الموضوع: شقق سارة بالسالمية

مرحبا

احنا ان شاء الله نازلين الكويت وحجزنا بشقق سارة بالسالميه ياليت اللي يعرف عنها شي يخبرنا هي كويسه ونظيفة؟:101:

مواضيع عشوائيه ممكن تكون تعجبك اخترناها لك:

• مساعدة سريعه وين هالمجمعات في الكويت
• فنادق الكويت اغلى من فنادق دبي وتركيا
• ايها أفضل بودل او رويال كازا
• زيارة للكويت في عيد الاضحى المبارك ارجوا لمساعده
• ما هي اسعار الشقق في الكويت
• يا دار لاهنتي و لا هان راعيج الكويت
• الكويت حلمي القديم يتحقق
• كافيه ريببليك
• جايكم جايكم الله لايعوق بشر بس محتاج اجابتكم؟
• مانستغني عنكم ياأهل الكويت
• أفيدوني ياعشاق الكويت
• الرجاء المساعده بليييييييز
• طلب تأشيرة يومياً لطالبي السفر الى بريطانيا في الكويت
• مجمع العربيد بالفروانية
• ابغا احد يفيدني
• الى حبايبي الكويتين
• سؤال عن الأكوا بارك ؟؟؟
• محلات للميني دراعه والجلابياتلوتكرمتوا
• دليل الصفحات الصفراء الكويتي
• مجمعات الكويت

احنا حالياً ساكنين بشقق سارة ...

جزا الله خير الاخوان والاخوات اللي رشحو هم في هالمنتدى ..

الشقق واسعة ونظيفة .. والمكان قريب من السوق بس هادئ يعني ازعاج السيارات قليل ..

اذا تصبرين علي شوي بانزل الصور ..

حالياً من المميزات :

النظافة
مطبخ كامل ( ادوات طبخ ، فرن ، مايكروويف ، ثلاجه متوسطة ، ماي مفلتر ، كاسات وغيرها )
جرس الباب بكاميرا
مجفف شعر
نادي صحي - بدون بركة
انترنت مجاني
مكيف مركزي هادئ
خزنة
....

غرفتنا :

غرفة وصالة - 35 دينار ...

واييد حلوة .. احنا ساكنين فيها الحين ..

غرفة وصالة كبار ب 35 دينار ..

نظيفة ، انترنت ، جرس باب بكاميرا ، مجفف شعر .. الخ ..


لو تصبرون لي الليلة انزل الصور ..

شكر كبير للاخوان والاخوات في المنتدى لترشيحهم هالمكان ...

تأكدو انكم توصلون في الوقت اللي حجزتوا لانهم يلغون الحجز اذا تأخرتو ..

هذا رابط فيه الصور ..
اذا ممكن احد يساعدني ويدمج الصور بالموضوع للفائدة ..

http://picasaweb.google.com/alibeshara/SaraPlazaKuwait#

السلام عليكم
هل يوجد لديهم
غرفتين بدون صاله....وكم السعر...الوقع الالكترونى
اكون شاكر....اذا ردبت بالمعلومات.
.
.

وين موقعها ؟؟

موقعها ورا مجمع الفنار ... بالسالمية

حطيت رابط للصور .. بس ما ادري ليش ماا طلع

agd
جزاك الله الف خير.

وانت كذلك ..

ملاحظات من الرحلة

اليوم الاول .

المركز العلمي

بالسالمية على شارع الخليج العربي
حلو ويحتاج ثلاث ساعات تقريبا
اظن 6 دنانير للشخص
ملاحظة افلام الماكس الموجودة حالياً كلها 2d يعني بدون نظارة .. ابعادها عادية احنا دشينا فلم مخلوقات الاعماق وما عجبني .. افضل تشوفون دعاية الفلم عند باب السينما وبعدين تقصون تذاكر السينما ان عجبكم شي .
في الاستكشاف : اذا معاكم يهال خلوهم يجربون ترى يعرفون يستخدمون الالعاب احسن منا

اليوم الثاني

الأبراج
قولو للحارس انكم رايحين المطعم عشان تدخلون السيارة في الظل خذولكم عصير في مطعم الافق وتركو الخلطات مو حلوة وايد .. العصير الواحد 1.750 دينار
خلو الرصيد يمكن يطلبونه حق كرة المشاهدة فوق ( انا ما طلبو مني .. يعني حتو لو ماطلبت من المطعم تعدي )
كنا مخططين نروح الاكوابارك.. ولكن يا فرحة ما تمت
للأسف الحديقة خلط ولا يقدر الرجال ياخذون راحتهم .. لان النساء الاجانب في نفس المكان وتخيل لبسهم ) مثل البحرين احنا الرجال محرومين .
فيه يوم الثلاثاء للنساء فقط ... لكن
اي واحد في الابراج او علا الساحل القريب يقدر يشوف كل اللي داخل الحديقة.

