الموضوع: تقرير رحلتي سويسرا عشق لاينتهي

بسم الله الرحمن الرحيم
في البداية ابي اشكر كل اعضاء هالمنتدى الرائع اللي ساعدني في تخطيط رحلتي وبالاخص الاخ العزيز (( أبو عزيز))
انصح اخواني بالقراءه ثم القراءه ثم القراءه هالمنتدى
يكفى ان المنتدى فيه كافة المعلومات اللي يحتاجها السائح
والحمد لله خططت رحلتي ومشيت على نفس المخطط
وراح ابدا بتقريري المختصر والبسيط عن رحلتي الصيف الماضي 2008 واعتذر عن قلة الصور لان اغلبية الصور كانت شخصيه
الخطوط الناقله
( الخطوط الجوية القطرية )
تكلفة التذاكر 6572 ريال سعودي
وكنت حاجز من شهر 12-2007 تذاكر على الخطوط القطريه الدمام الدوحه ميلان والرجعه ميونخ الدوحه الدمام واخذت رقم الحجز وسويت الفيزا وحجزت الفنادق وجيت بقص التذاكر لقيت انهم ملغين الحجز وماعرفت ووش السبب وعلى كلامهم ان في بداية احد الاشهر يسوون جدولة الرحلات من جديد (ادري تصريفه عذرا اقبح من ذنب )) وبعدها تورطت ومالقيت الا الدوحه ميونخ ميونخ الدوحه
والحمدلله قدرت اسوي تخطيط رحلتي بشكل جيد بعد هالموقف اللي حطوني فيه الخطوط القطريه الله يهديهم



وبسم الله ابدا
-----------------------
وصلنا الى مطار ميونخ الساعه 8 مساء ثم توجهنا إلى شركة تأجير السيارات ( sixt ) في المطار لاستلام السيارة نوع
Car group: CPMR
Sample model: BMW 1er, Volvo C30

وهذي صورة السياره



ثم الانطلاق إلى فندق ( Golden Tulip) شمال ميونخ ويبعد عن المطار مسافة 17.4 كم


يوم الأربعاء 23-7-2008 م
توجهنا إلى مدينة ( كومو ) في إيطاليا فندق مدينة كومو هو( Grend hotel )
إحداثياته
N 45 44 35.03 E 11 37 29.33
http://www.hotel-lake-como-ghcomo.co...l_como_eng.htm


المسافه 463 km
المده 5 ساعات
و تم المرور على ( هايدي لاند ) الواقعه في مدينة Maienfeld
كان الطريق في غاااااااااية الروووعه وعند الوصول الى هايدي لاند توقفنا
إحداثيات المواقف:
E 9 32 38.3 N 47,01,01.3
وذهبنا الى منزلها المنزل جداا رائع حبث وجد به مجسم لاهايدي وبيتر وجدها واغراضها وغرفتها كامله وكانت رحله موفقه والحمد لله









بعدها كان الطريق الى الفندق في كومو وفي الطريق كنا مخططين نمر على
(أوت لت فوكس تاون ) كان يالقرب من لوغانو السوق كان نوع ما جيد يعني مو ذاك الزود يعني الواحد مايتعنى له ذي وجهه نظري
كملنا الطريق الى ان وصلنا الى كومو قبل غروب الشمس وسوينا تشك ان في الفندق وونزلنا الاغراض وطلعنا نلف بالسياره حول المدينه ولما غربت الشمس رجعنا وكان الفندق جداااا رائع وخدمتهم كانت الحمد لله جيده
وهذي صوره للفندق



صراحه كومو رائعه ويكفي الهدوء فيها والجو كان حلووو


يوم الخميس 24-7-2008 م
التوجه إلى سوق سيرفالي في مدينة (serravalle scrivia ) إحداثيات السوق N 44 44 8.58 E 8 50 11.4
المده من الفندق الى السوق ساعه ونصف والمسافه 143 KM
ومن السوق يتم التوجه إلى ميلانو (ساحة الدومو )
إحداثياتها
N 45 27 51.8 E 09 11 25.4


السوق كان جدا رائع حيث ان الاسعار جدا مناسبه حيث كان يضم العديد من الماركات العالميه بسعر مخفض وتغدينا في السوق طبعا لاتفوتكم البيتزا كانت رووووووووعه













بعد ذلك تم التوجه الى ساحة الدمو وسوقها Galleriavittorio Emanuele وكذلك شارع Via Montenapoleone
السوق بوجه عام رائع قمنا بالتجول في الساحه حيث الكوفي على جوانب الساحه حيث ان الساحه مليئه بالحمام الذي تعرض لهجوم من ابنتي










لكن لم نستطع ان نتسوق لاننا وصلنا في حوالي الساعه السادسه والنصف وكانو يغلقون الساعه السابعه وكانت المدام هكذا:112: وعدنا على كومو بعد اخذ وجبة عشاء وقعدنا على البحيره وتعشينا وكان الجو جداااا رائع بعدها توجهنا الى الفندق

مواضيع عشوائيه ممكن تكون تعجبك اخترناها لك:

• الفيزا ألمانية
• يالخبراء انتظر إجاباتكم بأسرع وقت ممكن
• رأيكم في مخططي للسفره ماتبقى الا اسبوعين على السفر
• مرحباا فيكم اتمنى وقفتكم لاتحرموني
• رحلتي الجميلة الى سويسرابالصور
• مساعدتكم واضافاتكم على جدولي لجنيف و انترلاكن
• الي الاخ العزيز ابو عــــــــــــــــــــــــــــــزيــــــــــــز
• اتمنى المساعده رحله لمدة يوم الى اوروبا
• استفسار عن محطات القطار في جنيف
• استفسارات انترلاكن
• ساعدوني للترتيب لشهر العسل الله يجزاكم خير
• ماهي الطرق المؤدية من إنسبروك إلى إنترلاكن والأماكن التي تستحق الزيارة ؟
• استفسار عن انترلاكن
• التخطيط لرحلتي اقل من شهر متبقي
• عاااجل احنا بسويسرا وال موراضي يدخل الاحداثيات افيدونا باسرع وقت
• ارجو المساعده رحلة فرنسا سويسرا
• أرغب في السكن في مدينة بين زيرمات ومونت بلانك وآنسي
• ضروري ارجو الرد مساعدة بخصوص سفرتي
• افضل فندق للسكن بانترلاكن يهمني رايكم
• وش رايكم في هالشقه بانترلاكن

في الصباح وقبل ان نتوجه الى انترلاكن ركبنا قارب كان الرحله جدااا ممتعه فيه حيث خرجنا الى ان وصلنا الى سنتر المدينه في الصباح في حدود الساعه 9 وتمشينا في المدينه وكانت رائعه وكانت هادية مررره
وحدث موقف لزوجتي وقفنا واحد ايطالي وقال لي لابد ان تنزل زوجتك الغطاء عن وجهها وقلت له هل انت شرطي قال لا وبينت له ان القانون الايطالي مايمنع ذا الشي (طبعا الكلام من راسي بس عشان اصرفه ) وكانت زوجتي تعيش حالة رعب حيث انه قال سوف استدعي البوليس وهنا تركته وخليته يتكلم لحاله انا ذكرت لكم هالموقف لان مو كل الاشخاص هناك جيد بعضهم يتقبل الحجاب وبعضهم يتنرفز لما يشوف والشعب الايطالي شعب جيد بعد ذلك طلبت مني زوجتي السرعه في المغادره من كومو ونفذ طلبها
وهذا بعض الصور لمدينة كومو














يوم الجمعه 25_7_2008

أنترلاكن
N 46 41 6 E 7 51 00

الفندق Hotel Gloria
عنوانه :
3803 Beatenberg ,Switzerland
وكان يبعد عن انترلاكن عشر دقايق

احداثيات الفندق
N 46 41 23 E 7 46 25

http://www.hotel-gloria.ch/en/home_en.html

مسار الرحله
من لوغانو الخط السريع إلى لوزيرن ويتم التوقف في قريه Wassen

ومن ثم المرور على القرى Farnigen ثم Steingletscher ثم Gadman ثم nessental ثم lnnertkirchen وكل هذه القرى على الخط الزراعي( 11)
ثم ناخذ الخط الزراعي رقم( 6) من قريه lnnertkirchen ثم نمر على قرية Geissholz ثم الى انترلاكن
الطريق كان رااااااااااااااااااااااااااااااائع وكان جبلي والتوقف كان لابد واخذ بعص الصور توقفنا عند نهر كان شديد البروده وولكن المنظر كان يريح النفس جلسنا تقريبا ربع ساعه ثم اكملنا الطريق متوجهين الى انترلاكن قبل غروب الشمس
وهذه بعض الصور للطريق الزراعي














وصولنا الى انترلاكن
مدة الاقامه في انترلاكن خمس ليالي الفندق موجود في قريه
قرية Beatenberg ونتوجه الى الفندق Hotel Gloria

وصلنا انترلاكن تقريبا العصر وسوينا تشك ان ونزلنا الاغراض وثم توجهنا الى انترلاكن وتمشينا في الشارع الرئيسي الى وقت الغروب وبعدها رجعنا الفندق الفندق كان جدااا رائع يكفي طلته على البحيره خدماته جدااا ممتازه تعاملهم معنا رائع

وهذي صوره للفندق

ما شاء الله

الحمدلله على سلامتكم أخي أبو راما

تقريرك مرتب و خفيف ومنظم

بودي سؤالك عن الفندق في رست هل تعلم ان كانت به غرف ثلاثية او رباعية ؟

وكيف هي اسعاره ؟

موقع الفندق على النت لا يوجد به لغة انجليزية ..وهل تعلم فندق ثاني غيره قريب منه ؟


تقبل تحياتي

يعطيك الف عافية يا ابو راما على هالتقرير الخفيف والمفيد جدا

والله يحفظلك راما وام راما..

احييك بشدة على موقفكم مع الايطالي في الحجاب ادام الله عليكم الستر

وياليت تعطينا اسعار ايجار السيارة وتفاصيل الفندق اللي بانترلاكن

وعقبال السفرات القادمة

ماشاء الله تقرير مرتب وسريع وشامل أدق التفاصيل المهمة

جزاك الله خيرا ورزقك العفو والعافية في الدنيا والآخرة

المشاركة الأصلية كتبت بواسطة *ملكة الليل*
http://www.arabtravelersforum.com/tr...6/#post2690906

ماشاء الله تقرير مرتب وسريع وشامل أدق التفاصيل المهمة

جزاك الله خيرا ورزقك العفو والعافية في الدنيا والآخرة



مشكوره على المرور والدعوه اختي ملكة الليل

والله يجزاك كل خير ويوفقك في الدنيا والاخره

يعطيك العافيه اخوي ابوراما تقرير شيق وخفيف باسألك اول مره تقودسياره في سويسرا؟

وش رايك في قيادة السياره في سويسرا

الله يخليلك راما وام راما الله هم امين








اأ

تقرير روعه استطعت ان تذهب لكثير من المناطق التي تبعد عن بعض بوقت قياسي

رحله ممتعه

ماشالله تبارك الله الحمدالله على السلامه


تقرير مميز الصراحه والصور روعه وشرحك للتقرير مختصر ومفيد


تقبل تحياتي


, , ,

المشاركة الأصلية كتبت بواسطة زماااااان
http://www.arabtravelersforum.com/tr...8/#post2691088

