الموضوع: فنــادق بالتيمور

مرحبا

انا رايح لـ بالتيمور , ومب عارف شنو احسن الفنادق ...
ياريت تعطوني لسته للفنادق اللي تمتاز بموقع حلو وتكون في الـ city center ...

اتمنى تردون علي بأسرع وقت عشان ابتدا الحجز ...

شكـرا

مواضيع عشوائيه ممكن تكون تعجبك اخترناها لك:

• ارجو المساعده من ذوي الخبره
• مساعدة للسفر الى اورلاندو
• السكن في لوس انجلس ؟؟؟؟؟؟؟؟؟؟؟؟؟
• استفسار حول شيكاغو
• الباص الاحمر نيويورك
• والاخرون ارجو المساعدة بخصوص الفيزا
• مقابلتي في السفارة بكرة ، واستفسار عن كشف الحساب المطبوع بالإنترنت
• محتاج جدول سياحي لمدة أيام في نيويورك إمباكت
• طلب الإستشارة موعد جوازي القديم وجوازي الجديد
• سؤال بخصوص اختيار المقاعد فـ الطائرة
• استفسار عن افضل ولاية
• صلاحية جواز السفر في مطارات امريكا
• مولد في امريكا ودخلت امريكا بجوازي السعودي
• متزوج من امريكية وموجود فى مصر
• في أمريكا كانت لنا أيام
• ندائي للناس الي راحت امريكا وتعرف
• فنادق نيويورك Renaissance New York Times Square Hotel  
• الحلم الأميركي معشوقتي كم اشتقت لك
• وبقيه الاحبه احتاج مساعده
• إستفسار عن هيوستن تكساس

Baltimore Marriott Waterfront :24:اطلب غرفه مطله على الهاربر ... الجو حار هالأيام و فيه امطار اذا كنت جاي قريب ....

يعطيج الف عافيه اختي بنت الصقور,, دخلت على سايت الفندق وطلع صراحه خوش شي
بس حبيت استفسر اذا الفندق قريب من مستشفى جونز هوبكنس ولا لا !!!!
لاني راايح علااج هنااك ,, فـ ياريت توضحيين المسافه بين الفندق والمستشفى =(

اكون شاكر من الاعماق ...

قريب الله يسلمك ، 3 دقايق بالتاكسي ... المنطقه جديده و كل شي حولك مجمع فيه سوبرماركت و سينما و مطاعم ... و بناية العرب سبنيكار باي و بروميناد و فيه مطعم لبناني ... خوش منطقه يعني و أمان ...

ما تشوف شر ان شاءالله ... و اذا بغيت أي خدمه تفضل ...

اختي بس بغيت استفسر عن المناطق القريبه من بالتيمور ,, يعني نقدر نروح لها
بالسياره .. لان حاب استشكف بالتيمور بالاول بعدين انتقل لـ فلوريدا ...
وطبعا اول ليالي راح اقضيها في نيويورك, بس كوني راح اطول في بالتيمور, حاب
اروح اعرف المناطق المجاوره ..........

اسمحيلنا ثقلنا, بس مثل ماتعرفين انتي الـ expert اهني ... P=
شكــرا مقدما .. =)

افا عليك حاضرين .... بس متى السفر ؟ و هل ناوي تسوق هناك ؟ لأنه راح يسهل عليك وايد امور ... فيه وايد اماكن و اشياء تقدر تسويها خصوصا الحين في الصيف ... تبي اسواق ولا حدايق و ملاهي !!

ان شاءالله تاريخ الوصول راح يكون في 13-7,,, واكيد ابي تسووق حق الاهل وملاااهي
ويعطيج الف عافيه d=

السلام عليكم ..

مساكم الله بالخيرات جميعا ..

اسأل الله العلي القدير الشفاء العاجل لمريضكم وماتشوفون شر .

الف شكر لاختنا بنت الصقور على ماتقدمه لاخوانها في المنتدى ..

الحقيقة خدمتنا كثير وندعي لها فالله يجزاها خير .

========

اخي انا متواجد في تاوسن قريب من بالتيمور لعلاج ابنتي في مستشفى جون هوبكنز .

لو تبغى نصيحة ابعد عن السكن في بالتيمور لانها غير آمنه ابدا خصوصا في الليل .

ممكن تسكن في فنادق كبيرة راح تكون غاليه جدا والمواصلات كمان مرة غاليه.

المستشفى توفر سكن كويس وقريب من الهاربر الصراحه غالي تقريبا 3500 دولار في الشهر للغرفتين مؤثثة .

