السلام عليكم ورحمه والله
كل عام وانتم بخير
والل يتقبل منا ومنكم صالح الاعمال
حبيت اشارككم بقصيده لأبن العم فراج بن فهد الدوسري
وارجو ان تنال على رضاكم واستحسانكم
الهـنـوف الـلـي تغـيـظ المزاييـنـي
فـي زحـام السـوق ماداجـت اخطاهـا
ودّعتنـي فـي بـدايـات ( عشريـنـي )
وأتركتنـي واحــدٍ مــن ضحايـاهـا
قالت : " اصبر ! " قلت : " صبري مخاويني
مـن بدايـة رحلـة العمـر لأتـلاهـا "
ويـوم قفّـت وأشهـب الليـل ضاوينـي
ابتسمـت وعبـرتـي فــي حنايـاهـا
قلت : " روحـي فـي طريـق المحبينـي
مع مراح مقيـط فـي البيـر وارشاهـا "
آتـسـلـى وأرجـــي الله يسلـيـنـي
والضـمـايـر يـعـلـم الله ببـلـواهـا
سالـفـة عـشـقٍ قديـمـة تباريـنـي
مامحـت الأيـام فـي القلـب ذكـراهـا
واستقر الوضـع مـن ( عـام الألفينـي)
واتعظـنـا واستعـضـنـا بـشـرواهـا
أختهـا جتنـي عـلـى أول ( ثلاثيـنـي)
فـي تواصيـف الحسـن كنهـا إيـاهـا
كنهـا وضحـاً قناهـا ( ابـن قرنيـنـي)
فـي المزايـن يطـرب البـال ممشاهـا
مرحباً من ( نجد) ل ( الحايـط الصينـي)
عـدّ ماشفـنـا الـكـوراث وعشنـاهـا
قالت : " اصبر يا(ابـن تركـي) لبعدينـي
اجمـع كْنـوز الذهـب ثـمّ عطنـاهـا "
وأيّـنـي أجـمـع مهـرهـا لذلحيـنـي
الله يْـكـلّـل جـهــودي بلـقـيـاهـا
والعـلـوم الباقـيـة بـيـن قوسيـنـي
يارسـولـي قــل لـهـا مانسينـاهـا
قل لهـا أنـي فـي ( بلـد الإنقليزينـي)
جـعـل هـمّـال السـحـاب ايتعـداهـا
كلّـمـا برّاقـهـا لاح فــي عـيـنـي
وأرزم الـراعـد وهـشّـم رفـايـاهـا
قـامـت العـبـره تـزاحـم شراييـنـي
ودّهــا تظـهـر وعـزمـي تحـداهـا
طبعـي وطـبـع الـرجـال العزيزيـنـي
مـاتـدلّ دموعـنـا ويــن مجـراهـا
الله الله يـاظـهــور الـبـعـاريـنـي
ويش جـاك مْـن الحمـول ونقلناهـا !!
الطمـوح اللـي علـى الغـرب حادينـي
(حاجـةٍ فـي نفـس يعقـوب ) وأخفاهـا
ليسـت الـثـروه وجـمـع الملاييـنـي
وليسـت الشهـره ولابـاهـر أضـواهـا
دام ربّـي مـن غنـا النفـس معطيـنـي
ماتـرجّـيـت الـعـبـاد وعطـايـاهـا
وشهـرةٍ يـقـدر عليـهـا المجانيـنـي
استـوى فيهـا أطيـب النـاس وأرداهـا
عـارفٍ قــدري ولا أحــدٍ يوصيـنـي
الثقـة فـي النفـس شـيّـدت مبنـاهـا
أزرع أحـلامـي وتـزهـر دواويـنــي
وأسـأل الحاجـات مــن ربٍ أرهـاهـا
وحاجتـي لاجاتـنـي فـآخـر سنيـنـي
قلت : " جعل اللـي مضـى كلـه افداهـا"
والهـروج العـوج ماهـيـب تعنيـنـي
أغـلـق أذنــي دونـهـا وآتخطـاهـا
لـوّه بيسلـم مـن الـنـاس شيئيـنـي
كـان سلـمـت نـاقـة الله وسقيـاهـا
البشـر فـي غيبـة الــوازع الديـنـي
تحسـب المتـعـة بكـثـرة خطايـاهـا
وسلامتكممواضيع عشوائيه ممكن تكون تعجبك اخترناها لك:
- تجربتي في حفظ أجزاء من القرآن الكريم
- قالو مشيب ماوصلت الثلاثين
- استفسار حول تاشيرة الى فنلندا
- صور واحة خياليه في الصحراء
- خبر عاجل
- أرفع رأسك فأنت فـــ العرب المسافرون ــــي
- يَا حيآة ﺂلشقىَ يَا ﺂم صالح
- كيف تحمل كتب بصيغة على الآي باد أو الآي فون بالتفصيل ؟
- ياهدة الحيل خفي على عبدالله
- اكتوبر يحدث فيه حدث يتكرر كل سنه
- من يشتري امي ؟؟
- أفضل خمسة مشروبات مهدئة للأعصاب
- القرآن من مفاتح فضل الله على المسلمين
- تستطيع ولكن
- ليلة زواج حبيبتي
- اعماق الغربه
- رحت يم الطبيب اللي يداوي الجروحي
- أهمية وجبة الافطار
- الجوع يقوي الذاكرة
- نهايات سعيدة قصة يوسف علية السلام
رد مع اقتباس
المشاركة الأصلية كتبت بواسطة ارووومه
المشاركة الأصلية كتبت بواسطة ابومحمد فهد
المشاركة الأصلية كتبت بواسطة دارة الخير
المشاركة الأصلية كتبت بواسطة توبليرون
المفضلات