الموضوع: استفسار تكفووون لا تردوووني

السلام عليكم ورحمة الله وبركاته

اخواني و اخواتي كنت مقرره السفر لماليزيا في العيد ولكن قدر الله الحمل وانا انتظره من سنتين

اسأل الله ان يثبته ويتممه بالعافيه والصحه ويرزقني وكل محرومه الذرية الصالحة السليمة البارة المعافاة

قولوا اميييييييييييييييييييين

وبما انه اول حمل لي نصحتني الدكتوره بعدم السفر لأن الرحلة لماليزيا طويله متعبه

ولذلك قررت أن أسأل مساعدتكم في اختيار المكان القريب المناسب للسعودية من الدول الخليجية
لأن جدا محتاااااجة لتغيير جو بما إني مازلت اداوم وبداوم في رمضان لازم اغير جو في العيد ومتحسفه على روحة ماليزيا
لكن الله يعوضنا خير

فزعتكم واقتراحاتكم





لا تبطون علي وترى المدة اسبوع ونص او بالكثير اسبوعين في فترة العيد ومابعده

مواضيع عشوائيه ممكن تكون تعجبك اخترناها لك:

• موقع الافنيوز الالكنروني
• مساء الخير ياكويت شاهدوو الصور
• عاصفه رمليه قويه بالكويت
• تم الحجز على هونج كونج مدة ايام نصايحكم؟
• شقق عوائل بالكويت
• استفسار عن مهرجان باللكويت
• الكويت لأول مرة
• سؤال عن أفضل مطاعم سوق المباركية للأفطار العوايل؟
• رحلتي البرية إلى الأراضي الكويتية
• لا اطوفكم فنــــــــــادق الكويت
• لأهــــــــــل الكويت
• استفسارات عامة عن الكويت
• هل فيه مسرحية لطارق العلي ؟
• أهل الكويت الغالين
• هل استطيع استخدام بطاقات الصراف الخاصه بالبنوك السعوديه فى اجهزة الصراف الكويتيه
• طيران الجزيرة تطلق رحلات جديدة إلى الغردقة
• شقق في الكويت
• احداثية المباركية
• ابي مساعدتكم
• طلب لو سمحتوا

الله يرزقج الذريه الصالحه معافى مشافى ان شاءالله

الخليج كله حلو بس اكيد راح انصحج تزورين الكويت وخاصة بالعيد لها جو ثاني حلو وعائلي بس اكيد راح تكون في زحمه بشكل غير طبيعي ... ولج حسن الاختيار

السلام عليكم

يعطيك العافيه على الرد

اتمنى المزيد من التفاعل والتوضيح

يا ليت لو يتكرم احد الاخوان او الاخوات بوضع خطه بسيطه لقضاء اسبوع واخرى ل 10 ايام تشمل الفنادق والمطاعم والاماكن السياحية والمولات بحيث تكون اسعار السكن متوسطه وليست مرتفعه
كم يستغرق السفر من الرياض للكويت براً ؟؟؟؟
الف شكر للتعاون

من الرياض الى الكويت حوالي 7 ساعات

للعلم

السلام عليكم ورحمة الله وبركاته

احلى كيميائية الف شكر لردك وتفاعلك والبرامج الي حطيتيهم لي يعطيك الف عافية ماقصرتي
ولكن يا الغالية بتعبك تقترحين علي فنادق مابين 4 و 5 نجوم متوسطة الاسعار وموقعها حلو شامله الافطار ولو فيه صور للغرف اكون شااااااكره ومقدره

اخي بور مان مشكوووور وماقصرت
يعطيك العافيه لو بوصل الدمام او الخبر واريح يومين واكمل يكون باقي من المدة 3 ساعات للكويت او اكثر ؟؟

هلا فيكي اختي و الله يثبت الحمل انشاء الله و يرزقكي الذرية الصالحة
بانسبة الي وقت الرحلة باسيارة من الرياض تقريبا 7 ساعات و تزيد او تقل حسب الظروف و السرعة و التعطيل باطريق و فترة غداء او عشاء
و بانسبة الي المجمعات فهي كثيرة و كل مجمع في سينما و مطاعم و غيرها
الكوت - المنشر - الافينيوز - شرق - الصالحية - مجمعات وارة بمنطقة الجهراء - مجمعات الفروانية بمنطقة الفروانية و و و و و الفنار وليلا قلري و و و و و و المجمعات واجد انت بس روحي و اسالي هناك

حياج الله حبيبتي وعسى الله يثبت حملج ...............

