الموضوع: تعالوا شوفوا صور رحلتي إلى النمسا وألمانيا

السلام عليكم ورحمة الله وبركاته

في هذا الموضوع احب اعرض لكم تفاصيل رحلتنا لهذه السنة .. وهي إلى

زيلامسي .... 10 ايام
فيينـا .... 7 أيام
فرانكفورت 6 أيام

لكن قبل ما اعرض لكم الصور ، احب اشكر كل اعضاء هذا المنتدى الرااائع على تقاريرهم ومجهوداتهم الرائعة لاني استفدت كثييير من مواضيعهم ومعلوماتهم المفيدة :36_3_12:

بسمـ الله نبدأ

كانت رحلتنا عن طريق طيران الخليج من البحرين إلى فرانكفورت ومنها ركبنا القطار من محطة فرانكفورت (فرانكفورت - سالزبورغ - زيلامسي )
بصراحة كانت رحلتنا متعبه شوي لان جلسنا تقريبا 6 ساعات بالقطار غير الـ6 ساعات الي جلسناها بالطيارة





هاذي صورة محطة زيلامسي اول ما وصلنا... بصراحه هنا مو مصدقه اني اخيرا وصلت لها بعد هالمشوار الطوييييل:36_1_5:



واول ما طلعنا من المحطة ركبنا هالتاكسي .. والسواق من أصل مصري .. وهو الي وصلنا للفندق وكان يودينا لمشاويرنا بالبداية ..:tongue:



ولما اخذنا التاكسي للفندق انصدمنا لما شفنا ان الفندق بعيد وايد عن السنتر والمنطقه وايد هاديه ومافيها عرب .. علشان كذا قررنا نحجز بفندق بالسنتر
لكني بعد احب اعرض لكم صور هالفندق




وهاذي صورة البلكونه




هذا المنظر الي تطل عليه غرفتنا


المهم ... اول ما وصلنا صلينا فرضنا .. وبعدها على طول انطلقنا للسنتر علشان نتغدا .. ومنها ندور على فندق ثاني يكون بوسط السنتر ...
بصراحه مرينا على فنادق كثيره احب اكتب اسمائهم .. للي يحب يحجز بفندق هناك ... وهي
fischeruirt hotel - gasthof hotel - neue post hotel - frauhe hotel

لين في الأخير حصلنا حجز بفندق اسمه steinerwirt 1493 راح اتكلم عنه بعد شوي
بس احنا قعدنا لليلة وحده بفندقنا الأولي وبعدها انتقلنا للفندق الجديد ... لكن دفعنا سعر لليلتين علشان ما التزمنا بمدة الحجز بهالفندق :112:

وفي اليوم الثاني اول ماصحينا رحنا نفطر وطبعا الفطور مع محسوب مع سعر الغرف ... وبصراحه احسن شي بالفندق فطوره :36_1_51:
وهاذي صور الفطور






وقبل ما اننتقل لفندقنا الجديد حبينا نتمشى شوي بالمكان الي ساكنين فيه .. بصراحه وين ماتروح تلاقي مناظر خلاااابه وتشرح القلب ...
وبترك لكم الصور هي الي تتكلم عن جمال المنظر












هالجلب عجبني شكله وحبيت اصوره:36_1_21:


يحليله هنا.. الظاهر كان يتدرب للاولمبيات :109:


بكمـــل تفاصيل الرحله بعد شوي .... see you

مواضيع عشوائيه ممكن تكون تعجبك اخترناها لك:

• حالياً في النمسا كابرون الفزعه
• استفسار سريع وعاجل
• من يبغى يفلها بزيلامسي بدباب
• في كسب رحلتي الي النمسا
• الجوري متوهقه بكره موعد السفاره
• اول مره اسافر النمسا وابي منكم النصحية
• رحلتي القصيرة للنمسا في أغسطس م
• احتاج فندق في دمشق ضروري
• اسئلة عن المواصلات
• استفسار عن السكن في كابرون وميونيخ لاهنتم
• شهر عسل فيننا ،باريس
• طلب الفزعة والمشورة
• يا ريت تساعدوني في السكن بكابرون
• بطاقة معايده
• ممكن برنامـــج
• هيلب مي
• رحلة رجل شرقي الشتوية الى النمسا شتاء
• ارض الاحلام المانيا و النمسا صيف
• مساعدتكم بخصوص احداثيات الفندق
• رأيكم ف مخططي جزاكم الله خير

السلام عليكم


ما شاء الله على القرير


منتظرين الباقى بفارغ الصبر اختي :24:

بــــــــــــــــاكــ


وبعد ما خلصنا جولتنا القصيرة .. رجعنا الفندق اخذنا قشنــــا علشان ننتقل للفندق الجديد...

وهو teinerwirt 1493


وهذا صور فندقنـــــا





هذا الرسبشن حقهم ... الي يشوفه يقول ظاهر منه حرامي من العفسه الي فيـــه :36_1_6:
















وهذا المنظر الي تطل عليــه غرفتــي :106:




وهذا مكان الفطور....:36_1_51:














لا يغـــركم شكــل البيـــض تراه (( نــي )):yuk:




بعد شوي راح اعرض لكم اول مكان سياحي نزوره ..

واتمنى الصور عجبتكم ... برررب

المشاركة الأصلية كتبت بواسطة no nick
http://www.arabtravelersforum.com/tr...7/#post2275647

السلام عليكم


ما شاء الله على القرير


منتظرين الباقى بفارغ الصبر اختي :24:




تسلم اخوي الكريم على مرورك الجميل

نورت الموضوع بطلتك الحلوة

الآن مع أول وأشهـــر مكان سياحي بزيلامسي وهو طبعــاً (( البحيـــــــــرة ))

بصراحــة أكثر شي كنت متحمسه اشوفه هو هالبـجعـــة




وهاذي الصور الي صورتها للبحيرة



























هاذي بركه تطل على البحيــــرة..



هذا منظر وايد احبــه .. الشمس ساطعه على بقعه صغيره فوق الجبل :101:




وهنا محل صغير لتأجير القوارب الكهربائية







وانتظروني بمكان سياحي جديد :101:

الف حمدلله على السلامه
ماشاءالله تقرير روعه وصور اروع
وننتظر البقيه

ماشاء الله مكان روعه والصور اروع

وننتظر باقي الصور والتقرير

المشاركة الأصلية كتبت بواسطة Al-Samel
http://www.arabtravelersforum.com/tr...7/#post2276097

ماشاء الله مكان روعه والصور اروع

وننتظر باقي الصور والتقرير



تسلم اخوي على المرور الكريم


وتسعدني متابعتك للموضوع

تسلمين على هالصور الحلوه بس ياليتج اختي كنتي امكبره الصور شوي عشان نتمعن عدل (لووول)

المشاركة الأصلية كتبت بواسطة bo_aziz76
http://www.arabtravelersforum.com/tr...6/#post2276086

الف حمدلله على السلامه
ماشاءالله تقرير روعه وصور اروع
وننتظر البقيه



الله يسلمك

ومشكور على مرورك ومتابعتك للموضوع:101:

المشاركة الأصلية كتبت بواسطة هيمان سفر
http://www.arabtravelersforum.com/tr...3/#post2276133

تسلمين على هالصور الحلوه بس ياليتج اختي كنتي امكبره الصور شوي عشان نتمعن عدل (لووول)




تسلم اخوي على مرورك الكريم...


وبالنسبة للصور حبيت احملها من موقع جيــران علشان موقع مضمون ...


بس الصور بعد التحميل تصير صغيره


بس اذا مو عاجبك الحجم ولايهمك .. بس ياليت تعطيني موقع تحميل الموقع :106:


واكون شاكره لك تعاونك

يعطيك العافيه

في انتظار الباقي

ماشاء الله ,,
التقرير شكله رووووووعه من بدايته ,,
متابعين الرحله..