افضل شي انك تسكن في تاوسن او وايت مارش هادية وحلوة وآمنه جدا وارخص بكثير .

بالنسبة للاماكن الحلوة والقريبة من بالتيمور انت اول شي تعال واتطمن على مريضكم وباذن الله كل الاماكن الجميلة راح ندلك عليها .

وفي امان الله

الاخت العزيزة بنت الصقور ... الله يجزاج الف خير وين ما رحتي وجيتي ... والشهادة لله انج ما قصرتي وياي واستفدت منج الكثير والكثير في بالتيمور ... ولو بيدي احطج عمدة بالتيمور لدقة معلوماتج وخبرتج فيها ( عيني عليج باردة )
وتقبلي تحياتي وتحيات الوالدة ...

المشاركة الأصلية كتبت بواسطة الاشنق
http://www.arabtravelersforum.com/tr...6/#post2104946

الاخت العزيزة بنت الصقور ... الله يجزاج الف خير وين ما رحتي وجيتي ... والشهادة لله انج ما قصرتي وياي واستفدت منج الكثير والكثير في بالتيمور ... ولو بيدي احطج عمدة بالتيمور لدقة معلوماتج وخبرتج فيها ( عيني عليج باردة )
وتقبلي تحياتي وتحيات الوالدة ...



الله يسلمك يا الأشنق ... بشرنا شلون صحة الوالده الحين ... ما عندكم مراجعه

جزاك الله خيرا يابنت الصقور وkiller kiss على المعلومات القيمة استفدت منها كثير, انا مسافر في سبتمبر يعني في رمضان للعلاج في مستشفى John Hopkins واحتاج توجيهاتكم لوسمحتم بأسرع وقت ممكن,
أفضل سكن ما يكون بعيد عن المستشفى قريب من مطاعم عربية مساجد مسلمين ومكان آمن وياريت قريب من عوائل خليجية ..؟
مسجد اصلي فيه التراويح يكونون اهله معتدلين ؟
هل الحجاب والنقاب طبيعي ولاشاذ وفيه مضايقة؟
خالص شكري وتقديري ولكم الدعاء بظهر الغيب

ارجو من اختنا بنت الصقور والاخ killer kiss الافادة حول استفساري عن افضل السكن لاني راح اقعد رمضان هناك للعلاج في مستشفى هوبكنز, محتاج بجانب عوايل خليجية ومسلمين ومسجد وخدمات,ارجو الرد لاني ابي احجز.

مرحبا اخوي خالد

اسال الله العلي القدير ان يشفي مريضك ويمده بالصحه والعافية

اللهم آمين اللهم آمين


افضل حل لك اخوي انك تحجز 3 ايام في فندق قريب من المستشفى

ثم امرك في الفندق واوريك افضل اماكن للسكن اللي فيها العرب واللي مافيها عرب

واعطيك افضل مكان تحجز منه سيارة

لاتنسى تجيب الرخصة الدولية + بطاقة فيزا

وبالتوفيق

في امان الله

مرحبا اخوي ..

الادارة تمنع ارسال ارقام الجوالات

ولكن خذ ايميلي وراسلني :

XXXXXXXXXXXXXXX

الادارة تمنع وضع الايميلات والارقام الخاصة في المنتدى

وذلك يعرض معرفك للايقاف !!

مع تحيات مشرف بوابة امريكا

Impact


وترى كل شي سهل والامور متيسره هنا وانا اخوك

وترى السكن المناسب يعتمد قد ايش انت بتجلس في المنطقة .

اما بالنسبة للسكن المبدئي سهل ومتوفر في كل المناطق.

لاتنسى شي مهم :

الملحق الصحي ملزم يستقبلك في المطار ويوصلك الى الفندق

في امان الله

في امان الله

المشاركة الأصلية كتبت بواسطة killer kiss
http://www.arabtravelersforum.com/tr...9/#post2300099

مرحبا اخوي ..

الادارة تمنع ارسال ارقام الجوالات

ولكن خذ ايميلي وراسلني :

XXXXXXXXXXXXXXX

الادارة تمنع وضع الايميلات والارقام الخاصة في المنتدى

وذلك يعرض معرفك للايقاف !!

مع تحيات مشرف بوابة امريكا

Impact
وترى كل شي سهل والامور متيسره هنا وانا اخوك

وترى السكن المناسب يعتمد قد ايش انت بتجلس في المنطقة .

