الموضوع: شهر عسل وابي رأيكم ياعسل

السلام عليكم

اخوكم عريس جديد او بالاصح بيصير باذن الله
انا زواجي بحول الله في 10 ذي القعده وناوي اسافر شهر عسل لألمانيا والنمسا
مرتب اموري على ان السفر بيكون يوم 7 سبتمبر
المخطط العام للرحله تقريبا 15 يوم مقسمه بين المانيا والنمسا
المحطه الاولى ميونيخ ، بس ابي رأيكم في بعض الامور انا ميزانيتي تقريبا 30-35 الف ريال باذن الله
وناوي اخذ سياره واتنقل بينهم ، معي فيزه الراجحي المسبقه الدفع بس ابي نصيحتكم الحجوزات
متى ابدأ اججز ، وهل فيه تقارير تتفق مع سفرتي ياليت تزودوني فيها ، الجو كيف راح يكون حر والا برد
هل العوده افضل تكون من ميونيخ والا من فيينا


واذا احد تعامل مع مكتب سفريات او وكيل حجز كويس وناصح في الرياض ياليت احد يدلني عليه وشكرا

مواضيع عشوائيه ممكن تكون تعجبك اخترناها لك:

• استفسار عن كولون وما حولها
• ابي جدول لرحلتي لشهر العسل اذا تكرمتوو
• دخول من هو أقل لوحده
• دوسلدورف هايدلبرج ، اقليم تيرول ميونخ فرانكفورت مارأيكم بمخطط رحلتنا
• أرفع القبعه احتراما وعرفانا لمشرفي المنتدى وأعضائه
• هل يوجد شركة سيارات تقبل فيزا الشحن وهل هناك حل لها
• سؤال الله يجزاكم خير بخصوص الترانزيت في امستردام ؟
• شنقن من السفارة الالمانية او النمساوية ؟
• اذا تكرمتوا لاتحرمونا مشاركتكم خصوصا الاخ قايد
• مهرجان النحت على الرمال فى ألمانياصوور
• رأيكم في اختياراتي للسكن في بادن بادن وفرايبورغ و كونستانس ولوزان
• كيف تكون الآجواء في المانيا النمسا ايطاليا في شهر مايو؟؟
• ابو عمر او ابابيل بسرعه الله يخليكم ابي مساعده
• من سويسرا الى السويد بالسيارة مرورا بالمانيا الرد سريعا لا هنتم
• سفرنا بعد أسبوع ومتوهقين جدا
• ما رأيكم في موقع فندق انتركونتيننتال في كولون
• لو تكرمتوا استفسار بخصوص ميونخ
• فيزا الشنقن الالمانية
• استفسار شهر عسل بالمانيا
• تاخر الشنقن

35 بالتذاكر ولا بدون؟
المسبقة الدفع ذي فكك منها بدت تزيد مشاكلها

المبلغ شامل كلش من الباب للباب زي مايقولونبس ما ادري بحكم خبرتك وش مشكله الفيزا المسبقه ، الكاش صعب تاخذه بيدك ماتدري يلقطونه والا شي

المسبقة الدفع ممكن تسبب مشاكل في استئجار السياره ,,,, لازم تكون معك فيزا عاديه احتياط
وبالنسبة لمبلغك ,,, التذكره هي اللي سوف تحدد سفرتك

لو حجزت من يورب كار اللي في شارع الاحساء برضه بيكون مشكله في الفيزا والا المشكله في حجوزات النت بس

طيب اخوي انا قصيت التذكره امس على لوفتهانزا بـ 2840الذهاب الرياض - ميونيخ
العوده فيينا - ميونيخ - الرياض


بس ابي اسأل هل صحيح ان فيه مشاكل في التأشيرات في سفارة الرياض ، سمعت ان كثيرين ردوهم والسبب عدم قناعه السفير باسباب السفر وحسب كلام مكتب سفريات يقول السبب الكورونا

المشكله في نفس البطاقة فقط
بالنسبة لكرونا ,,, مرجعنا موقع السفارة الالمانيه
ولايوجد اي شي يدعو الى وقف السفر الى المانيا

ماقصر اخ قايد عنادك دايما بالمقدمه
وبالنسبه للفيزا مسبقه الدفع الراجحي مافيها اي مشكله انا حجزت فيها من شركه sixt وحجزو تامين من غير اي مشاكل وبالنسبه للكاش نصيحه خذ معك اقل شى كاش 15الف لان معظم الاماكن السياحيه ما يقبلون الى كاش
وحاول تشتري قارمن قبل السفر

