الموضوع: رايح الكويت ان شاء الله وابغي فزعة أهل جابر الكرام

السلام عليكم ورحمة الله وبركاته .. :101:
شخباركم و شعلومكم . :107: . الله يخليكم السالفة وما فيها اني زاير بلدي الكويت بعد اسبوع ان شاء الله . :106: . وهاذي بتكون اول مره ازور فيها ارض الابراج . :surf . وابغي معلومات عن الفنادق الممتازة و الاماكن اللي الواحد ممكن يزورها في الكويت . :115: :115: :115: ..

وتقبلوا فائق شكري واحترامي و تقديري ... :113:

عمري الكويت ... :106:

مواضيع عشوائيه ممكن تكون تعجبك اخترناها لك:

• ارغب شراء أبواب من الصين وسياحه
• معلومات عن السكن
• عيودتنا في الكويت
• عربانة جمعية
• شقق فندقية راقية ظروري
• اقرب فندق او شقق فندقية قريبه من حي
• ابي مساعدتكم ياهل الكويت
• استفسار عن عروس البحر
• طلب افادة من اهل الخبرة و المعرفة مع الشكر الجزيل سلفا ......
• دلوني وين القاها
• عراقيه زوجه خليجي
• جايكم جايكم يايكم
• موضوع هام جدا أرجو المساعدة
• رحلتي بالصور من الكويت الخبر وادي الدواسر الى ابها البهية
• استفسار
• ممكن احلى الاماكن الموجوده في الكويت
• الى الاعضاء عاجل جدا
• سفرتــي لـ الكويت الحبيبة
• عاجا جداً كيف أسافر من الدمام للكويت ؟؟ على أي خط
• بدأ التسجيل لموسم حج

ياهلا والله اخوي عمري قطر :113:

عزيز وغالي بين اخوانك واحبائك في بلدك الكويت بلد الصداقة والسلام

وان ماشالتك الارض اتشيلك عيونا يالغالي :106:

اول شي راح اعطيك رابط فيه مجموعة فنادق وارقامهم وانا افضل انك تحجز او تستفسر عن انسب فندق وانت في قطر

عموما الشيراتون فوربوينتس وبرج المريديان من الفنادق الرائعة جدا


الرابط


http://www.kuwaitpictures.net/new_page_11.htm

اما بخصوص الاماكن الى تستحق الزيارة


المركز العلمي على البحر

مجمع المارينا مول

سوق شرق

منتزه الشعب الترفيهي


مجمع الفنار


ابراج الكويت


واذا حبيت تتسوق في الاسواق الشعبية الجميلة مالك الا المباركية

على فكرة تحصل هناك اللي بيبعون الرهش والدرابيل وحلويات الكويت القديمة مال أول :109:


اطيب الامنيات بقضاء اجازه سعيدة :107:

تسلم تسلم الغالي اخوي خالد .. يسلمووو كلك ذوق و طيبه .. ما قصرت والله جزاك الله خير .. وهذا العشم فيكم ياهل الكويت .. دوم تعرفون الاصول ..

تحياتي .. عمري قطر

الله يسلمك حبيبي عمري قطر

ماسويت الا الواجب :107:

تستاهلون يااهل قطر الغالية كل خير

عساك على القوه اخوي خالد والله لايهينك على تجاوبك السريع مع أخونا وضيفنا العزيز عمري قطر
وأخي العزيز عمري قطر اذا بغيت اي شى حنا بالخدمة واذا كان شي خاص دز لي على الخاص ومن عيوني

[glow=cccc99][align=center]تروح وتجي بالسلامه اخوي ...والحقيقه انك احسنت الاختيار ....بلد غير طبيعي ...خيالي...يجنن
ديره شعبها طيب وخلوق ومستعد لخدمتك .... ديره كلها أسواق ...يعني تروح بوكك منتفخ ورصيدك مليان وترجع وبوكك فاضي والبطاقه مافيها هلله :109: ....

روح...

سوق شرق
مارينا مول
الأسواق اللي في السالميه شارع فهد السالم " عدل ولا أنا غلطانه " :114:
الفنار,ليلى غاليري , البستان ....الخ شارع طويل عريض كله أسواق
المباركيه " يجنن انا أحب هالأشياء الشعبيه " لاااااااازم تروح له ضرووووري
تحياتي[/align][/glow]

اكيد اكيد تسلمولي يا الغالين على التفاعل مع الموضوع .. وان شاء الله اروح و ارجع و اجيب لكم احلى السوالف .. اتمنى لكم التوفيق و لديرة الكويت التوفيق و المحبه ..