وعليكم السلام ورحمة الله وبركاته ..!!

تقرير رائع من بدايته ..!!


وسجليني متابع لك .. !!

وبرضه حبيت اسالك .. زي ماسالت الباقي .. حجز الفنادق .. تم عن طريق .. وشو ..!!


النت او مكتب سفريات ..؟

ماشااااء الله تقريررررررر روعه

ننتظرررر البااااقي

تحياتي

والآن ارجع لكمــ مع رحلـــة سيــاحيــة جديـــدة في نواحي زيلامسي

وهي إلى .... city xpress

هو عبارة عن تلفريك يصعد على قمة جبل schmitten hohe ويبلغ ارتفاع التلفريك 1330 م

بصراحه المكان وااايد حلوو بإمكانكم رؤية زيلامسي من الأعلى .. وراح اترك لكم الصور تتكلم عن المناظر الحلوه


هنا اول ما وصلنا للمكان .. ( كنا رايحين مشي لانه المكان وايد قريب منا )




وهنا المكان الي حجزنا منه التذاكــر




هنا متخرعـــه عالتلفريك .. من قبل لا ندخل وانا طايحه فيه تصوير



















وإن شاء الله برجع لكم مع مكان جديد :101:

الحمد الله على السلامه

تقرير رااااائع ومناظر خطيره نعم زيلامسي سارقة القلوب


الله يعطيك الف عافيه

المشاركة الأصلية كتبت بواسطة ام ريوف
http://www.arabtravelersforum.com/tr...7/#post2276547

ماشاء الله ,,
التقرير شكله رووووووعه من بدايته ,,
متابعين الرحله..




تسلمين يا ام ريوووف على مرورك الحلــــو

وانا بعد من متابعيـــن رحلتك الجميلة :101:

المشاركة الأصلية كتبت بواسطة دمووع^الحزن
http://www.arabtravelersforum.com/tr...4/#post2277744

وعليكم السلام ورحمة الله وبركاته ..!!

تقرير رائع من بدايته ..!!


وسجليني متابع لك .. !!

وبرضه حبيت اسالك .. زي ماسالت الباقي .. حجز الفنادق .. تم عن طريق .. وشو ..!!


النت او مكتب سفريات ..؟



اهلييين اختي يشرفني مرورك بالموضوع ...

وبالنسبة للحجز الاولي كان عن طريق النت ...

اما حجزنا للفندق الثاني كان وحنا هناك .. يعني جلسنا نفرفر من فندق لي الثاني نشوف اذا عندهم حجز ولا لا ... والحمدلله حصلنا

كنت بنصحج انج اتنزلين صور موضوعج بمعرض الصور والحمدالله سبقتيني لان للاسف وايد تقارير اختفن الصور اللي فيهن كانن امنزلات بمواقع ثانيه ، صحيح انه شوي بطئ بس الصور اتدوم ومايختفن تحياتي لج

بداية حللوة وصور احلا
ياللة شوقتينا لاتتاخري علينااا

ماشاء الله تبارك الله على هالتقرير السنع اخت مرام

تعجبني المواضيع التي ينزل فيها برنامج الرحله والصور على دفعات متقاربة

المشاركة الأصلية كتبت بواسطة ابومصطفي
http://www.arabtravelersforum.com/tr...6/#post2277976

ماشااااء الله تقريررررررر روعه

ننتظرررر البااااقي

تحياتي




تسلم يا ابو مصطفى على مرورك الكريم









المشاركة الأصلية كتبت بواسطة الدكتور كحيلان
http://www.arabtravelersforum.com/tr...0/#post2278350