وبالنسبه للرخصه الدوليه في مكاتب تطلب منك تسديد القسائم المروريه وتحسسك انك ما تقدر تطلعها الى اذا سددتها مثل ماصار معي

لكن لقيت مكتب من غير ما تسدد ومشت اموري زي الفل

الله يعيينك على الاكل هناك وبما انك عريس فمستحيل تطبخ 😁 من الموبايل

البطاقات المسبقة الدفع
تغير الاجراء عليها الان
نرجو اخذ بطاقة احتياطيه لتفادي اي مشكله

اخ قايد انا مالي اسبوع من جيت السعوديه
بس مثل ماقلت للي لازم يكون فيها مبلغ ضعف مبلغ الايجار اثناء استلام السياره
حتى بطاقه الراجحي تبع الصراف كنت اشتري منها من اي محل واسحب من اي صرافه من الموبايل

ابوعصام ,,,, انا معك في اللي تقول
انا ايضا استخدم بطاقة مسبقة الدفع
لكن انا انصح ببطاقة اعتماد احتياطيه
بعض موظفين شركات التأجير لايعرف كيف يتعامل مع البطاقات المسبقة الدفع من ناحيه تجميد مبلغ معين
فيعتذر بأن بطاقتك غير صالحه
وقتها اذا قالك كذا ,,,,,,, قشر بصّل
انا مابي العالم تدّج ,,,,, الجميع لابد ان يحتاط

والله الفيزا العاديه مشكلتها مشكله ماودي اخذها لاني اخاف احتاج لها ثمن ادخل في دوامه الفوائدبس اظن بطاقه الصراف العاديه ممكن اسحب من هناك والا ؟

بس سؤال يارفاق بحكم خبرتكم ، اذا وصولي لميونيخ في 7 سبتمبر متى انسب وقت لحجز الفنادق
وهل قامش بعيده عن ميونيخ وتستاهل من يسكن فيها ، لان خطه سفري ميونيخ - سالزبورغ - زيلامسي - فيينا وكلها بالسيارة

الفيزا العاديه اذا سددت المبلغ في وقته ماراح يجي عليك فوائد
وانصحك نصيحه خذ معك فيزا عاديه .... السياره نصف الرحله
واعرف مافيه ولا مكتب في اروبا كلها يأجرك سياره بدون فيزا

قارمش ممكن تزورها من ميونخ تبعد 60 كيلو ويمكن قضاء يوم كامل فيها

وبخصوص الفنادق متى الوقت الأنسب لحجزها

تقدر تطلعها قبل سفرك ب3 اشهر

الله يعافيك ياغالي وماقصرت على مجهودك بس برجع لك بعد فتره عشان اخذ منك توصيات للفنادق في ميونيخ وقارمش

اخوي قايد معليش اللحين انا ابجلس في المانيا اول خمس ايام والعشر ايام الاخيره بكون في النمسا
كثيرين قالو ان المفترض تطلع الفيزا من النمساويه بحكم انك بتجلس فيها اطول وقت ، وانا احتياطا حجزت موعد في النمساويه واقرب وقت لقيته في 4 اوقست
وابقدم على الالمانيه بعد اسبوعين ، بس اللحين ابي العلم الوكاد ، هل الصح اطلعها من المانيا او النمسا ، مشكله النمساويه وقتها بعيد وبيكون باقي على السفر شهر بالضبط واخاف تتأخر
والالمانيه مواعيدها قريبه بس اخاف لاوصلت لميونيخ يقولون المفروض انك تاخذ الفيزه من النمساويه بحكم انك بتجلس اكثر الايام فيها


ابي فصل الخطاب منك ياصاحبي لاهنت

دخولك من المانيا
تطلعها من المانيا
دخولك من النمسا
تطلعها من النمسا

وسمع الله لمن حمده من الموبايل

ربنا ولك الحمد ههههههه شكرا لك ياصديقي وماقصرت

اخوي قايد الله يوفقك ابي لو تكرمت تعلمني طريقه حجز موعد عشان اطلع فيزا لالمانيا
دخلت على موقع السفاره والصراحه انقلب راسي
ودي تعطيني الخطوات + الاوراق المطلوبه والمستندات + رابط للموقع لاني حاولت احجز عن طريق الموقع وكل ماضغطت طلب تحديد موعد عطاني صفحه مكتوب فيها الآتي


