الموضوع: خبراء الامارت ابوظبي تناديكم؟؟

مرحبا يا دلوعة يعقوب...
حيااااااااج الله في ديرتج وبين ناسج و اهلج...
اذا كورس بشركة شلمبرجيه عيل اكيد الاخت بتروولية..
الله يوفقج مقدما..

بالنسبة للفندق.. اتمنى تتأكدين من اسمه وتقوليلنا..
مافي فندق في بوظبي بهالاسم..
شي ارجان روتانا ..
وشي العين بالاس ..
بس ارجان العين ابوظبي ما عندنا شي في بوظبي بهالاسم..
اذا عندج لمت معين قوليلي وانا بقترح لج عدة فنادق على مستوى عالي وبمواقع حلوه واسعار معقوله..

بالنسبة للمولات اللي ممكن تروحيلها..
طبعا عمدج مارينا مول عالكورنيش هو الافضل من حيث المحلات والموقع..
وانتي سايرتله لازم تمرين على كورنيش بوظبي اللي بصراحه اشوفه من احلا الاماكن في بوظبي..
شي مولات ثانية مثل أبوظبي مول .. والخالدية مول ... والوحدة مول... ممكن تجربين تروحيلهم في فترة المسا خاصة الوحدة مول فيه محلات وايده حلوة للتشري...

انصحج بعد تروحين سوق شنغرلا البري...
عبارة عن سوق جديد في بوظبي بس ستايله قديم (ستايله نفس سوق مدينة جميرا اللي في دبي اذا شفتيه)
فيه محلات متنوعه ومطاعم مختلفة .. منها اللبناني (عبدالوهاب) والصيني (نودل هاوس) والهندي (اوشنا) والايطالي (سرتو) والافريقي (ميت كومباني) والياباني (سوشو) والفرنسي (دي فروتس).. وشي محلات مختلفة وشي سوبرماركت ابيلا بعد في هالسوق... هذا بالاضافة الي ستاربكس وباسكن روبنز وبعض محلات الشوكليت..

ضروري جدا تروحين قصر الامارات...ولازم تكون معاج كيمرتج.. تحفة معمارية والدخول عادي جدا.. بيوقفونج عند الباب الخارجي قوليلهم رايحه مطعم من المطاعم اللي داخل.. ممكن تقولين (مطعم الاوبارج ولامطعم الصياد ولامطعم أنار)

كورنيش بوظبي حاولي تروحين له في اكثر من وقت.. يعني العصر.. وقت الغروب ... والمسا ... المكان ولا اروع للمشي.. وشي محلات في جزء معين من الكورنيش..

قرية التراث اللي على الكاسر... (الكاسر هو جزء من الكورنيش ... في نهاية الكورنيش وانتي رايحه المارينا يجي الكاسر في المنطقة اللي على اليمين.. ) المنطقة صغيره بس روعه للتصوير... من هالنقطة توقفين تحت سارية العلم.. وتشوفين كورنيش بوظبي بالكامل على الجهة المقابلة... وحلو المنظر في النهار وفالليل للتصوير.. تكون العمارات واضحه ومرصوصه جنب بعض..

بالنسبة لوسيلة التنقل.... اذا مب حابة تاجرين سيارة وتسوقين بروحج.. بيكون اعتمادج على التكاسي... خاصة ان بوظبي تقريبا تعتبر ملمومه على بعضها واسعار التكاسي لمشاويرج انتي ما بتكون غالية.... وغير هذا التكاسي موجوده في كل مكان...

ان شاء الله لي عودة وبقولج اماكن ثانية ممكن تروحين لها في بوظبي...

موفقة يا رب ...

اخوج سعود

المشاركة الأصلية كتبت بواسطة دلوعة يعقوب
http://www.arabtravelersforum.com/tr...9/#post3389256

السلام عليكم

وعليكم السلامـ

المشاركة الأصلية كتبت بواسطة دلوعة يعقوب
http://www.arabtravelersforum.com/tr...9/#post3389256

2. شنو المولات الا تستاهل الزياره والاماكن السياحيه بابوظبي؟

المارينا مول
مركز ابوظبي مول
الخالديه مول
الوحده مول
مركز المهيري
مركز فتوح الخير

السموحه هذه اللي اقدرت اجاوبج عليه
والبركه في الاعضاء

المشاركة الأصلية كتبت بواسطة دلوعة يعقوب
http://www.arabtravelersforum.com/tr...9/#post3389256

السلام عليكم اعضاء منتداي الغالي .....وخصوصا خبراء الامارات الا ان شاءالله ماراح يقصرووون

بثاني احلا منطقه لديرتهم ابو ظبي المستغربه منه انه قليل المواضيع عنها ولامعلومات عن فنادقها فارجوا مساعدتي

جماعة الخير بسافر ان شاءالله نهاية هالشهر لحضور كورس بشركة شلمبرجيرل لمدة اسبوعين وبسكن بفندق ارجان العين ابوظبي....

اسالتي موو وايد 3 بس:

1. شلون هالفندق خدمته زينه ولا لا؟قريب من اي شي ولالا؟

2. شنو المولات الا تستاهل الزياره والاماكن السياحيه بابوظبي؟

3. وسيلة تنقل اعتمد عليها حتي يعني لو ممكن باص عام عادي ((احب المغامرات))

وجزاكم الله خيررر وماتقصروون .....

بالنسبة للسؤال الأول : ياليت لو نؤجّل الإجابة عليه حتى بكره لأني مش متأكد من مكانه , ألحين الوقت متأخر وباكر بناخذ لنا لفة , وبعدها برد لكم خبر .

