الموضوع: هل من الممكن ان يتوظف الشاب السعودي في احد دول مجلس التعاون

السلام عليكم ورحمة الله وبركاتة ..

اخوتي في الله .. ماسجلت هنا الا وانا مظطرة لهذا الشيء..
فأتمنى اذا كان الموضوع مخالف .. عدم حذفة .. ولا اعرف وين اكتبه في اي قسم ..
لكن ان شاءالله يكون مكانه هنا ..

اخوتي انا جاية هنا اسئل واستفسر وممكن تدلوني ..

زوجي متخرج من دبلوم تقنية شبكات وغيرها من الدورات والكورسات ..
ولكن وللاسف لم يحالفة الحظ في الوظيفة ..

والله العظيم ماترك ماكن الا وقدم علية ويتابع وظائف النت او بأول خصوصآ ,, ( الخدمة المدنية )
والان صرت انا اتابع وابحث معه .. ولكن كأن الوظائف " فص ملح وذاب "
احكي لكم من واقع تجربة .. لا اعرف ولا ادري وين راحت !!!

واقترحت عليه يقدم ع دول مجلس التعاون .. ابحث عن رزقك في اي مكان وانا ع اتم الاستعداد ان حصلت ع وظيفة ان اتحمل البعد عن الاهل والاحباب مقابل رزقك ..

ومن خلال تصفحي للنت قرأت انه في الامارات توفر وظائف للسعوديين وقيل في قطر .. ولكن ماعرف كيف الطريقة وكيف التقديم .. اتمنى اني اساعد زوجي لأرد له جزء من جمايله لأنه لم يقصر معي ابدآ ..


....

واسئل الله ان يرزق شباب وشابات المسلمين الوظائف التي تعينهم وتساعدهم ع هذه الحياة ...

مواضيع عشوائيه ممكن تكون تعجبك اخترناها لك:

• صـور مـؤثرة مـن احـداث الحـادي عشـر مـن سبتـمبـر
• للتربيه العملي الكعك الاسفنجي
• دع القلق وهيّا لنبدأ الحياة
• انتبه وأنت تركض خلف السعادة فقد تتجاوزها؟
• قوة الثقة بالذات
• أنواع الدهون وأهميتها لجسم الإنسان
• تواقيع العرسان
• اليك ياقلبي الصغير
• شاب غض بصره عن فتاة فأصبح ملياردير
• لماذا بعضنا لا يحلم او يفكر بحفظ القران
• مدرّسة لغة عربية تزوج عليها زوجها فكان دعاءها الآتي
• الحب الحب الحب الحب صوووور
• ابني بنفسك السعادة في حياتك
• صور نادره جدا لحياه البدو قديماً
• ®جيت®
• فوائد التلبينة النبوية
• الله يعفو عنا توي سمعت الحديث وحبيت انقله لكم
• الأكـــــزيمــا و علاجــاتها
• الرجل الوسيم‎
• عَفْـواً لِيْسَ لَديِـك الآْدبْ الْـكآفـِيـے

الله يوفقه ويرزقه الرزق الحلال الطيب .

اعتقد فيه فرص عمل في قطر والامارات وبالاخص قطر ارى توجه الشباب السعودي عليها . وكثير من الاعلاميين
والمدرسين والمهندسين رايحين لها .ايضا هناك فرص في التعليم يكون مسؤول معمل حاسب ويدرس الماده طبعا
وفي المناطق النائيه
اذا كانت المادة تسعفه انصحيه يُكمل البكالوريوس ولا يقف عند حد معيّن .. واعتقد بعض الشركات الكبرى
مثل سعودي اوجيه وغيرها فيها فرص عمل في مجال الحاسب الالي .

الله يوفقه ويرزقه من حيث لا يحتسب .

ممكن ليش لا بس لو يخلون شبابانا الدلع الزايد

اللي يجرب الحياة بدون وظيفة وغلاء المعيشة .. يخليه يتنازل عن الدلع ..


مازلت انتظر احد يدلني لأني والله ماعرف كيف ووين يقدم !!

في اي منطقه زوجك ؟؟؟؟

المشاركة الأصلية كتبت بواسطة %22wareef%22
http://www.arabtravelersforum.com/tr...8/#post5749768

والله فكرة اكمال تعليمة هو ان شاءالله بيكمل ..
لكن اخاف برضو يكمل ويتعب ويدفع وبالاخير تصير شهادته جنب شهادة الدبلوم .. ثم فعلا يتحطم من قلب..