(
علي المتقدمين / الممثلين زيارة المركز المشترك لطلب التأشيرة لتحديد موعد مقابلة في السفارة. علي الممثل أن يأتي برسالة خطية من ترخص حسب الأصول من قبل مقدم الطلب. إذن ينبغي أن تتضمن الرسالة تفاصيل كاملة للممثل أي اسم ورقم الهوية. إذن هذه الرسالة وسوف تدرج في الوثائق المقدمة مع الطلب. ممثل مرخص به ستكون هناك حاجة لإثبات هويته مع تحديد العدد المذكور في الرسالة )




عافاك ربي

ياغالي بوابة التأشيرات
وادخل على استفسارات الشنغن
والشباب بيسهلون عليك كل شي
تحياتي من الموبايل

خلاص ياعم تسهلت وحجزت الموعد على خير يعطيك العافيه

موفق ياغالي

اخوي قايد يعافيك ربي

ودي تنصحني نصيحه اخو ، ميونيخ كم يكفيها من يوم ، انا في بالي خمس ايام ميونيخ ثم رحله بالسياره الى زيلامسي وخمس ايام بعد وبعدها خمس ايام في فيينا
بس ابي توصياتك بخصوص الفنادق في ميونيخ ، ع الكلام اللي قريته ان ميونيخ مايحتاج تستاجر سياره ، لذلك ابرتب وضعي اخذها وانا طالع من ميونيخ
ودي احجز بدري عشان الشنغن موعدها الاسبوع الجاي لو ع الاقل سكني في ميونيخ ، يهمني يكون فندق مرتب ونظيف وبمكان كويس ، والميزانيه وسط

انا جلست اتشوف في بوكينج بس المشكله ما ادري الموقع كويس او لا ، والاماكن اساميها صعبه صراحه


لاهنت

ميونخ 3 ليالي كافيه
زيلامسي 6 ليالي
ميونخ خل السياره معك علشان قارمش
فينا هي اللي زحمه من جد
دامه شهر عسل
ميونخ 3 ليالي
وسالزبورغ ليلتين
وزيلامسي 5 ليالي
والباقي في فينا
السياره خذها من مطار ميونخ وسلمها في فرسلينق قريبه من سالزبورغ
او ممكن من ميونخ على زيلامسي
بعدين سالزبورغ ولما تخلص منها تسلم السياره وقطار على فينا

الفنادق ادخل بوكينق وشف اللي يعجبك وعطني الرابط حقه اشيك عليه واقيمه لك

تحياتي

انا جمعت كم اسم بس مشكلتي ما ادري مكانهن كويس او لا

الاول
Mercure München City Center



الثاني
NH München Deutscher Kaiser




الثالث


Le Méridien Munich








هذا اللي عندي صراحه واكيد فيه افضل وارخص لاتبخل علي انت ومن يعرف

Mercure München City Center

Le Méridien Munich

كويسين

طيب ياغالي انا بعطيك المخطط اللي تقريبا رسيت عليه الوصول باذن الله 7 سبتمبر لميونيخ ، ابجلس فيها ثلاث ايام واستلم السياره واطلع يومين لغارمش
وبعدها اطلع لزيلامسي 7 ايام واسلم السياره هناك واطلع بالقطار لفيينا ثلاث ايام ومن فيينا الى ميونيخ بالطياره


عطني رأيك

اذا بتسلم السياره في زيلامسي ,,, مافيه الا يوروب كار فقط
ومخططك حلو

http://www.booking.com/landmark/de/m...ml?aid=1329869

تفضل ياغالي

عطني تقييمك لهالفنادق من فضلك

Leonardo Hotel Munich Arabellapark


Cosmopolitan Hotel
Eurostars Book Hotel



Superior Hotel Präsident

Hotel Atlas München




هل هي قريبه من المارين ، والا بعيده ، وان كانت بعيده ياليت تعطيني اسماء فنادق تنصحني فيها لاني والله افتر راسي وانا ادور

