السلام عليكم
حي الله العرب المسافرون في بقاع الارض
انا لي فتره طويله منقطع عن الكتابه في اغلى منتدى عندي
بس تخبرون رمضان وصيام والنوم متلخبط والجو فكوك
ماعلينا المهم
هذا موقف صار لي وتمنيت اني ماشفت هذا الشي
امسس
صحيت على الساعه 10 بليل
يعني استغفر الله اذن والناس افطرووو وشافو طاش وخلص طاش وشافو بو كريم وشافو فرصه ثانيه
وانا لازلت نائم واحلم احلام جميله
شطحه خارج النص
انا احس اني مولود في هوليود دائماً احلامي فيها اكشن ومغامرات
المهم ندخل على الموضوع
صحيت على الساعه 10 بليل وقمت غسلت وجهي وشفت الساعه الا اثري مره ساحب بنوم وتأخرت
صليت وعينت من الله خيررر وقعدت افتح الثلاجه يمكن القى شي اكله
مالقيت غير الفيمتو
ماجاز لي الموضوع فكيت صيامي بمووويه
وقلت يارجال ليش ماتطلع بررى وتتعشى وتخليها سحور عشى
المهم اتصلو فيني العيال تعال تسحر معنا قلت اوكيييه مو مشكله
مشييت بسياره الا واشوووف ذيك الزحمممه اوف اوف اوف وش ذا وش فيهم هناس
والله اني احسس ان هذا اخر عيد في على الكره الارضيه وان بعد كيذا بيخلص العيييد
ياذا الحرريم لا يكلوون ولا يملوون مراكض بهل الاسواق يوووه
اشوى اني منيب متزوج ولا كان تلقووني ماشي ورى حرمتي زي الخروف
انتم يامعشر المتزوجين تكسرون خااطري
العزوبيه كنز لايفنى
ماعلينا المهم رحت عند العيال في الملحق (( يعني ديوانيه بي الكويتي ))
بلله عليكم وش رايكم فيني وانا دقيق بي الوصف
رحت الملحق وقعدت عندهم الى ان صارت الساعه 1 ونص بضبط
الا شوي واشممم ريحه يحبها قلبك
ريييحة كبسسسه
الا شوي ورحت نطيت ابي اشوف الطبخ وكيذا
الا واشوف واحد من العيال جايب نص ذبيحه وذابها في برميل المندي
وهل اللحيمات والرز الي ماودك تصد عنها ابد
المهم انا في وقتها جايع مررره يعني خطر اكل اي واحد من العيال
حطووو الربع السحور
الا هل الكبيسه الي يحبها قلوبكم هل اللحم الي من يزنن فيه صايرن اشقر
والرز من زود ماهو يشهوي صايرن حمررر
والا تشوف على السفره غضارة لبن عدد 4 اشخاص
والسلطات والخ
تعشينا الحمدلله وعينا من الله خير وخذ لك سواليف
وهاه وين بتسافر وين بتروح وهيك
الا يوم جييت اروح اغسل يدي الملطخه بدهن الكبسه الجميله
الا اشوف واحد واقف عند باب البيت
يناظر فيني ويناظر فيني .. استغربت
قلت لنفسي وش فيه الاخ هذا اكيد انه مضيع ولا يبي شي
قلت سم يبوي وش فيك
قال لا ابد سلامتك تسحرتم
قلت له ايه تسحرنا ؟؟؟
قالي معليش تعطووني باقي السحور لعيالي
انا صراحه انحرجت قلت ايه ابشر دقيقه بس اروح اجيب لك حافضه وكيذا
قالي لالالا لاتتعب نفسك كب الرز هنا بثوووبي ولا اقولك كبه في جيوبي
انا طارت عيوني
قلت لا ياخي انا اجيب لك حافضضه واحط فيه الاكل
تشكرر مني وقلت له اصبر
وجبت الاكل ووصلته لباب بيتهم
وياحوول الله بيتهم من طين ومافيه كهرب بس مولعين الحطب
تخيلو نحن في القرن 21 وهذا حال بعضنا
قلت له انت وش تسوي وش تشتغل
قال انا رجال علي سابقه ومسئول عن ايتام
وبعد التحرري اكتشفت انه كان مهندس معماري وصار له ظرف وانتهت مستقبله
بصراحه منظررر مرعب
منظررر مانشوفه الا في الافلام
منظررر يكسرر خاطر اليهودي فما بالك بي المسلمين
وكل هذا الي شفته
واستغرب من التبرعات الخارجيه
ياوطن شبحك الى مابعد الوطن ينسيك الي وسط الحضن
ياموطني انا هنا انا هنا
هذي كانت كلمات مواطن سعودي
يحاول ان يوفر اقل شي لينعمو ابناءه بي حياه بدائيه
ياربع لاتقطعون الصدقات
ومانقص من مال من صدقه
والعشر مباركه عليكم
وعيد سعيد مقدما ً
كان معكم ترانزيت وهيكمواضيع عشوائيه ممكن تكون تعجبك اخترناها لك:
- لماذا سميت الدجاجه في ال تشكن
- حماكم الله
- جـــدال بين الانثي والذكــــر؟
- نفق سكة حديديه تتحول الى مكان جميل ومذهل للغاية في اكرانيا
- الإعجاز العلمي في حديث بيت لا تمر فيه
- المسك
- لا شــــاطــــــــــــر
- وش تتوقعون يكـــون هـــذا ؟؟
- المال ملكك لكن الموارد ملك المجتمع
- منظر يكفى عن الوصف
- كبف فعلوها سينماجراف
- تغريب اللغه العربيه
- خارج نطاق الذاكره
- كائنات بحرية تعيش على عمق متر تحت سطح البحر
- كمبيوتر المستقبل حقيقة وليس خيال
- شاطئ الكابتشينو
- ادخلوا لنفهم معنى الانــــوثه
- ادوات مخيفة لعلاج الاسنان
- تدري وش اللي يتعب البنت ياخوي؟
- الصخب في المواقع الترفيهية المغلقة والازعاج والحديث بصوت مرتفع معاناة متكررة وش الحل
رد مع اقتباس
وانااقرى موضوعك قبل ماتطلع للرجال 
المشاركة الأصلية كتبت بواسطة دارة الخير
المشاركة الأصلية كتبت بواسطة منى العازمي
المفضلات