الحمد الله على السلامه

تقرير رااااائع ومناظر خطيره نعم زيلامسي سارقة القلوب


الله يعطيك الف عافيه



الله يسلمك اخوي

ومشكور على مرورك الكريم









المشاركة الأصلية كتبت بواسطة saha
http://www.arabtravelersforum.com/tr...2/#post2278762

ماشاء الله تبارك الله على هالتقرير السنع اخت مرام

تعجبني المواضيع التي ينزل فيها برنامج الرحله والصور على دفعات متقاربة




يعطيك العافية اختي على مروك وتعليقك الحلو

يعطيك العافية مرام

انا ناوي اروح زيلامسي

لو تعطيني برنامج حق اسبوعين بالنمسا

اكون شاكر لك

مراحب ...

اول شي الحمدلله على السلامه ..

و ممممممممم مادري احس ما حبيت زيلامسي وايد ممله ......

و ننتظر الباقي ان شاء الله

والآن مع رحله سياحيـــة جديده وهي إلى


شلالات كراميل


بصراحه انا اول مره اشوف شلالات عالطبيعة علشان جذي كنت مستمتعه بالرحلــة واااااااااااااايد .. وكل يوم اشوف مناظر احلى من إلى شفتها من قبـــل


والآن نبدا بعرض صور


طبعا كانت رحلتنا عن طريق باص رقم 670





هنا لما وصلنا .. وهاذي محطة الباصات





وهاذي مكان فيه كوفي شوب ومحل تجاري ( جلسنا فيه شوي شربنا كوفي وبعدها انطلقنا إلى الشلالات)





طبعا اهم شي لازم تسوونه هو انكم تصعدون بالسيارة .. لانه الصعده مشـــي متعبــه واااااايد وما راح تقدرون تواصلون .. علشان كذا الافضل انكم تركبون تاكسي
















































وإلى اللقاء في الحلقة القادمـــة :101:

يعطيك العافيه على التقرير والصور حللوووووهههه

واعجبتني هاي اكثر شي



في انتظار الجديد..

تحياتي

حقيقي صور مدهشة
بالتوفيق ورحلة سعيدة

يعطــــــــيـــــــك ألف عافية تقريــــر جميل

ورائع ومتابعيــــن معاك

تحياتـــــــــــــــي........

تقرير رائع وصور اروع ننتظر بقية الرحله

الف الف شكر على التقرير والصور الروعه
مجهود طيب
بصراحه شي حلو انج تذكرين كل رحله مع رقم الباص اللي يروح لها مجهود رائع

المشاركة الأصلية كتبت بواسطة bo_aziz76
http://www.arabtravelersforum.com/tr...7/#post2278947

ماشاءالله صور روعه وتصوير اروع وجميل



تسلم بو عزيز على مرورك الجميل








المشاركة الأصلية كتبت بواسطة من الشرقية
http://www.arabtravelersforum.com/tr...2/#post2279272

يعطيك العافية مرام

انا ناوي اروح زيلامسي

لو تعطيني برنامج حق اسبوعين بالنمسا

اكون شاكر لك



تسلم اخوي على مرورك .....

بإمكانك زيارة زيلامسي وسالزبورق و فيينا ....

بالنسبه لزيلامسي هي مره حلوه ... لكن لا تطول فيها كثير يعني حدك اسبوع لانه لما تنتهي من المناطق السياحيه الي فيها راح تكون ملله بعض الشي

اما زيارة الاماكن السياحيه الي فيها يعتمد على الجــو ... يعني اذا كان الجو ممطر لا تتعبت نفسك وتروح لانكم ماراح تتهنون بالتجول براحه


اما بالنسبه لسالزبورق انا ماسكنت فيها بس مجرد زياره بسيطه ... لكن فيها اماكن سياحيه ومجمع تجاري كبير وحلو وايد .. انا لما كنت بزيلامسي كنت اروح سالزبورق بنفس اليوم ارجع .. المسافه بالقطار تاخذ ساعتين الا ربع


