الموضوع: مطعم الصنوبر في السالميه

السلام عليكم

وصلني التقرير عبر الايميل و قلت انقله لكم :101:

وايد يمدحونه
و باين شكل الاكل لذيذ


موقع المطعم
في السالميه
شارع البلاجات جنب بيرجر كنج
مكان مطعم الدانه سابقا

فاتح صارله اكثر من شهرين








لبنه :8888:.


محمره :8888:


حمص باللحمه :8888:


سمبوسك لحمه :8888:


جوانج دجاج مقليه بالثوم :8888:


بيض و لحم :8888:


نقانق :8888:


تكه :8888:

مواضيع عشوائيه ممكن تكون تعجبك اخترناها لك:

• الخطوط الوطنية الكويتية تشغل رحلات مباشرة بين بيروت وفيينا
• حجاموون الكويت حجـامـه
• وش أفضل محل حلويات بالكويت؟ بليز ساعدوني الله لا يهينكم
• ابي مساعدتكم ياهل الكويت
• استفسار لو سمحتـــــــــو
• عاااااااااااجل جدااااااااااااااااا
• وش رايكم بفندق بلازوا ؟
• السموحة ،، استفسار عن شركات الاتصالات بالكويت
• استفسار لأسواق الشعبية بالكويت
• افضل مكتب حجوزات بالكويت
• كافيه بزّه ضيافة كويتية
• وين انتي يا ابو حليفة؟
• كم سعر التذكرة من الكويت لدبي
• أستفسار عن فندق
• عبارة أم الخير
• ككاو
• المطاعم اللي فيها بوفيه
• شنو هذا إلي ؟
• مساعده يالنشاما
• استفسار عن محلات الاحذية كنادر اكرمكم الله

يعطيك العافيه

هذا الي كان مكان الدانه وماصارله فتره فاتح

مشاللله وااااايد حلوو

يعطيج العافيه يالغاليه
أنا تعقدت من المطاعم اللي تجيني دعاياتها على الايميل .. من عقب التسيمو هههههههههههههه
خلي احد يجربه و يمدحه و ان شاء الله نروح له اولما نرجع الكويت

اي سبق واختي وراحت له تقول اكلهم لذييييييذ وسعرهم معقول

مو غالي ..


الف شكر لج

ان شاءالله في رحلتي القادمه للكويت ، راح أزور هالمطعم ، (تم تسجيل المطعم في جدول الرحلة )


الف شكر لك

الحقيقة أنا حاب أسجل نقطة إعتراض على هالمطعم

رحت له قبل إسبوعين بالويك إند ( السبت) وقالولي بالريسيبشين الطاولات فل ممكن تنتظر 45 دقيقة ؟؟؟

وقالي قبل لا تحضر لازم تحجز المهم مشيت منه وقلت مرة ثانية اروح له وأحجز قبلها

المهم الجمعة الماضي إتصلت قبل صلاة الجمعة (11:30 تقريبا) وكلمتني الفلبينية قلت لها أبي أحجز والعدد 3 قالت لي بالويك إند ما في حجز إنت تحضر للمطعم وتدخل وإذا توفرت طاولة تقعد قلت لها الغسبوع الماضي قالوا غير هالكلام

فسجلتني على مضض والله قلت لها 1:30 الموعد قالت حدك تتأخر 15 دقيقة قلت أوكي

المهم حضرت بالموعد وأول ما رحت الريسيبشن قالي إسمك مو مسجل ؟؟

شلون أنا مسجل .. ومني ومناك دخلني فوق

واللله كانت هناك طاولات فاضية المهم إنتظرت أكثر من 10 دقايق فوق كل ما اقول حق واحد يالله ابي طاولة يتصددون أو واحد يقول أوكي ويسحب علي شي موطبيعي المعاملة صفر

المهم كلمت المدير وأنا معصب راح يبي يحل المشكلة قال إسمك مو مسجل قلت له والله أنا كنت مسجله بس الظاهر الفلبينية ما سجلته شسوي وبعدين حتى لو إفترضنا جدلا ما كنت مسجل في طاولات فاضية ..
قال إنزين وصعدت فوق مرة ثانية وأنا أعصابي مفورة والصغير أحمداني يوعان مسكين المهم ونفس السالفة غنتظرت يمكن 5 أو7 دقايق محد عبرني المهم قطيت عليهم من الكلام الطيب ومشيت ولا أظن إني راح ارجع لهالمطعم مرة ثانية

بصراحة الأخلاق صفر

هلا اختى همبكة ،،، يعطيج العاااافية علي نقل الموضوع والله اللحين الكل هااب لج في مطعم الصنوبر وااايد يمدحووونة وخاصة الأكل اللبناني مايبيلة كلام ،، ولا عاد إذا يالج الحمص والمقبلات يااااا سلالالالالالالالالالالالالالام بس يعت واايد

