الموضوع: الي أعضاء ألمانيا المحترمين

السلام عليكم
أنا شاكرة لكم علي مساعدتنا علي رحلتي لألمانيا لعام2012
والحين ودي تساعدونا علي رحلتنا لهذا العام وطبعا ما نستغني عن مشورتكم
عائلة من اربع أشخاص ( اب وأم و2 أبناء كبار)
بتكون الرحلة ليلة العيد ان الله كتب من مطار دوسلدورف مرورا بـ فرانكفورت وكابرون وما جاورهما والعودة الي مطار دوسلدورف
الرحلة مدتها أسبوعين مع ايجار سيارة
وشاكرة لكم المسااااعدة من الموبايل

مواضيع عشوائيه ممكن تكون تعجبك اخترناها لك:

• هل الفندق مناسب ام هناك ماهو افضل
• كاش ام بطاقة الصراف الالي؟
• ميونخ آخر محطه في رحلتي
• مساعدة لو تكرمتوا في الحجز بألمانيا
• ابليكشن شنجن المانيا
• لخبراء المانيا ، المسافه بين المدن
• استشارة بخط سير رحلة عائلية المانيا سويسرا النمسا
• ايش افضل مدينة غوست والإ شتوجارت
• تشيرة ألمانيه وأريد الذهاب الى فرنسا بدل من ألمانيا هل استطيع؟
• تكفون ابي مساعدتكم اليوم ضروري
• اختصار الاسم في الجواز ؟؟؟؟؟؟؟؟
• ياحلوين يوم باريس او ؟
• من وين اخذ تأمين طبي للسفر لالمانيا
• أرجو المساعدة
• رجعنا بتاريخ ابريل من المانيا ولدي استفسار بخصوص لو ميرديان ميونخ لاهل الخبرة
• أوروبا بارك - إحدى أجمل مدن الملاهي في العالم
• عاجل وضروري رحلتي بكره
• إستفسار عن كيفية التقديم للفيزا الألمانيه بنفسي
• الاخوان الخبراء اختياري بناء على ترشيحكم
• بوصل مطار برلين وش القرى الي حواليه والمؤديه الى زيلامسي ؟؟

تم النقل لقسم الاستفسارات

http://www.arabtravelersforum.com/travelarab170/

الافضل علشان ماترهقون

الوصول دوسلدروف والمغادره ميونخ

13 ليله استغلوها

معلومة حلوة
طيب اشلون يكون سير الرحلة والمناطق اللي راح نمر عليها من الموبايل

دوسلدروف

هايدلبيرغ

شتوتغارت

قارمش او كونستانس

ثم زيلامسي

واخيرا ميونخ

المخطط قابل للتغيير

الاخ قايد المحترم،،،
الله يعطيك العافية وما قصرت
راح أخذ كونستانس بدل قارمش
وكابرون بدل زيلامسي
بس يا ريت تساعدني بالسكن وودي يكون شقة لان عندي بنت وولد
وأكون شاكرة لك تعاونك معاي من الموبايل

ولايهمك ,,,,

عطيني التواريخ ؟
الاماكن اللي تحتاجين الشقق فيها؟
عدد الافراد + الاعمار؟

تحياتي

الاخ قايد المحترم
شكرًا جزيلا علي تفاعلك معاي بس صارت تطورات واتمني تتحملني
اولا زاد عدد الأفراد الي 6 أشخاص كبار(أنا وزوجي وعيالنا بنتين وولدين بالغين)
ثانيا زادت مدة الرحلة الي شهر تقريبا من 26 يوليو الي 25 اغسطس
والرحلة بتكون
مطار ميونخ مع استئجار سيارة والتوجه الي بادن بادن او شتوتغارت والسكن فيها لمدة 5 ايام وزيارة الأماكن المجاورة
ثم التوجه الي فيزبادن والسكن فيها 7 ايام وهم زيارة الأماكن المجاورة
ثم التوجه الي كابرون والسكن فيها 5 ايام ( بس أتوقع الطريق طويل)
ثم التوجه الي انترلاكن 6 ايام
ثم فلورانس والسكن فيها 3 ايام
ثم العودة الي ميونخ والسكن فيها حتي نهاية الرحلة
يمكن الرحلة فيها مسافات طويلة بس اذا تقدر تعدل في او تزيد مناطق أكون شاكرة لك من الموبايل