السؤال الثاني :
الشق الأول::::::::
المولات هي (المارينا مول / أبوظبي مول / الخالديه مول / الوحدة مول / المهيري سنتر / ليوا سنتر / الراحة مول وهذا الأخير خارج جزيرة أبوظبي)

الشق الثاني::::::::
الأماكن السياحية هي: ( فندق قصر الإمارات / حديقة الشيخ خليفة / حديقة الخالدية / وأهم هذه الحدائق هي حدائق الكورنيش الجديد , وهي عدّت حدائق على طول الكرنيش / كورنيش أبوظبي الجديد والشاطئ الجديد / منطقة الكاسر /
إضافة إلى المولات التي ذكرناها في البداية .

السؤال الثالث : بالنسبة للمواصلات فهي وكما يقول أهل أبوظبي ( بين كل تاكسيّين سيّارة ) أي أن الأجرة أكثر من الخصوصي . ففي العاصمة أكثر من شركة مواصلات ولله الحمد , يعني لو تأشر بيدك يوقفون لك إثنين مش واحد . وإن أردت أن يأتونك إلى الفندق ماعليك سوى الإتصال بالشركة . وإن أردتم الباص فهو في كل شارع تقريبا في أبوظبي. لكن الباص شوي دوشة فيه .

وأي إستفسار إحنا في الخدمة للمنتدى ولأعضائه وكذلك زواره الكرام

جزاكم الله خير ماتوقعت السرعه بردوود تصحيح اسم الفندق هو

Al Maha Arjaan by Rotana, Abu Dhabi

وفندق محجوز من الدوام ماقدر اغيرررره.....

جماعة الخير وووودي بس تساعدووني باسواق شعبيه تكون المنتجات صناعه اماراتيه من شغل وايد اهل الامارات

ومشكووورين وبانتظاركم

بنتظاركم اخواني وخواتي

دلوعة يعقوب..
جي فرحتيني الله يرضى عليج..
ارجان روتانا فندق حلو وموقعه حلو.. كان اسمه بالسابق المها روتانا..
يعتبر بين ال 4 وال 5 نجوم... خدمته جدا راقيه وغرفه حلوه.. وخدمة الغرف ماعليها كلام..
سالتي عن الموقع.. طبعا المها ارجان روتانا في شارع حمدان اللي يعتبر في نص بوظبي وكل شي حولج والتكاسي متوفره بشكل كبير في هالمنطقة.. شارع حمدان كله محلات عدال بعض وشي سينما مقابل الفندق. باختصار الموقع جدا رائع..

بالنسبة لسؤالج عن الاسواق الشعبية... ذكرتلج في ردي اللي فوق.. قرية التراث اللي في الكاسر..
اي تاكسي يعرفها.. قوليلهم قرية التراث ولا كاسر الامواج ومن توصلين هناك بتشوفين لوحات..
تقريبا كل شي فيها صناعة اماراتية...

اذا عندج اي استفسارات ثانية انا حاضر... ^_^

ولد بلادي الله يبشرك بالخيررر وجزاك الله خيررر فرحتني علي الصبح ....الحمدالله انه الدوام متوصي فينا ))

بس علي حسابنا ((.......ماعليه

سمعت انه في فعاليات حلوووه بالفتره الا بكووون فيهااا منها عروض الافلام العالميه في سينمات وغير سباق السيارات ممكن تفيدني عنها يمكن ارووح ))


واذا في غيروااا ماعندنا مشاكل )).... ماقصررت

الله يعينك على زحمة بوظبي

يا مبدع لا تكون متشائم , والأخت جاية جاية يعني ما فرقت .

وإذا عن الزحمة تراها في كل مكان.

وبالنسبة للفندق فعلا مميز ومكانة أيضا مميز . لكن الإطلالة مش ولا بد

اي والله جايه جايه والزحمه في كل مكان بانتظار ردودكم

دلوعة يعقوب بالنسبة للزحمة ترى زحمة بوظبي في كل الحالات اقل من دبي..
وبوظبي بشكل عام مدينة هادية واحنا هني في بوظبي ما بدينا مشاريع السياحة من زمان..
في الفترة هذي ممكن تكون الزحمة اكثر بسبب سباق الفورمولا الي يقام لاول مره في الامارات..
بس بيكون في جزيرة ياس.. يعني برع بوظبي والجزيرة جديدة وحلبة السباق بعد جديده بس ممكن زحمة الفنادق في بوظبي نفسها تكون شوي مرتفعة..
هذا بالاضافة الى ان الفترة هذي شي وايد معارض في بوظبي.. بالتحديد في مركز بوظبي الدولي للمعارض..
بذكرلج المعارض وتاريخها.. عاد انتي وميولج..
في ثلاث معارض في نفس الوقت وفي نفس المكان في القاعات مختلفة..
26 - 28 أكتوبر معرض الازياء العربية في ارض المعارض...
26 - 28 معرض الشرق الأوسط للبصريات في ارض المعارض..
26 - 28 معرض الشرق الأوسط للأحذية والمنتجات الجلدية في ارض المعارض..

اذا تبين تعرفين اكثر عن هالمعارض ممكن تزورين موقع مركز ابوظبي الدولي للمعارض
http://www.adnec.ae

النسبة لسباق الفورمولا 1
http://www.yasmarinacircuit.com
هذا الموقع يعطيج معلومات كافية عن هالسباق وعن كل شي تحتاجين تعرفينه عن هالفعالية..
بصراحه الموقع مصمم بطريقة حلوه وشي عد تنازلي لموعد انطلاق السباق..
للعلم بتضطرين تشترين تذاكر والتذاكر مكلفة شوي ..

في مواقع بصراحه اتمنى تزورينها..
اتوقع بتفيدج
موقع هيئة أبوظبي للسياحه http://www.abudhabitourism.ae
فيه معلومات عن بوظبي وفيه عدة مواقع عن اهم الاشياء اللي تهم زوار بوظبي..

