الموضوع: استفسار عن الدشداشة الكويتية

مرحب ب اهل الكويت , بغيت اعرف شو احسن محل عندكم يفصل كنادير كويتية
شو اسمه , و ين مكانه , و شو اسعاره

وهل اشتري القماش من عنده ولا لها محلات خاصة فيها

و انا ف انتظار ردكم الكريم

اخوكم بو ضحي

- هب ضحى :105:

مواضيع عشوائيه ممكن تكون تعجبك اخترناها لك:

• فيديو خروج سمو الامير من المستشفى
• استفسار عن فندق ماريوت الكويت
• أين شارع الزينة ولاندمارك الشويخ؟ هوم سنتر ؟
• السوق الجمعه الصبح
• البضاعه الجديده في المولات
• معانــي مناطق دولة الكويـــت استفيد لو احد سئلك
• رحلات بحرية مشوقة بالكويت سلسان
• استفسار
• فيزا للشغاله ؟
• أول رحله لي وجهتها للكويت أرجوا المساعده
• مطعم ساسو شغل عدل
• استفسار عن شاليهات العزاب ؟
• الله لايهينكم ساعدوني
• سكن متوسط السعر وقريب من المطاعم والمجمعات في الكويت
• منتجع المسيله هل افتتح ؟؟
• مطعم فيروز لبناني
• عيدكم مبارك
• افضل استديو بالكويتاستفسار
• رأيي في فندق ابيس السالميه
• الفنــادق الكـــويتيـــــة ومواقعهـــأ

في عندك اذا تبي خام زين حق دشايش تروح في سوق ديره مكان يسمونه بلوكات راح تحصل محلات وياد فيها خامات وفوقهم راح تحصل خيايط
وعندك بعد في مدينه الكويت شارع احمد الجابر كله خياطين للدشاديش وتحصل عندهم بعد خام

حياك الله بوضحى بالكويت

شوف ياخوي
اولا محد يعرف كلمة كندورة بالكويت لازم تقول دشداشة
احسن محلات الخام بالكويت بعمارة العوضي بمنطة شرق مقابل شارع خالدبن الوليد عند مخفر شرق ، راح تلاقي خياطين بالعشرات الكل عندة الخامات الممتازة والاسعار تتراوح بين ال ٢ دينار للمتر و ال٣ دنانير والرجل العدي يحتاج خمس امتار
وقيمة التفطال الماكينة ٤ دنانير واليدوي ٥ دنانير تقريبا واحنا نفضل اليدوي
وانا افضل تشتري خام من الخياط نفسة لان يجوبون احسن خام للدشداشة
وفي مكان اخر مثل ما قالوا البلوكات للخام فقط يعني تاخدة انت للخياط وموجود بمنطة شرق
وسلامتك

المشاركة الأصلية كتبت بواسطة بو ضحي
http://www.arabtravelersforum.com/tr...0/#post3204850

مرحب ب اهل الكويت , بغيت اعرف شو احسن محل عندكم يفصل كنادير كويتية
شو اسمه , و ين مكانه , و شو اسعاره

وهل اشتري القماش من عنده ولا لها محلات خاصة فيها

و انا ف انتظار ردكم الكريم

اخوكم بو ضحي

- هب ضحى :105:



حيا الله بوضحى، نعطيك خيار ثاني انا ما انصحك تاخذ من الخياط لأن الخامات جدا محدودة ولكن رخيصة:108:
في عندك طال عمرك نفس ما قالوا الأخوان البلوكات تختار من عشرات المحلات اللي يناسبك او في شارع فهد السالم محل السفير وفي ابو الحسن واللي جنبه خوش محلات وكذلك الصوف البريطاني وبعدين تروح للخياط واغلب الخياطين الباكستانيين ممتازين في عندك الخياطين اللي بخلف عمارة العصيمي في شارع فهد السالم بجنب المطافي
وفي عندك اللي بشرق

اخوانا الاعضاء مايقصرون لانه تخصصهم احنا تخصصنا ladies clothes

خذ من عبدالرضا كاكولى خامه اسمها لاس رهيبه وفصل الدشداشه بمحل الماس بشرق ودعيلى

مشكورين ي خوان شما , فيكم الخير و البركة
و السموحة , تأخرت عليكم برد
و ان شاء الله قريب بكون عندكم ف الكويت
خويكم بو ضحي من الامارات ..

خذ من كاكولي له افرع بالفروانيه وداخل الديره خاماته حلوه انت ناوي تفصل تفصال كويتي ولا شنو ؟

على العموم اذا ناوي اتفصل خياييط شرق يمدحونهم