب الترام الى ان تصل الى محطة شوبينق سيتي سود .


واشاركك الرأي بشأن تخفيضات التذاكر يومي السبت والاحد ، فقد سألت احد الاشخاص واخبرني بان هذا الكلام غير صحيح .


سلامي لزوجك ولعائلتك الكريمه ، مع تمنياتي لك بالتوفيق والسداد ،،

وتأكدي بانني متابع دائم ،،


اخوك/
رجل شرقي
قطر

كلفة زيارتي لفينيا لمدة اربع ليالي شاملة الفندق 3600ريال تقريباً .
(1880ريال قيمة الفندق لأربع ليالي , و 1720ريال قيمة المصروفات لنفس الفترة ).



اسفة على الغلطة كانت 3700
1880 قيمة الفندق
1820 المصروفات تقريباً

ماشاء الله ابداع ياحبيبتي شوقتينا نروح مره ثانيه للنمساااااااااااا بس افكر اني اروح زي الوقت اللي رحتيه احسه خياااااااااااال انا لما رحت بالصيف كانوا اهل الخليج معبين شارع ستيفن بس والله هم مسون جو هناك تابعيني ياقلبي ولالاتاخرين علينا ترى احنا بالانتظار وبالتوفيق

الحمدلله ع سلامه اختي هولستن

ماشاء الله عليك تقرير متكامل من بدايته

بانتظار باقي التقرير

اعتذر للجميع لاني راح أأخر كتابة الجزء الخاص بزلامسي لاخر الاسبوع نظراً لظروف عملي ..
اتمنى انكم تعذروني

على مهلك اختي كل ماتأخرتي صار مشوق الموضوع اكثر واكثر:101:

مــشـــاء الله تـــــــبــــــــــــــــارك الله


تـــــــــــــــقـــــــــــريـــــــــــــــر أكــــــــــــثــــــــــــر مـــــن رااااااااااائــــــــــــــــــــع , , ,


انا كنت بالنمسا تقريبا في 12 اكتوبر والجو ما يحتاج اوصف لك اكثر من رائع وشعور لا احد يعرفه الا اللي عاشه وشاف الطبيعه الخضراء وفي نفس الوقت عاش نزول الثلج , , ,


وبــــــأنــــــــــــــــتـــــــــظـــــــــــــ ــار بــــــــــاقـــــــــــي الــــتـــقــريــــر




:113:

المشاركة الأصلية كتبت بواسطة شم النسيم
http://www.arabtravelersforum.com/tr...0/#post1694830

على مهلك اختي كل ماتأخرتي صار مشوق الموضوع اكثر واكثر:101:

الله يسلمك اخوي :101:







المشاركة الأصلية كتبت بواسطة كحيلان الرياض
http://www.arabtravelersforum.com/tr...6/#post1695406

مــشـــاء الله تـــــــبــــــــــــــــارك الله


تـــــــــــــــقـــــــــــريـــــــــــــــر أكــــــــــــثــــــــــــر مـــــن رااااااااااائــــــــــــــــــــع , , ,


انا كنت بالنمسا تقريبا في 12 اكتوبر والجو ما يحتاج اوصف لك اكثر من رائع وشعور لا احد يعرفه الا اللي عاشه وشاف الطبيعه الخضراء وفي نفس الوقت عاش نزول الثلج , , ,


وبــــــأنــــــــــــــــتـــــــــظـــــــــــــ ــار بــــــــــاقـــــــــــي الــــتـــقــريــــر






:113:



نفس الاحساس كان عندنا طبيعة وثلج :24:

المشاركة الأصلية كتبت بواسطة هولستن
http://www.arabtravelersforum.com/tr...5/#post1694705

اعتذر للجميع لاني راح أأخر كتابة الجزء الخاص بزلامسي لاخر الاسبوع نظراً لظروف عملي ..
اتمنى انكم تعذروني



:108::108:

اذا انتي بالرياض مالك عذر

تعالي شوفيني بتقريري نشيطه بسم الله علي:109:

زورونا تجدوا ما يسركم ---- بسوي اعلا لنفسي:109:

7

7

7



http://www.arabtravelersforum.com/travel154907/

هاي أختي الصراحة تقريرك حلو ومشوق وأنا انطر الباقي من حبيبة القلب والساحرة النمســــــــــــــــــــــــــــــــــــــــــــا My Love

المشاركة الأصلية كتبت بواسطة seashellq8
http://www.arabtravelersforum.com/tr...6/#post1697646

هاي أختي الصراحة تقريرك حلو ومشوق وأنا انطر الباقي من حبيبة القلب والساحرة النمســــــــــــــــــــــــــــــــــــــــــــا My Love




هذا والله من ذوقك يالطيب :101:

تقرير حلو وجميل ... بأنتظار تكملين ..