موقع اكتشف أبوظبي http://www.exploreabudhabi.ae
هالموقع انا اول مره اشوفه بس عجبني..
اتمنى تلاقين وقت وتدخلين... بتفيدج ان شاءالله..

نقطة اخيرة.. مهم جدا انج تزورين مسجد الشيخ زايد.. وضروري تكون كيمرتج وياج..
http://www.exploreabudhabi.ae/
هالرابط بعد بتلاقين فيه كل المعلومات عن المسجد وعن تعليمات الزيارة..

اذا احتجتي اي معلومات ثانية انا في الخدمة..

الله يعطيكم العافية يا أخوان كفيتو ووفيتو عن الفندق والأسواق بس عندي ملاحظة بسيطة بخصوص المواصلات أنا من رأيي أختي إذا أمكانياتج المادية تسمح لج أنج تستأجرين سيارة بسايق من مكاتب الإيجار بيكون أحسن لأن فيها راحة وحرية في الحركة أكثر عن إنتظار التكاسي في الشوارع وبتكون سيارتج وتحت أمرج 24 ساعة ولا تنسين أن السايق بيكون عارف كل الأماكن اللي تطلبينها بس ما عليج إلا تآمرينة ... والسموحة

الأخ العزيز (( ولد بلادي ))

أشكرك كل الشكر على التوضيح الأكثر من رائع . -- ولا حرمنا ربي -- من مشاركاتك .

ماقصرتوا شباب وجزاكم الله خيررر وفعلا كفيتوا ووفيتوا وان شاءالله يكون موضوعي مرجع لمسافرين الا بيزووون احلا ثاني مدينه بامارات الله يحفظ لكم شيخكم وديرتكم من كل شررر


وان شاءالله اذا عندي سؤال برجع لكم وحتي وانا هناك لا تنسوني عموما وادعوا لي

للرفع فيدونا اكثرر

باقي من الزمن 6 ايام يا ابوظبي)

السلام عليكم ورحمة الله وبركاته

انا توني راجع قبل امس الليل من ابوظبي في رحلة عمل .. امضيت ثمان ايام بابوظبي وساحاول اعطيك المفيد ..

البلد منظم وجميل والناس فيه تعمل باحترافيه ولكن لا تعتبر ابوظبي من وجهة نظري بلداً سياحياً ..

بالنسبة للأسواق:
يوجد مارينا مول وهو مول جيد وفيه مطاعم كمطعم حاتم الايراني وان كنت لم اجربه .. كما يوجد في المول سينما ..
كما يوجد ابوظبي مول ولا بأس به وفيه مطاعم متعددة منها الطازج ...

بالنسبة للتنقل:
الوسيلة الأفضل هي التاكسي وهو رخيص ففتح الباب للتاكسي العادي 3 دراهم وللسياحي 15 درهم وتكلفة مشوار في ابوظبي اقل من 15 درهم بشكل عام على التاكسي العادي .. توفر التاكسي ليس بسهل في الصباح الباكر مع الدوامات .. اذا قال لك الفندق بنطلب لك تاكسي سياحي قولي لا وراح تلقين تاكسي عادي .. الافي بعض الاماكن كفندق قصر الامارات فمن الصعب تلقين تاكسي عادي من عند الفندق..

بالنسبة للفنادق:
لا اعرف عن الفندق الي ذكرتيه .. لكن بشكل عام الحجز عن طريق الفنادق مباشرة في ابوظبي ارخص من مواقع الحجز كبوكينق .. سكنت فندق الرويال مريديان ب 812 شاملة الضريبة وبدون افطار من الفندق مباشرة . اغلب فنادق بوظبي فيها تجهيزات الشاي والقهوة مجانا .. فندق قصر الامارات تحفة معمارية رائعة انصحك بزيارته ولو لوقت قصير حيث زرته وصورت وخذيت ايسكريم فيه بحولي 60 درهم فقط مع خدمة 7 نجوم ...

بالنسبة للمطاعم:
مطعم بوكيت عالكورنيش وهو جيد ويقدم الشيشة للأسف .. موقعه جيد واكله جيد .. لكن دروات المياه -اكرمكم الله-دون المستوى ..
مطعم ابوطافش وهو مقابل مستشفى السلامة وهو جيد ويوجد مكان للعائلات ...

هذا الي يحضرني الآن واي استفسار حياك الله ...

دعواتي لك وللجميع برحلات موفقة وسعيدة

شكرا لك علي المرور والمعلومات المفيده ..... اذا عندك معلومات اكثر فيدنا فيها وجزاك الله خير علي معلومة التكاسي وايد فادتني )

وبالنسبه لمطعم بوكيت عالكورنيش شنوو نوع ماكولات لبنانيه ولا لا؟

للرفع...بانتظاركم

دلوعة يعقوب

ياهلا فيك

وحياك الله كـ زميله مجال واحد

وعذراً على التأخر لـ عدم تواجدي بالمنتدى

إن كنتي من الأشخاص الذي يستمتعون بالهدوء
فـ أبو ظبي هي الوجهه الأكثر تميزاً

السكن / مميز لإنه يقع في قلب أبو ظبي
على شارع حمدان
أقرب الأشياء لك هي فندق الكراون بلازا
وفندق النوفيتيل
ومركز حمدان للتسوق
المنطقه مميزه لإن كل الخدمات قريبه لك
يعني المطاعم منتشره بـ كثره
وعلى سبيل المثال هنالك مطعم إن لم تخطئني الذاكره
مطعم صيني ملاصق للنوفيتيل مميز جداً