Leonardo Hotel Munich Arabellapark

هذا ممتاز اذا بتخلي السياره معك يبعد عن المارين بلاتز 4 كيلو

Eurostars Grand Central

هذا مايحتاج سياره المارين يبعد نص ساعه مشي
وكل الاثنين بتكييف

للاسف اغلبها فل

طيب عطني رايك في هذا ، سعره نوعا ما معقول مقارنه بغيره واشوف التقييمات يقولون قريب مع انهم كاتبين في رابط الفندق انه يبعد 15 دقيقه مشي عن المارين


Treff Hotel München City Centre

وفيه بعد هذا

Hotel Munich Inn
وهذا كثي مدحوه بس يقولون جنب الحديقه الانجليزيه وما ادري هي قريبه او بعيده من المارين

Hilton Munich Park

Hilton Munich Park

هذا فعلا عند الحديقة الانجليزيه
يبعد 40 دقيقه مشي والكل يمدحه

Treff Hotel München City Centre

هذا في شارع العرب سنتر ميونخ
حليو ماعليه
ربع ساعه مشي للمارين بلاتز

وبالنسبه لهالفندقين

Derag Livinghotel Campo dei Fiori


Hotel Munich Inn

الاول مافيه تكييف
والثاني تقييمه خرابيط

حجزت واحد وتوكلت على الله اسمه

Hotel Munich City


شرايك فيه

مالك الاحل واحد
الاشياء القريبه من المارين بلاتز غاليه
ابعد وتحصل سعر كويس
بس المشكله ماتبي السياره
الا اذا تبي تقزرها بالمترو؟؟

حجزنا ياعم وتوكلنا على الله بس اللحين عندي خطه لقارمش مدتها يومين ، تنصحني فيها لاني بطلع بالسياره من ميونيخ واجلس في قارمش يومين
ابي توصياتك لفنادق كويسه في قارمش لاهنت

الفنادق ياغالي ،،،، افضل شي ادخل في بوكينق واختر اللي يجوز لك ونقيم لك الفندق
ليش اقولك كذا
لانه مثلاً مزاجي يختلف عن مزاج الناس
لي توجه معين في الفنادق يمكن الناس ماتحب توجهي
احتمال تكون فنادقي اللي اختارها غاليه فماافرض على الناس يسكنون مثلي في اللي احبذ

عموماً اختر ماتريد وراح اقيم لك اختياراتك من الموبايل

طيب ياحبيب الشعب ، انا بروح قارمش يومين ، بس اشوف الصور كن فيها ثلوج ، غريبه سبتمبر فيه ثلج اللي اعرفه الجو يكون معتدل ... عموما انا شفت لي كم فندق في قارمش من صورهن باين عليهم لاباس ،، لاني ناوي اسكن فيها يومين بعد خروجي من ميونيخ
ابي رايك في الافضل حسب خبرتك لاهنت


Reindl's Partenkirchener Hof




Best Western Hotel Obermühle



Treff Hotel Alpina



رشحلي واحد منهم لاهنت من حيث الامان والنظافه والتعامل الجيد

Treff Hotel Alpina

ان شاء الله هذا طيب
وبالنسبه للثلج ههههههههههههههه الحين فيه ثلج

الامان بعد الله

Best Western Hotel Obermühle

هذا بعد الكل يمدحه لكن الغرف تبعه في موقع ثاني

بالنسبه لقارمش بما انها تبعد 80 كيلو عن ميونيخ حسب ماقريت هل تستاهل يومين فيها والا ممله خصوصا لرحله شهر عسلوابي لو تكرمت المسافه بين قارمش وزيلامسي بالسياره كم

اذا تبي تسترخي وتستجم ممكن تكون كويسه
ريفها حلو

الله يوفقك و تروح و ترجع بالسلامه

وياك يارب حبيبنا بس تونا مابعد خلصنا من قايد ابشتغله اشغال بالاسئله ههههههههالله يوفقه يارب على كل مايسويه

مكرر بالغلط معليش

قايد اخوي من فضلك فندق Hotel Munich City



كم يبعد بالضبط عن مارين ؟


- والسؤال الثاني كم كيلو تبعد قارمش عن زيلامسي بالسياره ؟


- والسؤال الثالث ، وش احسن شركه سيارات استاجر من ميونيخ واسلمها في فيينا ؟


شكرا لك

اخوي قايد- فندق
Hotel Munich City



كم يبعد بالضبط عن مارين


- وكم تبعد قارمش عن زيلامسي من كيلو


- وافضل شركه تأجير سيارات ، استلم في ميونيخ واسلمها في فيينا من حيث الاسعار والخدمات بشكل عام