تقرير رائع
متابعيين معك للاخر

تابعونا الليلة بنزل جزء زلامسي

متابعين معاك

بكل حماس

في انتظارك

نحن في الانتظار

يوووووووووووووووووووه

شكلي غلطت في النمره :8888:




أممممممم

ذكريات كانت لنا في نهر الدانوب سنة 2004 ..:101:


وماشاءلله كان الجو عجيب ..

أحنا سافرنا قبلكم بيوم ..سفرتنا كانت تاريخ 14/10 إلى سويسرا ..:101:

شفتي اشلون فايدة الي أيضيع ويدخل على الموضوع بالغلط :109:

المشاركة الأصلية كتبت بواسطة القطري
http://www.arabtravelersforum.com/tr...8/#post1702928

يوووووووووووووووووووه

شكلي غلطت في النمره :8888:




أممممممم

ذكريات كانت لنا في نهر الدانوب سنة 2004 ..:101:


وماشاءلله كان الجو عجيب ..

أحنا سافرنا قبلكم بيوم ..سفرتنا كانت تاريخ 14/10 إلى سويسرا ..:101:

شفتي اشلون فايدة الي أيضيع ويدخل على الموضوع بالغلط :109:



هلا والله بالمخلص القطري
صادق صرنا متعادلين :109:


بس والله ياني انقهرت بعد مابديت اخلص من جزء زلامسي بعد4 ساعات تنسيق واضافات طلع لي مشكلة في الاكس بلوورل وسكر على الصفحة :110: وبرجع بكرة اعيدها

في انتظار بقية التقرير الراااااائع

لاتطولين علينا

المشاركة الأصلية كتبت بواسطة هولستن
http://www.arabtravelersforum.com/tr...0/#post1703010

هلا والله بالمخلص القطري
صادق صرنا متعادلين :109:


بس والله ياني انقهرت بعد مابديت اخلص من جزء زلامسي بعد4 ساعات تنسيق واضافات طلع لي مشكلة في الاكس بلوورل وسكر على الصفحة :110: وبرجع بكرة اعيدها



:110::110:

حاسه فيك صارت لي كثيييييييييير

بانتظار الجزء القادم بدون ضيقات صدر:110:

تصدقين رديت ولا شفت ردك

ولما جيت اشوف قلت غريبه ما حطت الجزء اكيد انمسح المسكينه هههههه

يلا جاوبي علي سؤال سؤال (( صوره خشه مبتسمه وتحك راسها من اللقافه ))






وكنا قيل كذا مارين billa (والله معد اكتبها بالعربي )



ليش ما تكتبينه بالعربي؟؟



وصورك حلوة

تصدقين انا ليله السفر اشتريت قيم بوي لولدي عشان افتك من ازعاجه

شكلك انتي شاريته لواحد ثاني هههههههههه ----- امزح اخاف يعصب علي زوجك وهو مشترك بالمنتدى خخخخخخ









والله الجو والمناظر لهادور وخصوصاً وانت مروق وقاعد تبلع



هههههههههههه

ما شاء الله تبارك الله










وهنا من تتوقعون شفنا أخونا وحرمة المصون شم النسيم في رحلتهم لشهر العسل



سؤال يسدح نفسه

وشلون عرفتوهم ؟؟؟







وكانت قيمته 6 يورو ادري ملعوب علينا



ما اتوقع ملعوب عليكم

لاني قد قريت بالمنتدى انه اي مشوار جوا زيلامسي ب 6 يورو او حولها

او انه السعر محدد من المحطه لأي فندق




ياحليله ولدك رومانسي والثاني ياحياتي مرمي بالرياض ياويلك من ربي ---- وحده بتضيق صدرك ههههه

سؤال ايش اسم الاوتيل الي سكنتوا فيه ؟؟ سي هوتيل؟؟







يلة نروح نتفلج في الفلج



ههههههههههههههه

كم عمره بسم الله عليه

انا ولدي يقول : ماما زي الحفل ؟؟

يعني زي السفر خخخخخخخخخخ

اذا شاف شي يذكره بالسفر






هذي الصورة اكاد اجزم انك مصورتها بالابيض والاسود لولا هالعلم الاخضر الي وضح لي الصورة



سبحااااااااااان الله

أعجبتني هالصوره ..