الله اكبر

صلي على محمد

نبدا حبه حبه

اهم شي ابي وصولكم وين تبون ومغادرتكم من وين حابين؟

ونرتب مع بعض

علشان ماتروح رحلتكم خطوط في خطوط

بالله نمشي حبه حبه
ان شاءالله وصولنا ومغادرتنا من ميونخ من الموبايل

اذا وصولكم ميونخ ومغادرتكم ميونخ حلو

معناها السياره تستلمونها وتسلمونها بميونخ ,,,, جميل جدا

خذي المخطط

ميونخ وصول فقط

زيلامسي او كابرون

ماينفيلد او كونستانس او بريقنز

ميلان

انترلاكن

بادن او فرايبورغ

قارمش

ميونخ

اطول مسافة راح تمشونها 3 ساعات ونص

اذا ماعجبك المخطط ممكن نغيره ولايهمك

صوره للمخطط عبر قوقل ماب

https://www.google.com/maps?saddr=M%...mra=ls&t=m&z=7

تحياتي

عفواااا اخ قايد ،،،
قارمش رحنا لها وما توقفنا فيها وما حبيتها
اما ميلان ما ودنا نروح لها لان بخاطرنا بفلورانس واوت لت the mall
وانا طلبت ان تكون انترلاكن وفلورانس اخر الرحلة لان راح توصل أختي وأخوي ويبون انترلاكن والريف السويسري وفلورانس للتسوق
وبصرااااحة أسفة جداااا علي الاطاله من الموبايل

بعد اذنك يا اختي

افضل اوت لت بايطاليا سيرفالي

سمعته حلوه

عموما الجدول اللي حطيته لكم ابدي اقتراحاتك فيه وعدلي وارجعي اكتبيه هنا ونناقش فيه

ابي اعرف توجهاتكم

بين قوسين اللي بخاطركم

ممكن نستبدل قارمش بأولم (اوت لت ميتزيغين)

او شتوتغارت

اللي تحبون

مرحباااا الاخ قايد

أسفة جداً علي التأخير لظروف طارئة
ان شاءالله الوصول راح يكون في 26 يوليو الساعة 2 الظهر تقريبا بميونخ
وعلي طول الي (بادن بادن او رست او شتوتغارت) بس ومو عارفة منو الأفضل في هذي المناطق ومثل ما قلت لك احنا 6 أشخاص كبار وأفضل تكون شقة للراحة اكثر من الفندق

((هذي اول خطوة بالرحلة )) من الموبايل

دام انتم عائله كبيره انصح تستريحون يوم في ميونخ

طيب رست جيده

فرايبورغ افضل منها

وايضا بادن

انتم الاقرب من سويسرا يعني الخطوه الثانيه سويسرا انترلاكن

من انترلاكن الى فلورنسا 599 كيلو كبيره جدا على عائله المسافه

لازم منطقة تريحون فيها وتكون في الوسط مابين انترلاكن وفلورنس

ايش رايكم

منطقة فرايبورغ احبها وما عندي مانع اسكن فيها او اسكن في بادن 👍
وفكرة حلوة ان نسكن ما بين فلورنس وانترلاكن بس رشح لي منطقة بينهم الله يعافيك
وشاكرة لك سعة صدرك من الموبايل

ولايهمك ياغاليه

الاشهر والامن تسكنون في ميلان

وانتم رايحين لفلورنسا تمرون على اوت لت سيرفالي

وبعد ماتتسوقون تتوكلون على الله لفلورنسا

ممتاااااااز وهذا خوش رأي
الله يعطيك العافية من الموبايل

جينا للاهم من الكل
في فلورنسا اتذكر انه راح يزيد عددكم صح ولا لا؟
اذا تحتاجون الى منطقه مابين فلورنسا وكابرون او زيلامسي؟
اذا وانتم طالعين من فلورنسا تاخذون يوم راحه في فيرونا الايطاليه,,,,,, وبالمره تشوفون مدينة العشاق روميو وجوليت وتاخذون فكره عنهم
ثم تكملون الى كابرون
بكذا انتهت المرحله الرابعه من المخطط ,,,, ويتبقى المرحله الاخيره

ولاتشيلين همها