راح ادله ع سعودي اوجيه ..

مشكور اخوي حدي ابها .. اسئل الله ان يرزقك الفردوس الاعلى من الجنة



اللهم آمين .. وإياكم .

كل ما ارتفع علمياً لقى فرص اكبر وافضل .. المفروض يعتبر الدبلوم بداية وليست نهايه لانه بالمملكة الاغلبية من حملة
شهادة الدبلوم .

انا توظفت بالثانوي بفتره سابقه في شركة براتب اقل من 2000 وكملت واخذت الدبلوم وصار لي تحويل عقد بنفس
الشركة باكثر من 5000 و كملت بكالوريوس وكان فيها غبن باحتساب الساعات وحصلت على البكالوريوس تقنية
برمجة ورفضوا عملي يزيدون راتبي ويشاء الله يجينا عمل لنفس شركتنا في منشأة حكوميه وقدمت اوراقي عليهم
وقبلت ولله الحمد .

حفزيه يُكمل البكالوريوس ترا المبتعثين راجعين واعتقد بياكلون الاخضر واليابس علينا نسبه كبيره منهم راجعين
بالماجستير والبكالوريوس وبتخصصات قويه .

اذا ماله خلق يكمل او ماديا ماعنده انصحيه بالدورات القصيرة المتنوعة ممكن تفيده بالمفاضلة مثلا ولو اني اشوف لو
يكمل افضل وفيه الجامعة العربية المفتوحة تم اعتمادها من وزارة التعليم العالي و يوجد بها تخصص حاسب آلي
ومحاضراتها ممكن تكون الصباح او العصر حسب رغبتك وهالنظام ممتاز للموظفين او من ينتظر وظيفة بعكس باقي
الجامعات لا يمكن للموظف الا الاكمال عن طريق الانتساب ومافيه انتساب حاسب الي وبعض التخصصات . وعملك
مستحيل يفرغك للدراسة .

بالتوفيق .

يروح لي قطر ويلقى خير

الاجانب اخذو وظايفنا واحنا نتفرج

الله يرزقه الوظيفة المناسبة يارب

بس ترى المعيشة تعتبر اغلى بدول الخليج مقارنة بالسعودية

ومو سهل الانتقال الكامل لانه فيه مصاريف عالية وسكن و و

بعكس مثلا لو توظف هنا براتب قليل بيقدر يدبر حاله ويمشي اموره ع الحفه

ولو صار شي لاقدر الله اهله واهلك موجودين وقريبين

وبالتوفيق لكم

جنونـ : من المنطقة الوسطى ..

ترانزيت : عادي تعودنا خيرنا لغيرنا )=

حدي ابها : اشكرك اخي الكريم بردك وتأكد اني لن انساك من دعائي وهذي اجمل مكافأه ..
وزوجي عنده دورات غير الدبلوم ..
اول شيء الدبلوم معتمد من جامعة بس درسة ع حسابة الخاص
وسبقق درس دورات مثل ( الدعم الفني & ادخال بيانات & كورس انجليش & كورس اعاقة عقلية مع التطبيق وغيرهااا الكثييير ..
وعنده بعد خبرة كاتب في مدرسة 6 شهور ..

لكن اشوفه يقول بيكمل دراسة عن بٌعد وانا جالسة اشجعة ..
حتى شجعته بدراسة لغة شهرين او ثلاث في بريطانيا او كندا .. وتنازلت اني اروح معه عشان التكاليف تصير اقل .. لكن قال لنا واحد انه ماراح تنفع هي مجرد لغة لا اكثر ..


وسيم : صحيح غلاء معيشة وزود ع كذا البٌعد عن الاهل اصعب واصعب .. لكن وش يسوي يحط يده ع خدة وينتظر قطرة الوظائف متى تنزل وان نزلت تقاسموها اهل الوسائط !!