الله يجزاك كل خير

وحيى االله مكه واهلها

السياره اخذتها من سكست وسويت الحجز من مكتبهم في الرياض المسؤول عن الحجوزات الدوليه كان متعاون

وعطاني تخفيض كبير على السياره ومعها بطاقة تخفيض البطاقه الذهبيه واسعاره اقل بكثير من النت

السياره اخذتها المدة 13 يوم بسعر 2970 ريال دفعتها كاش في الرياض واخذت تامين شامل على السياره مقداره 8 يورو يوميا من مطار ميونخ

وكان سعر اليورو 6 ريال في ذيك الفتره

السياره ديزل والقير عادي بس مريحه

تعاملهم سكست هناك كان ممتاز ويوم سلمت السياره عطوني ورقة التسليم وهم ما شافو السياره:114:

وحتى الي في المطار كان تعاملهم جيد في التسيلم سريع بس اخذو علي ضريبة المطار ومقدارها 9% على التامين و كرسي الطفل يعني لو اخذت التأمين وكرسي الطفل من الرياض كان ماحسبو على ضريبة المطار

والفندق الي في بتنبيرق كان رائع عباره عن غرفه مزدوجه وبلكونه مطله على البحيره والجلسه فيها قبل الشروق وقت الغروب ترد الروح وصاحبة الفندق السيد جاكي وزوجها كانو متعاونين معنا في كل شي طبعا الفندق اعتقد 3 او 4 نجوم بس حلو وختيارنا له كان موفق والحمد لله قريه بتنيبيرق تبعد 10 دقايق عن انترلاكن سكانها من كبار السن زي ماقال الغالي ابو عزيز
بس كانت هاديه وما فيها ازعاج زي ماكنت ابي



ماشاء الله رحلة ممتعة

اخوي هل اللي تعاملت معاه بشركة سيكست كان اسمه رامي ؟

انا حسيت ان النت ارخص منهم من اول مكالمة على السريع

وياليت تعطيني نصيحتك ابس سيارة اتوماتيك وصغيرة على قد الحال

تقرير جدا جدا جميل
ممكن شوال اخي ابو راما كيف قدرتوا تسيطروا على الوضع ونروحو كل هذا الاماكن مشالله ومعاكم راما مت تعبت ؟
لاني انا عندي ابني الضغير انشالله ناوي هذا الصيف اروح سويسرا وهو بيكون عمره سنتين ؟؟؟ ممكن تعطيني نصايح الله يخليك .............
وممكن سوال كم كلفتك الرحله من ناحيه الاكل وشوبينك هناك وبنزين
اشكرككك
ومشكور على هذا تقرير الرائع مشالله

المشاركة الأصلية كتبت بواسطة عبدالله بن عيسى
http://www.arabtravelersforum.com/tr...4/#post2691384

يعطيك العافيه اخوي ابوراما تقرير شيق وخفيف باسألك اول مره تقودسياره في سويسرا؟

وش رايك في قيادة السياره في سويسرا

الله يخليلك راما وام راما الله هم امين


اأ



هلا والله

الله يعافيك

هذي اول مره اجرب قيادة السياره في اوربا والحمد لله كانت ممتازه

القياده هناك ممتعه ومارح تمل انا مشيت من ميونخ الى كومو تقريبا 500 كم ماحسيت بالتعب بالعكس كل شي هناك يفتح النفس وبعد كل مسافه مو طويله تلقى باركنق تريح فيه وياعيني على المحطات هناك

بس من السلبيات هي المواقف داخل المدن فقط شوي متعبه ولازم تنتبه للوحات ولاأشارت المروريه زين بس المعلومات في المنتدي عن بعض المواقف موجوده زي ماصار معي في انسي على طول ماتعبت رحت على كلام ابو عزيز للمواقف مباشره ونفس جنيف صارلي


وخلاصة الامر لا تسوق من غير قارمن هذا اهم شي اذا نوى الواحد يجرب القياده هناك

واخذه معاك من دولتك افضل لك من الموجود عندهم وخاصه الي في المانيا لان بعضها مافيه خرائط اوربا كلها وغير الستنق ومعرفة الاستخدام

والله يحفض لك كل غاالي ويجزلك الله الف خير على الدعوه

اخوك ابو راما

المشاركة الأصلية كتبت بواسطة bohamod
http://www.arabtravelersforum.com/tr...4/#post2691394

تقرير روعه استطعت ان تذهب لكثير من المناطق التي تبعد عن بعض بوقت قياسي

رحله ممتعه




مشكور اخوي على مرورك الجميل هنا والحمد لله

من مخططي انه في الرحلات الطويله امر على المناطق السياحيه الموجود في الطريق زي ماصار معي في الطريق من ميونخ الى كومو مريت على هايدي كانت على نفس الطريق وسوق الفوكس تاون وبكذا قدرت امر على المانطق الي ابيها

المشاركة الأصلية كتبت بواسطة qatar3333
http://www.arabtravelersforum.com/tr...1/#post2691451

ماشالله تبارك الله الحمدالله على السلامه


تقرير مميز الصراحه والصور روعه وشرحك للتقرير مختصر ومفيد


تقبل تحياتي


, , ,



يشرفني مرورك الجميل في تقريري المتواضع


لك كل الود
اخوك ابو راما

المشاركة الأصلية كتبت بواسطة المسافـر الأنيـق
http://www.arabtravelersforum.com/tr...6/#post2691706

ماشاء الله رحلة ممتعة

اخوي هل اللي تعاملت معاه بشركة سيكست كان اسمه رامي ؟

انا حسيت ان النت ارخص منهم من اول مكالمة على السريع

وياليت تعطيني نصيحتك ابس سيارة اتوماتيك وصغيرة على قد الحال



مرحبا فيك اخوي المسافر ايه هو رامي

بالعكس معاي كان ارخص من انت بكثير اقل شي بنسبة 30% عطاني خصم :24: حاول تاخذ وتعطي معاه ولا تنسى تطلبه البطاقه الذهبيه