الأسواق مثل ماذكروا الأخوه

أبو ظبي مول
هـ المول رائع وفخم بمعنى الكلمه
راح تستمتعين فيه سواء للتسوق أو لتناول القهوه
أو لمجرد قضاء الوقت والمشاهده
المميز في هالمول هو تواجد وإلتصاقه بـ فندق الروتانا بيتش
من أفخم الفنادق المتواجده بالمنطقه أكيد
وفيه جسر داخلي بين المول والفندق
إذا تحبين رأي شخصي ومن خلال تجربه
إذا كان هنالك وقت للتسوق ومن ثم لتناول العشاء
فـ أبو ظبي مول والروتانا بيتش هوتيل هم الأمثل
ليش مو لأنه ملتصقين لا أبداً
لإن أبو ظبي مول ( مول مميز )
ولإن الروتانا يحتوي على 16 مطعم عالمي إضافه إلى البوفيه
بس حاولي بخصوص المطعم تكونين قبل الـ 11 يعني على الـ10
لإن بعد ذلك مايستقبلون الطلبات

وإن كنتي من المحبين للمأكولات البحرية
في مطعم من ضمن هذه المطاعم أنصحك بالغداء وليس العشاء
لإنه داخل قبه في البحر يعني المنظر أجمل أما الطعام فـ شيء آخر رائع
وغالي شوي

المارينا مول هو الأجدد مكانه هو الأميز
على كورنيش أبو ظبي الرائع
جميل ويشرح الصدر بالنهار في صالة ألعاب جميله


عندك الوحده مول والخالديه مول
يعني تقريبا كـ مجمع الفنار في الكويت

وعندك الراحه مول خارج أبو ظبي مو بعيد
تابع لـ شاطىء الراحه

وبالأخير وقريب جداً من مكان السكن
يوجد لديك سوق زايد الشعبي
جميل ورخيص ومتوفر فيه أمور كثيره

الأماكن

شوفي طال عمرك

الاجواء في أبو ظبي شامية أكثر وسياحتها فندقيه
يعني زيارتك للفنادق سواء لرؤيتها
أو لتناول غداء أو عشاء أو لشرب القهوه
هي الأكثر رواجاً في أبوظبي
لكن مع هذا راح أشمل الأمكان من فنادق وغيرها

عندك فندق الميريديان مميز خاصه الجلسه
على إطلالة المسبح مميزه وخصوصاً بالليل
ولـ محبين الشيشه المكان مميز فعلاً

فندق الشنغريلا بـ صراحه شيء فخم
مجرد دخول للبوابه سـ تشعرين بالفخامه
وهو ليس ببعيد على بعد شارع واحد من مقر سكنك

طبعا لاننسى قصر الإمارات تحفه ولو أنني أكتفيت
من الخارج وإلتقاط بعض الصور للمبنى عن بعد

المقاهي المميزه واللي تذكرك بأجواء الشام
يعني موسيقى شرقيه هادئه جو في الخارج رائع
زحمه ناس حلوه جو مميز فعلا

الأميز من هالمقاهي هو ( ليال زمان )
أو مايسمى ( بوكيت ) مع التاكسي حاول تقولين الأسمين
لإن إذا ماعرف الأول بيعرف الثاني
والمقهى على الكورنيش الأفضل والأميز
يقدم مأكولات متنوعه ورائعه والخدمه جيده

بجانبه على بعد مترات مقهى أصغر حجماً جيد
لكن لايحضرني أسمه للأمانه

هناك مقهى على مرسى اليخوت
قريب من المارينا مول مميز فعلا
يعني على البحر وجو في الليل رائع
( إن كان على الوعد يوجد رجل كبير في السن مصري يدق عود لعبدالحليم وأم كلثوم )
الأغاني القديمه وهو مجموعه يضيفون للجو بعد جميل

طبعا إضافه للمقاهي
يوجد القريه الشعبيه بالقرب من المارينا وكاسر الأمواج
وفيها مطعم جيد وجميع المأكولات فيه
القريه الشعبيه جميله من صنع يدويه وحرفيات

بما إنا عند كاسر الأمواج هناك في بعض الفعاليات البحريه
أن كنتي من هواة هذه الأنشطه
( ولاتنسين تأخذين لك صوره لأعلى سارية للعلم الإماراتي هناك )

الجزر القريبه والهدوء الذي أحببته

عند كاسر الأمواج أو مرسى اليخوت
في نقطه إنطلاق لـ جزيرة اللولو
ينطلق البوت كل شوي مجموعه
الجزيرة تغلق لغروب الشمس
والأسعار بسيطه جداً
الجزيرة ( هادئه تكثر فيها النخيل
فيها مطعم ومقهى وبحيره صناعيه )

الأميز هو ذلك الشاطىء الهادىء
للسباحه أو حتى للجلوس هدوئها رائع
وبما إنها جزيره كبيره الحجم
فـ هنالك باص يمر لمن أراد العوده كل ربع ساعه
الجزيره جيده الأجمل هدوئها وشاطئها
وتحتاج إهتمام أكبر لكنها رائعه

هنالك جزيرة الريم الجميل بها أن هنالك جسر
يربطها باليابسه على حد علمي إلى تواجد العام الماضي من هذا الشهر
إلا إنها إلا الآن لم تنتهي ولكي أن تتأكدي من أهل أبو ظبي

وإن كان فيه نية للويك آند
جزيرة الفطيسي جميله
تاخذين شاليه وهدوء وطبعا أكثر فخامه في كل خدماتها

المكتبات العامه

راح أذكر لك أهم المكتبات المتميزه
إن كنتي من هواة القرآءه

عندك مكتبة أليانس فرانسيز
تحتوي على مجموعه كبيره من الكتب
للاستفسارات والأسئلة، يرجى الاتصال على:
6232 666 2 971+
9044 666 2 971

