الموضوع: استفسارات عن اورلاندو ميامي نيويورك

بسم الله الرحمن الرحيم

اول شي احب اشكر هالمنتدى الروعة اللي استفاديت من وااايــــد :24:
وفتح عيوني على امريكا اللي ماكنت حاطها في بالي انه اسافر لها في يوم من الايام :24:
وزوجتي بعد ماقصرت اهي اللي دلتني على هالمنتدى:113:
وحبيت اشكر جميع اعضاء المنتدى على التقارير الروعة اللي كل واحد يقول الزود عندي ماشاءالله :101:


المهم ما اطول عليكم .. انا عندي جم استفسار وان شاءالله الاقي الاجوبه منكم وتفيدوني..
انا ناوي اسافر ان شاءالله باذن الله في فترة مابين ابريل 2009 - مايو 2009 لشهر العسل :kashkhah:
ادري انه بدري .. بس لازم تخطط من قبل صح علشان ان شاءالله تكون مرتاح في الرحلة ومجهز كل شي وبإذن الله راح تكون مرتاح خلال الرحلة وماتحاتي شي :24:


والفيزا راح اطلعها وقت اللي خلاص اتوكل على الله ويكون كل شي جاهز ان شاءالله :surf


عاد عقب التخطيط مع المدام :114: فكرنه انه نروح تقريبا 24 يوم (23 ليلة)
وكان تخطيط الرحلة كالآتي :
(10 ايام اورلاندو -يوم ميامي (تقريبا يوم ونص) - 3 ايام كروز - يوم ميامي - 5 اورلاندو - 3 ايام\2 يومين نيويورك )
طبعا المجموع 23 لان اول يوم بيطير على الرحلة والتعب من الرحلة :110:
وناوي اروح بأحدي الطريقتين :

1- Bahrain Airport-- New York, NY JFK-Kennedy
2- New York, NY JFK-Kennedy -- MCO Orlando عن طريق طيران داخلي
3- MCO Orlando --New York, NY JFK-Kennedy عن طريق طيران داخلي
4- New York, NY JFK-Kennedy --Bahrain Airport


وبعد ماعطيتكم موجز لتخطيط رحلتي ياريت القى اجوبتكم اللي راح تفيدني ان شاءالله :113: ونبدأ بالاسئلة:109: :


السؤال الأول:
بغيت اعرف رايكم في رحلتي ؟؟ هل الايام تكفي والا زياده عن اللزوم في كل منطقة (اورلاندو - ميامي) او ولاية نيويورك؟؟

السؤال الثاني:
ابغي اعرف شنو ارخص طيران داخلي ينفع للتنقل من نيويورك لي فلوريدا(اورلاندو) والعكس ؟؟

السؤال الثالث:
ما هي افضل وارخص طريقة تنقل داخل فلوريدا (اورلاندو و ميامي) ؟؟ هل يفضل تأجير سيارة ويطلع ارخص ؟؟

السؤال الرابع:
في حالة اجرت سيارة .. هل سعر البترول عالي جدا ؟؟:114: وكم سعره اذا ممكن؟؟

السؤال الخامس:
هل يوجد مكان للتزحلق على الجليد في اورلاندو ؟؟واين يقع المكان (اذا وجد)؟؟

السؤال السادس:
ما هي افضل وارخص طريقة تنقل في نيويورك خلال يومين ؟؟ وما هي احلى وكثر الاماكن شعبية في نيويورك ؟؟
** ملاحظة : انا قريت موضوع الاخ Impact بس مافهمت عن طريقة تنقل شركة GRAYLINE :110:

السؤال السابع:
هل يفضل الحجز عن طريق مكاتب السفريات للفنادق او التذاكر ؟؟ او اقوم بالحجز للفنادق من مواقعها بالانترنت؟؟



ادري واااايد طولت عليكم والاسألة ماشاءالله طويلة..
بس والله ماعندي غيركم تفيدوني وادري ان شاءالله راح تفيدون اخوكم :101:
ياريت الاخ Impact بعد يفيدني دام انه اهو صاحب الخبره :114: ويعطيكم الف عافية ..
ان شاءالله اللاقي اجوبة منكم واكيييد ان شاءالله راح تفيدني :113:

مواضيع عشوائيه ممكن تكون تعجبك اخترناها لك:

• اقتراحتكم لزيارة شرق و جنوب شرق امريكا
• المساجد في سان خوسيه، كاليفورنيا
• عاجل جدا اريد استئجار سياره مع سائق في لوس انجيليس
• راح أستلم الجواز الأمريكي ان شاءالله
• اريد معرفة معلومات عن ولاية اريزونا
• طريقة الصرف في امريكا ضروري
• اللي ناوي يزور كاليفورنيا فى اجازة الكريسمس و السبرينق بريك
• أستفسار بخصوص تسجيل الخروج من مطار ممفيس
• موعدي بعد ايام وعندي استفسار مهم جدا
• استفسار بخصوص الفيزا الدراسية
• إمباااااااااااااااكت ضرووووري
• استلمت الفيزا
• قصتي مع السفارة الامريكية بجدة للاستفادة
• حجزت على طيران بريتش ايرويز
• مسافر امريكا الصيف الجاي وابي مشورتكم في التأمين الطبي
• الاخ امبكت
• ماذا يقصد بالنجوم في التأشيره ؟؟
• دنفر في شهر فبراير
• ممكن احد يفيدني في اسعار تذاكر السفر الى امريكا
• مين اللي يعرف عن القاعده العسكريه بسننتونيو ضروووري

المشاركة الأصلية كتبت بواسطة طلال البحرين
http://www.arabtravelersforum.com/tr...5/#post2247897


وناوي اروح بأحدي الطريقتين :

1- Bahrain Airport-- New York, NY JFK-Kennedy
2- New York, NY JFK-Kennedy -- MCO Orlando عن طريق طيران داخلي
3- MCO Orlando --New York, NY JFK-Kennedy عن طريق طيران داخلي
4- New York, NY JFK-Kennedy --Bahrain Airport







مسامحة انا كتب خطة وحده بس :114: (لخطة السفر والتنقلات)
وما اظن في داعي اكتب الثانية .. بس اللي عنده اي اقتراحات ونصايح لايبخل علينه :101:
وسامحوني على الازعاج ..
في انتظار الردود :11ight:

عزيزي ..

اول شي الف مبروك مقدماً اتمنى لكم التوفيق ..

ثاني شي بجاوك على استفساراتك :

1.شوف توقيعي اخر موضوع فيه تقريباً نفس خطتكمن ان شاء الله بيفيدكم مع الاختلاف البسيط !!

2. الطيران كثير اختار الوجهة والتاريخ وموقع اكسبيديا بيفيدك ان شاء الله http://www.expedia.com

3 و 4 . افضل طريقة للتنقل داخل اورلاندوا ومنها لميامي بالسيارة ارخص من التكاسي والباصات والطيارة والبنزين غويلي لاكن استأجرولكم سيارة صغيرة على قدكم وهم بعد ارخص من التنقل بالتكاسي !!

5. للاسف لا يوجد الفترة الي اخترتوها الجو بيكون ممتاز

6. التنقل بالفعل بالباصات افضل ادخل موضوعي الي قريته اول وبتشوف انه فيه باصات تلف يشكل مستمر وفيه محطات معينة توقف عندها انت اذا تبغا تنزل في محطة ممكن تنزل وتتمشى وبيكون معك نور قايد يتكلم عن المنطقة ويشرحها وفيه كتيب يعطوكم اياه فيه معلومات عن كل نقطة والنشاطات والمعالم الي فيها !!

ممكن تاخذوا يومين او ثلاثة زي ما تبغوا .. وتركبوا من اي نقطة نزلتوا عندها وتكملوا او من اي نقطة ثانية !!

الشركات كثير ومندوبيهم مليانين في التايم سكوير ممكن تشتروا من عندهم كاش او بطاقة ائتمان !!

7. الارخص لك خذه .. سوي مقارنات والله يوفقك

اتمنى اني افدتكم اتمنى لكم حياه سعيدة وشهر عسل سعيد تحياتي ..



5.

انا دايما اقول من بعد كلام مشرفنا مافي شي نظيفه ..
لكن ماباقرى شكتب مشرفنا الا بعد ماكتب لك ردي على استفساراتك ..
عشان تسمع اكثر من وجهة نظر وحده ..

