الموضوع: الى رذاذ الشلال

تحيه طيبه اختي ..

وبعد ،،،

شكراً على المجهودات والمساعدات السابقه بس عندي استفسار

بخصوص سان ديغو احنا حجزنا هوتيل فيها لمدة ثلاث ايام وش رايك

هوتيل والا نظام الشاليهات لانه سمعت عنها بس ماني واثقه منها وخاصه انه ابغى خصوصيه

والسؤال الثاني : بلييييز ابغى منك لو تعبناك افضل الاماكن السياحه او كيف نقضي الثلاث ايام فيها ؟

تحيه لكي من القلب ..

:106:

مواضيع عشوائيه ممكن تكون تعجبك اخترناها لك:

• العرب بديزني وورلد
• رحلتي بكره لنيويورك ساعدوني
• بعد إنتظار أسابيع ، اليوم طلعت الفيزا
• عاااجل من جرب الطيران السعودي لامريكا؟؟؟؟؟
• الفزعة الله يغفر لكم
• استفسار مأرقني واللي عنده خبره لا يهملني
• تم حجز رحلتي وابي مساعداتكم ياخبراء
• اريد اشتري سياره من امريكا
• استفسار بسافر امريكا
• سأذهب الي امريكا ارجو منكم مساعتدتي والله يجزاكم خير
• سؤال عن العفش
• بالنسبة للفورم
• استفسار عن الفيزا الامريكية
• استشارة خبراء امرريكا او فلوريدا
• الخطوط السعودية في مطار واشنطنسؤال
• جدول الرحلة ممكن مساعدة الخبراء
• عضوه جديده بليييز أبي مساعده
• ردوا علي قبل لااتوهق
• نيويورك قريبا
• ارجو المساعدة في تخطيط الرحلة

هلا والله اختي هديل بالنسبة لنظام الشاليهات انا ما عندي فكرة عنها بس ما اعتقد فيه خصوصية ابدا ابدا الشاطئ زحمة والناس جالسة جنب بعض
في شاطئ لا هويا كان فية فندق فخم على الشاطئ بس كان الشاطئ مفتوح فيه كراسي ومظلات الفندق بس مفتوح الناس تمر من عندك

احنا جلسنا 3 ايام وكان معنا سيارة اول يوم رحناsea world و مرينا مول westfield mission وكان يوم 4 جولاي يوم الاستقلال فرحنا بالجسر لجزيرة كورونادو وشفنا الا لعاب النارية وبعدها تمشينا في الداون تاون وخصوصا على شارع Gaslamp كان فية سوق horton plaza بس ما تحمست له

اليوم الثاني خليناه لحدائق الحيوان san diego zoo و wild zoo فطلعنا بدري الاولى اكبر فيها باص يدور على اغلب الحيوانات في الحديقة وبعدها ممكن تتمشين في كل الحديقة بس حنا اختصار للوقت اللي شفناه في الباص ما رحنا نشوفة عن قرب بس كملنا المنطقة اللي ما شفناها وطلعنا تقريبا الساعة 1 ورحنا للحديقة الثانية بعيدة شوي بدايتها حديقة عادية الحيوانات في اقفاص والجهه الثانية مثل السفاري تركبين زي القطار يدور على الحيوانات في محمية وبعدها طلعنا ومرينا بحر لا هويا او لاجولا

اليوم الثالث رحنا fashion vallie mall و point loma فيه national monument مطل يقفل الساعة 5 تشوفين ساندييقو و المحيط وبعدها رحنا seaport villageوتمشينا فيها وكملنا على المينا وكان فية غواصة ممكن تدخل ومتحف على سفينة و كنا راح نركب القارب البر مائي (سيارة وقارب في نفس الوقت) بس ما امدانا اخر وحدة تمشي الساعة 6 ولقيناها مليانة مافية مقاعد
هذا تقريبا كل اللي شفناه واذا عندك اي سؤال انا حاضرة

شكــراً وما قصرتي واذا احتجت حاجه عارفه انك ما راح تقصرين عسى مو قاصره بعمرك ..