وبالنسبة حق اخوي فهد الأحمد ،، تري انا صارت نفس الحركة لازم حجز حق مطعم ميجانا بالكوووت وقالوا مافي اماكن لازم حجز والله رحنى ولا شنو نشوف الكراسى فاااضية والوقت اللي اخترناه 1:30 ظ حق الغدا والله العظيم بس افا عليك ما خليناها في قلبنى ولا نقولة اشلون تقولون لازم حجز ويطلع المطعم فااضي ما اقولك فااضي وايد يعنى فيه ناس ،، بس اللي موحابته في الموضوع ليش يسوون لهم ابرستيج اساسا المطعم بروحة زحمة اصلا يخلون الناس تغير فكرها عنه ،،،،

وعليكم بالف عااااااااااافية

أنا رحت المطعم مرتين بصراحه أكله روووووووعه وايد لذيذ لي درجة ان أكلهم ينافس الأكل اللبناني في مطعم الطربوش في الشيراتون.

من الأكل الي طلبناه :

كبه برغل
تبوله
فتوش
ورق عنب
عرايس لحم
بطاطا حره
حمص
كبدة دحاح
شيش طاووق

والحساب كان 15 دينار تقريبا

المطعم أكله روووعه وقعدته حلوه وايد وأسعاره جدا رخيصه

المطعم مبين عليه من الصور حلو وفي ناس وايد امدحو لي اكله

انشالله اجربه واقولكم رايي فيه

ماقصرتي همبكة على الصور الحلوة ويعطيج الف عافية

يعطيك العافيه على هذا الموضوع ولكن انا جربت هذا المطعم قبل ثلاث اشهر وبالنسبه لموقع هذا المطعم رائع جدا جدا والديكور هم حلو ولكن الاكل عادي والمنيو قليل اللي فيه

جم مره امر صوبه
بس مادري ليش ماتشجعت ادخله
قلت اذا احد مدح لي اياه
بروح له


عاد صج بخاطري اكل لبناني :8888::8888:


على العموووم يعطيج العافيه
ماقصرتي :wink::wink:

شكرا على التقرير

ابى رقم المطعم لو سمحتوووو

waaaaaaaaaaaaw it is imazing walla

و الاطلاله عجيبه ترا ,,

المشاركة الأصلية كتبت بواسطة MiSS DoHa
http://www.arabtravelersforum.com/tr...5/#post2931695

ابى رقم المطعم لو سمحتوووو



هذا رقمه حبيبتي 27515123-00965

السلام عليكم

انا جربت هذا المطعم مرتين مره الغدا ومره على العشا

بالنسبة للحجز لازم حجز ولا بتنطرون ساعه الا ربع تقريبا وهذا اللي صار معانا في المرة الاولى

بالنسبة للاكل كان لذيذ والاسعار مناسبه

في المره الثانيه لما رحنا بالليل كان الوضع مو مريح بالنسبه لي شخصيا ازعاج وايد صوت الاغاني عالي جدا مو مثل فيلا فيروز اللي اجواءه هاديه

واللقطات اللي على الشاشه عن السياحه في لبنان كانت غير لائقة (مايوهات ورقاصات ) كلش ما عجبني

الزبده من الحجي من تجربتي

مادري الاجواء الليلية تختلف عن النهار دايما ولا هذا اللي صدف معاي ؟؟


وشكرا

المطعم صرااحه مبين من الصور حلو و حتى الاكلات اللي في الصور صرااحه نفسي فييييها
انشاءالله نرووح له اذا كتب لنا نزوور عروس الخليج الكويت
يسلمــــــو

العفو شباب و بنات

شكرا على الرد

نصيحه الي ما راحله يروحله اكلهم لذيييييذ ...

يعطيج العافيه اختي ....

يعطيج ألف العافيـــة على الموضوع الرائـــــــــع إختي همبكــة .. ..

شكرا على التقرير

مشكورة أختي Hambka Q8 تقرير روووعة وشكل المطعم رهيب
تحياتي لج

تقرير اهبل وايد حلو
والصور روعه واكثر من روعه ياخوي ,,,,

بس كم طلعت الفاتوره عسى موب وايد ,,,,

المطعم أكله حلو بس لازم نحجز قبل بالتلفون\

انا رحت له موقعه عجيب الجو عجيب القعدة عجيبه بس في شي واحد مو عجيب !!!!
الاكل يترسونه زيت زيتوووووون وايد يغرقونه لدرجة انه طعمه يضيع وانا استغرب اهم يقولون انهم يايبينه من لبنان يعني اكيييد مكلفهم لأن زيت الزيتون اللبناني غالي ... ولما سألت الويترز ليش وايد يحطون زيت زيتون يقول لي الزباين بدهم هييييك
بس للأمانه حلو وااايد واذا على سالفة زيت الزيتون سوووا نفسي انا أكبه كله بصحن ثاني وارتاح

