السلام عليكم جميعا
بداية اشكر جميع من شارك بمواضيع بوابة امريكا لان بصراحة استفدت من المواضيع الموجودة حصلت علي الفيزا خلال 3 ايام بدون اي تعقيدات واخص بالشكر Impact والرصاصي لردهم علي استفساراتي قبل المقابلة بيوم واحد ولايهون باقي الاخوة والاخوات الاعضاء
المقابلة كانت يوم الخميس 24 july
الساعة 8 ونص صباحا التنظيم والمعاملة جدا ممتازة وراقية من جميع موظفين السفارة الامريكية بالكويت والامن
سلمت الطلبات للشباك بعد ماوصل دوري طبعا ماكنت حاجز طيران ولا فندق قالتي الموظفة وين بتسكن باورلاندو قلتها الي الان ماحددت قالتلي فيه هناك كمبيوتر روح شوف اي فندق وسجل اسمه بالطلب قلتلها حتي لو ماسكنت فيه قالت نعم قلت حلو مشكورة:24:
سجلت اسم فندق ورجعت لها استلمت الاوراق وقالت انتظر المقابلة
انتظرت تقريبا 15 دقيقة
المقابلة كانت مدتها 5 - 10 دقائق
الاسئلة والمقابلة باللغة الانجليزية وكانت موظفة امريكية جدا بشوشة ونفسيتها حلوة الي ابعد الحدود
س1 وين مسافر بامريكا؟
الجواب اورلاندو
س2 مع منو؟
اصدقاء
س3 متزوج؟
نعم
س4 وين زوجتك ؟
بالكويت
ردت بالعربي مسكينة زوجتك :109: ضحت وتفاجأة بردها بالعربي وقلتلها والله حنا المساكين ضحكت ونفسيتها حلوة بصراحة
س 4 وين تشتغل
جاويتها قالت ممتاز وكم الراتب جاوبتها
قالت انت مسافر للصين كثير ليش قلتها بزنز
وليش رايح الفلبين قلتلها عمل حكومي مرة ومرة سياحة
طبعا كنت كاتب بالطلب اني زرت دول الخليج كلها و سوريا - لبنان- الصين -روسيا وكثير من دول الاتحاد السوفيتي وغيرها من الدول بس ماسالتني عن باي الدول
قالت حط اصابعك علي الجهاز بصمت قالت خلاص روح مكتب DHL
وسلمهم الكرت وكان لونه برتقالي اورنج
قبل لا امشي سالتها قلتلها ممكن اعرف كم راح تعطوني مدة الفيزا ومتي استلمها
قالت عطيتك 10 سنوات وتستلم جوازك بعد 3 ايام رديت THANK YOU VERY MUCH
SHE SAID YOU WELCOME
بس تفاجات انها ما اخذت مني تقرير الراتب ولا كشف حساب البنك ولا اطلعت عليهم
واستلمت جوازي امس وفعلا الفيزة 10 سنوات
بصراحة من كثر المواضيع عن صعوبة الفيزا الامريكية وتشددهم كنت متردد اقدم عليها وانتظر عالفاضي ولكن اللي اقولة
معاملتهم جدا راقية
الدول اللي زرتها في اخر 10 سنوات مالها اي اهمية بس اذكرها بتقديم الطلب ولا تكذب عليهم
خل اجاباتك واضحة وبسيطة
كن واثق من نفسك وحسن المظهر
لاتكتب اسم او عنوان فندق بدون لايكون معاك الحجز ويكون ماكد والافضل مثل ما انا سويت ماحجزت فندق ولا تذاكر لو سالوني ليش ماحجزت كنت راح اقول راح احجز بعد استلام الفيزا طبعا يختلف من بلد لبلد ممكن بالسعودية يكون اجباري
علي موضوع راتبي وكشف حسابي كان مبدا الثقة هو اللي بيننا لانهم أسألوني وانا جاوبت يدون لايشوفون الاوراق
المقابلة تعتمد بشكل اساسي علي اللي يسوي معاك المقابلة ممكن تطيح بيد واحد ولا وحدة يكون متشدد جدا بس خلك ريلاكس وواثق من نفسك
يمكن بعضكم يقول بالكويت الامور سهالات جوابي لكم اني صادفت ناس بالكويت بنتظرون حصولهم علي الفيزا من 3 شهور وناس رفض طلبهم للحصول علي الفيزا بدون اسياب واضحه وكانو كويتيين
النسهيل من رب العالمين في كل شئ
واخيرا اتمني التوفيق للجميع والسلامة بالسفر وربكم يسهل الامورمواضيع عشوائيه ممكن تكون تعجبك اخترناها لك:
- مطعم مأكولات بحرية ( يطل على البحر ) بالقرب من سانتا مونيكا بكاليفورنيا
- استفسار بسيط لو تكرمون
- بخصوص ميامي ومواقف السيارات
- انا في لوس اجلوس وماني عارفة وين اروح الله يوفقة الي يرد
- أريد زيارة أختي في أمريكا استشارة
- حجزت عبر موقع لكن واجهتني مشكله
- طريقة استخراج العنوان من و طريقة وضعه في جهاز الــ خطوة خطوة وبالصور
- استفسارات مستمره ليوم السفر بإذن الله
- هاي مخططي والباقي على الله ثم عليكم
- شهر العسل في فلوريدا والطيران غالي وش الدبرة يالربع؟
- خاص وللقدموا على سفارة الرياض بهالشهر
- ارجوا المساعده كيف شراء التذكرة
- شهر العسل البهاماز
- الجو في سانديقو ولوس انجلوس
- من ذكريات سبتمبر بعد سبع سنوات
- رحال عازب
- حجز طيران داخلي بأمريكا
- انا بلوس انجليس وابي شريحه جوال
- شلون جو نيويورك وكاليفورنيا شهر ضروري؟؟
- طلب سكن فندقي او شقق قريب من مستشفي مايو كليلنك في منيسوتا
رد مع اقتباس
..
المفضلات