اما فيينا حبيتها ولكن معاملتهم للسياح مو وايد حلوه بالنسبة لزيلامسي ... واحسن مكان للسكن فيــه هو مساحة ستيفن من جد هالمنطقه حيــــــــاه .. رغم ان السكن فيها غالي شوي


عالعموم اخوي ادخل على الرابط في معلومات شامله عن اماكن السياحه في النمسا ككل ... واتمنى لك رحله موفقه وسعيده :101:

http://www.arabtravelersforum.com/travel101660/


عالعموم

المشاركة الأصلية كتبت بواسطة Miss Cavalli
http://www.arabtravelersforum.com/tr...6/#post2279346

مراحب ...

اول شي الحمدلله على السلامه ..

و ممممممممم مادري احس ما حبيت زيلامسي وايد ممله ......

و ننتظر الباقي ان شاء الله



الله يسلمك اختي

بس يمكن السبب الي يخليك تتمللين فيها انك قعدتي مده طويله ... انا قعدت 10 ايام وما انكر اني بآخر الايام حسيت بملل ...

وعلى كثر المناظر الحلوه الي شفتها فيها خلاص ماافكر ازورها مره ثانية .. اهم شي اني شفتها استمعت مره وحده وخلاص :106:

واشكرك على متابعتك للموضوع








المشاركة الأصلية كتبت بواسطة °¨·.‏_ღ_‏.·¨°
http://www.arabtravelersforum.com/tr...4/#post2282514

يعطيك العافيه على التقرير والصور حللوووووهههه

واعجبتني هاي اكثر شي



في انتظار الجديد..

تحياتي




اشكرك مرورك اختي للمره الثانيةومتابعتك لي

وبالنسبه للصوره اعتبريها اهداء مني لج :101:

بس لاحظت انك تحبين تصوير قطرات الماء علشان كذا اهديك هالصوره بعد

المشاركة الأصلية كتبت بواسطة صوت القطار
http://www.arabtravelersforum.com/tr...7/#post2284367

تقرير رائع وصور اروع ننتظر بقية الرحله



تسلم اخوي الكريم على هذا المرور الحلوو








المشاركة الأصلية كتبت بواسطة bo_aziz76
http://www.arabtravelersforum.com/tr...3/#post2284703

الف الف شكر على التقرير والصور الروعه
مجهود طيب
بصراحه شي حلو انج تذكرين كل رحله مع رقم الباص اللي يروح لها مجهود رائع



تسلم ابو عزيز على مرورك ومتابعك للموضوع

تسلمين اختي الكريمه .... تصويرج اكثر من رائع باين عليج موهبه بتصوير ........ خصوصا تصوير المناظر الطبيعيه

ان شاء الله انجوف منج تقارير حلوه على مدى السنه ان شاء الله

السلام عليكم ورحمة الله وبركاته
ماشاءالله عاد زيلامسي خيال مايحتاج لها وصف..
والصور اللي جبتيها ماشاءالله من جد ابداع خصوصا الصورة اللي كانت تطل من غرفتك والصورة اللي فيها بقعة الشمس.. ماشاء الله عليك
..
الحمدلله عالسلامه وفي انتظار كافة تقاريرك..

الآن مع رحلتنــا إلــــى فيــيــنـــــا


من بعد 10 أيام قضيناها في زيلامســـي ..انتقلنا إلى فيينا عن طريق القطار .. واستغرقت رحلتنا 5 ساعات



وسكنا في فندق ARCOTEL




وهنا الرسبشن










هالكمبيوتر للي يبي يدخل عالنت ... لان ماعندهم واير لس بالغرف .. وهذا الي كرهنــــي بالفندق







وهاذي الغرفـــة










هاذي هدية الفندق .. مجموعة من الكتبات السياحية




وانتظروني مع رحلاتي السياحيــة في فيينـــا :101:

المشاركة الأصلية كتبت بواسطة dobdob
http://www.arabtravelersforum.com/tr...3/#post2284903

