السلام عليكم ورحمة الله وبركاااته
طبعا اليوم بحطلكم تقرير رحلتي الى فرنسا ( باريس )
مدة الرحلة: 27/12/2008 الى 1/1/2009
درجة الحرااره: بررررررررررررررد موووووووت 1- و نااازل
طيران الامارات
الدرجة السياحية
التذاكر: من دناتا بــــــــ 5220 لشخصين طبعا هالسعر لان عندنا سكاي ووردز وكان فيه بوينتس
الفندق كاليفورنيا طلع علينا بـــ 6780 درهم تقريبا
http://www.dilos.com/picture/hotel/87099
بحطلكم صور الفندق والغرفه في الجزء اليااي ان شاء الله و شو رايي عنه ...
الرحلة كاااانت مفااجاة من بو الشبااب الله يحفظه ويخليه لي ان شااء الله ^^ قولوا امين
ومووول ما كان عندي وقت اتزهب واخذلي ملابس شتويه بس الحمدالله مثل ما يقولون نحن في عصر السرعه وخلصت كل شي الحمدالله
الموضوع بيكون على أجزاااء وان شاء الله اذا حصلت تفااعل منكن بنزله باسرع وقت ^^
طلعنا من البيت الساعه 12 الظهر متوجهين الى مطار دبي الدولي مبنى رقم 3 الخاص بطيران الامارات.. دخلنا الشنط وفجأة تذكرت اني ناسيه مفاتيح الشنط فالبيت واتصلت في خوويه وحليله ما قصر يابلنا ايااهم وتمينا نترياه تقريبا نص سااعه وعقبها بسرعه سرنا صوب الجوازات وختمنا وبعدها عالسوق الحره دايركت عااد هذا عشقي
وهني بعض الصور من طلعنا من البيت لين ما وصلنا المطاار
وهني جربنا من المطار
شنطنا ^^
بعض الصور من المطار اليديد و سوق الحره
سوق الحره .. طبعاا ما صورت واايد فالمطار لان كنا متاخرين عشان سالفة المفاتيح
وطبعاا ما في حد يووح المطار من غير ما ياكل MAC
واحنا مندمجين فالاكل جاان نسمع .. تعلن طائرة طيران الامارات المتوجه الى فرنسا .. باريس .. عن فتح باب الصعود الى الطائرة وعلى جميع المسافرين التوجه الى البوابه رقم 222
وطبعا على طول عالبواابه والمكان كاان حلو لان ريلي حاجزنه من قبل والطيااره حلوه ويديده واحلى شي انه مب زحمه
صور من الطيااره
وهني بعد ما اقلعت
الوجبه اللي قدموها .. كااان لذيييييييييييييييذ
بعدهاا رقدت شوي ونشيت تابعتلي فلمين تقريبا ولازم اقضي الوقت بـــــ عمو شنبو برنقلز
وقبل لا ننزل يابولنا بوكس ازرق وانا اقول شو هذا ياربي جان تقولنا المضيفه انه من فلاااانه وكانت ربيعتي طالبتنه وهذا كان فالبوكس
خلااااص ما بقى شي و بنوووصل
اتريوووني في الجزء الثااني مع صور الفندق وشارع الشانزليزيه ...
اذا حصلت تفااعل حلووو بنزله بسرعه ^^
تابعمواضيع عشوائيه ممكن تكون تعجبك اخترناها لك:
- النتقل داخل نيس
- هل هناك من يجيب ؟؟؟ عاجل جدا
- 15 يوم في فرنسا وهذه اول زياره لدوله اوروبيه
- اول مرة نروح اوروبا و بنقعد يوم كيف نخطط لها ؟
- جدولي النهائي ساعدوني فيه باريس ، ليل الفرنسيه ، بروكسل ، امستردام
- بخصوص الڤيزا ارجوا المساعدة موضوعي معقد شوي
- مشكلة بحفظ حقائبنا بباريس إلين موعد دخول الشقة
- عاجل اريد برنامج لرحلة سياحية لمدة ايام بباريس
- محتاج مساعدتكم عاجل جداً
- اريد خط سير من فرنسا الي المانيا والنمسا وسويسرا
- لعبة هوليود هوتيل ؟
- ارجو مساعدتي الله يعطيكم الف عافية
- سؤال وأبي الجواب
- قلعة المرقبسورية طرطوسصور خيالية
- اختلاف اسعار دزني لاند وش الافضل ؟
- خبراء باريس اريد خدمة منكم لا هنتم
- اسفسار الفيزا الفرنسية شنقن
- هل شهر سبتمبر مناسب للسفر الي فرنسا و كيف الجو في سبتمبر
- استفسار عاجل ارجوا من لديه تجربة يتفضل
- متى احجز لباريس
المفضلات