السلام عليكم والرحمه
حبيت انقل لكم تجربتي مع فندق ipis السالميه
الفندق جديد فتح في اواخر السنه الماضيه وكما ذكر في المنتدى الفندق مختار شريحه رجال الاعمال كنزلاء له
طبعاًبالنسبه لي كنت حريص اني اسكن فندق 5 نجوم
ةانا اللي اخبره في دبي ان فنادق ابيس نجمتين او ثلاث
لكن للاسف غشني موقع اسيا ترافل كاتب عنه انه فندق خمس نجوم
لما وصلنا للكويت الحلوه على طول توكلنا على الله وكان عندنا خيارين ... روتانا المنشر او ابيس وقررنا نحجز ابيس بحكم انه خمس نجوم وفي منطقه روعه
الاسعار كانت
27 دينار للايام العاديه
و30 دينار للويكند
والفطور ب 3و800 فلس لكل شخص
اتممننا امور الحجز وركبنا للغرفه
وهنا راح اسجل كل شي على شكل نقاط .. ايجابيات وسلبيات
الايجابيات:
موقعه الرائع فهو يقع في منطقه المجمعات في شارع السالميه .. جميع المجمعات حوله وقريبه منه وكل الاشياء اللي ممكن يحتاجها اي زائر بتوفر بسهوله بذاك الشارع
- الفندق جديد يعني نظيــــــــــــــــــــــــــــــــــف جداً
- سهوله الشيك ان والشيك اوت
- رخصه
السلبيات:
- صغر حجم الغرف الغير طبيعي
- بساطه الاثاث
- صغر الحمام
- غير فخمه اطلاقاً ولكنها نظيفه ومرتبه جداً
- لايوجد ثلاجه بالغرفه
- لايوجد غلايه ماء او شاي او قهوه في الغرفه
- لايوجد المكوى ولا طاوله الكوي فيها
- لايوجد الا عدد مخدتين بالغرفه يعني اللي مايعرفون ينامون بمخدتين بيكون مجبور تكلمهم
-لايوجد كبريت بالغرفه
- لاتوجد اي ادوات بالحمام فيما عدا جهاز يضخ شامبو منه وصابونه صغيره
- لاتوجد ارواب او سليبرز او حتى فوط بعدد كافي
فكما هو واضح.. الفندق مناسب لمن لديهم هدف عملي فقط
تحياتيمواضيع عشوائيه ممكن تكون تعجبك اخترناها لك:
- ماهو افضل مسجد لصلاة التراويح في الكويت
- مطعم العصيرات هذا ، أما زال موجوداً في الكويت أم أُغلق ؟
- سافرت الكويت وشبة اسبوعي اجي ابي حل
- وش رأيكم في اختياري للفندق
- لك حق تفتخر ياكويتي
- يازين الكويت
- سؤالى عن المعيشة بالكويت ؟
- زيارة الى الدولة الحبيبة
- نبي شاليه هاليومين حق العايلة الكريمة
- معرض افكاري
- اراء مختلفة عن طيران الكويت
- فنادق نظيفة وقريبة من المراكز التجارية في الكويت
- استفسار عن المركز العلمي
- اسرع رحله في الحياه
- ياليت تساعدوني لإيجاد طراد أو لنش في شارع الخليج
- ابي مطاعم عائلية زينة في الكويت
- افضل الحلاقين بالكويت وين احصلهم ؟
- رقم تلفون او موقع انترنت لتوقع حالة الطقس مستقبلا ؟؟؟
- قراء بعض مساجد الكويت
- سؤال بخصوص منطقة الفنطاس
المفضلات