ماقد شفت صور بهذه الروعه

شكر من هنا لحد الكويت

الاسبوع للى طاف كنت متواجد بالمطعم على العشا

الاكل بشكل عام جيد بس مو لدرجه وااااااو

الاسعار مقبوله

الجو العام جيد

وعلى فكرة قام يجهزون قعدات خارجيه وفوق السطح وراح تكون جاهزة على شهر 11 على كلام مدير المطعم

ومشكورين على التقرررررررررررررير

همبكه يعطيج العافيه المطعم جربته اكله واااااايد حلووو

اذكر رحت له اول مافتح دخلت ولا ماكو شي قالولي فوق المطعم لمن طلعت
ولا الاضاءه قويه تخيلت نفسي من المشاهير الي وصلو صالة المهرجان :109:
ووقتها المطعم كله حريم عبالي محجوز :108: طلبنا

*سلة الصنوبر,, وايد حلوه فيها كافيار



وبعد طبق راس العصفور حلو :24:مثل مرقه فيها قطع دياي وكازو ومشروم
وايي وياها خبز حار من التنور
وعلى فكرة مطعم

الصنوبر جزء من سلسلة مطاعم قرية الضيافه

تقيمي للمطعم 8.5 /10 :101:

مشكور على التقرير

اي اكلهم وايد حلو يعطيك العافيه

ان شاء الله نجربه ونحكم عليه ..


يسلموو على التقرير ..

عاد اليوم اهلي قالوا لي عنه......لازم اروحلة

الاسبوع اللي فاات رحت تعشيت فيه

كديكور وتصميم واايد حلو وحاطين بره محل يبيعون اكل لبنان زيت ومخلل ولبنه وهالسوالف

بس الصراحه ما عجبني الاكل ولا القعده
اول ما دخلنا كل من حاط الشيشه ويشيش حريم ورياييل
وطلبنا كبه برغل موو حلوه يابسه وناشفه وخشنه وماصخه
التبوله ما فيها ليموون ناشفه
وطلبنا بطاط بالكزبر متروووس فلفل معنه المفروض يكون بارد
الكباب فثي يعني يتفتت
والباجي يمشي الحال

باختصار حطينا عليه x

هههههههههههههههههههههه

والله حسيت اني غبي ههههههههه شكثر امر واشوفه من بعيد واقرا مكتوب الصنوبر

واشوف شجر والله عبالي مشتل حق الزرع أو الورود هههههه

يمكن لأن اسمه غريب " الصنوبر" ناشفة المفروض يخلونه أوضح أو يبين أنه مطعم...

هل في واحد منكم ماكان يدري انه مطعم بالرغم من أنه انتبه للأسم وللمبني ؟؟؟؟؟ ولا بس انا ؟

تحياتي لج ع التقرير الحلو والصور الشهية (ماعدا البيض باللحمة والنقانق )

انشاء الله بجرب المطعم واقول لكم رايي

انا سجلت عضوية بالمنتدى علشان اقول راي في هالمطعم بدون تحامل
الاكل زين بس الخدمة وايد تعبانه الي تخليك قاعد على اعصابك وتبي تتهاوش
لو تطلب اي شي يطنشونك وكل شويه يمر عليك واحد وتطلب منه نفس الشي
وبعدين اشلون مطعم لبناني والستاف الي فيه مصريين واسيويين
يعني شويه عقل يا ناس

شكرا على التقرير الرائع


اختك

دام الكل يعرف لولا اختلاف الأذواق لبارت السلع



انا برايي المطعم بشكله الخارجي حلو لكن لما دخلنا داخله شكل ديكوراته والطاولات وهالسغلات كانت عادية

والأكل كان زين والحمد الله لكن مو بالطعم اللذيذ

هذا رايي و ذوقي مو تزعلون علي

صحيح الاكل عادي جدا جدا والمطعم قمة الازعاج والخدمه سيئه مالهم نفس يشتغلون وحاطين عمال من شرق اسيا يخدمون ماجنه مطعم لبناني ! والقعده والكراسي غير مريحه يعني ما أنصح فيه ولا راح أكرر التجربه.