اما بالنسبة للسكن المبدئي سهل ومتوفر في كل المناطق.

لاتنسى شي مهم :

الملحق الصحي ملزم يستقبلك في المطار ويوصلك الى الفندق

في امان الله

في امان الله



سهل الله امرك وارجعكم بالسلامة والعافية
المدة غير محددة الا بعد تشخيص ومقابلة الدكتور

جزاك الله خيرا

المشاركة الأصلية كتبت بواسطة Qatar_Nyc
http://www.arabtravelersforum.com/tr...8/#post2305488

ولله الحمد رجعت من سفرتي, واشكركم اخوان على المساعده...
مقر اقامتي كان فندق الرنسنس, موقعه ممتاز جدا, متصل بـ مول ومقابله الهاربر
وكان بالعفل اختيار ممتاز, بس بالنسبه لي المنطقه كلش ماحبيتها, حتى غير
المنطقه وانتقلت لـ فرجينيا مع انها تبعد عن جونس هوبكنس ساعه ونص بدون زحمه !!!

اخوي خالد, انت بما انك راح تتعالج في جونز هوبكنس, تقدر تطلب المساعده من الانترناشنل اوفس
في جونز هوبكنس, وكل اللي في الاوفس عرب وهم راح يساعدونك بكل شي سواء سكن او غير
ممكن تاخذ رقمهم من موقع جونز هوبكنس وتتواصل مع رانيا وهي راح تساعدك بكل شي, وصدقني
راح تلقى ناس خدوومه ومساااااااااعده بشكل كبير في الاوفس !!!!



الحمدلله على سلامتك Qatar_Nyc ومبارك عليك الشهر
بس ما خبرتني ليش ما عجبتك بلتيمور ؟ وليش سكنت في فرجينيا وهل تنصح بالسكن فيها ووين؟
انا كلمت رانيا لكن اللي يجرب ويعاين ينقل خبرته وينصحنا من قرب.

وتقبل الله طاعتكم

مرحبا اخوي ,, هذا موقع الفندق
http://www.marriott.com/hotels/trave...borplace-hotel

انا لما سكنت اخترت harbor view فبالتالي سعر الغرفه ارتفع,, اخذتها بـ حدوج 415 دولا
بس للامانه الفندق رائع ويعتبر من احلى مواقع بالتيمور, مع ان بالنسبه لي بالتيمور مافيها شي حلو !!

انا صراحه ماحبيتها كلش, كان المفروض اقعد في بالتيمور على الاقل لمدة 30 يوم, ولكن كنسلت حجزي
بعد فترة اسبوعيين وانتقلت لفرجينا, وسكنت في الماريوت .... بالنسبه لي فرجينيا تصلح للسكن اكثر
من بالتيمور لانها منطقه واايد safe عكس بالتيمور ,, راح تلاحظ ان سكان بالتيمور تقريبا 90% منهم سمر
او الـ black people وهذي مب عنصريه مني لكن انا لاحظت bad attitude من البعض منهم ...
على عكس فرجينيا اللي كل سكانها طيبيين ومساعدييييين,, وفيها نسبه كبيره من العرب ... وانا وايد
ارتحت فيها ,,, ولكن عيبها بعد المسافه واذا انت على حسابك فـ المواصلات راح تكلفك بشكل كبير
ولكن اذا الدوله متكفله بالمواصلات فـ توكل على الله وروح فرجينيا ...

واذا عندك اي استفسار تفضل وان شاءالله اساعدك باللي اقدر عليه ... ومبارك عليك الشهر .. =)

اخوي انا جيكت على الموقع وطلع ان اذا راح تسافر في شهر 9 , الاسعار راح تنزل
وممكن تلقى الدبل بحدود 200 دولار !!! ... السعر جدا راائع بالنسبه لموقع الفندق
للامانه !!

مساء الخير للجميع

بالنسبة للفنادق فى بالتيمور أحسن والأرخص هوSheraton Baltimore City Center Hotel

السعر 100
فى الليلة فندق الماريوت
سعره210

لأني
سكنت فيها الأثنين

الجو الأن فى المنطقة معتدل الى بارد نسبي فى ليل.

تحياتي الى الجميع

ابي اذا فيه احد بالديرة عشان ماضيع والشقق الي تكلمتي عنهم

http://www.arabtravelersforum.com/travel227486/

غالية ابي احد بعد ماسكن بالفندق اطلع اتعبهه معاي اشوي واشوف الشقق واتنقي علي راحتي وابي سيارة تدرين الامور الي محتاجها واجد