وسبحان الله بعد ماأخترتها لقيت لوي مختارتها قبلي :101:



وهذي صوره أذبحتني من الضحك لانها ذكرتني يوم كنا في قمة جونفقرو ..

ذاك اليوم وحده من الحريم كانت هي الضحيه وطحنا فيها ضرب بالثلج لين قلبنا لونها أبيض :109:



وسلامي الحار للزوج وأحلى شي يوم لعب بالقيم بوي

المشاركة الأصلية كتبت بواسطة لوي فيتون
http://www.arabtravelersforum.com/tr...5/#post1704115

سؤال ايش اسم الاوتيل الي سكنتوا فيه ؟؟ سي هوتيل؟؟




ههههههههههههههه

كم عمره بسم الله عليه

انا ولدي يقول : ماما زي الحفل ؟؟

يعني زي السفر خخخخخخخخخخ

اذا شاف شي يذكره بالسفر






هذي الصورة اكاد اجزم انك مصورتها بالابيض والاسود لولا هالعلم الاخضر الي وضح لي الصورة



سبحااااااااااان الله




الفندق اسمة سي هوتل .. بس احنا سكنا في السي فيلا لانو الجديد
وبحط لك صورة في تقريري تشوفينة السي هوتل والسي فيلا

وليدي عمرة 3 سنوات ونص .. تصديق ولدك الكبير فية من شكل ولدي كنت اشوف تقريرك يوم وليدك بدور واقف فوق الحدبد يقول هذا انا ليش غطيتي وجهي :109:

المشاركة الأصلية كتبت بواسطة شم النسيم
http://www.arabtravelersforum.com/tr...6/#post1702696

صيفتي علينا هولستن


ناطرينج على احر من الجمر




هلا والله فشلة فيكم :106: ..بس صحيت بدري اليوم مخصوص عشان اعيد ترتيب الموضوع مرة ثانية :110:







المشاركة الأصلية كتبت بواسطة فتاة الخليج
http://www.arabtravelersforum.com/tr...8/#post1702748

في انتظارك



هلا وغلا ..حياك اختي ..شرفني مرورك على موضوعي








المشاركة الأصلية كتبت بواسطة ابولين
http://www.arabtravelersforum.com/tr...3/#post1702793

نحن في الانتظار



هلا بخبيرنا ..معقولة ابو لين عندنا ..القهوة ياولد ..وجهزو:222: :101:







المشاركة الأصلية كتبت بواسطة أحلا بنوتة
http://www.arabtravelersforum.com/tr...0/#post1703570

في انتظار بقية التقرير الراااااائع

لاتطولين علينا



الله يسلمك عيوني :101:

يعطيك العافيه هولستن وصورة رااااااائعة بصراحه

وشوقتيني لصور الثلج ما توقعتها تسوى

مثل صور الخريف بصراااااااحه خيال عند اخونا القطري







مارين السوبر ماركت billa (والله معد اكتبها بالعربي )



هههههههههه عدلتها لأن أخاف اللي ما راح للنمسا ما يفهم وشي بيلا

امون طبعا ؟؟ صح ؟

ذبحتيني أنتي والتاء المربوطة والظاء والضاء هههههههههههه . بس كلي لك وتقريرك يستاهل






سبب التسمية بقوله لكم بعدين



ما قلتي لنا وش سبب التسمية







اول ما وقفت عند باب البلكونة تذكرت مشرفنا الأخ خاااااااااالد مدري ليش !! يمكن عشاني احس ان هالفندق فندق مشرفنا



هههههه ايه هذا مشروعي القادم وأنصحكم تسكنون فيه هههههههه



صورة أعجبتني









بعدها طلعنا قلنا نشتري موية بس كان اليوم الاحد والكل مسكر ..لفينا شوي حتى شفنا محطة بنزين فيها سوبر ماركت , دخلنا فيها ناخذ موية وأخذنا خبز توست وجبن شرائح وشبس.. سألناها : الموية غازية والا لا .. قالت : لا ...