وبعد ماعطيتكم موجز لتخطيط رحلتي ياريت القى اجوبتكم اللي راح تفيدني ان شاءالله ونبدأ بالاسئلة :


السؤال الأول:
بغيت اعرف رايكم في رحلتي ؟؟ هل الايام تكفي والا زياده عن اللزوم في كل منطقة (اورلاندو - ميامي) او ولاية نيويورك؟؟

اول شي الكروز ليش بس 3 ايام؟ .. اذا في مجال تطولون اكثر طولو الكروز واااااااااايد حلو انا توني مخلصه صار لي اسبوع او احس اسبوع لكروز كان كأنه حلم ....
او لو ترتب رحلتك انك توصل اورلاندو .. او تقعدون فيها المده اللي مخصصينها لها كامله .. بعدين تقعدون في ميامي ليلتين من بعد لكروز .. او من مطار ميامي ترجعون نيويورك اريح او احسن .. لانه تصكك لشناط او فتحتهم وايد متعبه + بيكون كلشي اسهل لكم ماتسوون كلشي ركضه ركضه ..

او حبيت اشجعك على اختيارك شهر 5 الجو شهر 5 في هالمناطق وااااااااااااااااايد حلو ..

السؤال الثاني:
ابغي اعرف شنو ارخص طيران داخلي ينفع للتنقل من نيويورك لي فلوريدا(اورلاندو) والعكس ؟؟

للأسف ماعندي فكره .

السؤال الثالث:
ما هي افضل وارخص طريقة تنقل داخل فلوريدا (اورلاندو و ميامي) ؟؟ هل يفضل تأجير سيارة ويطلع ارخص ؟؟

اسعار السيارات متفاوته انت جرب اكثر من شركه .. National من ارخص الشركات .. او يعتمد على نوع وحجم السياره يعني انتو شخصين مابتكلفكم وايد ..

وعالعموم في اورلاندو تحتاج سياره لانه التكاسي عموما غاليه ..
في وسيله ثانيه اللي اهيا الباص بس انا وايد افضل السياره اولا حرية التحرك .. ثانيا السياقه عندهم ممتعه ثالثا الطريج حلو والوضع كلش سهل ..

السؤال الرابع:
في حالة اجرت سيارة .. هل سعر البترول عالي جدا ؟؟ وكم سعره اذا ممكن؟؟

وايد عالي سعر البترول عندهم ..
يعني Full سياره Dodge Van تقريبا 50 دينار .. جريب الـ20
لكن ارجع اقولك على حسب السياره .. الياباني مايصرف وايد انت رتبها .

السؤال الخامس:
هل يوجد مكان للتزحلق على الجليد في اورلاندو ؟؟واين يقع المكان (اذا وجد)؟؟

لا .. فالكروز فيه .. سكيتنق بس جليد صجي مافي فهالجزء من امريكا بتاتا

السؤال السادس:
ما هي افضل وارخص طريقة تنقل في نيويورك خلال يومين ؟؟ وما هي احلى وكثر الاماكن شعبية في نيويورك ؟؟

الاندر قراوند .. واذا سكنت في التايم سكوير . او حواليها مابتحتاج تتنقل بالمره ..
تقدر اتاجر اول يوم الباص السياحي .. بياخذك للاماكن الشعبيه مثل China Town
او Italy واهم معالم نيويورك .. يعني بتلفها كامله


** ملاحظة : انا قريت موضوع الاخ Impact بس مافهمت عن طريقة تنقل شركة GRAYLINE

السؤال السابع:
هل يفضل الحجز عن طريق مكاتب السفريات للفنادق او التذاكر ؟؟ او اقوم بالحجز للفنادق من مواقعها بالانترنت؟؟

يا موقعها او اكسبيديا انت قارن بالاسعار لكن مكاتب السياحه حراميه لاتحجز منهم وبالنت كلشي مضمون باذن الله

المشاركة الأصلية كتبت بواسطة طلال البحرين
http://www.arabtravelersforum.com/tr...5/#post2249356

اخوي العزيز Impact ..

الله يبارك في حياتك ان شاءالله :101: ..مشكور وماقصرت

بالنسبة عن موضوعك انا قريته بالكامل وشفت جميع الصور وماشاءالله عيني عليك بارده التقرير 100% وفادني وايد في التخطيط حق رحلتي ..