وبين انك شفت الاسعار في النت ونك تدور الارخص منها راح يفيدك ان شاء الله وابشر بالخدمه

ان متعود على العادي صح شوي تعب والتومتيك افضل بكثير ... بس انتبه مارح احد يضمن لك انه راح تلاقي نفس ماطلبت لو حجزت من هنا او من النت ... حتى لو كنت شارط هذي الشي عليهم وذا صار معاك هالموقف لا ترضي بي شي يعطونك ايها راح يسون لك اب قريد هم من انفسهم

ونصيحه السياره لا تاخذ الصغيره مره لانها راح تتعبك في العفش حذ سياره تاسع عفشك ونت مبسوط انا كانت عندي شنطه وحده كبيره وعربية راما وشنطة العزبه صغيره وكانت ال بي ام ممتازه واسعه

وترى اسعار الاوتوماتيك اغلى من العادي

المشاركة الأصلية كتبت بواسطة mbc54321
http://www.arabtravelersforum.com/tr...2/#post2691762

يعطيك العافية،

تقرير رااائع وصور روعة ماشاء الله.




ياهلا وغلا فيك اخوي

شرفني مرورك الجميل هنا

المشاركة الأصلية كتبت بواسطة AbuTalal7777
http://www.arabtravelersforum.com/tr...1/#post2692171

تقرير جدا جدا جميل
ممكن شوال اخي ابو راما كيف قدرتوا تسيطروا على الوضع ونروحو كل هذا الاماكن مشالله ومعاكم راما مت تعبت ؟
لاني انا عندي ابني الضغير انشالله ناوي هذا الصيف اروح سويسرا وهو بيكون عمره سنتين ؟؟؟ ممكن تعطيني نصايح الله يخليك .............
وممكن سوال كم كلفتك الرحله من ناحيه الاكل وشوبينك هناك وبنزين
اشكرككك
ومشكور على هذا تقرير الرائع مشالله



هلا والله اخوي ابو طلال

الحمد لله والله يعين علي الاطفال وتربييتهم صرحه كانت شوي متعب السفر مع الاطفال بس الله يسرها لنا

ولازم تطول بالك كثير عليهم

اما التخطيط

نصحتي لك انك تقرا في المنتدى وتشوف تجارب الخبراء ونصايحهم زين ولا تمل من القراءه انا اخذ من التخطيط تقريبا 3 اشهر حبه حبه وكنت مستعد من قبل الرحله بي فتره والحمد لله كان نفس ماخططت

كنت مخصص 100 الى 150 يورو يوميا في الاكل وتمشيه وزيارة والاماكن السياحيه مو مقصر على نفسي يعني يمكن اتعدى ذا المبلغ ويمكن تقل او تزيد

والحمد لله التكلفه لشوبنق :114: مدري بالضبط كم

انا السياره كنت ديزل وكنت تاخذ فل تقريبا 70 الى 100 يورو وتمشي تقريبا 600 كم الى 700 كم

عبيتها 5مرات منها المره الاخيره يوم أسلم السياره وقطعت اكثر من 3000كم

وامر يابو طلال

اخوك ابو راما

ش
كرا ابو راما قصرت الله يجزيك خير الدنيا والاخره امين كفيت وفيت

انا نفس الشي بادي ارتب للرحله من الحين هو السفر بيكون تاريخ 20 يوليو باذن الله وبامانه ساعدني اخي البسبوسي كثيررررررررررررر ما قصر
بس كنت شايل هم على الغير لانه تعرف الاطفال كيف مزاجين ومن شفت تقريرك ارتحت من شفت صورت راما الله يخليها للك انشالله بيني وبينك انا عندي خبره في لندن بس سويسرا ما عندي ابدا فكره لانه من انا وضغير والوالد الله يخليه كان يودنا بريطانيا وكان عندنا بيت في بورمث بس ام طلال اقترحت سويسرا فقلت تنوكل وصراحه منتدى المسافرين العرب ما قصروا وخصوصا البسبوسي


وانشالله نلتقي هذا الصيف في سويسرا انا حجزت اول سبع ايام بنكون في ديفون وبعدها بنروح لا انتر لاكن خمس ايام وليله في جنيف وبعدها ارجه لندن وبنكون عشر ايام في لندن


الله يخليك ابو راما اذا عندك نصايح بخوص الاطفال وبشكل عام خبرني ومنكم نستفيد

بالتوفيق
وانشالله انشوف مزيد من تقارير الجميله

الله يعطيك العافيه أخي .. موضوع جميل ومختصر مفيد
بارك الله لك في راما ووالدتها

المشاركة الأصلية كتبت بواسطة أم جاسم
http://www.arabtravelersforum.com/tr...0/#post2694270

الله يعطيك العافيه أخي .. موضوع جميل ومختصر مفيد
بارك الله لك في راما ووالدتها



مشكوره ام جاسم على المرور الجميل والله يحفضلك من تحبين ويجزاك خير على الدعوه

مشكور يا ابو راما والله يحفظك ويحفظ للك راما وام
اما مشكور راح اعمل
بنصيحك اكيد اكيددددددددددددددد

المشاركة الأصلية كتبت بواسطة زماااااان
http://www.arabtravelersforum.com/tr...5/#post2692465

مرحبا فيك اخوي المسافر ايه هو رامي

بالعكس معاي كان ارخص من انت بكثير اقل شي بنسبة 30% عطاني خصم :24: حاول تاخذ وتعطي معاه ولا تنسى تطلبه البطاقه الذهبيه