حديقة الحيوان

رحنا متأخرين ... الساعة 7 .. للأسف قالو اخر موعد للدخول 6 ونص

اليوم الثالث

حديقة الحيوان
وصلنا الساعة 10 تقريبا .. حرررررررررررر
حتى اليهال قالو ما نبي حيوانات ,و بس نبي الشقة ,,
ركبنا القطار ( ربع دينار للشخص ) يغنيك عن اللف
القرود كانو اكثر شي ونس اليهال
في اقل من ساعة خلصنا
ملاحظة : الحيوانات ما شاء الله مدلعين .. حاطين لهم تكييف في الغرف وما يطلعون الا الساعة 6 ونص المغرب . فرتبو جدولكم للزيارة للساعة 5 ونص .

ملاحظة مهمة : انا ما طلعت عندي الحديقة في برنامج الملاحة . موقعها في منطقة العمرية 3 وهذي الاحداثيات
29.301850 شمال
47.961910 شرق



المارينا مول

قريب من السكن وفيه تخفيضات حلوة وايد

المساء في سوق المباركية

في سرداب عند عطور الشايع فيه المكياج والادوات النسائية ...
المواقف صعبة وافضل توقفون في السوق الكبير ( متعدد الطوابق ) فريب من المباركية
في محل عطور اسمه الفارس العربي عطوره حلوة انا خذت استبرق للشماغ 2.5 دينار

اليوم الرابع .. ( الحين )

يمكن نمر المارينا ( نرجع قطعة لان فيها عيب ما لاحظناه ) حاسبو من بضايع التخفيضات
بعدين ندغدى في ال لافيوز وماسكين الخط الى البحرين ان شاء الله

شكر مرة ثانية للعرب المسافرون .. فقد كان المنتدى مرجع بالنسبة لي ..

سألت عن الغرفتين


فيه غرفتين وصالة ب 50 دينار بس ... سعر زين .. الغرفة ممكن تكون غرفة اطفال بعد

http://www.arabtravelersforum.com/re...raplaza.com%2F

:24::24::24::24:





المشاركة الأصلية كتبت بواسطة agb
http://www.arabtravelersforum.com/tr...2/#post3177782

سألت عن الغرفتين


فيه غرفتين وصالة ب 50 دينار بس ... سعر زين .. الغرفة ممكن تكون غرفة اطفال بعد

http://www.arabtravelersforum.com/re...raplaza.com%2f

يعطيكم عافيه ياهل البحرين

بالسلامه تردون لاهاليكم

المشاركة الأصلية كتبت بواسطة agb
http://www.arabtravelersforum.com/tr...2/#post3177782

سألت عن الغرفتين


فيه غرفتين وصالة ب 50 دينار بس ... سعر زين .. الغرفة ممكن تكون غرفة اطفال بعد

http://www.arabtravelersforum.com/re...raplaza.com%2f



بيض الله وجهك عز الله ماقصرت.

رجعت بالسلامة والحمد لله ...

انشاء الله راجع لين يكون الجو ابرد شوي ..

واقامة سعيدة لزوار الكويت

شكرا على المعلومات

نظيفة و رائعه عن تجربه

حمد لله سكنها الصيف الماضي وكويسة ماارة ونظيفة.

شقق سارة ممتازة أنا سبق سكنت فيها غرفتين و صالة بـ 40 دينار

ياهلا ومرحبا بكل زوار الكويت وحياكم الله ببلدكم وبين اهلكم واي استفسار حاضرين لكل حبايبنا

شكرا استفدت من هاموضوع

هل عندهم غرفه فقط وبدوره المياه الله يكرمك وكم السعر؟