يبعد 11 دقيقه بالسياره
ومشي27 دقيقه
وقارمش تبعد ساعتين ونص عن زيلامسي
احسن شركات التأجير
يوروب كار
سيكست
افيس

الحمد لله اليوم موعدي في السفاره قدمت الاوراق وكلش تمام بس دقرولي في التأمين الطبي كان ناقص يوم واضطريت اروح اجيب تأمين جديد بس سؤالي لك اخوي قايد ، انا عطيتهم حجوزات فنادق
اول ثلاث ايام في الفندق اللي سألتك عنه الاخير
و12 يوم حجزت فندق نجمه وحده عشان لايسولي سالفه في ميونيخ لان خطتي خمس ايام في المانيا وعشره في النمسا والوصول والعوده كلها من ميونيخ

انا في تذاكر الطيران عندي رحله من فيينا الى ميونيخ ثم ترانزيت ساعه ثم الى الرياض
هل بيمثل ذا مشكله هناك وبيسالون والا مالهم علاقه


بس اللحين لو كنسلت فندق ميونيخ الاول لانه بعيد صراحه وانا احاول اشوف شي قريب من المارين .. وانا ناوي اخذ سياره اذا طلعت من ميونيخ لقارمش
هل الشي ذا بيسوي مشكله في المطار هناك ، لاني مقدم لهم حجز فندق واحتمال اغيره ابي شي قريب من المارين وكل شوي ادخل اشيك وللاسف فلهل ممكن يقولون حجزك تغير ، والا الامر بسيط مايدققون

قايد لقيت فنادق صراحه سعرها ببلاش بس مدري عن جودتها وقربها من المارين .. ودي تعطيني تقييمك لكل فندق لو سمحت لان اسعارها خرافيه ولافيه مقارنه بغيره ابد


Hotel Metropol


King's Hotel Center Superior

Cocoon Stachus



اهم شي نظافتها وموقعها من المارين بالضبط كم بالمشي

المشاركة الأصلية كتبت بواسطة mr7ooodh
http://www.arabtravelersforum.com/tr...0/#post8280550

قايد لقيت فنادق صراحه سعرها ببلاش بس مدري عن جودتها وقربها من المارين .. ودي تعطيني تقييمك لكل فندق لو سمحت لان اسعارها خرافيه ولافيه مقارنه بغيره ابد


Hotel Metropol
هذا انا قد سكنت فيه موقعه كويس لكن مكانه لك عليه والاستقبال لك عليه ومافيه تكييف

King's Hotel Center Superior
هذا كويس + فيه تكييف + 20 دقيقه مشي الى المارين بلاتز
Cocoon Stachus
هذا جنب المارين بلاتز بس عيبه مافيه تكييف + غرفه صغيره مره


اهم شي نظافتها وموقعها من المارين بالضبط كم بالمشي

تحياتي ,,,,, قايد

بالغلط معليش

انا الكثير مدحو لي فندق

Eurostars Book Hotel
والكل اجمع انه ممتاز وسعره مناسب وقريب


في بوكينج صار اكثر من اسبوعين مالقيت حجز


لقيت موقع اسمه agoda وسويت بحث عنه ولقيت حجز بنفس التوقيت اللي ابيه في ميونيخ


هل الموقع ذا مضمون لان السعر لقيته خرافي بكل معنى الكلمه ، وهل لكل موقع مثلا حجوزات محدده

شهر سبتمبر يبدا الصيف يولي ويدخل الخريف
لكن ممكن تغامر اذا اقامتك منتصف سبتمبر

وبخصوص agoda هل هو موقع حجوزات مضمون والا خيقي بيقي

والله ماقد استخدمته ابدا في حياتي
لذالك من قال لا ادري ,,,, فقد افتى

اخوي قايد سؤالانا بسكن في فندق hotel munich city في ميونيخ
وابي استاجر سياره ، بس ابي اعرف اقرب فرع لي ، مهيب مشكله اي شركه يوروب كار او سكست اي شركه
وابي التسليم في فيينا ، هل الافضل التسليم في المطار والا وين ، لاني ساكن في فندق الانتر بفيينا ثلاث ايام ولاراح احتاج السياره ابد

Europcar Muenchen Hauptbahnhof

هذا الفرع ليوروب كار في محطة القطار
وبالنسبة لفينا سلم السياره ورح للمطار بالتاكسي