عندك مكتبة دالي المجتمعية
وهي من المكتبات القديمه
توجد في مركز أندروز في أبو ظبي
أوقات زيارة المكتبة كالتالي:
الأحد: 03:30 بعد الظهر – 07:30 مساءاً
الأربعاء: 12:00 – 02:00 بعد الظهر ومن 05:00 مساءاً – 06:30 مساءاً
الخميس: 11 صباحاً – 01:30 بعد الظهر

وعندك مكتبة النادي
توجد في ميناء ساديات أبو ظبي

أوقات زيارة المكتبة كالتالي:
أيام السبت والأحد والثلاثاء
الأربعاء: 10:00 صباحاً -05: مساءاً
الاثنين: 11:00 صباحاً – 09:00 مساءاً
الخميس: 10:00 صباحاً – 06:00 مساءاً
عنوان المكتبة على شبكة الإنترنت هو:
http://www.the-club.com

وبالأخير التاكسي لاتشيلين همه
متوفرين والأرخص والأفضل
ومكان سكنك تكثر التكاسي فيه بشكل كبير

أتمنى أني أفدتك
وأي إستفسار أنا حاضر

أخوك

SadSmile

جزاك الله خيرررررررررر علي هالمعلومات الوفيررره ............مشكوور

لوو ممكن مساعده جماعة الخيررر اكتشفت وللاسف متاخر ان سعر الفندق وااايد غالي بحدود 1000ديناركويتي لو تعرفوون مكاتب حجز فنادق ممكن اخذ منها هالفندق بسعرر ارخص اكووون شاكره لكم جداااااااااااا

المشاركة الأصلية كتبت بواسطة دلوعة يعقوب
http://www.arabtravelersforum.com/tr...9/#post3413389

جزاك الله خيرررررررررر علي هالمعلومات الوفيررره ............مشكوور

لوو ممكن مساعده جماعة الخيررر اكتشفت وللاسف متاخر ان سعر الفندق وااايد غالي بحدود 1000ديناركويتي لو تعرفوون مكاتب حجز فنادق ممكن اخذ منها هالفندق بسعرر ارخص اكووون شاكره لكم جداااااااااااا

دلوعة يعقوب

ياهلا فيك
العفو طال عمرك

كم مدة الإقامه بالسكن المها روتانا
ووين مقر الكورس

وبكم حابه يكون السعر تقريباُ
وشنو نوعية السكن اللي تحبينه

أنتظر ردك

أخوك

SadSmile

ابي نفس فندقي المده من 31-10 لين 13-11 غرفه فرديه مقر الكورس شلمبر جير.....واذا تعرف تكاسي ياخذنا يووم كامل لدبي او اي وسيله تكوون معنا طول هاليووم بليييييييييييييييييز

للرفع

المشاركة الأصلية كتبت بواسطة دلوعة يعقوب
http://www.arabtravelersforum.com/tr...5/#post3414755

ابي نفس فندقي المده من 31-10 لين 13-11 غرفه فرديه مقر الكورس شلمبر جير.....واذا تعرف تكاسي ياخذنا يووم كامل لدبي او اي وسيله تكوون معنا طول هاليووم بليييييييييييييييييز



[color="Blue"][center][b][font="Comic Sans MS"][size="5"]دلوعة يعقوب

ياهلا فيك

المشكله أنتي تأخرتي
والحجز بالأوقات القريبه ماراح تفرق معك

على نفس الشارع

عندك ثلاث فرص حاولي معاهم
كراون بلازا
نوفيتيل
الجولدن توليب

ماقصررت وجزاك الله خيررر )

المشاركة الأصلية كتبت بواسطة دلوعة يعقوب
http://www.arabtravelersforum.com/tr...9/#post3417019

ماقصررت وجزاك الله خيررر )

دلوعة يعقوب

ويجزاك خير

أي إستفسار آخر
حتى لو كنتي بالإمارات لاتترددين

أخوك

SadSmile

السؤال الاول الفندق ممتاز وخدماته ممتازة وموقعة استراتيجي

2-المولات هي\ 1-مارينا مول
2-ابوظبي مول
3-الخالدية مول
4-الوحدة مول
5-الراحة مول والكثير الكثير

المواقع السياحية\قصر الامارات\الكورنيش ياعيني على الكورنيش\حدائق الكورنيش\حديقة خليفة\حلبة مرسى ياس\قرية التراث\الكاسر\

وسائل المواصلات انصحك بالتكاسي وستاجار سيارة خاصةلكن الباصات

هههههههههههههههه الباصات كانت علي غشمرره .....صراحه كفيتوا وفيتواا وكله جم ساعه واكون عندكم الله يعيني علي الايام


بكون علي تواصل معاكم وانا اهناك بليززززز لا تنسوني )

حدي خاااايفه مادري ليش

المشاركة الأصلية كتبت بواسطة دلوعة يعقوب
http://www.arabtravelersforum.com/tr...5/#post3417935

حدي خاااايفه مادري ليش

دلوعة يعقوب

لا إن شاء الله سفره موفقه
تروحين وتردين بالسلامه
وتواصلي من هناك لأي شيء
وإن شاء الله أكون أنا وأخواني بالخدمه

أخوك

SadSmile

ماقصررت اول مره اسافر بروحي بدوون الاهل مع رفيجاتي بالعمل معاي بس هم (


الله كررريم ومشكوووور ))

سفرا سعيدا وعودا حميدا
ننتظر تقريرك عن هالسفرة خاصة لقلة المواضيع عن ابو ظبي
لاني بروح لبرشلونتي في ديسمبر
وشكرا

