الموضوع: ما رأيكم بالخطوط السعوديه؟؟

السلام عليكم ورحمة الله وبركاته

للأخوان اللي جربوا الخطوط السعوديه الى امريكا مامستوى تقيمكم لها وهل هي مريحه بالرحلات الطويله
انا صراحه قبل كذا الى امريكا اخذت الخطوط الاماراتيه وبصراحه ماعليها كلام مريحه جدا:24:
لكن هالمره شكلنا بنتحول الى السعوديه لان كنا ناوين نروح على الامارتيه من دبي على هيوستن لكن للاسف يوم شفنا الحجز بنوصل دبي 9 وماراح تطير طيارة هيوستن الى 9 صبحا يعني قعده طويله بالمطار
وراح يكون صعب علينا من الرياض دبي
ومن دبي هيوستن
ومن هيوستن سان دييغو

لكن فكرنا بتغيير مسار الرحله
الرياض واشنطون - سان دييغو او لوس انجلوس
كذا اسهل وماراح نوقف بمطارات كثيره
لكن بسالكم هل هي مريحه
الشاشات حقتها فيها افلام كثيره وتشتغل ولا مثل باقي الرحلات القصيره تخرب وماتشتغل:105:
( لان معي طفل وبحاجه للشي هذا )
نوع الطياره ماهو

شكرا لكم

مواضيع عشوائيه ممكن تكون تعجبك اخترناها لك:

• الأخ مع التحية
• لاس فيجاس
• رحلة الكتراز تستاهل وتصلح للاطفال؟
• استخراج فيزا للمولود كيف
• انا في ورطة؟؟
• الله يخليكم من لديه المعرفة ارجوا ان يفيدني
• الأوراق المطلوبة للسفارة فيزا علاج
• اسؤال بخصوص الفيزه والجواز؟ ارجوكم ساعدوني
• سؤال بخصوص موقع
• ممكن معلومات عن مدينة بولاية نيو يورك ؟
• رايكم بالفندقين؟
• ايش تسوي بالطائرة
• الدليل السياحي للمدينه الي بتزورها
• مقابلتي بعد يومين
• فنادق اورلاندو
• أرجو المساعدة ضروري في خطأ مطبعي بالفيزا
• استفسار عن بعض المدن
• سؤال بخصوص أجهزة التلفاز في أمريكا
• فزعتكم ياشباب ويابنات عن الجواز الأمريكي
• هام لاصحاب الاجراءات الاداريه

المشاركة الأصلية كتبت بواسطة أمونه
http://www.arabtravelersforum.com/tr...6/#post2001711

السلام عليكم ورحمة الله وبركاته

للأخوان اللي جربوا الخطوط السعوديه الى امريكا مامستوى تقيمكم لها وهل هي مريحه بالرحلات الطويله
انا صراحه قبل كذا الى امريكا اخذت الخطوط الاماراتيه وبصراحه ماعليها كلام مريحه جدا:24:
لكن هالمره شكلنا بنتحول الى السعوديه لان كنا ناوين نروح على الامارتيه من دبي على هيوستن لكن للاسف يوم شفنا الحجز بنوصل دبي 9 وماراح تطير طيارة هيوستن الى 9 صبحا يعني قعده طويله بالمطار
وراح يكون صعب علينا من الرياض دبي
ومن دبي هيوستن
ومن هيوستن سان دييغو

لكن فكرنا بتغيير مسار الرحله
الرياض واشنطون - سان دييغو او لوس انجلوس
كذا اسهل وماراح نوقف بمطارات كثيره
لكن بسالكم هل هي مريحه
الشاشات حقتها فيها افلام كثيره وتشتغل ولا مثل باقي الرحلات القصيره تخرب وماتشتغل:105:
( لان معي طفل وبحاجه للشي هذا )
نوع الطياره ماهو

شكرا لكم

الخطوط السعودية جربتها في أغلب رحلاتي الدولية

وخاصة لأمريكا

طائرات جديدة وممتازة وفيها مصلى

وغير كذا الآحظ تقديرهم وتجاوبهم مع العائلات :101:

والمقاعد لو حجزتو من الآن المقاعد الي في المنتصف وجعلتو مقعد بينكم فاضي

احتمال انكم تأخذون جميع المقاعد الخمسة بسهوله :24:

أما الخطوط الأخرى صعب الحصول على المقاعد المطلوبه يعني انتم ثلاثة ماتقدرون تأخذون الي بالنص

وكذلك الوجبات ممتازة وخاصة لمن معاه أطفال

نوع الطائرة هي بوينج 400 - 747 جامبو وهي تعتبر جديدة

وخط السير من الى لوس انجليس أفضل ليس لأني فيها

ولكن عند العودة سوف تكونو ا خلصتو ساندييقو كلها

واما لوس انجليس فمهما جلستوا فيها لن تنهوها

كذلك مطار لوس انجليس اكثر رحلات وبالتالي يمكنكم التغيير والأختيار يكون أكثر

لذا يكون المطار من لوس انجليس افضل من ساندييقو

تحياتي

الخطوط السعوديه في الرحلات الدوليه بصراحه كويسه و يهتمون بالمسافرين. بس على فكره ممنوع الشورت فيها هذا القانون الظاهر من وزاره الداخليه.

