الزحليقة الصيفية زيلامسي
احداثيات زحليقة زيلامسي
N47 25.305 E12 48.838
مرحبا الساع
شحالكم اخواني و خواتي ؟ عساكم بخير :24:
:
:
اليوم بخبركم عن مكان يديد و مميز في النمسا و من اكتشافاتي الصيف الماضي ^_*
كنا طالعين من ميونخ و سايرين زيلامسي و في نص الدرب شفنا منطقة فيها ألعاب يهال و شكلها سياحية و قلت حق ابوي يوقف بنستكشف المكان لوول
و يوم نزلنا شفنا زحليقة صيفية و منطقة ألعاب أطفال و فندق ريفي ..
المنطقة اسمها Durchholzen تقع في اقليم Tirol في النمسا .. تبعد ساعة عن ميونخ و ساعة و نص تقريبا عن زيلامسي يعني على حدود النمسا و ألمانيا
الزحليقة الصيفية رووووعه تجنن حق الصغار و الكبار لا تفوتونها اسمها Sommerrodeln in Durchholzen
و هي عبارة عن مرحلتين ، المرحلة الاولى الزحليقة و المرحلة الثانية فوق عباره عن مطل و كافيه ريفي رهييب يطل على المناظر الطبيعية و البحيرات و الجو خباال و عندهم آيسكريم لذييذ يمي يمي p:
و حتى الفندق الموجود في نفس المكان وايد حلو و نظيف و نظامه ريفي .. انا ما دخلته بس شفته من برع و صورته و يوم دخلت موقعهم على الانترنت الصراحه عيبتني الغرف و رخيييصه وااايد !!
اسم الفندق Brandauerhof و مكانه مجابل الزحليقة بالظبط .. عندهم نوعين من الغرف ، غرفة حق شخصين و غرفة عائلية حق 4 أشخاص :
هذي الغرفة الدبل حق شخصين و سعرها ما بين 31 و 34 يورو حسب التاريخ يعني تقريبا 195 درهم إماراتي ..
هذي الغرفة العائلية تكفي حق 4 أشخاص و نفس السعر تقريباً 195 درهم
هذا المنظر بشكل عام في الصيف ^_^
و هذا موقع الفندق على الإنترنت : http://www.brandauerhof.com/
و الحين بروايكم صور الفندق من برع بتصويري
:
:
الحين بنشوف صور المناظر و المكان بشكل عام بعدستي و اذا شفت تفاعل بكمل عن الزحلاقية و المطل و الكافيه اللي فوق القمة ^_*
/
/
انتظروني في الجزء الثاني ( اذا شفت تفاعل ) ..
* على فكرة انا كتبت الموضوع في منتدى آخر و نقلته لكم بس انا صاحبة الموضوع :24:
و السموحة على القصورمواضيع عشوائيه ممكن تكون تعجبك اخترناها لك:
- بطاقة معايده
- ي اصحاب الخبره
- من لديه خبرة في النمسا
- إجازتي الصيفية على الأراضي الأوروبية المانياالنمساهنغاريا مايو
- شام المحبة والعروبة
- عااجل بخصوص فيزا الشنغن النمسااا
- رحلتنا الى النمسا وسويسرا والمانيا
- رحلة ايام في النمسا
- سعر الصرف
- فنادق سالزبورخ الممتازه والمجربه هنا محدث
- شهر العسل في اغسطس
- زيلامسي كابرون سالزبورغ في أيام
- مصنع الشوكولاتة النمساوي زوتير
- مساعده في الفنادق
- رحلتي لثلاث دول رأيكم يهمني
- محتاجة لردكم عاجلاً
- شهر اكتوبر هل هو مناسب للسفر ؟؟
- شلال كريمل
- القفز بالحبال من اعلى جسر في النمسا لمن يجرؤ فقط
- هذا مخططي الأخير مشورتكم
المفضلات