الموضوع: شامل عن جزيره فيلجا و طريقه الحجز

معلومات عن جزيره فيلجا و صورها و طريقه الحجز

وتوجد مساكن هاجها اهلها من يوم الغزو لكن في ناس ساكنين في بيوتهم واربعي من ضمن هل ناس الي ردو حق بيتهم وتحتوي الجزيرة على قرية تراثية
وفندق اسمة ايكاروس وفيها بحيرة وتاجير قوارب وفيها حديقة حيوان مصغرة عزكم الله وفيها محل تاجير الطراريد لرحلات الصيد
والاعاب الاطفال و العاب رياضيه بالحديقه و محلات شعبيه و مطاعم
ومحل شغل باجيلا و نخي و محلات ايس كريم وبيتزا و خبز صاج
وترى فيها تاجير بقيات وقواري و تيجسكي و تأجير هيلكوبتر يدور فيك حولين جزيره
و اسطبلات خيل و جوها و بحرها نظيف و شغل مرتب
و رحله الذهاب الى جزيرة مسكان و ام مرادم عن طريق فيلجا و قسم للشرطه و المطافي عند موقع وقوف العباره
و ترى جزيرة فيلكا حلوة والي حاب يسأل عن جزيرة فيلجا انا حاضر
والصور عن قريب انشالله
وعلى فكرة الي يبي اروح بسيارته اروحا بتصير روعة لانة فيها شوارع بفيلجا و احسن بسيارتكم لأنه ارخص
لأنه اجار سيارات في فيلجا اهناك نار الساعه ب5 دنانير
و لنقل سيارتك تكون عن طريق العبارة العامة ومده نقلها ساعة ونص ولازم سياره تكون بأسمك
وما تنسى دفتر سياره و اسعار عبارات وتذاكر اشخاص و سيارات مكتوبه تحت
و اسعار القرية اهناك سعر البيت ابتداء من 70 او 100 دينار والفندق الغرفة العادية 35 والي على البحر 40 دينار
وطريقه الحجز من فندق سفير مقابل نادي الضباط عالبحر رقم تيلفونهم :22520600

وعلى فكره اذا سألت رفيجك او واحد من اهلك وقالك جزيره فاضيه وخرابه
وما فيها شي و كلها مهجوره وينانوه وتخرع
تلقاه مو رايح اهناك بالاساس ويجذب يقولك اهلي راحو اهناك قبل
اي اعتقد بسنه 1900 وحطبه
وشغله ثانيه مهمه في اوقات الدوامات و المدارس تكون جزيره قلييل الي يرحون لها وشبه خاليه بس
وقت الشتا و عطله الصيف الطويله و انتهاء فتره المدارس و بوقت مناسبات اهناك زحممممه موت و زقرت وقز مو طبيعي
وخاصتها بعيد الوطني اوووف تقول شعب كامل اهناك عالم وديره ثانيه غير لكويت و حفلات دي جي
و اهناك وقتها قمت الزحمه و الوناسه
اول ما توصلون اهناك يكون في باصات ناطرتكم توديكم من عباره ليه مدينه التراثيه

اسعار و انواع العبارات

العبارة السريعة :أم الخير - بنت الخير
تبحر من مرسى المرينا
الموقع عند مرينا 2 الي فيها قهاوي مطاعم علبحر تشوفون عبارتين بهل الاسم
وفيه شباك تذاكر صغير هذا الي تشترون منه تذاكر او من فندق السفير دور ثاني وتسألون عن مواعيد رحله
هاتف:22244988
اسعارهم الكبير 12 دينار مع وجبة ولصغير 8 دينار مع وجبة
ومده الرحلة نصف ساعة

عبارة النقل العام:اكاروس - الخيران
موقع ورا شوبيز عند نادي البحري واهناك تسألون عن مواعيد رحله عباره
هاتف:22232881
و 22328654
تبحر من ميناء راس الارض
و تكلفه تذكره للسياره روحه و رده 20 دينار بس
تقعد بفيلجا كثر ما تبي و ترد بنفس تذكره يعني غير محدد المده
من غير سيارة تذكره الشخص 2:500
ومده الرحلة ساعة ونصف

وطبعا هذا موقع لجزيره فيلجا
http://www.failakaheritagevillage.com

مواضيع عشوائيه ممكن تكون تعجبك اخترناها لك:

• الخطوط البريطانية تزيد رحلاتها إلى الكويت
• استفسار عن اجراءات اعتماد التأشيرة
• من يدلني على مكان المجلس الوطني للثقافة والفنون والآداب؟
• الله يخليكم ابي اعرف سكن في الفحيحيل
• رحلة عائلية إلى منتزه الخيران مع الأحباب حياكم شاركونا
• استفسارات خاصة بالكويت سفري بعد يومين
• خدمه لاهنتم
• مهرجان الزهور بمجمع الأفنيوز بالكويت
• مطعم olivermaki
• استفسار بخصوص تأجير سيارة بالكويت
• قلبي وصل قبلي
• شقق فيها
• بالصور الطريق الى منتجع ومجمع سليل الجهراء
• نازلة الكويت اول مرة،،أسبوع من تاريخديسمبر ابي مساعدتكم
• احبابنا ياهل الكويت اريد مساعدة
• من الرياض للكويت اربع ساعات ممكن من يشرح لي الطريق
• الفزعه يا اهل الكويت
• يأهل الكويت وسياحها فزعتكم بلييز رشحوا لي اي فندق من ها القائمة اختار
• أتانا شيخ كريم
• توقيع عقد انجاز مرسى يخوت بحرياً في منتزه الخيران

يعطيك العافيه .. بانتظار جديدك

حياك الله

الساعة المباركة...ماقصرت

تقبل شكري وتقديري

وبنتظاااار جديدك

ماقصرت اخوي ويعطيك العافية

شكرا اخي الكريم على هذا التقرير الرائع والمفيد ويعطيك العافيه

مشكور وما قصرت

اشكرك علي هذه المعلومات ..

يعطيك العافية ..

مشكور على التقرير اخووي بس كل شي غالي عندهم صار
لو الواحد يسافر احسن ومنها تغيير جو اكثر مجرد راي

مشكور على التقرير وماقصرت

كثر الله خيرك على هالمعلومات .. وانا اذا رحت لها بإذن الله بنزل تقرير ضخم عنها .. يستاهلون الفيلجاويه

يعطيك العافيه اخوي
على العملومات
وان شاء الله نروح
بالصيف مع الاهل

صراحة ومن قلب الله يجزاك كل الخير أوله وآخره ، ، ظاهره وباطنه


لأنك صج صج ريحتني


صار لي ساععة أحوس بالنت وما خليت احد ما سألته من الربع ولقيت الإجابة الوافية عندك


مشكوووووووووور مرة أخرى

أخي العزيز خااااالص الشكر على تعاونك الراقي لكنني أرجو ان ترد على بعض استفساراتي

فنحن عبارة عن عائلتين صغيرة وكبيرة يعني

6 أشخاص كبار خادمتين و 5 أطفال

عندما سألت الأخت التي اتصلت عليها لأحجز أبغتني أنه يجب أن أحجز شاليهين مع العلم اننا قد نكون أقل من ذلك فههل

لديك فكرة ان كان هناك من يدقق في هذا الأمر يعني في مسألة العدد والا بس كلام عالتليفون


وبالنسبة للشاليه ما هي أحجامه من ناحية عدد الغرف والأسعار وشكرا شكرا


أرجو الرد سريعا

يسلموووووووووووووووووووووووووووووووووووووا علي هالمعلومات

مشكوووووووووووور على المعلومات

بس بسأل اذا أبي أروح لها وأرد في نفس اليوم شلون الطريقه ؟؟؟

مشكور أخوي على طرح الموضوع

عني أفكر أني أزور جزيرة فيلكة بس تنقصنا معلومات وأنت ما قصرت بس يا ليت تحط لنا تقرير مصور عن الجزيرة وخدماتها ..





لك مني أطيب تحية

الجزيره الخدعه اسميها مافيها شي تحس انك قاعد بالربع الخالي محد حولك
بيوت مهجوره وفندق واحد فيه بنغالين وفليبني لا وللعوائل بس ومحل تأجير قواري فيه 20 قاري 15 سنقله طايح و3 بدون تواير و2 علشان تهاوشون عليهم انت وربعك
انا كنت فيها بالصيف والصراحه انصدمت فيها
هذا الواقع لحد يسوها لنا بوكت

مشكور اخوي على هذا الطرح الحلوو