عمري قطر

اخوي العزيز الباب العالي ماسويت الا الواجب يستاهلون اهلنا في الخليج كل خير :107:

الاخت الكريمه سحابه تسلمين على كلامج الحلو بحق الكويت ونسعد كثيرا بزيارة اشقائنا الخليجين لنا فانتم اهل البيت وان ماشالتكم الارض تشيلكم العين


الاخ العزيز عمري قطر هذا برنامج كتبته لاحد الاعضاء يمكن تستفيد منه :101:


اليوم الاول للتسوق في الاسواق الشعبية مثل المباركية وسوق الكويت وسوق الحريم .. الخ

اليوم الثاني ترفيهي مثل منتزه الشعب الترفيهي او المدينه الترفيهية او مرح لاند

اليوم الثالث للتسوق في المجمعات الكبيرة مثل سوق شرق او المارينا مول والفنار وليلى جاليري الخ

اليوم الرابع للذهاب للسينما او مشاهده مسرحية كوميدية

اليوم الخامس التنزه على شارع الخليج ( الكورنيش ) و زيارة ابراج الكويت والعشاء في مطعم ميس الغانم

اليوم السادس لزيارة المتاحف اذا كنت من محبين هذا النوع من الترفيه ولاتنسى اتزور بيت الكويت للاعمال الوطنية ( عبارة عن بانوراما لتاريخ الكويت وخاصه مرحلة الغزو والتحرير )


اليوم السابع تخصيصه لزيارة حديقة الحيوان اوجولة بحريه على الجزر


تحياتي للجميع

الأخ عمري قطر حياك الله معانا في درة الخليج واتمنى لك طيب الإقامة في الكويت

اخوي خالد الكويت ..تسلم
وماتقصرون ..والله يديم المحبه .

يسلمووووووووووووووووو على كل الردود ... وعلى المرور ...

سلام .. عمري قطر - الكويت

100% رايح تخريج دورة الرقباء 7-4
هاهاهاهاها لاتقول لا ..


أنا أن شاء الله رايح 14-4 بإذن الواحد الأحد ..
لمدة 3 أيام ..

بتشرفوا يالطيبين ......
وحياك الله يالغالى .. يابو محمد ...
ونحن فى أنتظارك .......................
تحياتى ....

بومحمد ... لا مب رايح التخريج.. بس انا رايح تاريخ 14-4 بعد ... ان شاء الله اشوفك

متى ؟ واي طيران ؟ ...

و شودعوه يا بن بطوطة ... وين محد ينطرني ..

تحياتي .. عمري قطر

الكويت جوهره الخليج

راح تعجبك الكويت واذا اول مره تزورها انا متاكد انها راح تكون ببالك

وين اخواننا الكويتين وينكم ووين الصور

وينكم يالشاميه والفردوس والصباحيه والرقه ووووو الخ

وين الصور

والا ماراح اجيكم مره ثانيه


نتظر الصور

يسلمووووووووو فيصل الغالي .. مشاركتك قيمة و مميزة مثلك ...

تحياتي .. عمري قطر

على الخطوط القطرية إن شاء الله ..
واحتمال الكويتية إذا تواقيتهم أفضل .. ..
والسكن ان شاء الله في ال4 بوينت .

كورت يارد أو جي دبليو ؟؟؟؟

سعرهم واحد في الدوحة
1200 ريال .. فمادري .. أيهم أفضل ؟؟؟ وإذا في شقق في السالمية جيده يكون أفضل .. أو فندق في السالمية .. بجنب مجمعات التسوق . :107:

تدري بومحمد انا فيه احتمال ان شاء الله تشوفني معاك في رحلة الروحه و الرجعه .. وانا سويت حجز في كورد يارد ماريوت .. ما ادري يمدحونه ..

تحياتي .. عمري قطر

لووووووووووول .. يشرفني ذلك .. بس قررت انا ان شاء الله الروحة 12/4 - والرجعة 16/4
والسكن في كورد يارد ماريوت .. طبعاً أحلى فندق في الكويـت ..
احجزه من سفريات توريست .. ترى ارخصهم هو .. أو روح للخطوط الكويتية على طول وسو الحجز من عندهم . أسعارهم حلوه ..
طبعاً الروحة على القطرية والرجعة على الكويتية ..
لأن القطرية تقلع من الدوحة الساعة 3 ونص العصر والكويتية تقلع من الدوحة 7 تقريباً .. فالأفضل القطرية ..
وفي العودة .. القطرية تقلع من الكويت الساعة 11 في الليل .. والكويتية الساعة 4 ونص .. فالأفضل الكويتية ..
والسعر 1080 ريال .. للتذكرة ( سياحيــة ) ..

الي جميع الأخوة القادمين الي الكويت ويريدون السكن في فنادق ماريوت انا انصحكم بفندق كورت يارد ماريوت لأنه فندق جديد ورائع وفخم وبه مركز الرايه الراقي للتسوق وموقعة جيد وهذه صوره للفندق مع العلم بانه اعلى فندق في الكويت 34 طابق

زين قلت لي .. لأني كنت متردد بينه وبين جي دبليو ماريوت .. ومشكووووووووووور :107:

بعد بشوفك ان شاء الله في الرجعه و الفندق .. اول ما اوصل بروح سيد هالرسبشن .. على طول وين بومحمد ..

