السلام عليكم يالربعيالله تصبحهم بالخير :8888::8888: وش الاخبار وش العلوم اول شي انا ازبط لزيارة الفلبين مره ثانيه بالصيف انشاء الله من هالحين مزبوط سبق لي اني رحت على الخطوط السعوديه لمانيلا بسعر 2600 الصراحه قريت عنها قبل اروح والشباب مسخرينهم مسخره من تأخير ومن عدم خدمه :112::112: وبعدين توكلت على الله وسافرت صحيح انهم قالوا لي دايركت بس وقفنا بهونغ كونغ لمدة اقل من الساعه بس الخدمة ممتازه والوجبات حلوه بالحيل اتعم الله عليهم قصدي على دراهمي :x1::x1: ....
حطيت في بالي المره الجايه الخطوط القطريه لاني وانا راجع من مانيلا شفت طيارة القطريه جنبنا والله جديده والترتيب من ناحية الموظفين قلت حطيته براسي بس يقولون انه غاليه بعد..المهم واحد من ربعي وصل قبل امس على القطريه طبعا الخطه الدمام - الدوحه لمده ساعه - بالي(اندونيسيا)وعوده سيم سيم :109:
المهم قعدت اسأله عن الخدمه قال مسخروبي مسخره قلت وشلون قال طبعا قبل موعد الرحله بأسبوعين دقو علي وقالو اخرنا الرحله وتبي تقعد بالدوحه 12 ساعه قلت مو مشكله بس دبروني بفندق قالو نشوف وسحبو علي قالو انت حاجز قبل شهر مايحق لك الفندق والله اقعد اسحب شناطي بالدوحه واخذت شقه وبعدها يوم جاء موعد الذهاب يوم دخلنا الطياره صحيح ان الطياره جديده بس يقول مااقدر احرك رجلي من الضيق ظيقه بالمره والوجبات مو حلوه الله يكرم النعمه حتى العصاير مافيه بس ان المظيف على راسك طبعا الرحله دايركت من الدوحه والحقيقه وقفو ب كوالالمبور ونزلو ركاب واخذو ركباب يعني هذي اكثر من ساعتين :110::110::112::112: بعدها الخطه الي براسي لبالي ووقفو بديره ماادري وشي المهم مسخرو فيني مسخره وصارت الطياره الكبيره بس الرحلات القصير وش الفايده علما بأن سعر التذكره 4500 ريال سعودي :110: درجه سياحيه ... فلت مامثل الخطوط السعوديه يقرون دعاء السفر وراكدين وحتى لو حصل حركات مو زينه بس نتحملهم ... ارجوا الافاده على اي خطوط من ناحيه الراحله والمواعيد وقدره التعامل معهم لو قدر الله حصل اي تغيير في موعد الاياب لاني مانيب صاير بديره عربيه :110::110:اسف على الاطاله وشكرا ...:8888::8888:مواضيع عشوائيه ممكن تكون تعجبك اخترناها لك:
- كيف الاجواء خلال شهر جون على الفلبين
- منتجعات بيرتوا جالوريا جنة للغطاسين
- مسافر وابي مساعدتكم ؟
- حزمت الامتعة وبعد ساعات قليلة ساذهب للمطار متجها للوردة
- معقول اللي صار ربنا ستر طيران الخليج في البحرين
- متوآجد حاليا في الفلبين وعندي كم استفسار
- استفسار
- طلب أستفسار سريع عن الفلبين
- الأيجار مرتفع في مانيلا
- مواضيع عامه وتجاريه
- مجموعة استفسارات لخبراء الفلبين ،
- الأستفسار عن سيبو
- شواطئ الورده بالصور
- اذا لك خبرة بالفلبين لاهنت ادخل
- الطريقه الجديده لرفع الصور بعد التحديث الجديد بوابة الفلبين
- طارق النفيعي ورحلة الفلبين التغطية المصوره الجزء الأول
- ارجو المساعده من اصحاب الخبره
- اخواني لاول مرة والله في حياتي اطلع جواز سفر وارغب السفر الفلبين تكفوووووووون الفزعة
- من يعرف مكتب أستقدام بمانيلا
- استفسار هل هناك خصم لسفارة السعودية ؟
المفضلات