وبين انك شفت الاسعار في النت ونك تدور الارخص منها راح يفيدك ان شاء الله وابشر بالخدمه

ان متعود على العادي صح شوي تعب والتومتيك افضل بكثير ... بس انتبه مارح احد يضمن لك انه راح تلاقي نفس ماطلبت لو حجزت من هنا او من النت ... حتى لو كنت شارط هذي الشي عليهم وذا صار معاك هالموقف لا ترضي بي شي يعطونك ايها راح يسون لك اب قريد هم من انفسهم

ونصيحه السياره لا تاخذ الصغيره مره لانها راح تتعبك في العفش حذ سياره تاسع عفشك ونت مبسوط انا كانت عندي شنطه وحده كبيره وعربية راما وشنطة العزبه صغيره وكانت ال بي ام ممتازه واسعه

وترى اسعار الاوتوماتيك اغلى من العادي



انا عطاني سعر طيب للقير العادي اماالاتوماتيك قال لي انا باوصيهم عليك يسوون لك اب قريد بس ماضمن يعطونك قير اوتوماتيك ولاحتى ديزل !!! مع اني لقيت بالنت قير اتوماتيك موجود
لكن انا ابغى شئ مضمون من بدري ومابي سكر في موية علشان كذا ماعاد كلمته
وابغى اعرف منك هل عمل لك اب قريد ونفذوه هناك ؟ وايش استفدت من البطاقة الذهبية اللي اعطاك اياها ؟
انا قال لي ايضا باعطيك بطاقة ذهبية

تقرير رائع وشامل كل المعلومات المفيده

المشاركة الأصلية كتبت بواسطة المسافـر الأنيـق
http://www.arabtravelersforum.com/tr...0/#post2695930

انا عطاني سعر طيب للقير العادي اماالاتوماتيك قال لي انا باوصيهم عليك يسوون لك اب قريد بس ماضمن يعطونك قير اوتوماتيك ولاحتى ديزل !!! مع اني لقيت بالنت قير اتوماتيك موجود
لكن انا ابغى شئ مضمون من بدري ومابي سكر في موية علشان كذا ماعاد كلمته
وابغى اعرف منك هل عمل لك اب قريد ونفذوه هناك ؟ وايش استفدت من البطاقة الذهبية اللي اعطاك اياها ؟
انا قال لي ايضا باعطيك بطاقة ذهبية



هلا والله اخوي المسافر

اعتقد مافي احد يضمن لك نفس السياره بالضبظ

وخاصه اذا كانت تبي سياره ديزل او توماتيك لان ذا الشي حصل مع كذا واحد اعرفه في حجز السياره

هم اذا لقوها نفس المواصفات راح يعطونك ايها يعني التزمنا بها :105:

والي يقولك راح التزم وارح اعطيك نفس السياره لا تصدقه ابد هذا الشرط تلقه مكتوب في عقد استجار السياره ان الشركه غير ملزمه بنفس النوع والمواصفات

وهذا الكلام مو بس للسكست لكل مكاتب تاجير السيارات

اما سالفة ال اب قريد صحيح هذا الشي وراح يعطونك بنفس السعر مثال بس حاول تكسب منهم افضل شي

البطاقه الذهبيه تسوي لك خصومات وفيه بعد البطاقه البلاتنيه تعطي تخفيضات اكثر
اخوك

هلا يا ابو ريان كيف الشقق الفندقيه اللي سكنتها بجنيف كم تبعد عن مطار وكيف مستواها اقصد ناحيه النظافه وتعامل شكرا ما قصرت في انتظار ردك

زكيف كان هم الفندق جلوريا اللي سكنت في ؟؟؟؟؟؟؟؟؟؟؟؟؟؟؟

تقرير جميل ومرتب
ماشاء الله تبارك الله
والله يحفظ لك راما ويقر عيانك بها أنت ووالدتها الكريمة

مشكور

وربي يسعدك

المشاركة الأصلية كتبت بواسطة ثامر2007
http://www.arabtravelersforum.com/tr...2/#post2701662

السلام عليكم من شدة اعجابى بالموضوع ولانى منقطع كم يوم عن المتابعه لم استطع اكمال الموضوع
لانشغالى ولكن لن اغادر قبل شكرك على التقرير الرائع .



مشكورررر اخوي ثامر على حضورك هنا

ويشرفني مرورك الكريم ...

اخوك ابو راما :101:

المشاركة الأصلية كتبت بواسطة AbuTalal7777
http://www.arabtravelersforum.com/tr...0/#post2707710

زكيف كان هم الفندق جلوريا اللي سكنت في ؟؟؟؟؟؟؟؟؟؟؟؟؟؟؟



السلام عليكم ابو طلال

فندق جلوريا الي في بتنبيرق كان رائع عباره عن غرفه مزدوجه وبلكونه مطله على البحيره والجلسه فيها قبل الشروق وقت الغروب ترد الروح وصاحبة الفندق السيد جاكي وزوجها كانو متعاونين معنا في كل شي طبعا الفندق اعتقد 3 نجوم بس حلو وختيارنا له كان موفق والحمد لله قريه بتنيبيرق تبعد 10 دقايق عن انترلاكن سكانها من كبار السن زي ماقال الغالي ابو عزيز
بس كانت هاديه وما فيها ازعاج زي ماكنت ابي

الفندق ممتاز وماعليه كلام بس اذا انت ثبحت عن الفخامه وخدمة 5 نجوم لا تجيدها في هذا الفندق ... يوجد بجانب فندق جلوري فندق دانتي اربع نجوم ونفس الموقع ونفس الاطلاله وافخم من جلوريا وهذا الفندق كتب عنه ابو يارا في رحلته 2007 ===== وبعج اذا ابو يارا هذا الرابط ..
http://www.arabtravelersforum.com/travel140285/

