السلام عليكم ورحمة الله وبركاااته
طبعا اليوم بحطلكم تقرير رحلتي الى فرنسا ( باريس )
مدة الرحلة: 27/12/2008 الى 1/1/2009
درجة الحرااره: بررررررررررررررد موووووووت 1- و نااازل
طيران الامارات
الدرجة السياحية
التذاكر: من دناتا بــــــــ 5220 لشخصين طبعا هالسعر لان عندنا سكاي ووردز وكان فيه بوينتس
الفندق كاليفورنيا طلع علينا بـــ 6780 درهم تقريبا
http://www.dilos.com/picture/hotel/87099
بحطلكم صور الفندق والغرفه في الجزء اليااي ان شاء الله و شو رايي عنه ...
الرحلة كاااانت مفااجاة من بو الشبااب الله يحفظه ويخليه لي ان شااء الله ^^ قولوا امين
ومووول ما كان عندي وقت اتزهب واخذلي ملابس شتويه بس الحمدالله مثل ما يقولون نحن في عصر السرعه وخلصت كل شي الحمدالله
الموضوع بيكون على أجزاااء وان شاء الله اذا حصلت تفااعل منكن بنزله باسرع وقت ^^
طلعنا من البيت الساعه 12 الظهر متوجهين الى مطار دبي الدولي مبنى رقم 3 الخاص بطيران الامارات.. دخلنا الشنط وفجأة تذكرت اني ناسيه مفاتيح الشنط فالبيت واتصلت في خوويه وحليله ما قصر يابلنا ايااهم وتمينا نترياه تقريبا نص سااعه وعقبها بسرعه سرنا صوب الجوازات وختمنا وبعدها عالسوق الحره دايركت عااد هذا عشقي
وهني بعض الصور من طلعنا من البيت لين ما وصلنا المطاار
وهني جربنا من المطار
شنطنا ^^
بعض الصور من المطار اليديد و سوق الحره
سوق الحره .. طبعاا ما صورت واايد فالمطار لان كنا متاخرين عشان سالفة المفاتيح
وطبعاا ما في حد يووح المطار من غير ما ياكل MAC
واحنا مندمجين فالاكل جاان نسمع .. تعلن طائرة طيران الامارات المتوجه الى فرنسا .. باريس .. عن فتح باب الصعود الى الطائرة وعلى جميع المسافرين التوجه الى البوابه رقم 222
وطبعا على طول عالبواابه والمكان كاان حلو لان ريلي حاجزنه من قبل والطيااره حلوه ويديده واحلى شي انه مب زحمه
صور من الطيااره
وهني بعد ما اقلعت
الوجبه اللي قدموها .. كااان لذيييييييييييييييذ
بعدهاا رقدت شوي ونشيت تابعتلي فلمين تقريبا ولازم اقضي الوقت بـــــ عمو شنبو برنقلز
وقبل لا ننزل يابولنا بوكس ازرق وانا اقول شو هذا ياربي جان تقولنا المضيفه انه من فلاااانه وكانت ربيعتي طالبتنه وهذا كان فالبوكس
خلااااص ما بقى شي و بنوووصل
اتريوووني في الجزء الثااني مع صور الفندق وشارع الشانزليزيه ...
اذا حصلت تفااعل حلووو بنزله بسرعه ^^
تابعمواضيع عشوائيه ممكن تكون تعجبك اخترناها لك:
- السكن الافضل
- عندي استفسارات بسيطة ارجو مساعدتي ياهل الخبرة
- استفسار سريع وخفيف
- شهر عسل لترتيب الجدول الرحلة مع الفنادق
- ابي مساعدتكم
- رحلة باريس نوفمير
- مسافر الي باريس و لندن هل يكفي 40 الف ريال
- استفسار بخصوص الفنادق
- ارجو المساعده عاجلا
- صــور لســفرتـنــا الــى ســوريــا
- أهم أسواق فرنساااااا
- مطلوب المساعدة في جدول لرحلة باريس يوم
- مترجمه خاصه في باريس
- متى تبدء الاحتفالات او المسيره حقت دزني لاند ؟
- شركة لتأجير السيارات في مديينة ديزني
- اجمل 5 مدن في فرنسا
- تقرير رحلة متعة وتسوق في باريس
- رحلتى على باريس وحاجز عن طرق الخطوط السعوديه
- الرجاء المساعدة في ترتيب جدول الزياره من الى
- أرجو المساعده بخصوص باريس
المفضلات