المشاركة الأصلية كتبت بواسطة دلوعة يعقوب
http://www.arabtravelersforum.com/tr...2/#post3418922

ماقصررت اول مره اسافر بروحي بدوون الاهل مع رفيجاتي بالعمل معاي بس هم (


الله كررريم ومشكوووور ))

بالتوفيق يارب

أخوك

SadSmile

المشاركة الأصلية كتبت بواسطة دلوعة يعقوب
http://www.arabtravelersforum.com/tr...5/#post3417935

حدي خاااايفه مادري ليش




افا ليش؟؟

انتي مب بروحج... وحياج الله بين اهلج وناسج..
بتنور بوظبي وصدقيني ما بتحسين انج غريبة..
اتمنى تستمتعين بالنوع هذا من السفرات..
العمل والتمشيه مع بعض

اذا احتجتي اي شي وانتي في بوظبي لا يردج الا لسانج..
توكلي على الله ولا تحاتين شي

شوو حالكم شخباركم ابشركم وصلت والحمدالله الفندق غرفته حلووه ولكن ناقصه اشياء وايد مافي اني فاسيلتي غير حمام سباحه ولوبي وايد صغير المنطقه او شارع وايد مزعج ولكن اسواقه حلووه )

اول يوم رحت مارينا موووول وايد حلوو بس كبيرر وايد والمطاعم مطشرره يعني موو مكان واحد....بعدها خذيت بنصيحة الاخ سمايل ورحت الكاسر وقعدت بمقهي امواج الكاسر علي ما اعتقد مكان هادي وحلوو بس موو مستوووي

اليووم رحت قصر الامارات وحضرت مهرجان المفكررررين واايد عجبني المكان ....


ان شاءالله اكمل لكم باجررر.....ومشكورين لك الا دعوا لي وو قفوا معاي )

الحمدالله عالسلامه..
موفقه دوم اختي..
ان شاءالله تستمتعين في بوظبي

good luck for you

المشاركة الأصلية كتبت بواسطة دلوعة يعقوب
http://www.arabtravelersforum.com/tr...8/#post3426018

شوو حالكم شخباركم ابشركم وصلت والحمدالله الفندق غرفته حلووه ولكن ناقصه اشياء وايد مافي اني فاسيلتي غير حمام سباحه ولوبي وايد صغير المنطقه او شارع وايد مزعج ولكن اسواقه حلووه )

اول يوم رحت مارينا موووول وايد حلوو بس كبيرر وايد والمطاعم مطشرره يعني موو مكان واحد....بعدها خذيت بنصيحة الاخ سمايل ورحت الكاسر وقعدت بمقهي امواج الكاسر علي ما اعتقد مكان هادي وحلوو بس موو مستوووي

اليووم رحت قصر الامارات وحضرت مهرجان المفكررررين واايد عجبني المكان ....


ان شاءالله اكمل لكم باجررر.....ومشكورين لك الا دعوا لي وو قفوا معاي )

دلوعة يعقوب

ياهلا فيك

حلو .. إن شاء الله رحله ممتعه
وأشكرك لإخذك برأيي

باقي أماكن كثيره ذكرتها
أبي أشوف إنطباعك عنها



بالتوفيق يارب

ولاتنسين الصوغه

أخوك

SadSmile

ولكم باك مره ثانيه مشكورررين وااايد علي السلامات.... واحب اقولكم وين رحت بالايام الا طافت

زرت مجمع الماريه موول و راي فيه انه مجمع صغيرر وايد بس يقضي الوقت بمطاعمه ومحلاته ومن ناحية الاكل فهذي نصيحه لاخواني الكويتين لاننا ذووقين بالاكل ((ما انصحكم بمطعم شليز الا بمجمع موو نفس الاعندنا :) بدوون زعل لاخواني الاماراتين....

زرت بعد مركز زايد التجاري يشبه مجمع الايووب عندنا بالكووويت واغراضه رخييصه اعتقد ينفع لصووغه )

بالويك اند زرررت دبي واااي وناسه رحت سنوق مرشد ونايف وتغديت بمطعم اصفهان الايراني حلوو اكله بس ما انصحكم بالللحم مب حلوووو ههههههه استوويت اماراتيه

ولا انسي مروو بعد سووق عكاظ جدام محل الحرمين للعطوور والبخور ومحل سيد جنيد هم حلووو للملافع والعبي وخصوصا محل بابوو للشيلات .... بعدها مرينا الممشي (the walk)) ويلسنا بستاربكس والمكان حدده روووعه

وبس افكر الحين ارووح ابوظبي موول وشنغرلا البري نطروووني عاد موو ترووحون

المشاركة الأصلية كتبت بواسطة دلوعة يعقوب
http://www.arabtravelersforum.com/tr...3/#post3435323

ولكم باك مره ثانيه مشكورررين وااايد علي السلامات.... واحب اقولكم وين رحت بالايام الا طافت

زرت مجمع الماريه موول و راي فيه انه مجمع صغيرر وايد بس يقضي الوقت بمطاعمه ومحلاته ومن ناحية الاكل فهذي نصيحه لاخواني الكويتين لاننا ذووقين بالاكل ((ما انصحكم بمطعم شليز الا بمجمع موو نفس الاعندنا :) بدوون زعل لاخواني الاماراتين....