اسم الفندق تغير الى دانتي اذا قريت الموضوع كله راح تلقى التوضيح من المشرف ابو عزيز


اما الشقق في جنيف حلوه ونطيفه وعباره عن استديو صاله ومطبخ وغرفة نوم .. المبنى فيه مركز استقبال ولا يمكن الدخول بعد الساعه 9 الى ببطاقه يعطونك ايها ااااااامان ان شاء الله :24: توجد مواقف مجانيه قريبه وعند باب المبني مواقف مجانيه من الساعه 7مساء الى 9 صباحا والله اعلم المنطقه غير بعيده عن سنتر جنيف 10دقايق وعلى طول الى طريق المونت بلانك ( ماتلف لا يمين ولا يسار )

اما عن المطار سويت بحث في قوقل ماب من Aéroport International de Genève, سويسرا

الى 17 Rue Marc Courriard, 74100 Annemasse عنوان الشقه

30-16 كم على حسب المسار يعني اخذت الطريق السريع 30كم و من وسط جنيف شارع المونت بلانك 16 كم والوقت 22 دقيقه تقريبا .

شوف هذا الموقع

http://www.viamichelin.co.uk/viamich...?redirect=true

تقرير مفصل وروعه أخوى زماااااان

وتسلم على أضافة الاحداثيات لأفادة الجميع

عسى ربى يوفقكم

تسلم موضوع متكامل ومختصر وصور جميله


دمت معافى

تقرير جميل والحمد الله على سلامه
لو سمحت ياخوي ابي احصل على تخفيض من سسكست بطاقه الذهبيه و البلاتنيه ابقك تدللي من النت الرخص او ويش الرخص
الله يعطيك العافيه ........

المشاركة الأصلية كتبت بواسطة أبو عزيز
http://www.arabtravelersforum.com/tr...8/#post2708918

تقرير مفصل وروعه أخوى زماااااان

وتسلم على أضافة الاحداثيات لأفادة الجميع

عسى ربى يوفقكم



هلا والله

مشكور لك يابو عزيز استفت من تقريرك قبل ...

والله يوفقك..

المشاركة الأصلية كتبت بواسطة الدم الاخضر
http://www.arabtravelersforum.com/tr...2/#post2710252

تسلم موضوع متكامل ومختصر وصور جميله


دمت معافى



مشكور على المرور اخوي الله يبارك فيك .








المشاركة الأصلية كتبت بواسطة كسرى العرب
http://www.arabtravelersforum.com/tr...8/#post2710348

يعطيك العافية




مشكور اخوي على المرور الجميل هنا

المشاركة الأصلية كتبت بواسطة قرم القروم
http://www.arabtravelersforum.com/tr...2/#post2711212

تقرير جميل والحمد الله على سلامه
لو سمحت ياخوي ابي احصل على تخفيض من سسكست بطاقه الذهبيه و البلاتنيه ابقك تدللي من النت الرخص او ويش الرخص
الله يعطيك العافيه ........




مرحبا فيك اخوي ..

انا اخذت السياره من مكتب سكست الي في الرياض مقابل مدينة الملك فهد الطبيه والبطاقات اطلبها من عندهم بس قبل لا تجيهم شيك على سعر السياره في النت .. واطلبهم يعطونك تخفيض وقول ابي ادفع عندكم كاش ..

شاكر لك اخوي زمان على سرعة التجاوب

اخوي زمان هدفي من الرحلة هي زيارة اهم المعالم و لا اخفيك اخي العزيز هالثلاث دول امنية عندي من زمان اني ازورهم و لا اقدر ازيد عدد الايام لاني اجازتي ما تسمح و لكن باحاول قد ما اقدر اني ارتبها
فما رأيك بالاتي ؟

روما يومين لزيارة اهم المعالم مثل الكولسيوم - الفاتيكان - السبانش ستيبس و غيرهم و اليوم الثالث تقريبا نصف نهار لزيارة برج بيزا المائل و نصف يوم في روما

3 ايام في ميلان طبعا ميلان مافيها شي , راح اقضي اليوم الاول عند الدومو و اليوم الثاني فينيسيا و الثالث كومو

بالنسبة لسويسرا شرايك اطلع من ميلان الى انترلاكن بالقطار تقريبا 3 ساعات و اجلس فيها 3 ايام بعد ذلك انتقل الى جنيف يوم واحد فقط بهدف الراحة و تقريب المسافة من باريس

6 ايام في باريس و راح اخصص يوم واحد فقط لبروكسل
طبعا حنا راح نكون شخصين انا و زوجتي

شرايك هل ينفع هذا الترتيب و الا يبيله تعديل ؟

الله يعطيك العافية على المعلومات المفصلة

هههههههههه

لا اخوي لا ملقوف و لا شي انت تمون

الظاهر انك فهمت روما يومين لا هي 3 ايام

يعني 3 ايام روما و 3 ايام ميلان و انترلاكن 3 ايام و جنيف يوم واحد فقط و اخيرا باريس 6 ايام

بس صعبة اشيل روما بس ممكن اغير اشياء ثانية

روما 3 ايام , ميلان 3 ايام , انترلاكن 4 ايام و باريس 6 ايام

بس كان ودي اخلي انترلاكن 3 ايام و يوم واحد فقط في جنيف بما انها في المنتصف بين انترلاكن و باريس لاني لو باطلع بالقطار من انترلاكن الى باريس راح تكون المدة تقريبا 6 ساعات
فقلت اخلي انترلاكن 3 ايام و جنيف يوم واحد بهدف الراحة و الانطلاق الى باريس في اليوم التالي و راح تكون المسافة تقريبا 3 ساعات و نصف

