الموضوع: اعصار في نيويورك يوقف المطارات مدة ساعات

بعد وصولنا بساعتين من لاس قيغس لنيويورك يتم ايقاف الطائرات المتوجه الا مطارات نيويورك بسبب قدوم اعصار الا نيويورك الحمدالله الوضع الان جيد طبعن حنا نمنا سمعنا صواعق بس ماندري ويش الي صاير بره انا اكلمكم وانا في غرفة الفندق الي جنب المطار منتظر العودة الا الرياض بكره ان شالله ان شالله مايصير شي ويوقوفون المطارات بكره بعد في نيويورك خلاص مشتاقين مره للرياض واهلنا وعيالنا انا وزوجتي 40 يوم في امريكا يكفي خلاص واخر مره اترك عيالي عند جدهم قسم بالله ياهم وحشوني مره بقوه كنت اقوم من نومي بالليل افكر فيهم في بعض الايام بصراحه اول مره احس بالوحشه هذي لهم احساس قوي

مواضيع عشوائيه ممكن تكون تعجبك اخترناها لك:

• فتح غلاف اريد الحل
• التحذير من اكسبيديا
• الخطوة الاولى الفيزا
• ارجو مساعدتي سكن في
• الرجاء المساعده افضل الفنادق في لوس انجلس من هذه الاختيارات
• طلب لوترى او منحة دراسية لامريكا او كندا
• آخوآني في الله من له معرفه في تكساس هيوستن يدخل للاهميه تكفووووون متوهق مره
• الجنسية الاغلى فى العالم
• الملحقية الصحية في اميريكا
• التخطيط للسفر لأمريكا ممكن مساعده
• هام مساعدتي لرحلة نيويورك
• ارجو المساعده ياهل الخير ضروري
• طريقة استخراج العنوان من و طريقة وضعه في جهاز الــ خطوة خطوة وبالصور
• اتمني تزويدي بمعلومااات بسرعه عن يوسمتي ناشونال بارك
• سؤال لخبراء شلالات نياغرا من الجانب الامريكي
• السي ورلد جم حديقه ؟
• ياجماعه وش دعوى محد رد علي ؟؟
• شنو اطول فندق بمنهاتن
• مدة صلاحية الجواز للسفر في أمريكا
• البوابات فى مطار جون كيندى

المشاركة الأصلية كتبت بواسطة جنب النافذه
http://www.arabtravelersforum.com/tr...4/#post2261846

بعد وصولنا بساعتين من لاس قيغس لنيويورك يتم ايقاف الطائرات المتوجه الا مطارات نيويورك بسبب قدوم اعصار الا نيويورك الحمدالله الوضع الان جيد طبعن حنا نمنا سمعنا صواعق بس ماندري ويش الي صاير بره انا اكلمكم وانا في غرفة الفندق الي جنب المطار منتظر العودة الا الرياض بكره ان شالله ان شالله مايصير شي ويوقوفون المطارات بكره بعد في نيويورك خلاص مشتاقين مره للرياض واهلنا وعيالنا انا وزوجتي 40 يوم في امريكا يكفي خلاص واخر مره اترك عيالي عند جدهم قسم بالله ياهم وحشوني مره بقوه كنت اقوم من نومي بالليل افكر فيهم في بعض الايام بصراحه اول مره احس بالوحشه هذي لهم احساس قوي



الحمد لله على السلامة يالغالي ..

وتوصلوا بالف سلامة ان شاء الله ..

وربنا يطمنك على ابنائك ويخليهم لك وتفرح بعيال عيالهم ان شاء الله


تحياتي

تستاهلون السلامه ..

ترجعون بالسلامه يارب لأهلكم وعيالكم .. فراق العيال صعب ..