ومره وحده وانتي يايه اهنيه جهزي حقج وحق البيبي حق الولاده وبعد الولاده عندنا محلات متخصصين قمصان ولاده وكفرات ولاده وكفرات بيبي وبعد ادوية النفاس لا تنسينهااااا

السلام عليكم ورحمة الله وبركاته

احلى كيميائية ماقصرتي الله يعطيك الف عافيه
بس ممكن تجاوبيني او يجاوبوني الاخوان عن 5 فنادق بالتحديد من حيث قربها من البحر والاماكن السياحية والمجمعات التجارية
Ramada Kuwait Hotel
The Convention Centre and royal suites
Le Meriedian Tower Hotel Kuwait
Holiday Inn Kuwait
Hawthorn Hotel and Suites
و ياليت تدلوني على منتجع او فندق مطل على البحر مايزيد سعر الليلة عن 700 ريال سعودي يعني 54 دينار كويتي

مرااحب تشيز كييك

اللهم اميييين عزيزتي تسلميين
وبالنسبه لاستعداداتي او استعدادات البيبي ممكن تدليني وش الاشياء الي ممكن القاها عندكم بأسعار اقل من عندنا
او اشياء القاها عندكم مو موجوده عندنا في السعودية ؟

والف شكر يالغالية

المشاركة الأصلية كتبت بواسطة أم فيصل و بس
http://www.arabtravelersforum.com/tr...4/#post3246094

السلام عليكم ورحمة الله وبركاته

احلى كيميائية ماقصرتي الله يعطيك الف عافيه
بس ممكن تجاوبيني او يجاوبوني الاخوان عن 5 فنادق بالتحديد من حيث قربها من البحر والاماكن السياحية والمجمعات التجارية
Ramada Kuwait Hotel
The Convention Centre and royal suites
Le Meriedian Tower Hotel Kuwait
Holiday Inn Kuwait
Hawthorn Hotel and Suites
و ياليت تدلوني على منتجع او فندق مطل على البحر مايزيد سعر الليلة عن 700 ريال سعودي يعني 54 دينار كويتي




مشرفتنا كيميائيه
كفت و وفت بالجدول

بالنسبه للفنادق

Ramada Kuwait Hotel Holiday Inn Kuwaitفيه اثنين هوليدي ان بالكويت اتوقع تقصدين اللي بالسالميه يطل على البحر مقابل المركزالعلمي و انصحج فيه.. و
فيه واحد ثاني اسمه هوليدي ان داون تاون اعتقد يطلع عالبحر و اهوا خلف سوق شرق في منطقة شرق.. و كمان هذا كويس :24:
Hawthorn Hotel and Suites في منطقة حولي ما انصح فيه زحمه حولي :108:




و بالنسبه للمنتجعات عالبحر
شوفوا بالمز (النخيل) و موفنبيك البدع.. هالمنتجعين عالبحر و حلوين بس ماني عارفه اسعارهم بالضبط :surf
و
كمان عندكم فندق مارينا حلو عالبحر :surf

الله يعطيك الف عافيه اختي على تعاونك والله ماقصرتي نورتيني

طيب عزيزتي واخواني واخواتي مارأيكم في فندق
Plaza Athenee hotel Kuwait


و فندق
Swiss-Belhotel Plaza Kuwait


من حيث النظافة والترتيب وحجم الغرف والإفطار و أيهما مطل على البحر لأني بحثت و كان الفندق الاول في الخريطه واضح انه على البحر بس الموقع كاتب سيتي سنتر !!!!

ياليت تفيدوني بأقرب فرصة ولكم مني اجمل تحية وجزيل الشكر والتقدير

هلا فيج

بخصوص استفسارج..


Plaza Athenee Hotel
بلازا أثيني

التصنيف : كذلك يستحق الـ5 بكل مايتميز به
العنوان : شارع بورسعيد(يرى من شارع الخليج العربي او الطريق السريع), بنيد القار.
مواقع مفيدة لهذا السكن : http://www.tripadvisor.com/Hotel_Rev...wait_City.html - http://www.asiarooms.com/kuwait/kuwa...a_athenee.html
معلومات : يضم هذا الفندق الأجنحة المميزة إبتداءاً من 45 دينار, و الغرف الفردية بسعر يبدأ من 30 دينار, كما له إطلالة جميلة من جميع النواحي أبرزها الخليج العربي و مدينة الكويت.



فندق روعه ومطل على الخليج العربي اي مطل بالقرب من البحر وبقرب ابراج الكويت وبجاانب سوق شرق وسوق المباركيه والاكوابارك
وهذا السايت الخاص فيه http://www.travels-booking.com/hotel...FYw33god-1PTkg
------------------------
اما
SWISS-BELHOTEL PLAZA

هذا فندق ومول بنفس الوقت .. واسم المول المثنى ..
معلمات عنه : 4 نجوم في درجة رجال الأعمال الفندق موقعا مثاليا في قلب التجارية والمصرفية منطقة قريبة من ابراج الكويت ، برج التحرير والمتحف العلمي. 20 دقيقة فقط بالسيارة من المطار الى الفندق 154 فسيحة ، وغرف وأجنحة فاخرة تطل على البحر والمدينة. وتشمل المرافق إعجاب بهو صالة كبيرة ، والوصول إلى مركز تجاري مع 200 المتاجر الحصرية ، وقاعة احتفالات تتسع لتصل إلى 250 شخصا و2 الحميمة المطاعم : دلة الكويت ، ومجلس النواب.


وهذا موقعه :
http://hotels-kuwait-ar.globalhoteli...2651298ar.html


الصراحه الاثنين زينين .. بس شايفه ان الفندق الاول هو فندق جديد.. ومطل على البحر
اما الثاني فهو فندق صارله تقريبا سنين طويله ولكن مجددينه..ولكن ليس قريب من البحر يعني الغرف تطل على السوق ..وميزت الثاني ان موقعه بين المحلات يعني تقدرين تتمشين على ريوولج و تقريبا سوق المباركية قريب جدا منه زلكن يحتاج لسياره
يعني حتى انا احترت لان الاثنين كل واحد له ميزه ..
ولا تنسين الراي الاول والاخير لج وحياج الله

احلى كيميائية تسلميييييين على الرد
الله يعافيك بس يالغلا جاوبتيني عن الموقع فقط

يهمني احد جرب الغرف والافطار والنظافه
ايها افضل وانظف وافطارها متنوع ولذيذ ؟؟

ليت اللي عنده خبر يجاوبني بليييييييييييييز

الف شكر احلى كيميائية على تفاعلك وردودك السريعة

بالنسبه لنظافة الغرف اكيد غرف نظيفه لان المسكن جديد

اما بالنسبه للافطار..؟؟

فسامحيني لا اعلم اذا كان عندهم افطار او لا

اختى ام فيصل عسى الله يثبت حملج انشاء الله . بما انج بشهور الحمل الاولى وتبين تزورينا بالسيارة كلش ما انصح لان درب ابوحدريه كلش متعب للمو حامل فكيف للحامل وكلها مطبات فانصح انج ماتعبين نفسج بالسيارة والله ان الشارع يخضج خض من مطبات طبعا هذا قبل سنه لما رحنا الخبر اتبين النصيحة ودج تغيرين جو الطيارة افضل لج

مشكورين كلمن تفاعل مع الاستفسارات بس عندى ملاحظة بسيطة ترة الاسعار قديمة وتحتاج الى تجديد . معى اعتدارى حق الكل