بس ممكن اني اتنازل مثلا عن يوم في ميلان و اضيفه مثلا على جنيف لتصبح يومين او اضيفها على اي مدينة ثانية

و في النهاية يهمني رايك
انتظر منك اللمسة الاخيرة و مشكور و الله يوفقك اخوي

الأخ الغالي المحب زماااان

تقريرك روعه ورائع جداً

وفيه فوائد لمن يريد السفر لسويسرا

ذكرت فيه الأحداثيات ومواقع الفنادق

والمسافات بين بين المدن

لله درك ما اجمله من تقرير

ووالله ما اقولها مجاملة لك تصويرك اعجبني كثيراً

هذه الصورة شوقتني كثيراً لسويسرا كثيراً



الآن عرفت أن بالموقع مركز تحميل للصور

شكراً لك

فندقك Hotel Gloria

هل كان على اليمين وانت طالع لقرية Beatenberg

مجرد فضول لأني اذكر فندق على اليمين

قريب من فندقك

والله يحفظ لك راما ويرفع شأنك

يعطيك العافية يازماااان رحلة كانت موفقة رغم قلة عدد الأيام

بس حبيت أسألك بخصوص (شلالات الراين - Rheinfall ) بما أن كانت عندك طفلة الله يحفظها لكم ،مافي خطر على الأطفال لأن حابة أمر على هاالشلال بس خايفة من تدفق الماء عليهم؟

وكم المسافة مابين جنيف وموقع الشلال بالقطار أذا كانت عندك خلفية؟

المشاركة الأصلية كتبت بواسطة طائر الغربة
http://www.arabtravelersforum.com/tr...0/#post2717160

الأخ الغالي المحب زماااان

تقريرك روعه ورائع جداً

وفيه فوائد لمن يريد السفر لسويسرا

ذكرت فيه الأحداثيات ومواقع الفنادق

والمسافات بين بين المدن

لله درك ما اجمله من تقرير

ووالله ما اقولها مجاملة لك تصويرك اعجبني كثيراً

هذه الصورة شوقتني كثيراً لسويسرا كثيراً



الآن عرفت أن بالموقع مركز تحميل للصور

شكراً لك

فندقك Hotel Gloria

هل كان على اليمين وانت طالع لقرية Beatenberg

مجرد فضول لأني اذكر فندق على اليمين

قريب من فندقك

والله يحفظ لك راما ويرفع شأنك

هلا والله بك اخوي طائر الغربه ولا طائر النمسا :24:

يشرفني مرورك هنا والله يعطيك العافيه ويحفظ لك من تحب

وترى سويسرا بعد ااااادماااااااااااااان والله احاول ادخلها في المخطط الجاي غصب

تمنيت انك تطول فيها وتنبسط مو تجلس في الشقه بس :112: وفنجان سبريسو جاي واحد رايح :109:

ايه صحيح الفندق الي اخذته كان على اليمن وبعد فندق دانتي 4 نجوم بس كان :24:

الا صحيح كيف الشقه في بتنبيرق ؟ راح اتابع تقريرك من بعيد وليت لو تذكر مستوى الشقق والخدمات الي فيها وهل السعر كان مناسب

تحياتي لك وتمنى لك التوفيق والله يديم السعاده في قلبك

اخوك ابو راما

المشاركة الأصلية كتبت بواسطة سحر الليل
http://www.arabtravelersforum.com/tr...7/#post2717337

يعطيك العافية يازماااان رحلة كانت موفقة رغم قلة عدد الأيام

بس حبيت أسألك بخصوص (شلالات الراين - Rheinfall ) بما أن كانت عندك طفلة الله يحفظها لكم ،مافي خطر على الأطفال لأن حابة أمر على هاالشلال بس خايفة من تدفق الماء عليهم؟

وكم المسافة مابين جنيف وموقع الشلال بالقطار أذا كانت عندك خلفية؟



مرحبا اختي الله يعافيك

والله يحفظ لك كل غالي

الحمد لله الرحله كانت 16 يوم حاولت ان يكون تخطيط لها بشكل جيد والحمد لله كانت رحله ممتعه ورتحنا فيها كثير

بالعكس مافي خطر على الاطفال اذا كانو تحت نظرك ونتي تشوفينهم زين طبعا في الرحلات الي في شلالات الراين 3 او اربع مسارات ( ذكرهم ابو عزيز في تقرير 2007 ) فيه واحد مهم يوصل للصخره الى عن بداية الشلال هذا التوقع الاطفال لي اقل من 4 او 5 سنوات مو زين لهم وجهة نظر شوي يخوف

وصرحة تجربت شلالات الراين كاااااااااااااانت روعه بمعنى الكلمه جرببوهاااااااااااااا وما راح تندمو ان شاء الله

انتم جربو اقل مسار اول شي ثم اذا ارتحتو جربو المسار الثاني وتكلفه ماكنت غاليه 4 يورو اعتقد

المسافه بين جنيف والشلالات 315كم والمده كانت 3ساعات طبعا بالسياره والقطارات مادري بالظبط يمكن نشوفين الموقع حق القطارات موجود في الدليل

اتمنى اكون اجبت على استفسارك بشكل صحيح

اخوك ابو راما

تقرير روووووووووووووعه اعجبتني الصور مررررررره...........بس اخوي تنصحني مااطلع اي قمه ثلجيه اذا كان معي طفله بعمر سنه؟؟ والا وش رايك
مشكووور

مشكووووورأخوي زماااان على ردك لي ماقصرت
بس جنها بعيدة لو فكرنا نروح للشلالات عن طريق أنترلكن!!

المشاركة الأصلية كتبت بواسطة Loyal to you
http://www.arabtravelersforum.com/tr...4/#post2722184

مشكور اخوي ابو راما و ما قصرت الله يعطيك العافية على مجهودك معانا




هلا والله

وما سوينا شي.... والله يبارك فيك ..