طيب ممكن
سؤال
اش الايام المتاحه
اي يوم بالاسبوع رحلة واشنطون؟
ومتى العودهةفي اي يوم

اذا السفر من الرياض:

فخطوط اللوفتهانزا ممتازه و تروح لأغلب المدن الكبيره المريكية و الميزة ان الانتظار في مطار فرانكفورت 3 ساعات بس.

طبعا الخطوط السعودية ممتازة بس المشكلة في نقطو الوصول أو المطارات اللي تروح لها و هي نيويورك و واشنطن لأنك لازم تخلي اقل شي 6 ساعات ترانزيت أو بتروح عليك الطيارة.
فيه خيارات ثانية مثل الفرنسية من الرياض أو الكي ال ام او البريتيش من البحرين \ الدمام.

الخطوط السعودية ممتازة في الرحلات الطويله وشاشاتها حلوة وافلامها جديدة وتعاملهم مرة حلو انصح فيها الصراحة..

شكرا لكم ريحتوني

بس رحلة واشنطون 8 الصباح
ماحب رحلات الصباح

بكل صراحه الخطوط السعودية ممتازه في الرحلات الطويله خاصه اوروبا وامريكاء وماليزيا

بس انا عندي لكي اقتراح ما يخرش المايه:114: لا تنامي 24 ساعه اضربي من القهوة الين تقولي بس ولما تركبي الطائرة اطلبي او جيبي معك لبن او بطيخ ( حبحب) ( جح) بارد وكلي منه وصدقني مافي اقوى من كذا منوم بتروحي في سابع نومه يمكن ما يقومونك الا في الفندق وانتي ما تدرين عن نفسك وترتاحي من غثاء الانتظار :109:

والله عن تجربة ورحلات طويله لامريكا وماليزيا وعن تجربه شخصيه الخطوط السعوديه كويسه
واعتبر اسعارها اهون من رحلات تانيه وانا اللى يرضيني انها دااااااايركت من جد راحه بال بدل ماانزل في كم محطة على طول مرتاحه
والله يخترلك مافيه الخير
اما الافلام فجديد في جديد وحلوه ومنوعه صح انها مو زي رحلات تانيه بس برضو حلوه
ولد لو في سن افلام كرتون راح ينبسط بالشنطة واللعب اللى جوتها وبافلام كرتون والعاب الشاشه
ونتمنى لكم رحلة سعيده على متن الخطوط السعوديه

ايش رايكم في البريتش أير ويز لأمريكا ؟؟؟ بالنسبة للأفلام و الترانزيت في لندن كيف يكون طويل ولا ؟؟ أنا اختي في لندن وودي أشوفها في المطار لكن ما عندي فيزا بريطانية .. وش السوات ؟؟؟ أقدر أشوفها في المطار تتوقعون ؟؟

وكيف الطيران البريطاني من ناحية التعامل و الزحمة ؟؟


علما [اني بصير لحالي يعني بدون محرم ولا احد و اخوي بيستقبلني في واشنطن !!

اخت دريم لاين
عادي
الرحله 8 ونص
وانت طرتي 9 نص
ميب غريبه على الخطوط السعوديه بالتاخير دائما
زين ساعه
اذكر مره جلسنا داخل الطائرة بسفرتنا لماليزيا ساعتين يوم سألنا قالوا ان فيه مريض بينزلونه ؟؟ مريض بينزل له ساعتين معقوول؟؟

لا لا لا تقارنين رحلات ماليزيا برحلات اوروبا وامريكا


ما فيه مقارنه


الطياره جامبو وجديده ومره يهتمون بالخدمه


والرحله تطلع 8 ونص بس ممكن تأخرت الى 9 وربع احتمال علشان زياده الاجرائات والتفتيش


بس الصراحه حلوه

هم يقولووون طائرات ماليزيا حلوه

لكن فعلا سمعت ان اوربا وامريكا غير مدري اش معنى

مره رحلت لسريلانكا سياحه صراحه الطائره جدا مقرفه

لا ماعليك ان شاء الله


الطائرات اللي تروح ماليزيا وشرق اسيا قديمه مره ومافيه شاشات والسبب والله اعلم انه السعه المقعديه فيها اكثر وكذلك علشان العماله الاسيويه



لكن الطائرات اللي تروح اوروبا وامريكا جديده وفيها شاشات ترفيه عند كل مقعد والخدمات والاكل مره ممتاز وهم يهتمون اكثر في الرحلات اوروبا وامريكا على وجه الخصوص


الله يكتب لكم اللي فيه الخير ان شاء الله



اخوك دريم لاينر

شكرا
اخ دريم لاينر