ناس شوي وتموت عشان يشربون شاي بقمة أحد جبال الصين.
بمقاطعة شانكسي في الصين - Shaanxi Province in China
عندهم جبل مشهور اسمه هوا شان - Hua Shan
هالجبل له تاريخ طويل ويمثّل رمز ديني للسكان هناك،
يعتبرونه أحد الجبال المقدسة الخمسة في الصين.
إسمه هوا شان إذا ترجمته يعني الجبل المورّد،
القمم الخمسة يقولون شكلها مثل ورده عشان كذا صار بهالإسم.
قمم الجبل مشهورة من زمااااااااان تقريبا قبل 2000 سنة!
كانوا يروحون لهم العباد والنسّاك من الديانات البوذية والداوية يتفكرون هناك
ويسوون طقوسهم بروحهم على القمم هذي. طبعاً كانت مشهورة
لهم لأنها معزولة ومناسبة لأجواءهم، محد كان يصعد ذيك الجهة
التسلق حيل صعب والمكان قاسي.المهم من كثر ما كانوا يروحون
هناك بعد فترة بنوا فيها معابد خاصة، الشاي مشهور عندهم
في هالمناطق وكانوا يشربونه في المعابد، مع الوقت الناس
قاموا يعدلون الطريق حق الجبل والزوار قاموا يروحون
لهم ويضيفونهم في المعبد يعطونهم شاي، مع الوقت صارت المعابد
بيوت ضيافة خاصة بالشاي
هذي صور طريق أحد بيوت الشاي على قمة الجبل.
بداية الجبل تشوفون سلالم يسمونها العتبات أو السلالم السماوية
- the Heavenly Stairs.
http://www.kumailplus.com/wp-content...continuing.jpg
بالصورة هذي اللي تحت تشوفون شوية بيوت، هذي مدينة صغيرة
كلها كم بيت قايمين على تجارة السياح اللي يزورون المنطقة،
عشان تعرفون شلون صارت معلم سياحي مشهور.
بعدين يصعدون التلفريك يوديهم على القمة الجنوبية للجبل.
http://www.kumailplus.com/wp-content.../2011/04/1.jpg
http://www.kumailplus.com/wp-content.../2011/04/5.jpg
بعدين لما تنزل من التلفريك الطريق كلما له ويصير ضيق أكثر وأكثر
علما تحتاج تعبر هالألواح الخشبية وانت ماسك السلاسل
http://www.kumailplus.com/wp-content.../2011/04/2.jpg
http://www.kumailplus.com/wp-content.../2011/04/3.jpg
http://www.kumailplus.com/wp-content.../2011/04/4.jpg
http://www.kumailplus.com/wp-content.../2011/04/6.jpg
الأقفال هذي اللي تشوفونها على السلاسل حطوها السواح
وهم يعبرون المكان يعني مثل للذكرى، الأقفال يبيعونهم
في المدينة الصغيرة بأول الرحلة،
مادري منو هالفاضي اللي يشتري قفل ويعبر طريق
مثل هذا وبنص الطريق يوقف يدوّر على القفل بمخباته بعدين يصكره
لا ويقولون الأقفال شوي تخلي مسكة السلسلة أصعب!
http://www.kumailplus.com/wp-content.../2011/04/7.jpg
شفت مواقع يقولون فيها هالألواح مو ضرورية وفي طريق غيرها
لصعود بيت الشاي، بس في ناس يحبون المغامرة يستخدمونها يعني وناسة
http://www.kumailplus.com/wp-content.../2011/04/8.jpg
شوفو بيت الشاي هذا، عاد مادري صراحه الشاي يسوا ولا لا
بس حلاته واحد يوصل ويكتشف انه ناسي المحفظه(البوك)
هالقمة الجنوبية يوصل ارتفاعها 2160م!
http://www.kumailplus.com/wp-content.../2011/04/9.jpg
هالصورة لقيتها في أحد المواقع يشرحون فيها شلون الألواح الخشبية أصلاً مالها داعي
وتشوفون تحت ناس واصلين نهاية الألواح ماكو غير مساحة صغيرة الناس تصور فيها بعدين ترجع
http://www.kumailplus.com/wp-content...1/04/WfaJi.jpg
واللي يبي يسأل في أحد طاح هني من قبل أقوله إي في حالات وفاة ،
الصور شوي تخرع بس اللي قريته بالمواقع يقولون واجد آمن
يروحون عادي، حالات الوفاة كانت أيام أول بس الحين اهتموا بالمكان
تحياتي لكممواضيع عشوائيه ممكن تكون تعجبك اخترناها لك:
- وصية شهيد
- إذا رأيت غبارا على مصحفك فابك على نفسك
- اهداااااء للغالية
- كلمات ليست كالكلمات
- اليوم الوطني للمملكة العربية السعودية
- السـمـك ورضـاعـات الاطـفـال
- استبدال الطاقة السلبيه الى الايجابية
- صورة تكدس البان المراعي واعراض المواطنين عن شراءها
- عضوية فنادق الإنتر أين أنتم عنها ؟أفدنا بتجاربك مع عضوياتك بالفنادق
- خواطر حزينة جدا
- نصيـــــــــــحة
- قصـــــــــــــــة الـذئــــــــــب والحمــــــــــــــل
- بـركـة الـسـبـاحـة الـعـجــيبـهـ
- برنامج رائع لحفظ اهم الاماكن السياحية التى تزورها والرجوع اليها فى اى وقت
- مشكلة في المنتدى الغالي علينا
- السعوديون في خدمة حجاج البيت
- عشر نصائح كي لا تكون أسير التكنولوجيا
- إذا استغنى الناس بالدنيا
- ارتقاء النفس من اجلك
- الكلمة الطيبة
المفضلات