الزحليقة الصيفية زيلامسي
احداثيات زحليقة زيلامسي
N47 25.305 E12 48.838
مرحبا الساع
شحالكم اخواني و خواتي ؟ عساكم بخير :24:
:
:
اليوم بخبركم عن مكان يديد و مميز في النمسا و من اكتشافاتي الصيف الماضي ^_*
كنا طالعين من ميونخ و سايرين زيلامسي و في نص الدرب شفنا منطقة فيها ألعاب يهال و شكلها سياحية و قلت حق ابوي يوقف بنستكشف المكان لوول
و يوم نزلنا شفنا زحليقة صيفية و منطقة ألعاب أطفال و فندق ريفي ..
المنطقة اسمها Durchholzen تقع في اقليم Tirol في النمسا .. تبعد ساعة عن ميونخ و ساعة و نص تقريبا عن زيلامسي يعني على حدود النمسا و ألمانيا
الزحليقة الصيفية رووووعه تجنن حق الصغار و الكبار لا تفوتونها اسمها Sommerrodeln in Durchholzen
و هي عبارة عن مرحلتين ، المرحلة الاولى الزحليقة و المرحلة الثانية فوق عباره عن مطل و كافيه ريفي رهييب يطل على المناظر الطبيعية و البحيرات و الجو خباال و عندهم آيسكريم لذييذ يمي يمي p:
و حتى الفندق الموجود في نفس المكان وايد حلو و نظيف و نظامه ريفي .. انا ما دخلته بس شفته من برع و صورته و يوم دخلت موقعهم على الانترنت الصراحه عيبتني الغرف و رخيييصه وااايد !!
اسم الفندق Brandauerhof و مكانه مجابل الزحليقة بالظبط .. عندهم نوعين من الغرف ، غرفة حق شخصين و غرفة عائلية حق 4 أشخاص :
هذي الغرفة الدبل حق شخصين و سعرها ما بين 31 و 34 يورو حسب التاريخ يعني تقريبا 195 درهم إماراتي ..
هذي الغرفة العائلية تكفي حق 4 أشخاص و نفس السعر تقريباً 195 درهم
هذا المنظر بشكل عام في الصيف ^_^
و هذا موقع الفندق على الإنترنت : http://www.brandauerhof.com/
و الحين بروايكم صور الفندق من برع بتصويري
:
:
الحين بنشوف صور المناظر و المكان بشكل عام بعدستي و اذا شفت تفاعل بكمل عن الزحلاقية و المطل و الكافيه اللي فوق القمة ^_*
/
/
انتظروني في الجزء الثاني ( اذا شفت تفاعل ) ..
* على فكرة انا كتبت الموضوع في منتدى آخر و نقلته لكم بس انا صاحبة الموضوع :24:
و السموحة على القصورمواضيع عشوائيه ممكن تكون تعجبك اخترناها لك:
- هل ممكن ترتيب رحلة شهر عسل فرنسا المانيا النمسا ايطاليا
- حجزت فندق في زيلامسي واخاف يكون وهمي
- ماهي الطرق المؤدية من سالزبورغ إلى فيينا إلى زيلامسي ؟
- اوقات السفر لنمسا
- نشكر على القائمين بالمنتــدى
- النمسا
- ابي حد يرتب لي برنامج يومي لافضل الاماكن افيدوني بالمانيا النمسا ايطاليا سويسرا فرنسا
- استفسار عن الطقس في شهر اكتوبر
- ساعدوني في ترتيب رحلة سفر الى (النمسا المانيا فرنسا) مايو 2015
- برنامجي كابرون وسالزبوغ وزلامسي وميونج ابي رايكم
- شلون الجو في شهر اغسطس في النمسا ؟
- ساروجة اسطنبول الصغرى في قلب دمشق
- معلومات عن التاكس فري
- بيرتساو الساحرة معلومات مبسطة عنها بالصور وتجربتي في السكن
- السفر من فيينا الى الكابرون والعودة ثاني يوم
- هل هناك check point بين ألمانيا والنمسا
- بليز ممكن تدخلون ابغا مساعدتكم
- استفسار يا جماعه
- مضطرة للسفر إلى دمشق
- سالزبورغ أوت لت
المفضلات