الموضوع: جولتي الاوروبيه المانيا سويسرا النمسا فرنسا ضرووووري

اوك اخواني ما عندهم مشكله ..توكل على الله ..

طيب ما اقدر الغي انترلاكن واخلي مكانها زيلامسي ؟لاني قريت ان زيلامسي افضل من كل النواحي ..
واذا فيه ضرب مسافات خلينا على البدايه ميونخ والنهايه روما ..

البدايه ميونخ والنهايه روما
يعني تخلصون شغلكم في ميونخ وتتجهون الى زيلامسي وتجلسون 6 ليالي منها تزورون سالزبورغ
بعدين ماينفيلد ليله
ثم انترلاكن 5 ليالي
ثم ميلان اربع ليالي
فلورنسا 3 ليالي
روما 3-4 ليالي وترجعون بالسلامه من الموبايل

طيب باقي الاهم " باريس" ..وبالنسبه لموينخ قال لي الوالد ما يحتاج 5 ايام عادي لو كان اقل ..
وجنيف وانسي ؟

مافيه الاحل واحد لباريس
اذا خلصتو شغلكم في ميونخ تاخذون طيران داخلي ذهاب وعوده من ميونخ لباريس وتجلسون 5-6 ايام
ومن ترجعون ميونخ امشو على الجدول اللي كتبته اخر واحد

مشكلتي ما ودي ادخل مطار باريس عشان سالفه النقاب .. اخاف يسوون لي سالفه تخرب علي كل الرحله ..لكن الجدول اللي انا كتبته بالبدايه ما ينفع ؟
من ميونخ الى بادن , من بادن باريس بالقطار , من باريس لجنيف بالقطار , استلام سياره من جنيف و انسي الفرنسيه جوله بسيطه , من جنيف الى انترلاكن , من انترلاكن الى ميلان , فلورنسا , روما ..
والعوده من روما .. وش رايك ؟

الطياران الداخلي من باريس لميونخ ذهاب وعوده كم يكلف تقريبا ؟ 8 اشخاص !

جدولك اللي كتبتي ممتاز
اللي فيه قطارات باريس من الموبايل

حلو ، طيب الطيران كم تكلفته تقريبا ؟


وسمعت انا انه بميونخ استغني عن السياره ، مادري اذا صدق او لا ؟ : ( من الموبايل

كنت اقصد الطيران الداخلي بين باريس وميونخ ..مشكور اخوي ماقصرت .. الله يوفقك ويسعدك ويفرج عليك ..

طيب انا الان بتكون محطه الوصول ميونخ ومنه لزيلامسي .. مافيه طريق بحيث اني ما ارجع لميونخ مره ثانيه عشان المحطه اللي بعدها " بادن"

الطيران ل8 اشخاص من ميونخ الى باريس بيكلف عليكم تقريبا 1500 يورو ذهاب وعوده لكن للحصول على سعر ممتاز يفضل الحجز بدري مره
القطار من ميونخ الى باريس 6 ساعات

واذا تبون ممكن بعد ميونخ زيلامسي ثم كونستانس ثم بادن ثم انترلاكن وبعدين تنزلون ايطاليا
ميلان
فلورنس
روما

كيف الللحين؟

لا انا كنت ابي اختصار , لكن دام الوضع لازم تزود مدينه فيينا احسن ..يصير الوصول فيينا - زيلامسي - ميونخ-بادن-باريس-جنيف-انترلاكن-ميلان-فلورنس- العوده"روما" ..
كان ودي اقلل من المناطق مثل فيينا او بادن بس شكله مافيه مجال بحكم المسافات ..
وش رايك ؟
بالنسبه للطيران كم تكلفه الشخص الواحد !؟
ومادري اذا عندك معلومه عن القطار , فيه قطار مباشر من من بادن لباريس ؟

المشاركة الأصلية كتبت بواسطة cadi19
http://www.arabtravelersforum.com/tr...8/#post8229128

لا انا كنت ابي اختصار , لكن دام الوضع لازم تزود مدينه فيينا احسن ..يصير الوصول فيينا - زيلامسي - ميونخ-بادن-باريس-جنيف-انترلاكن-ميلان-فلورنس- العوده"روما" ..
كان ودي اقلل من المناطق مثل فيينا او بادن بس شكله مافيه مجال بحكم المسافات ..
وش رايك ؟
بالنسبه للطيران كم تكلفه الشخص الواحد !؟
ومادري اذا عندك معلومه عن القطار , فيه قطار مباشر من من بادن لباريس ؟

الجدول مقبول
خلوكم على السياره افضل
القطار من بادن لباريس فيه وقفه واحده وتغيير قطار في سترازبورغ

ككويس ..ياليت تطلع على موضوعي الاخير ..
ما استغني عن مشورتك ورايك .. لك الفضل بعد الله




http://www.arabtravelersforum.com/travel901523/

ممتاز جدا ,,, نشوف خبراء ايطاليا وش بيقولون

وبتابع معك

المشكله الحجز ما قدرت اغيره ، يعني مضطر اخلي ذهاب وعوده من ميونخ من الموبايل

اذا
ميونخ
بادن
باريس
جنيف
انترلاكن
زيلامسي
ميونخ

ايطاليا بتتعبكم مره

طيب وش رايك كذا :
ميونخ
بادن
باريس
جنيف
انترلاكن
ميلانو
فينيسيا
زيلامسي
ميونخ


ممكن الغي فينيسيا واروح لها جوله 4 ساعات من ميلانو وارجع بنفس اليوم ..
وش رايك ؟ من الموبايل

ايطاليا مشكلتها الطريق
يعني روحه ورجعه على نفس الخط تعب عليكم
غير كذا ايطاليا بالصيف حر

الا اذا مره معزمه براحتك

اهاا ، طيب باقي الطرق ؟ فيه شي رايح جاي على نفس الخط ؟
طبعا بخلي بين بادن وباريس طيران ، وبين باريس وجنيف قطار ..
احسن كذا او اخلي كل شي سياره ؟ من الموبايل

خلو كل شي سياره ... الطريق من بادن الى باريس ممتاز
وكذالك من باريس الى جنيف

حلو .. انا قلت اشوف الطيران والقطار على اساس المسافه بعيده .. لكن ما دام الطريق سهل وكويس توكلنا على الله ..

اذا جيتو تاخذون السياره
خذوها باسم واحد وسجلو مرافق سواق واحد ثاني من اخوانك

حلو .. مرافق سواق واحد بس ؟ او عادي لو كان اثنين مثلا ؟

بغيت اسألك عن فينيسيا .. كثير قالوا لي ما تنفع للعائلات وصعبوها علي وانا خاطري ازورها ..
وش رايك ؟ فعلا ما تصلح وغاليه او لا ؟ : (

مرافق واحد كافي

فينيسيا يكفي تزورونها من ميلان وتجلسون فيها يوم كامل

بس المسافه بينها وبين ميلان حوالي ساعتين ونص !ومنظر الشروق والصباح بالبندقيه ما يتفوت .. السكن لو حجزت مبكر من الان ما يصير اسعاره معقوله !
وتقريبا الغرفه لليله وحده كم ؟

اذا بتحجزين فندق احرصي يكون في السان مركو
الاسعار تختلف وعلى حسب الفنادق عموما بحكم قدم الفنادق وتصاميمها اكثرها تكون الغرف ضيقه نوعا ما

حلو , طيب ما ترشح لي فندق معين ؟ طبعا بجلس فيه ليلة وحده ..

ودي تطلع على توزيع الايام وتعطيني رايك ..




ميونخ 3 ايام ..
بادن يومين
باريس 4 ايام , يوم لديزني لاند
جنيف يومين , يوم لانسي الفرنسيه ..
انترلاكن 3 ايام
ميلانو يومين
فينيسيا يوم واحد
زيلامسي 4 ايام
ميونخ العوده .. يومين ..


وش رايك

ال 3 ايام = ليلتين

عيدي الحسبة
وعطيني تواريخ فينيسيا ؟
اعماركم الله يبارك فيها
وابشري بالفندق

فينيسيا بجلس فيها ليلة وحده بإذن الله .. الا اذا تشوف انها تستحق اكثر ؟
الوصول يوم الجمعه تاريخ 15 اغسطس وبطلع منها يوم 16 ..
الاعمار غير الوالد والوالده ، 22 , 20 , 18 , 14 , 10, 6 من الموبايل

http://www.booking.com/hotel/it/sple...ml?aid=1329869

http://www.booking.com/hotel/it/hote...ml?aid=1329869

http://www.booking.com/hotel/it/baue...ml?aid=1329869

http://www.booking.com/hotel/it/baue...ml?aid=1329869

بالكثير حقها يومين ,,, مشكلتها الجسور وصعوبة التنقل خصوصا لكبار السن

طيب انا عرضت جدول خطه السير على زميل للوالد ، وقال لي ان ميلان مافيها شي غير الاسواق وما تستحق الزياره ، وش رايك ؟
والسؤال الاهم اللي بسألك اياه .. قال لي ان فينيسيا ما تنفع للعوائل من ناحيه عاداتهم واجواءهم الـ"لا اخلاقيه" !! مع اني بحثت ومالقيت شي يثبت لي ، قلت اسأل ..
ف ما ادري اذا عندك معلومه عن هالنقطتين او لا .. من الموبايل

ياغاليه ,,,, لو اتفقت الاذواق لبارت السلع في الاسواق
اتمنى تقرئين عن ميلان وعن فينيسيا قبل كل شي
انا احب اشياء ,,, لكن غيري لا يحبذها

طيب من ناحيه ان فينيسيا عندهم عادات خربانه وغير اخلاقيه سمعت عن هذا الشي قبل او لا ؟ من الموبايل

ياغاليه انتي رايحه لاوروبا ,,, من المحتمل انك تشوفين اشياء خارجه عن عاداتنا وتقاليدنا
واشياء في بعض الاحيان تكون خادشة للحياء
جولاتكم خلوها دائما في الصباح الى قبيل المساء ,,,,, ولن ترو شيء

حلو ..يعني الخطه النهائيه بإذن الله راح تكون بهالشكل ..


محطة الوصول : ميونخ 3 ايام


ميونخ - بادن 3 ساعات ونص , يومين


بادن - باريس 5 ساعات , 3 ايام


باريس - جنيف 530 كيلو , 3 ايام


جنيف - انترلاكن 281 كيلو , 3 ايام


انترلاكن - ميلانو 250 كيلو , يومين


ميلانو - فينيسيا 240 كيلو , ليلة


فينيسيا - فيلاخ 249 كيلو , يومين


فيلاخ - زيلامسي 195 كيلو , 3 ايام


زيلامسي - ميونخ 177 كيلو , يومين




العوده : ميونخ








وش رايك ؟

ممتاز ,,,,, الله يعينكم على كثر التنقلات
لاتحسبين باليوم احسبي بالليله
اليومين = ليله واحده

مشكور ما قصرت ، تعبتك معي بكثره الاستفسارات والاسئلة .. الله يجعلها في موازين حسناتك وييسر لك امورك ..
جزاك الله الف خير اخوي .. من الموبايل