حاسبنا وطلعنا ويوم وصلنا الفندق وفتحنا الموية صار فيها غاز (ماتوقعتها تكذب علينا بصراحة )



ما اتوقع انها مستقصدتكم وش راح تكسب ؟؟
== البنت هذيك اللي بالمحطه مسيكينه وحبوبه هههههههه والدليل ان زوجتي تكلمت معها كأول شخص تتكلم معاه بغير اللغة العربيه



ننتظر الجزء القادم ,,,

المشاركة الأصلية كتبت بواسطة لوي فيتون
http://www.arabtravelersforum.com/tr...6/#post1704686

هولستن

يلا قولي لي الحيييييييييييييين ------ جايه معصبه من القطري

وش معرف زوجك ----- ياربي بموت من اللقافه خخخخخخخخخخخ







looooooooooooooooool


:109::109::109::109:


***************************

هولستن ..

ما شاء الله تقرير رائع ومعلوماتك دقيقة ..

واحلى ما فيها عبود ربي يخليه لك هو واخوه ...


ذكرتيني باحلى سفرة رحلت لها ......


ما فيه مثل النمسا بتاتن البتة ..


والزحليقة من جد فاتتكم .. بس اللي اعرفه انهم يقلبونها رحليقة شتوية بالشتاء :114:

ما علينا ..

عوضتيها باحلى مناظر للشلالات والثلج عليها ياااااااااااااي يجنن ...


ونفس الصورة اللي باعلق عليها لقيت القطري & اللولي معلقين عليها وهذا إن دل على شي فإنما يدل على عمق اواصر الاخوة والمحبة وأننا اخوة في ساحة واحدة

أختي هولستن ... يعطيكِ العافية عى هالتقرير ...والله يوسع صدرك ... ذبحتيني من الضحك على (( الآنسة منشن )) :109::109:... ئي والله تحبسنا في العلية ... :109:

بس ترى يا اختي في كل سفرة لازم تطلع وحده منشنية :101:

متابعة معاكِ أختي ....وبالتوفيق :113::113:

وهنا من تتوقعون شفنا ؟؟






أخونا " شم النسيم "وحرمه المصون في رحلتهم لشهر العسل



ماشاءالله زوجك يعرف زوجه مسبقا ولا كانت صدفه عشان التوقيت ؟؟ :114:









اول ما وقفت عند باب البلكونة تذكرت مشرفنا الأخ خاااااااااالد مدري ليش !! يمكن عشاني احس ان هالفندق فندق مشرفنا



وهل يخفى القمر اكبر مطبل للسي فيلا با المنتدى خااااالد :109:










بعدها اخذته في لحضه حسيت فيها من جد بمعنى إن إلام تفقد ولدها ؟ متأثرة بالأفلام



الله يخلي لكم عبودي ويبلغكم فيه :24:









المهم سألنا الرسبشن عن الزحليقة الصيفية قالو لنا سكروها أول مابدا الثلج ينزل قلت على حضي ..قلت مو معقولة ان أصلاً اهم شي عندي الزحليقة الصيفية .قالو عاد هذا اللي صار
المهم غيرنا.. وقلنا نروح للشلالات .. بعد قولو سكرنا الموية .
قالو: لا لا هذي تونا ماسكرناها .



من جد فاتكم شيء كبير لانها من اروع الزحليقات اللي صادفتها باوروبا بس يا الله خيره










سبحان الله فرق كبير بين الشلالات با الصيف و الشتاء بس الصوره روعه واحساس جميل تشوف شلال متجمد :24:








واصلي ايتها المبدعه ونحن متواصلين معاك في متابعة ابداعاتك وتحفك الفنية الرائعه

[




QUOTE=خاااااااااالد;1704562]يعطيك العافيه هولستن وصورة رااااااائعة بصراحه

وشوقتيني لصور الثلج ما توقعتها تسوى

مثل صور الخريف بصراااااااحه خيال عند اخونا القطري



خيااااااااااااااال الثلج هناك
خلاص انا بروح اجرب الصيف هناك وانت دورك تروح تجرب الشتاء :24:

ومدامك اعرست وخلصت عااااادي جرب الشتاء .. بس بشرط يكون في اول نزول الثلج لان اذا نزل الثلج وعبا الارض خلاص ماراح تستمتع بشي .. بس ما انصح المعاريس بهالجو :101:







هههههههههه عدلتها لأن أخاف اللي ما راح للنمسا ما يفهم وشي بيلا

امون طبعا ؟؟ صح ؟



والله عارفة المقصد






ذبحتيني أنتي والتاء المربوطة والظاء والضاء هههههههههههه . بس كلي لك وتقريرك يستاهل



هذي عقدتي الأزليه ..استحالة اقدر افرق بينهم :109:







ما قلتي لنا وش سبب التسمية



هههههههههه
سبب التسمية في اليومين الاخيرين بذكرها .. لاني والله كاتبة كل الايام وكنت بحط الجزء كامل احس انو لماتكتب موضوع ويكون مرة وحدة ماتقطعة تكون الفايدة منة اكثر وماتشتت القارئ .بس للأسف تسكرت علي الصفحة وراح كل التعب ..:110:
ورجعت اعيد التنسيق بس ماكان عندي وقت وأكتفيت بأول يومين ..وذكرت شوي من سبب التسمية يوم شينت الأخلاق علينا علينا :36_1_3:
واللي مايعرف الأنسة منشن هذي اللي كانت عصبية ومتسلطة على سالي وكانت تحبسها في العلية وتخليها تخدم بالمدرسة ..ماكانت تضحك ابد :109:..يازين افلام كرتون :109:









صورة أعجبتني





هو فية شي هناك مايعجبنا :24:









ما اتوقع انها مستقصدتكم وش راح تكسب ؟؟
== البنت هذيك اللي بالمحطه مسيكينه وحبوبه هههههههه والدليل ان زوجتي تكلمت معها كأول شخص تتكلم معاه بغير اللغة العربيه



لا لا اكيد مو مصتقصدتنا ,,عشان شكلها حليلة قلت ماتوقعت انها تكذب علينا..يلة الله يسامحها :101:

[




QUOTE=حدّي مصــر;1705108]

ماشاءالله زوجك يعرف زوجه مسبقا ولا كانت صدفه عشان التوقيت ؟؟ :114:

لا ولافية سابق معرفة ولاشي ..بس مجرد صدفة









وهل يخفى القمر اكبر مطبل للسي فيلا با المنتدى خااااالد :109:




:109::109: اتوقع انو شاري اسهم في الفندق










الله يخلي لكم عبودي ويبلغكم فيه :24:



الله يسلمك عقبال ماترزق بالولد الصالح :101:











من جد فاتكم شيء كبير لانها من اروع الزحليقات اللي صادفتها باوروبا بس يا الله خيره




:110::110:لا تشيشني ..اروح الحين اتزحلق
عاد تصدق انهم كاتبين في منشوراتهم ان الزحليقة تتسكر بتشرين الثاني بس مدري ليش سكروها قبل












سبحان الله فرق كبير بين الشلالات با الصيف و الشتاء بس الصوره روعه واحساس جميل تشوف شلال متجمد :24:



الشلال مو متجمد بس اللي حولين الشلال بس ..واحس هالوقت يكون الشلال شوي ضعيف لان اغلب الماء تجمد

سبحان الله شوف الصورة ..تقول من كمرة وحدة بس مصور بالاسود والابيض









واصلي ايتها المبدعه ونحن متواصلين معاك في متابعة ابداعاتك وتحفك الفنية الرائعه

[/QUOTE]

الله يجزاك خير ..احرجتي بكلامك :106:

المشاركة الأصلية كتبت بواسطة لوي فيتون
http://www.arabtravelersforum.com/tr...1/#post1705211

طييييييييييييييييييب ياهولستن

ما اعلمك اسم زوجي

انا بصراحه ما ادري وش ملقفني ومخليني متحمسه الا بعرفه

تدرين بعد التفكير

خلاص ما ابي اعرفه

ولا انا قايله لكم اسم زوجي

واخوي

واختي

وصديقتي

وهذاك الي يقرب لنا من بعيد

وصديق زوجي

8888

طلعوا كل المنتدى اعرفهم ههههههههههههههه



الله يستر .شكل الحمولة كلها بالمنتدى :109::109:

السلام عليكم و رحمة الله و بركاته،،

هل الآنسة "مينشن" هي "أندريا"؟

المشاركة الأصلية كتبت بواسطة Abe amer
http://www.arabtravelersforum.com/tr...7/#post1705417

السلام عليكم و رحمة الله و بركاته،،

هل الآنسة "مينشن" هي "أندريا"؟



يمكن اسمها كذا .بس مو حقت النظافة هم 2 وحدة بالرسبشن والثانية هي اللي تنظف