الله يكون بالعون
الناس مايرضيها احد

ان شاء الله نجربة
يعطيج العافية

انا جربت المطعم اكثر من مرة ........ واخر مرة من اسبوع وكل مرة احس بتغيير طبعا" للافضل... الاكل روعة الاستقبال كتير حلو .... وخصوصا القعدة على التراس مع الشيشة روووووووووعة

اخوي فهد الاحمد الله يعينك على فلسفة اهل لبنان يبي يسون لهم ابرستيج ....... يعني ذربين وان مطعمهم فل من كثر البشر ..... ما اقول الا مالت عليهم وعلى معاملتهم اللي مو شي


يبى في مطعم احلا واذرب منهم بالف مره

حلو شكل موقعه على البحر
وديكوراته روووعه
الف شكر لك

جيته وما راح ازوره مرة ثانية
الاكل عادي والقعده عادية والخدمة مو شي

كنا نبي نروح له ولكن غيرنا راينا ورحنا لمطعم ليالي الخيام

دائم أشوفه مزحوم شكله وايد حلو

يعطيك العافية على التقرير والمعلومات


شاكره لك

مطعم جميل جدا ...

ولازم اجربه ان شاء الله ...

يعطيك الف الف عافية علي هالتقرير والصور
وبصراحه خوش مطعم تراك شهيتنا لازم نجرب هالمطعم

روووعه التقرير

يعطيك العافية

صور وتودي بدهية

بالعافية يا هبكو

يسلمووووووو...

يس صراحه ضيق خلقي أخونا فهد الأحمد ما أحب المواقف اللي جذيه...

الف شكر بصراحة مطعم بقمة الروعة

وييييه ذكرتوني لما كتبت رايي عنه بمنتدى كويتيات ..كلمن شب علي كأني سابتهم ..والله أذكر من ركبنا الاسنصير وشفت طبعة أحمر شفاه بالشفايف على طوفة الأسنصير من هالمنظر عرفت شنو الأشكال اللي ترتاد هالمطعم ..
ولما فتح باب الأسنصير الإضاءة أووووفر والأغاني تقول مرقص ..والدخااااان اللي تلوع جبدي من ريحته ..دايما لما نزور المطاعم أنا وزوجي يكون صالة المدخنين معزولة ..هذا لأ ..وقلنا للفلبينية نبي طاولة ومشت فينا لين ورتنا المكان وطول ماأنا أمشي ورا ريلي واليهال بكل طاولة وصياح مع الخدم يغوشون بالمطعم وريحة الشيشة وااااااع ..
قلنا للفلبينية مشكورة وحسينا ان هالمكان مومن ثوبنا ورحنا ع فيلا فيروز صج مكان راقي وهادي ..
أما هذاك مقهى الصنوبر حسافة على المكان اللي هو فيه والله حسافة على الدانة ذكرياتي فيه من طفولتي لين تزوجت ..
نصيحتي ترا هالمطعم حق شباب وموأي شباب ..لأ..حق شباب يحبون الشيشة والجو الصاخب والشعبي أكثر ..
[color="royalblue"]وسامحونا إذا غلطنا بشي

عفوا المطعم تراه عائلي وشباب بالدور الأرضي لغير المدخنين وأنا أروح له على الغدا ويكون هالوقت هادي

وعموما كل المطاعم المشابه مثل المطاعم اللبنانية دائما تكون صاخبة وزحمة بالليل مثل الصنوبر وقصر الثريا والبردوني وقصر النخيل

رائع جدا ..سيضاف لااقرب مخطط لزيارة الكويت

بنقل لكم تجرببتي عن المطعم .........
انا رحت له الاسبوع اللي طاف بصراحه اول ما دخلنا استقبلتنا الفلبينيه ببتسامه وقالتلنا تبون شيشه ولا لا ........ قلنا لها لااااااا
وصعدتنا بالاصنصير فوق وكان المكان شبه هادي بس مو ازعاااااج لاااا والقعدات حلوه والخدمه اعطيها 6 من 10
والاكل حييييل حلو وعجبني

وكان طلبنا
مشاوي صنوبر الخاصه
ومسقعه باذنجان
تبوله
وحمص بالصنوبر
وكباب
بصراحه الاكل حلو وخاصه مسقعه الباذنجان اهيا من المقبلااات بس لذيييييييييييييييييييييييييييييييييييييييييييييييي يييذه
انصحكم تجربونهااااااا

والله يا همبكه تظاربة الاراء حول المطعم حييييل
ناس تمدح و ناس تقور يعني و ناس تسب
فانا من رائي ابعد عن الشر و غنيلووووووووووو

يسلموو على التقرير ..

الأغلبية اتفقوا على أن الأكل فوق المتوسط ،،، الأسعار حسب ما ذكروا الأعضاء معقولة ،،، بالنسبة للحجز قبل المجيء و المطعم فاضي فهذا نقص مثل ما صار معاي بمطعم سراي بالبدع ،،، بس لازم أجربه علشان أقدر أحكم ،،،

يبيله روحه ياحبها للمطاعم

يعطيك العافيه