الموضوع: ذكريات نفر الجزء الاول

بسم الله الرحمن الرحيم


وبه نستعين ....



بعد تفكير طويل وتقليب المنتديات بدون اتخاذ قرار معين لاي بلده سنسافر كنا محتارين اين وكيف نسافر ..؟

واخيرا وبما ان الوقت مر بسرعة من دون ان نقرر الى اين نسافر ... قررنا ان نذهب مع قروب سياحي

1- نوفر الوقت الخاص بالبحث عن معلومات واماكن سياحيه

2- توفير المواصلات والوجبات لشمولها بالبرنامج السياحي المعد مسبقا

3- حجوزات الفنادق والخطه كلها مرسومه مسبقاً.

المهم ... كلمنا مسؤل الرحلات وبالغصب حصل لنا مكان لرحلة عنوانها (( افضل مافي النمسا وسويسرا))

دعوني اعرفكم على افراد الرحلة شخصاً شخصاً وفرداً فرداً

------------------------------------------------------------------------------------------

انا + اختي + اخي عبود
:106::106::24:

ابطال هذه المذكرات

----------------------------------------------------------------------------------------

1-



على اليمين :- (( إيريك )) مدير الرحلة ... خدوم لاقصى درجه و عنده معلومات وااافره ووافيه عن كل مكان نزوره ... هو من النمسا من فينا ... يشغل 3 وظائف
1- عازف بيانو.
2- مدرس موسيقى
3- مرشد ودليل سياحي

على اليسار :- (( ماركو )) سائق الباص .. ايطالي الجنسية واظهر مهاره عاليه في سواقة الحافلة او الباص .

----------------------------------------------------------------------------------------

2-



سوبر ماريو وزوجته :- رجل امريكي وزوجته امريكيه طبعا اطلقنا على الزوج لقب سوبر ماريو نسبتاً للشبه الكبير بينه وبين سوبر ماريو وهو من محبين التصوير

--------------------------------------------------------------------------------------------

3-



تينا :- امريكية الجنسية .. ام مطلقة .. في يوم من الايام كانت خارجة مع ابنائها وبينما هم في السيارة اخبروها وقالو (( ماما نحن مشتاقون جداً لوالدنا نريد ابونا )) وهنا تأثرت تينا وقالت في نفسها : هل يعقل ذلك انا اربيهم واتعب عليهم وفي الاخر يشتاقون لوالدهم وشعرت بالغيره الشديده فقررت ان تسافر وتبتعد عنهم لمدة اسبوعين حتى يشتاقوا لها و قد ادمعت عينها في احد المرات بسبب تذكرها لأبنائها ..

--------------------------------------------------------------------------------------------

4-



السيدة مغروره وزوجها :- من الولايات المتحده الامريكيه كنا نظن في البداية بأن هذه السيده مغروره ورافعه راسها والسبب ملامح وجهاا ولكن اكتشفنا بانها ليست مغروره ولا شايفه نفسها وان هذا هو شكلها من الله بينما زوجها كان داااائما مبتسم ..

--------------------------------------------------------------------------------------------

5-



روث وريتشارد :- زوجان من امريكا يحبان السفر والترحال وزارو العديد من البلدان .. روث الزوجه تعاني من الم في ساقها ولكن هذا لم يكن عقبة امام سفرها ولا امام سفر زوجها معها .. روث اول من كلمنا في الرحله و ريتشارد اول من كلم عبدالله اخي ..

---------------------------------------------------------------------------------------------

6-



استيفاني :- من امريكا دائما تلبس بنطلون بيجامه و في الاماكن البارده تردد برررررد وبررررد لو لابسه جينز كان احسن وادفى ..

----------------------------------------------------------------------------------------------

7-



جودي : امريكيه عجوز متشببه عمرها 60 سنه وكل ملابسها باللون الوردي وحقيبتها ورديه وتتصرف وكانها بنت البارحه ..

----------------------------------------------------------------------------------------------

8-



كن : امريكي شايب لكن دمه خفيف و يرمي كلام ظريف ويفطس من الظحك ولا تتوقع ان هالشايب يقول هالكلام والجدير بالذكر انه احتفل بعيد ميلاده الـ 85 معنا في احد امسيات العشاء وغنينى له بصوت واحد سنه حلوه ياجميل.