لووول .. see you soon

تحياتي .. عمري قطر

والله يشرفني ذلك يالغالي .. وأسأل الرسبشن عن واحد اسمه جاسم محمد

لووووووووووووول

تحياتي لك يالغالي،، وخلنا نشووووفك

ان شاء الله .. لا توصي حريص .. واحلى شي ان الكويت بتجمعنا ..

سلام .. عمري قطر

الي اخواننا الخليجين وللمعلومات بان معظم فنادق الكويت تقدم في عطلة نهاية الأسبوع ( الأربعاء - الخميس - الجمعة ) خصومات للمواطنين ومواطني دول مجلس التعاون بحيث يكون سعر الغرفة المزدوجة 45 مع الأفطار و 35 دينار للغرفة المفردة مع بوفيه افطار
وهذه العروض للفنادق من فئة 5 و 4 نجوم طوال العام

معلومة جميلة . لكن احنا الويك أند هو ( الجمعة والسبت ) فأعتقد أن الويك أند أرخص حق باقي الدول الخليجية .. لكن احنا الوضع مختلف قليلاً .. لأن يوم واحد الي هو يوم ( الجمعة ) بيكون دبل السعــر ..

انا بسافر الكويت بعد اسبوعين...وسالت في سفريات الرحله السعيدة عن المريديان...قالوا لي تذكرة وسكن لمدة ليلتين مع طفل (انا وولدي)ب7200 ريال!!!حسيت انه وايد...انا سمعت ان في فندق المريديان سوق راقي كله ماركات مادري هالكلام صح او لا؟؟واذا صحيح ياريت تقولون لي اي واحد الابراج والا الثاني؟؟وابي اسم المجمع اللي فيه ماركة شانيل ولوي فيتون ..وبعد ابي اعرف وين محل فيلامودا؟؟والجو شلون عندكم بارد ولا عادي؟؟عشان اسوي احتياطاتي حق ولدي...

الفندق اللي فيه محلات لوي فيتون وكله ماركات اهو جي دبليو ماريوت وفيه فندق ثاني احدث منه وتحته سوق كله ماركات اهو كورتيارد ماريوت

وفيلا مودا موجوده في منطقة المستقبل خلف جامعه الكويت بالشويخ بجانب ميناء الشويخ

وبالنسبه للجو الجو الي الان جيد ومعتدل

مشكور ماقصرت

تحياتي لكل من شارك في هالموضوع ...

عمري قطر ...

مادري الأخوان عمري قطر وبومحمد وصلوا الكويت او تم الغاء السفر ...على العموم حياكم الله في اي وقت وانا حاضر لأي خدمة لأهلنا في دولة قطر وكل اهل الخليج بنزداد شرف

أن شاء الله أنا اليوم بالكويت ( إذا الله راد ) .. وشكراً لكل من شارك في هذا الموضوع

انا انشاء الله اليوم راح اكون بالكويت .. واتمنى نلتقى بـ بومحمد ..

تحياتي ,, عمري قطر

حياكم الله ياأخوان والحمد لله على سلا متكم .....
ونحن فى أنتظاركم ......

أنا الآن في الكويـــت ..

وأن شاء الله أشوفك يا بن بطوطه ويالباب العالي ويا عمري قطر

بأذن الله ياخوى يابو محمد ........
وعلى موعدنا باذن الله ..... وباقى الاخوة الكرام .
وحياكم الله وياهلا والله ....

الأخ بومحمد الحمدالله على السلامة

اتمنى لك طيب الإقامة في بلدك وبين اهلك واتمنى ان تستمتع بزيارتك

اخوي كويتي 2 . جزاك الله خير يالغالي .. وماقصرت وبيض الله وجهك يالغالي

لا تنسوا الدعم بالصور


نحن في الانتظار

السلام عليكم ورحمة الله ..

احبائي اعضاء هذا المنتدى الرائع ...

اخيرا زرت الكويت .. زرت هذه العروس .. زرت هذه الارض الطيبة .. شاقول شاخلي .. والله الكلام يخونه الوصف عن هذه البقعة المتوهجة من الخليج .. بصراحة احب اشكر الاصدقاء في الكويت .. و الشعب الكويتي كله .. اللي كان لي الشرف اني ازورهم و اللي احرجونا بكرمهم و طيبتهم و محبتهم .. و مواقفهم الرجولية و السامية .. و ان شاء الله يكون لنا زيارة اخرى لهم .. طبعا فاكهة الرحلة هي اني التقيت بالرائع و الاخ العزيز جـاسم " بومحمد " ... اللي فرحنا جدا فيه .. و دردشنا وياه .. و استانسنا و قضينا وقت ممتع و محفور في الذاكرة .. فاسمحولي لاني ما اعرف اسرد او اعبر عن هذه العروس بالطريقة المناسبة فاتمنى اشوف تعليق اخوي بومحمد على رحلته قريبا .. ان شاء الله

و دمتم ,, عمري قطر