زرت بعد مركز زايد التجاري يشبه مجمع الايووب عندنا بالكووويت واغراضه رخييصه اعتقد ينفع لصووغه )

بالويك اند زرررت دبي واااي وناسه رحت سنوق مرشد ونايف وتغديت بمطعم اصفهان الايراني حلوو اكله بس ما انصحكم بالللحم مب حلوووو ههههههه استوويت اماراتيه

ولا انسي مروو بعد سووق عكاظ جدام محل الحرمين للعطوور والبخور ومحل سيد جنيد هم حلووو للملافع والعبي وخصوصا محل بابوو للشيلات .... بعدها مرينا الممشي (the walk)) ويلسنا بستاربكس والمكان حدده روووعه

وبس افكر الحين ارووح ابوظبي موول وشنغرلا البري نطروووني عاد موو ترووحون

دلوعة يعقوب

ياهلا فيك مره ثانيه

أتمنى لك وقت ممتع في دار الظبي
متابعين لك

أخوك

SadSmile

دلوعة يعقوب...
وايد استانست يوم قريت موضوعج..
حسيت انج غيرتي جو ورحتي اماكن مختلفه...

بالنسبة لتشيليز فعلا الي في مجمع الماريه يعتبر من اسوأ فروع تشيليز عندنا..
ولازم لازم لازم تروحين شنغرلا البري.... هذا بيتي الثاني.. وايد احب هالمكان...

لين متى يالسه عندنا ان شاءالله ؟؟ وشخبار الكورس ؟ ان شاءالله كل شي اوكي ؟

موفقه يا رب..

اخوج سعود

هلا فيكم ونستووني بردودكم السررريعه ....


انا يا لسه اسبووع بعد والكووورس وايد متعب ولد بلادي بمنطقة الشامخه تخيل المسافه كل يوووم

بالنسبه لشنغرلا يقولون بعيد عن فندقي ولازم يكوون عندي حجز للمطاعم الا هناك فيدووني ... تري تعبت من التكاسي وعلي فكره مو متوافره وحدهم غالي لان اخذهم من الفندق

تعبت من هالمووضوع المواااااااااااااااصلات عندكم

اختي الكريمة..
سالتج عن الكورس لاني من فترة ابي اتاكد اذا فعلا شلمبرجيه هي نفسها الي في بالي ولا غيرها..
منطقة الشامخة تقريبا 40 دقيقه اذا ماخاب ظني.. حرام تعب عليج..

على موضوع المواصلات.. تجنبي تاخذين من الفندق..
بليز حاولي تاخذين من المنطقة الي جدام الفندق.. عندج محل NEXT جنبه في مكان صغير مال انتظار التكاسي والباصات.. اخذي التكاسي من هناك.. او اوقفي عند التقاطع اللي مجابل الفندق.. اخذي التكسي العادي... سعره ارخص بوايد من اللي من الفندق..

شنغرلا صح بعيد شوي .. بس بالتاكسي 10 دقايق او ربع ساعه...في منطقة اسمها (بين الجسرين) عندبيتنا : )
وعلى فكرة فندق شنغرلا و سوق شنغرلا البري جنب بعض بس هم شيئين مفصولين عن بعض.. انتي طبعا رايحه السوق..
بالنسبة لحجز المطاعم... مو شرظ تحجزين.. عادي تروحين على طول بدون حجز..
عندج مثلا :
ميت كومباني (ستيك + انترناشيونال... من انجح المطاعم.. اتوقع عندكم في الكويت)
نودل هاوس (اسيوي.. النودلز والاكل المقلي عنده حلو)
عبدالوهاب (لبناني.. اكله حلو بصراحه واسعاره معقوله)
أوشنا (هندي.. حلو بس غالي)
تشو تشو (ياباني + row food ..ما انصح به)
دي فروتوس (مطعم فرنسي للوجبات الصحية فقط.... عصايره عجييييبه)
سرتو (ايطالي واكله رااااااااااااااااائع... غالي وفي الويكند لازم تحجز لان المطعم عدد طاولاته صغير)
eight 8 (انترناشيونال.. صراحه الوحيد اللي ما جربته بس يقولون زيين.. وغالي طبعا)
ممباسا (انترناشيونال بس المنيو صغير جدا ومافي كولكشن وغالي عالفاضي.. والاكل اييبولك ياه جنك عشان تحلف عليه)
في مطعم اسمه red carpet بس للسي فود بس المفروض يفتحونه هالأيام..
بالاضافة ل ستاربكس وباسكن روبنز ومحلات الشوكلت..
وسوبرماركت (ابيلا لافاندا) داخل سوق البري بعد..

بشكل عام السوق ملموم وستايله حلو..
اذا بتروحين المطاعم لا تروحين بروحج بتملين...

ممكن سؤال اخير؟؟ الكورس من الساعه كم للساعه كم؟؟
يمديج تستانسين بالوقت الباقي من يومج؟

اختي دلوعة يعقوب ودي اخدمج اكثر..
اذا واجهتي صعوبة في اي شي احنا حاضرين..

ولكم باك ما قصرت ولد بلادي انا توني وصلت الفندق ساعه 6 يمدني استمتع بالساعات الباقيه وكلامك عدل بموضوع التكاسي بس انتظار وطابور انا في غني عن جذي

بعد شووي بروح ابوظبي موول مشي) رياضه بس يارب ما انخطف هههههههههههههههههه

شنغرلا بحاول اروح له يوم الخميس ويكون اخر مكان ازوره بابوظبي )

مشكور علي اهتمامك )

محد رد علي مووو مشكله بكمل.....

رحت ابوظبي مووول وايد حلوو وعجبني ترتيب المحلات وصغره ويمه في جمعية ابوظبي تعاونيه وبعدها سرت لميناء ابوظبي علي ما ااعتقد ويلست بكافيه اسمه كاستلوو اهوو مطعم لبناني واكله واايد حلوو جربوا الاستيك وع الكريمه واايد رووعه وتوني واصله الفندق بكمل باجر )

دلوعة يعقوب

ياهلا فيك
متابع معك
وأتمنى رحله جميله لك



الأسبوع المقبل إن شاء الله
راح أكون في دبي

أخوك

SadSmile

المشاركة الأصلية كتبت بواسطة دلوعة يعقوب
http://www.arabtravelersforum.com/tr...4/#post3438234

محد رد علي مووو مشكله بكمل.....