انا سمعت من ناس انو فيه وظيفه فجده في شركه اسمها شركة الخليج للبلاستيك
خليه يدور لهم رقم ويسال او لو قدر يجي جده

والله شي يقهر من جد ولا يحس فيها الا اللي عايش هاللحظه شهادات ودورات وبالأخير جالس والمشكله متزوج

انا كنت اشتغل عشر سنوات وعندي لغه وتخصص واكثر من عشر دورات بنفس تخصصي يعني عندي خبره مو سهله جتني ظروف وانفصلت ولي سنتين بدون وظيفه لكن الحمدلله مو متزوج

وعليكم السلام ورحمة الله وبركاته

ليش مايكمل دراسته بالخارج عن طريق المؤسسة العامة للتدريب المهني والتقني هم يعادلون له شهادته ويكمل بكالوريس

واذا رجع يوضفونه اعتقد براتب 12000 ريال قريته في موقع خاص بالمبتعثين

بالتوفيق

الله يرزقه ويرزق كل الشباب الوظائف المناسبه لهم

إن كنتوا بالرياض او ماعنده مشكلة يجي الرياض يا اختي خلي زوجك يراسلني عالايميل
وباذن الله احاول اسنعه على حسب الاستطاعة
سياسة المنتدى تمنع وضع الايميل لذلك ممكن تراسلين المنتدى عن طريق الاقتراحات والشكاوى على ما اعتقد

اختي جنونـ ...

اذا كانت وظيفة مضمونه وراتبها حلو .. ليش لا ..
الله يوفقك ويسعدك بحياتك ..

ترانس ..

مشكور اخي واسأل الله ان يسعدك في الدنيا والاخرة

راح خلي ..

الامل ان شاءالله برب العالمين كبير فهو لن يخيب امل اي عبد يسأله .. انا متفائله ان ربي راح يرزقك ويرزق زوجي عاجلا ..
وانا احمد ربي واشكرة دائما انه ارزقني بزوجي هذا ولم اندم يوما اني تزوجته وهو غير موظف ..

ام فرح وبسمة ..

جيتي ع الجرح .. ماتدرين انه امنيته اكمال تعليمه براا .. ولكن لا اعتقد ان الشروط راح تقبله .. لأن عمرة 32 سنه ..
ولكن ان شاءالله الشروط تقبلني واحاول جاهدتآ التقديم ع البعثة لعلها تكون من نصيبي حتى يصير هو مرافق معي ومنها يقدر يحقق حلمة ويكمل تعليمه هناك ..

اخي الزآآآجل ..

لا بالعكس هو ماتفرق معه اي مكان .. هو اساسا اذا نزلت وظائف في اي منطقة مايتردد بالتقديم عليها..لكن لم يحالفة الحظ
وانا كتبت موضوع في الشكاوي والأقتراحات وارفقت فيه ايميل زوجي .. وسأخبره بذالك ليتواصل معك ..
واسأل الله ان يقدرك ع مساعدته .. وان يجعلها في موازين اعمالك ..

أختي كل ماأملكه لكما هوالدعاءوالله يختارلكما مافيه خيروصالح ويغنيكم بحلاله عن حرامه وبفضله عمن سواه......أختكِ ذهب

فكرة العمل في دول الخليج غير مناسبة ابداً ..

يعني ياخذ راتب هناك 10 ريال = 300 ريال في السعودية

اتكلم عن غلاء المعيشة ليس بفرق العملة ..


اسأل الله ان يعوضه خيرا

الله يعينه بسسسس

اختي لا تخافين اللي عند الله قريب
والخيره مااختارها الله وتراكم على اجر

اختي على فكره
والله انا كنت زيه ماعندي وظيفه ودخلت جامعه الملك سعود تربيه خاصه والله تبهذلت الين دخلت وعقبها الحمدلله مدرس في الحساء وهذي السنه الثالثه لي

الشاهد من الكلام هذا
اذا كان زوجك امه موجوده على قيد الحياه فنصيح انه يلزمها والله ان التوفيق والرزق بعد الله عندها
وسمعت احد المشايخ يقول انتبه يمر عليك يوم من الايام وانت ماقدمت في يومك هذه الاشياء الثلاثه ولو بشي قليل وهي
1- ادخل على امك سرور سوى بمكالمه هاتفيه او مبلغ من المال او كلام طيب
2- انتبه يمر عليك يوم وانت ماقرأت حتى ولو جزء من ايه من القران الكريم
3- انتبه تنام وانت لم تصلي لله ثلاث ركعات قبل النوم غير الفروض

والله ان كلامه اثر على حياتي تأثير عجيب ولله الحمد والمنه


وأسال الله العظيم رب العرش الكريم ان يوفقك انت وزوجك لما يب ويرضى يارب

بالتوفيق ان شاء الله

السلام عليكم اختي الفاضله خلي زوجك يروح للمدينه الصناعيه بالرياض هناك وظايف كثيييير الراتب من 5000ريال وطالع وانت وشطارتك بالمقابله وان شاء الله يرزقه بالوظيفه