تسلمين اختي الكريمه .... تصويرج اكثر من رائع باين عليج موهبه بتصوير ........ خصوصا تصوير المناظر الطبيعيه

ان شاء الله انجوف منج تقارير حلوه على مدى السنه ان شاء الله




الله يسلمك خيوووو

واشكر لك مرورك ومتابعتك للموضوع

وبالنسبة للتصوير .. انا دارسة التصوير الفوتوغرافي من زمان

بس في هالسفر استعدت موهبتي بالتصوير مره ثانية:109:

المشاركة الأصلية كتبت بواسطة iRmE
http://www.arabtravelersforum.com/tr...6/#post2286326

السلام عليكم ورحمة الله وبركاته
ماشاءالله عاد زيلامسي خيال مايحتاج لها وصف..
والصور اللي جبتيها ماشاءالله من جد ابداع خصوصا الصورة اللي كانت تطل من غرفتك والصورة اللي فيها بقعة الشمس.. ماشاء الله عليك
..
الحمدلله عالسلامه وفي انتظار كافة تقاريرك..



وعليكم السلام ورحمة الله وبركاته

تسلم على مرورك الجميل اخوي

وتسعدني متابعتك للموضوع

فعلا امتعتينا بالتقرير :113:

ما شاء الله عليج .... سردج للموضوع وايد حلو عساج على القوه ان شاء الله

والآن مع اول مكان سياحــــي روح لــه


وهو ســــاحة ستيــــفن


للاسف كان مكان سكنا بعيد عنـــه فعلشــان نروح لساحة ستيفــن كنا نروح بلأندر قراوند (U)


وهاذي صورة الاندرقراونــد







وهاذي صورة كاتدرائية سانت ستيفنز












وهاذي الحناطير للي يحب يتجول بالمنطقه




بلاضافة إلى باصات السياحة الموجوده قرب الكاتدرائيه







هاذي سماعات علشان كل ما تطوفون على مكان سياحي تسمعون بالسماعات نبذه عن الاماكن الي يطوف عليها




هاذي اللغات الي يتكلمون فيها بالسماعات





وهنا السوق الي بساحة ستيفن .... سوقهم كبيييير وحلوو











وأحب بعد اعرض لكـــم صور ( الشحـــاتين ) ..بس عاد مو أي شحاتين . .بصراحه طريقة حلوه بالطراره :109:




















وأخيـــرا مع الفنانيـــن المتجوليـــن












وإلى اللقاء مع جولــة سياحية جديده :101:

روووووووعه الف شكر وننتظر البقيه

والآن اعود لكم مع رحلـــة جديــــدة وهي إلى


قصر الشانبرون بالاس



وسيلة المواصلات كان عن طريق الأندرقراوند





وهاذي الصور للقصر ...





























































وإن شاء الله راح اعرض لكم صور حديقة الحيوان الي بالقصــــر

تابعــــوني :101:

ابو نوره ساحة ستيفان مشتاقه لك هاهاها ،، يعطيج العافيه اختي الكريمه

المشاركة الأصلية كتبت بواسطة هيمان سفر
http://www.arabtravelersforum.com/tr...5/#post2294465



ابو نوره ساحة ستيفان مشتاقه لك هاهاها ،، يعطيج العافيه اختي الكريمه



تسلم اخوي على مرورك الطيب


بالنسبه لرسمة ابو نوره هاذي رسامه متعمده علشان تجذب العرب عندها وتحصل من وراهم فايده :109:


بس ذكيــه فكــرتها خخخخخخخخخ

ماشاءالله روعه في التصوير

الف شكر

و الآن اعرض لكم صور زياتي لمتحــــف


sisi museum











هنا مكان دفع تذاكر دخول المتحف














وهنا الأدوات المنزليــه الي كانو يستخدمونها بهذا القصـــر



















و إلى اللقاء في رحلـــه جديدة

المشاركة الأصلية كتبت بواسطة bo_aziz76
http://www.arabtravelersforum.com/tr...1/#post2295981

ماشاءالله روعه في التصوير

الف شكر



مشكور اخوي على مرورك الدائم والجميــــل


ومنور الموضوع دوم بطلتك الحلوه

ماشاء الله ,,
تحسفت على سوق سالزبوغ اني مارحت له ,,
وعندي سؤال!!
ستي اكسبريس مو تختلف عن قمة شميتن هوه والا انا غلطانه ...