وانا دخلت هالموقع من قبل وجفت الرحلات الموجوده بس كتب ابي اعرف اذا كان في طيران غير مو مذكور وارخص :114: موقع اكسبيديا فادني في الرحلات الداخلية والفنادق والمواصلات بعد :24:




تسلم اخوي .. عيل دام السيارة ارخص راح آخذ سيارة ان شاءالله :101: .. بس ياريت اعرف سعر البترول؟؟
انا الردي ناوي آخذ سياره صغيرونه على قدنه :114:




افــا :110: .. يعني مافي بعد صالات للتزحلق على الجليد ؟؟:114:


قريته موضوعك نفس ماذكرت في السابق بالكامل :24: بس مافهمت حق الباصات ..
يعني الحين لو انزل في محطة معينة .. عقب فتره يمر علي باص ثاني أقدر اركب فيه ؟؟ :114:



ان شاءالله .. راح اجوف الفرق بين الاسعار اللي انا اطلعها والاسعار في مكتب السفريات وراح اسوي مقارنه بينهم :101: ..

مشكووور اخوي Impact وماقصرت :113: نفعتني وان شاءالله اسألتي تنفع غيري :24:

اذا في احد بعد يقدر بجاوب على اسألتي علشان اقارن بين كم شخص.. لانه كل واحد ورايه يختلف عن الثاني وانا احترم رايكم كلكم :24:





هلا باخوي ..

بالنسبة للرحلات الدولية الافضل انك تقارنها من المكاتب السياحية لاكن الداخلية شيك عليها في اكسبيديا مثل ما ذكرت لك !!


البنزين يختلف من ولاية للثانية ومن مدينة للثانية ومن محطة للثانية !!

لاكن المتوسط لسعر الجالون 3.8$ وهي المتعامل بها ليس مثل لدينا باللتر!!

الجالون = 3.8 لتر

اللتر = 1$


بالنسبة للثلج مافي ثلج لاكن صالات التزلج احتمال موجودة لاكن يبغالك تدور

بالنسبة للرحلات الباصات الي في نيويورك نعم تقدر تركب من اي محطة بيوقف عندها الباص لانك مشتري تذكرة لمدة يومين او ثلاثة ..

بالتوفيق

هلا اختي ozyeee

اولا حبيت اشكرج على وقتج ومجهودج في مساعدتي في الحصول على اجوبه وعلى وجهة نظرج .. :24:

انا بصراحة من المعجبين بتقاريرج اللي تكتبيها :24: وآخر تقرير قريته روعه بس ما اظن كملته اليوم بعد بكمله :113:

وعن الكروز بصراحة انا سويته 3 ايام يعني قلت اخاف اطولها واتملل وقلت علشان يصير عندنه وقت نشوف كل الاماكن الموجوده في هذي المناطق في ولاية فلوريدا ونيويورك قد مانقدر :114: علشان اغطي اغلب الاماكن الحلوة والسياحية الموجوده فيها ..
بس بعد بجوف بفكر اذا اطولها بعد اكثر :101: ..

مشكوورة اختي على جوبتج ويزاج الله الف خير وماقصرتي يالشيخة :36_1_1:

المشاركة الأصلية كتبت بواسطة Impact
http://www.arabtravelersforum.com/tr...5/#post2249571

هلا باخوي ..

بالنسبة للرحلات الدولية الافضل انك تقارنها من المكاتب السياحية لاكن الداخلية شيك عليها في اكسبيديا مثل ما ذكرت لك !!


البنزين يختلف من ولاية للثانية ومن مدينة للثانية ومن محطة للثانية !!

لاكن المتوسط لسعر الجالون 3.8$ وهي المتعامل بها ليس مثل لدينا باللتر!!

الجالون = 3.8 لتر

اللتر = 1$


بالنسبة للثلج مافي ثلج لاكن صالات التزلج احتمال موجودة لاكن يبغالك تدور

بالنسبة للرحلات الباصات الي في نيويورك نعم تقدر تركب من اي محطة بيوقف عندها الباص لانك مشتري تذكرة لمدة يومين او ثلاثة ..

بالتوفيق



تسلم اخوي Impact على هالمعلومات القيمة :24: ماقصرت مشرفنا :113:
عن الثلج ادري انه مابيكون فيه ثلج .. بس انا ادور صالات تزحلق بس مب لاقي :105:

مشكور مرة ثانية وماقصرت وان شاءالله في ميزان حسناتك .. بصراحة وايد نفعتني وان شاءالله تكون الاستفاده للجميع .. انا شاكر لكم على تعاونكم معاي ماقصرتوا :24: