الموضوع: هل امريكا تستاهل السفر لها؟

بسم الله الرحمن الرحيم

اخواني وخواتي..
وااايد قريت تقارير عن امريكا وفي منها يشجع وفي يصورك امريكا عاديه بس عمارات لا طبيعه ولاهم يحزنون
ولين الحين داير راسي هل امريكا تستاهل الواحد يتعنى يروح لها؟؟

انا من وعيت عالدنيا وانا في اوروبا بس هاي المره اورلاندو جاذبتني مع اني ما احب امريكا بس احس اورلاندو فيها الكثير من المتعه لعائلتي..

ودي اعرف من الخبراء الي مكسرين امريكا

هل في مضايقات للعرب لاني الصراحه سمعت اشياء واايد تخوف حتى اقول لو اني كنت هناك كيف بتصرف؟ كل اخاف اسوي شيء غلط ما ادري من كثر ما سمعت والله مب عارف كيف اتصرف على سجيتي وانا معاي عائله واطفال صغار واحد 3 سنوات والثاني سنه يعني حسسوني اني لو رحت امريكا اكون مثل العبد عندهم واكون دايم متحذر فطريقت كلامي فجلوسي فاكلي عن اسوي شي غلط يزعل الامريكان يا سلام يعني ولا مصيري ضرب من قبل الشرطه :105: "صدق فيلم امريكي" انا ما عندي مشكله لو كنت بروحي بس عائلتي وياي عشان كذا انا واايد متحذر فالموضوع

وشو بالنسبه لموضوع اللحيه هل اذا رحت امريكا اخففها او اشيلها لان لحيتي طويله الصراحه وما ابى اكون محور شك لهم

مثل ما خبرتكم انا عندي طفلين 3 والثاني سنه هل اورلاندو راح تكون حلوه لعمرهم او الافضل لو كانوا اكبر من كذا لانه الي عمره 3 يتجنن على شي اسمه دزني وميكي وبارني والسي وورد والدلافين انا مش رايح عشان الالعاب كثر ما رايح عشان العروض ومقابلة شخصيات دزني فشو رايكم حلوه عشانهم؟

ومشكوورين وانتظر منكم الاجوبه

مواضيع عشوائيه ممكن تكون تعجبك اخترناها لك:

• الحق ما تلحق راسلت السفارة اليوم وكان جوابهم ادخل لتعرف
• سؤؤؤؤؤؤؤؤؤؤؤؤؤؤؤؤؤال؟
• ما هي افضل جامعة طب في كندا ؟
• جدول رحله امريكا باذن الله
• الفيزا الامريكية الجديده
• شباب الله يرحم والديكم ابي جواااااااااب
• بعد تأخر صدور تأشيرتي اصبحت لا افضل الدخول للتقارير المصورة
• تذاكر يونيفيرسال ستوديو واستفسارات أخرى
• الي خبراء امريكا المساعد الله يجزاكم خير
• استفسار بخصوص مواقيت الحجوزات رحلة امريكا
• أهل الخبرة في أمريكا
• في اي مطار تنصحوني؟؟
• استجاب الله و صدقت العجوز
• سلسلة صور الكولورادوي المتفرقة في الولايات المتحدة
• استفسار عن الفيزا الامريكية من بلغاريا
• كشف حساب بنكي
• سلام بخصوص الدراسة والفيزة بليز تعالو
• الشكر لله ثم لك اخي ابشرك الفيزا طلعت اليوم
• استفسار عن
• الملحقية الصحية في اميريكا

الحبيب شف الرابط وعطني رايك
http://www.travel.maktoob.com/vb/travel135002/

الوضع جدا عادي لا مضايقات ولا شي واللحية عادي كمان كثير ناس بلحاهم وحريم بنقاباتهم انا منقبة والوضع جدا ممتاز ..

امريكا حللللللللللللللللللللللللللللوه مرررررررررررررررررررررررررررررره :110::110::110::110::110:
لاكن بعد احداث سبتمبر مارحت لها ادعو معي اروح ليها لأن زوجي عنده نفس مخاوفك

السلام عليكم

أخوي توكل على الرحمن وسافر لها ومب بس تستاهل شويه عليها
أنا الآن في لوس أنجليس وما كملت أسبوع وهذي الزياره الأولى لأمريكا ويالله لك الحمد والشكر
مرتاحين ومبسوطين هذا من فضل الله ,الله يديم علينا وعليكم الصحه والعافيه...
وبصراحه ومن دون مبالغه توسع الصدر الجو مره حلو الأسعار رخيصه
الأماكن السياحيه للكبار والصغار ما تنعد من كثره غير (الوجوه السفره)---يعني الزينه
يبتسمون أبتسامه عريضه ويصبحون ويمسون علينا ,ومن ناحية الحجاب لا
تشيل هم حنا متحجبين وما فيه اي مضايقه نهائياً,, توكل وسنع أمورك.

بالتوفيق يارب

سافر وتوكل على الله انا الحين هناك ومستانسه ومر الشهر كانه اسبوع الصراحه البلد روووعه ومريحه من كل النواحي والناس طيبين ويحترمون الاسلام واجد والبلد رخيصه ارخص من بلادنا والحجاب عادي ومنتشر حتى الهنود بحجابهم هني وفي اجانب مسلمين،،،وشكلك بيكون عادي وسط المكسيكيين لان فلوريدا كلها مكسيكان ولونهم مثلنا واليهال بينبسطون وامهم اكثر لانها وايد عائليه...ومريحه جدا واحنا ان شاء الله ناووين السنه الجايه اذا الله احيانا نجي شهرين ونروح ولايات ثانيه

مشكووورين وماقصرتوا
الصراحه انتوا طمنتوني مومثل الي حولي لما قلت لهم بروح امريكا الكل على طول راح يكلبشونك مع لحيتك

انشاءالله بتوكل على الله والله يحفظنا ويحفظ المسلمين اجمعين..آمين

مشكووورين وماقصرتوا والله انكم طمنتوني على عكس الي حولي الي متاكدين اني راح اتبهدل بسبب طول لحيتي
انشاءالله بتوكل على الله والله يحفظنا ويحفظ المسلمين اجمعين.......آمين

امريكا احلى مكان بالعالم و مناسبة لكل أفراد العايله انشالله مراح تندم ابدا

بالعكس مره حلوه واطفالك بينبسطون هناك

توكل على الله