ترجعون بالسلامة إن شاء الله

الله يرجعكم بالسلامة وعقبال ما تفرحون بشوفتهم

اي اسالني انا الله لا يعيدها
انا كنت باحد الطيارات اللي توقفت 5 ساعات ننتظر الاقلاع
والله من جد تعبت نفسيتي
غير كذا ورانا رحله من باريس الى الرياض
ماندري نلحق ولا مانلحق
ووصلنا والطياره خلاص بتقفل ابوابها الحمد الله لحقنا عليها ولا كان طارت وتوهقنا
والان وصلناا بالسلامه الى بيتنا والحمد الله باقي عفشنا وشنطنا ماجات الله يجيبه

توصلون بالسلامة
والمره الثانية خذ عيالك معاك

الله يوصلكم بالسلامه وتفرحون بشوفة عيالكم واهلكم

انا كنت بنيويورك الاسبوع الماضي الجو كان متقلب بشكل غير عادي

يوم الاحد الصبح الجو كان مشمس وحلو والتقرير الجوي يقول صحو لمدة

ثلاث ايام وفجأه وخلال خمس دقائق غيمت وارعدت وابرقت ونزل مطر

شديد وبرد واستمر شوي ووقف واستمر مطر خفيف متقطع طول اليوم

الله يحفظ المسلمين في كل مكان

دمتم بخير

جزاكم الله خير كلكم على الدعاء لنا والله وصلنا قبل ثلاث ايام والحمدالله الا ارض الوطن بعد غيبه 40 يوم عن الرياض الحبيبه اول ما نزلت بغيت اخم رجال الجوازات والله بصراحه وحشه مهم كان الغربة شينه حتى لو عطله المهم الحين الوحشه الي باقيه للعيال عند جدهم في مكه اليوم طالعين جده نجيب العيال من عند جدهم في مكه بصراحه اليوم عندي عيد كبير والساعات والدقائق تمر علي ببطى ابي اشوف العيال خلاص ان شالله نشوفهم على خير وابشرو بالتقرير السنع عن رحلتي الي فيها كثير من المغامرات ان شالله خلال شهر رمضان بس التقرير والله يبيله شغل عندي اكثر من 200 صورة على ماعتقد جايبها معي ان شالله اقدر اضيفها كلها بس شوي شوي

وحبيت اهنيكم بشهر رمضان قبل الزحمه الي الله ان شالله يبلغنا ايه ونصومه ونقومه باذن الله رمضان كريم ان شالله

المشاركة الأصلية كتبت بواسطة جنب النافذه
http://www.arabtravelersforum.com/tr...2/#post2274112

جزاكم الله خير كلكم على الدعاء لنا والله وصلنا قبل ثلاث ايام والحمدالله الا ارض الوطن بعد غيبه 40 يوم عن الرياض الحبيبه اول ما نزلت بغيت اخم رجال الجوازات والله بصراحه وحشه مهم كان الغربة شينه حتى لو عطله المهم الحين الوحشه الي باقيه للعيال عند جدهم في مكه اليوم طالعين جده نجيب العيال من عند جدهم في مكه بصراحه اليوم عندي عيد كبير والساعات والدقائق تمر علي ببطى ابي اشوف العيال خلاص ان شالله نشوفهم على خير وابشرو بالتقرير السنع عن رحلتي الي فيها كثير من المغامرات ان شالله خلال شهر رمضان بس التقرير والله يبيله شغل عندي اكثر من 200 صورة على ماعتقد جايبها معي ان شالله اقدر اضيفها كلها بس شوي شوي

وحبيت اهنيكم بشهر رمضان قبل الزحمه الي الله ان شالله يبلغنا ايه ونصومه ونقومه باذن الله رمضان كريم ان شالله



الحمدلله على السلامه ..

والله يقر عينكم بشوفة العيال ويطول بعمركم ويتربون بعزكم يارب ..

الحمدله على سلامتكم وان شاءالله ترجعون الى الوطن سالمين يا رب

جاي مسرع أحجز مقعد في الصف الاول عشان التقرير المصور
والحمدلله على سلامة العودة, وورمضان مبارك على المسلمين وعلى أهل المنتدى
وسامحونا,,,,,,,,,,,,,,,

الحمد لله على السلامة ياعسل

والله يطمنك على العيال ..

وفي انتظار تقريرك بفارغ الصبر