المشاركة الأصلية كتبت بواسطة صوت القطار
http://www.arabtravelersforum.com/tr...8/#post2726488

تقرير روووووووووووووعه اعجبتني الصور مررررررره...........بس اخوي تنصحني مااطلع اي قمه ثلجيه اذا كان معي طفله بعمر سنه؟؟ والا وش رايك
مشكووور




هلا اختي..

مشكوررررره على المرور والصور في سويسرا اكيد راح تطلع حلوه ... لا بالعكس القمم الثلجيه مره حلوه وذا الاطفال لبسو جاكتات ومعاطف... ماكو مشاكل ان شاء الله عليهم

انا مارحت للقمه بسب ام راما افترحت هالقتراح انا رحنا قبل قمه ثلاجيه في النمسا ومالها داعي التكرار ...

علما ان قمة كابرون ما تقارن في في انترلاكن :24: نسيت اسمها الحين الي في انترلاكن اكبر وافضل والتلج على طول موجود ..

المشاركة الأصلية كتبت بواسطة @jwdy@
http://www.arabtravelersforum.com/tr...0/#post2727310

تقرير جميل شكرا لك



مشكورررره على المرور ويشرفني ان او مشاركه لك في هالمنتدى كانت في موضوعي ...

المشاركة الأصلية كتبت بواسطة سحر الليل
http://www.arabtravelersforum.com/tr...7/#post2728657

مشكووووورأخوي زماااان على ردك لي ماقصرت
بس جنها بعيدة لو فكرنا نروح للشلالات عن طريق أنترلكن!!

المسافه بين انترلاكن والشلالات 180 كم وتفريبا ساعتين ... انا اشوف انها مو بعيده سواء بالقطارات او السياره ...

صحيح اذا كانت معاكم سياره افضل .... لان الطريق لها راااائع من انترلاكن ... لوزيرن ... زيروخ ..الشلالات..

المشاركة الأصلية كتبت بواسطة star78
http://www.arabtravelersforum.com/tr...9/#post2856549

يعطيك العافيه على التقرير الجميل

عندي كم سؤال لو تكرمت

انت سكنت في Annemasse انيماسي وهي قريه او مدينه فرنسيه على الحدود مع سويسرا وقريبه جداً لجنيف سؤالي:

اذا جيت تروح من الفندق لجنيف ما تمر على نقطة حدوديه واذا تمر على النقطه وش يطلبون منك وهل تحتاج الاستكر حق الطريق في سويسرا وفرنسا؟

هل تنصح بالسكن فيها لاني حصلت ان اسعار فنادقها ارخص من جنيف بكثير، وهل المواقف متوفره فيها؟

فيه فرق كبير بين اسعار الديزل والبنزين هناك؟


ومشكوووور




هلا والله فيك

نعم قريبه من جنيف مدة عشر دقائق تقريبا ونت في وسط جنيف وتمر على نقطة الحدود طبعا الجواز لازم يكون معاك بس بعد مادخلت سويسرا في دول الشينقل ماعتقد له داعي تشيل الجواز المهم صور منه تكفى والله اعلم اما الاستكر اصل لازم في سويسرا تركب استيكر السياره مدة سنه قيمته 27 يورو وفي فرنسا هناك تول تاخذ منك اذا ستخدمت الطرق الفرنسيه السريعه اما من انيماسي الى جنيف لا توجد هناك ضرائب على الطريق المستخدم

اتوقع اذا ماحصلت في ديفون و المناطق القريبه (اذا تحب الطبيعه ) منها

تعتبر انيماسي خيار جيد وممتاز

انا ماجربت البنزين فما عندي اي خلفيه عن الفرق بينهما

انا اشوف في المحطات ان سعر البنزين والديزل متقاربه بس المشكله في المسافه المقطوعه


ودمتم سالمين

المشاركة الأصلية كتبت بواسطة dj فله
http://www.arabtravelersforum.com/tr...0/#post2856570

الاخ زماااااان


تقرررررير مع صورررر تشد من البدايه الى النهااااااااايه الله يعطيك العاااافيه على اسلووووبك المميز .



مشكوره اختي على المرور

والله يعافيك

اخوي زمان الله ينور دربك

وعندي سؤال

الطريق من جنيف الى شامونيه وآنسي يحتاج لاستيكر سياره حق الطرق السريعه وبكم سعره ووين احصله؟



ومشكور

المشاركة الأصلية كتبت بواسطة star78
http://www.arabtravelersforum.com/tr...0/#post2859040

اخوي زمان الله ينور دربك

وعندي سؤال

الطريق من جنيف الى شامونيه وآنسي يحتاج لاستيكر سياره حق الطرق السريعه وبكم سعره ووين احصله؟



ومشكور




هلا والله فيك اخوي

اعتقد انه في فرنسا مافيه استكر يوضع على السياره في الطرق السريعه هناك ضرائب توخذ بشكل فوري عند استخدام الطرق السريعه

في طريقنا الى انسي سلكنا الطريق الزراعي ولا يوجد في استخدام الطرق الزراعيه اي ضرائب اما في طريق الرجعه الى جنيف سلكنا الطريق السريع

اول مامسكنا الطريق السريع هناك مراكز تحصيل الضرائب اما الكتروني او هناك شخص في داخل الكبينه لتحصيل الضرائب وفي العاده تكون اقل او اكثر من يورو واحد

وهذا الشي في ايطاليا ايضا عكس المانيا وسويسرا والنمسا استكر في السياره لمده محدده من خلاله تستطيع استخدام جميع الطرق في هذه الدول

اخوي زمااان

اعجز عن الشكر وما اقول الا

جزاك الله خير