تابعي مستمتعين..

المشاركة الأصلية كتبت بواسطة شغل عرب
http://www.arabtravelersforum.com/tr...9/#post2297869

ما شاء الله
تقرير وافي وصور رائعة
واصلي بارك الله فيك



تسلماخوي على مرورك الكريـــم :101:

المشاركة الأصلية كتبت بواسطة ام ريوف
http://www.arabtravelersforum.com/tr...7/#post2298277

ماشاء الله ,,
تحسفت على سوق سالزبوغ اني مارحت له ,,
وعندي سؤال!!
ستي اكسبريس مو تختلف عن قمة شميتن هوه والا انا غلطانه ...

تابعي مستمتعين..

اهليــــن اختـــي

منور الموضوع بمرورك الحلو

وبلنسبة لسؤالك ... احنا لما اخذنا المعلومات من هالمنتدى كانو كاتبين ان السيتي اكسبرس يصعد على جبل اسمه schmitten hohe :114:

يمكن هالمعلومه تكون خاطئه بس لما رحنا سألنا واحد عن الستي اكسبرس وأشر لنا على مكانه وقالنا ما يحتاج تاخذون تاكسي

سلام عليكم ورحمة الله وبركاتة

والله الواحد يتابع هاتقرير كأنه مسافر

عن جد تقرير مميز وجميل وشهاتي فيه مجروحه

سلمت يدين من أعد ورتب وخطط وبدع يعطيـــج

100000000000000000000000000 عافية

تقبلي تحياتــــــــــــــي ......

ماشاءلله ابدعتي

يعطيك الف عافيه

اليوم ارجـــع لكــم مع رحلــة سيــاحيــة ممتعـــه وااااايــــد :115:


والمكان اهو ... ملاهي براتر


طبعا رحنا للملاهي عن طريق الاندر قراوند














هذا تحملوا تمروون صوبـــه ... ولا بسوي لكم شي بس ماراح اقوله :109:
































































وإلى اللقاء في الحلقــة القادمــه

ملاهي عجيبه وروعه

الف شكر

حمدا لله على السلامه اختي ..

وحاب اسجل متابعة متاخرة .. بس من جد موضوعك مشوق والمعلومات الي فيه ممتازه

بس حاب اعلق على هذي الصورة


هالتيس ما فيه احد نزل من الزحليقة الا صوره ... صار اشهر من باريس هيلتون

المشاركة الأصلية كتبت بواسطة sad22090
http://www.arabtravelersforum.com/tr...5/#post2298835

سلام عليكم ورحمة الله وبركاتة

والله الواحد يتابع هاتقرير كأنه مسافر

عن جد تقرير مميز وجميل وشهاتي فيه مجروحه

سلمت يدين من أعد ورتب وخطط وبدع يعطيـــج

100000000000000000000000000 عافية

تقبلي تحياتــــــــــــــي ......




وعليك السلام ورحمة الله وبركاته


مشكور اخوي على هذه المتابعه وكلامك الجميل

نور الموضوع بطلتك الحلوه

المشاركة الأصلية كتبت بواسطة °¨·.‏_ღ_‏.·¨°
http://www.arabtravelersforum.com/tr...6/#post2298886

ماشاءلله ابدعتي

يعطيك الف عافيه



الله يعافيك اختي العزيزة

وتسلمين على متابعتك

تقرير سريع وسلس واصلي متابعيييين

يعطيك العافية