الزحليقة الصيفية زيلامسي
احداثيات زحليقة زيلامسي
N47 25.305 E12 48.838
مرحبا الساع
شحالكم اخواني و خواتي ؟ عساكم بخير :24:
:
:
اليوم بخبركم عن مكان يديد و مميز في النمسا و من اكتشافاتي الصيف الماضي ^_*
كنا طالعين من ميونخ و سايرين زيلامسي و في نص الدرب شفنا منطقة فيها ألعاب يهال و شكلها سياحية و قلت حق ابوي يوقف بنستكشف المكان لوول
و يوم نزلنا شفنا زحليقة صيفية و منطقة ألعاب أطفال و فندق ريفي ..
المنطقة اسمها Durchholzen تقع في اقليم Tirol في النمسا .. تبعد ساعة عن ميونخ و ساعة و نص تقريبا عن زيلامسي يعني على حدود النمسا و ألمانيا
الزحليقة الصيفية رووووعه تجنن حق الصغار و الكبار لا تفوتونها اسمها Sommerrodeln in Durchholzen
و هي عبارة عن مرحلتين ، المرحلة الاولى الزحليقة و المرحلة الثانية فوق عباره عن مطل و كافيه ريفي رهييب يطل على المناظر الطبيعية و البحيرات و الجو خباال و عندهم آيسكريم لذييذ يمي يمي p:
و حتى الفندق الموجود في نفس المكان وايد حلو و نظيف و نظامه ريفي .. انا ما دخلته بس شفته من برع و صورته و يوم دخلت موقعهم على الانترنت الصراحه عيبتني الغرف و رخيييصه وااايد !!
اسم الفندق Brandauerhof و مكانه مجابل الزحليقة بالظبط .. عندهم نوعين من الغرف ، غرفة حق شخصين و غرفة عائلية حق 4 أشخاص :
هذي الغرفة الدبل حق شخصين و سعرها ما بين 31 و 34 يورو حسب التاريخ يعني تقريبا 195 درهم إماراتي ..
هذي الغرفة العائلية تكفي حق 4 أشخاص و نفس السعر تقريباً 195 درهم
هذا المنظر بشكل عام في الصيف ^_^
و هذا موقع الفندق على الإنترنت : http://www.brandauerhof.com/
و الحين بروايكم صور الفندق من برع بتصويري
:
:
الحين بنشوف صور المناظر و المكان بشكل عام بعدستي و اذا شفت تفاعل بكمل عن الزحلاقية و المطل و الكافيه اللي فوق القمة ^_*
/
/
انتظروني في الجزء الثاني ( اذا شفت تفاعل ) ..
* على فكرة انا كتبت الموضوع في منتدى آخر و نقلته لكم بس انا صاحبة الموضوع :24:
و السموحة على القصورمواضيع عشوائيه ممكن تكون تعجبك اخترناها لك:
- الرجاء المساعده
- استفسار عن ملاهي للأطفال في زيلامسي
- رأيكم بالبرنامج التالي مع بعض الإستفسارات
- مزرعة قريبة من سالزبورغ
- مهم جدا جدا
- هل ابدأ من فينا الى ميونخ ام العكس؟؟ شهر عسل
- مطلوب جدول رحله الى النمسا أرجو المساعدة
- استفسار السفر لاوروبا
- جدولي السياحي الى النمسا و ايطاليا
- أرجو المساعدة بخصوص النمسا ألمانيا تركيا
- اريد تقسيم ايام رحلتي إلى النمسا لأصحاب الخبرة
- مساعدتكم لاهنتو في ترتيب رحلتي فينا زلامسي انترلاكن جنيف باريس
- تخطيط رحلتي الى النمسا الرحلة شهر 6
- ابي ازور فيينا وزلمسي وميونخ
- رأيكم يهمني يا خبراء النمسا في مخطط لرحلتي الصيفية
- الله يسعدكم أفيدووني بسفرتي
- هل أعضاء وزوار منتدى النمسا رائعين كروعة ريف النمساكروعة جو النمساهل هم كذلك؟
- فينا كم تحتاج من احتاج نصائحكم
- اوربا في نوفمبر
- النمسا و المانيا و بريطانيا
المفضلات