رحت ابوظبي مووول وايد حلوو وعجبني ترتيب المحلات وصغره ويمه في جمعية ابوظبي تعاونيه وبعدها سرت لميناء ابوظبي علي ما ااعتقد ويلست بكافيه اسمه كاستلوو اهوو مطعم لبناني واكله واايد حلوو جربوا الاستيك وع الكريمه واايد رووعه وتوني واصله الفندق بكمل باجر )




تعرفين دلوعة يعقوب..
انا من شهر تقريبا رحت البحرين وحضرت مؤتمر.. ويلست تقريبا 4 ايام وكنت طول الوقت بروحي احوط واكتشف اماكن جديده... بصراحه كان احساس حلو ووايد استانست...
اتمنى من كل قلبي انج تكونين حاسه نفس الاحساس ومستانسه...
ودي اخلي الاهل يكلمونج ويعزمونج وما يقصرون وياج انتي واخوانج وخواتج اللي وياج بس ماشي طريقة للتواصل في هالمنتدى...

اتمنالج كل الخير وان شاءالله ما تكون الزيارة الاخيرة لبوظبي وللامارات بشكل عام

شكرا علي تواصلكم معاي اليوووم اهوو اخر يووم لي بابوظبي وباجر برد ديرتي الغاليه يااااااااااااربي مادري شلوون مروورروو الاسبوعين والفضل لله ثم لنصايحكم

اخر الاماكن الا زرتها فندق رويال مريديان قمه في الجمال تعشيت بمطعم الفنار الا بالرووف صراحه المكان وايد رومانسي وكان فيه مغنيه والمطعم يدور حول نفسه ذكرني بالابراج الا ماعجبني فيه قايمة الطعام قليله وحدها غاليه بس مكان ينفع للرومانسين ههههههههههههه

رحت بعد مجمع الحامد اشتري سيديات وخرابيط للبلاستيشن لاخواني واليووم ان شاءالله يا اكوون بمارينا البطين اوو شنغرلا البررري...

صراحه اشكركم من كل قلبي علي مساعدتكم ومتابعتكم لي واتمني صج ازور ابوظبي مره ثانيه بس تسويلي برنامج حلوو للجزر لان بخاطري ازورهم....


اشوفكم علي خيررر

ابو ضبي مدينة واجد حلوة ةة وان شاء الله استانستي فيها
وفي أي قسم بشلمبر جير انا درست هناك مدرسة لمدة 7 اسابيع في الـ d&m
موفقةةة

المشاركة الأصلية كتبت بواسطة دلوعة يعقوب
http://www.arabtravelersforum.com/tr...9/#post3446519

شكرا علي تواصلكم معاي اليوووم اهوو اخر يووم لي بابوظبي وباجر برد ديرتي الغاليه يااااااااااااربي مادري شلوون مروورروو الاسبوعين والفضل لله ثم لنصايحكم

اخر الاماكن الا زرتها فندق رويال مريديان قمه في الجمال تعشيت بمطعم الفنار الا بالرووف صراحه المكان وايد رومانسي وكان فيه مغنيه والمطعم يدور حول نفسه ذكرني بالابراج الا ماعجبني فيه قايمة الطعام قليله وحدها غاليه بس مكان ينفع للرومانسين ههههههههههههه

رحت بعد مجمع الحامد اشتري سيديات وخرابيط للبلاستيشن لاخواني واليووم ان شاءالله يا اكوون بمارينا البطين اوو شنغرلا البررري...

صراحه اشكركم من كل قلبي علي مساعدتكم ومتابعتكم لي واتمني صج ازور ابوظبي مره ثانيه بس تسويلي برنامج حلوو للجزر لان بخاطري ازورهم....


اشوفكم علي خيررر

دلوعة يعقوب

ياهلا فيك

حلو زرتي الميرديان
فندق رائع وفخم

أتمنى أني ساعدتك ولو بشيء بسيط
خلال رحلتك لأبو ظبي

وإن شاء الله تردين بالسلامه للكويت
بالتوفيق

أخوك

SadSmile

المشاركة الأصلية كتبت بواسطة دموع الأنتظار
http://www.arabtravelersforum.com/tr...8/#post3446768

ابو ضبي مدينة واجد حلوة ةة وان شاء الله استانستي فيها
وفي أي قسم بشلمبر جير انا درست هناك مدرسة لمدة 7 اسابيع في الـ d&m
موفقةةة





هلا فيج حبووبه انا خذيت كورس متخصص بالجيولوجيا وهندسة الحفر والانتاج والخ كان وايد متعب بس استمتعت فيه شكرا علي مرورج

المشاركة الأصلية كتبت بواسطة SadSmile
http://www.arabtravelersforum.com/tr...9/#post3447029

دلوعة يعقوب

ياهلا فيك

حلو زرتي الميرديان
فندق رائع وفخم

أتمنى أني ساعدتك ولو بشيء بسيط
خلال رحلتك لأبو ظبي

وإن شاء الله تردين بالسلامه للكويت
بالتوفيق

أخوك

SadSmile

ماقصررت ساد سمايل وجزاك الله خير..........فعلا الفندق حلوو ومرتب يعجبني هالاستايل بس عيبه انه في ديسكو وانا ما احب الازعاج

اخيراااااااااااااا رحت شنغرلا البري فندق جدااااااااااا جميل فعلا والمطعم الا بالسرداب بووفيه روعه والقعده عند الكافيه مووووووووووووووووووووول حلوووه جربواا وفيه كافيه للشيشيه


تحياتي