الزحليقة الصيفية زيلامسي
احداثيات زحليقة زيلامسي
N47 25.305 E12 48.838
مرحبا الساع
شحالكم اخواني و خواتي ؟ عساكم بخير :24:
:
:
اليوم بخبركم عن مكان يديد و مميز في النمسا و من اكتشافاتي الصيف الماضي ^_*
كنا طالعين من ميونخ و سايرين زيلامسي و في نص الدرب شفنا منطقة فيها ألعاب يهال و شكلها سياحية و قلت حق ابوي يوقف بنستكشف المكان لوول
و يوم نزلنا شفنا زحليقة صيفية و منطقة ألعاب أطفال و فندق ريفي ..
المنطقة اسمها Durchholzen تقع في اقليم Tirol في النمسا .. تبعد ساعة عن ميونخ و ساعة و نص تقريبا عن زيلامسي يعني على حدود النمسا و ألمانيا
الزحليقة الصيفية رووووعه تجنن حق الصغار و الكبار لا تفوتونها اسمها Sommerrodeln in Durchholzen
و هي عبارة عن مرحلتين ، المرحلة الاولى الزحليقة و المرحلة الثانية فوق عباره عن مطل و كافيه ريفي رهييب يطل على المناظر الطبيعية و البحيرات و الجو خباال و عندهم آيسكريم لذييذ يمي يمي p:
و حتى الفندق الموجود في نفس المكان وايد حلو و نظيف و نظامه ريفي .. انا ما دخلته بس شفته من برع و صورته و يوم دخلت موقعهم على الانترنت الصراحه عيبتني الغرف و رخيييصه وااايد !!
اسم الفندق Brandauerhof و مكانه مجابل الزحليقة بالظبط .. عندهم نوعين من الغرف ، غرفة حق شخصين و غرفة عائلية حق 4 أشخاص :
هذي الغرفة الدبل حق شخصين و سعرها ما بين 31 و 34 يورو حسب التاريخ يعني تقريبا 195 درهم إماراتي ..
هذي الغرفة العائلية تكفي حق 4 أشخاص و نفس السعر تقريباً 195 درهم
هذا المنظر بشكل عام في الصيف ^_^
و هذا موقع الفندق على الإنترنت : http://www.brandauerhof.com/
و الحين بروايكم صور الفندق من برع بتصويري
:
:
الحين بنشوف صور المناظر و المكان بشكل عام بعدستي و اذا شفت تفاعل بكمل عن الزحلاقية و المطل و الكافيه اللي فوق القمة ^_*
/
/
انتظروني في الجزء الثاني ( اذا شفت تفاعل ) ..
* على فكرة انا كتبت الموضوع في منتدى آخر و نقلته لكم بس انا صاحبة الموضوع :24:
و السموحة على القصورمواضيع عشوائيه ممكن تكون تعجبك اخترناها لك:
- رآيكم في البرنامج ؟؟؟
- شوية صور من حلب
- طيران ام
- قبل اسبوع رجعت من النمساوحاضر ﻷي استفسار
- مدرسة الخيول فينا
- برنامجي الاخير لشهر العسل
- ورااااء كل صورة صلنفاوية حكاية
- تقرير النمـــــــسا مرجع للمسافرين
- اتمنى افادتي من رحالة سوريا الحبيبه
- الفيزا إلى النمسا تأخرت
- أحتاج مســاعدتكم أيها النمسـاويين في تحديد الدول
- اخواني محتاج مساعدة ونصايح للنمسا
- ارجو المشاركه بتقرير اختيار جدول الرحلة
- رأيكم يهمني في سفرتي الأولى لأوروبا أرجوا الدخول
- من شرق النمسا الى غربها في تسعة ايام صورة
- استفسار عن سفره لاهل الخبره
- ỳ ŕằě ô ϊěηηằ Žě ằм śěě ŚằżЬűяğ Мűηϊćђ ŚùммêЯ
- شهر عسل في النمسا
- ياليت تفيدوني باستفساراتي وعن الحجاب والامان ؟
- ممكن مساعدتي في تحديد تكاليف المصروف اليومي في زيلامسي
المفضلات