-------------------------------------------------------------------------------------------------

9-



ليندا: من اتلانتا وليس لها قصة او ملاحظة تذكر و لكنها لم تسمع ابدا عن دولة اسمها قطر :105:

-----------------------------------------------------------------------------------------------

10-



جيرمي وزوجته :- الزوج امريكي الجنسية ذكي و ظريف واجتماعي اما الزوجه فهي صينيه من يراها يقول عمرها 14 سنه ولكنها اكبر من ذلك وعمرها 35 سنه ولكن صوتها وتصرفاتها طفوليه طبيعيه .

-----------------------------------------------------------------------------------------------

11-



جيري وزوجته :- الزوجان من كندا .. بالنسبة للزوج جيري دمه خفيف بطريقة عجيبه غريبه يفطسنا من الظحك بكل تعليق يقوله وبكل حركه يفعلها .. اما زوجته فهي نقيضه تماما طيبه و هاديه و عاااقله الى ابعد الحدود ..

-------------------------------------------------------------------------------------------------

12-



العائلة الهندية :- مكونه من الاب :- يحب ياكل الهيل وتجدأ -- الأم :- تنام في الباص وتشاخر من قمة راسها وكانت مصدر ازعاج عندماتنام وتشاااااااااخر - الابن الدب :- تجدأ مره على راسي ولوع جبدي - البنت الكبرى : تفكر ان تشتغل في لندن .. البنت الصغرى انجلينا و تشبه نفسها بأنجلينا جولي (( مب حولها )).

--------------------------------------------------------------------------------------------------

13-



الدوبي :- هندي الجنسية ترك زوجته في البلاد واتى وحيداً مع كيمرته تحسه دائما وحيد لاشريك ولا حبيب ولا صديق .. ولكنه متهور ... عادي يعطس ويكح في وجهك ومره نزل للإفطار بدون حذاء اي حافي القدمين.

--------------------------------------------------------------------------------------------------

14-



الدكتور الهندي وزوجته :- مقيمين في امريكا وكانو يعتبروننا مثل ابنائهم وبالذات عبدالله اخي كان يذكرهم بأبنهم وقد دعونا بان نزورهم في بيتهم بامريكا .. ووصانا الدكتور ان نخبر والدنا بانه كان لنا اب اخر في الرحلة .

---------------------------------------------------------------------------------------------------

15-



باربرا : امريكيه تحب التصوير وعندما تضحك تهز الارض بضحكاتها العالية جدا جدا جدا و دمها خفيف.

---------------------------------------------------------------------------------------------------

16-



شارلوت : امريكية محترمة جدا جدا جدا ولطيفه وهادئه ومهذبه جدا جدا جدا ودائما كاشخه ولابسه ومتأنقة بس استايلها قديم كأنها من ربع مايكل جاكسون الي يرقصون في المقبره . وكانت صديقه عزيزه لنا في الرحله .

--------------------------------------------------------------------------------------------------

17-



ديب : امريكيه من كاليفورنيا دمها خفيف جدا جدا جدا وحبوبه وزي العسل واجتماعيه وسوالفها ماتنمل.

---------------------------------------------------------------------------------------------------

18-



المظلومة : لا اتذكر اسمها ولكن شكلها يحسسك بانها مظلومه وطيبه وهي فعلا طيبه .. ومن امريكا

-----------------------------------------------------------------------------------------------------

19-

:icon_smur:icon_smur

عبدالرحيم و نوير :- زوج وزوجته من المملكه العربيه السعوديه في شهر العسل ولن نتحدث عنهم كثيرا لانهم من النوع الي مايحبون يكلمون احد ويفضلون يكونون خلف الاضواء ولا املك اي معلومه اخرى عنهم .

-----------------------------------------------------------------------------------------------------

وبهذا اكون قد اعلمتكم بأ فراد الرحلة و في الجزء القادم ابدأ بسرد ذكريات 3 نفر

مواضيع عشوائيه ممكن تكون تعجبك اخترناها لك:

• افضل مناطق فيينا
• مخطط رحلتي الى اوروبا
• ارجو المساعدة في تنظيم جدولي المانيا ، النمسا وسويسرا
• السكن في سالزبورج
• استفسار بسيط جدا عن الجو
• مساعده بجدول الرحله
• السفر بالسيارة من زالامسي الى باريس
• استفسار عن سفره عائليه
• جدولي النهائي في النمسا وميونخ شهر عسل رأيكم
• شهر عسل وابيغى فزعتكم معي
• بيض الله وجيهكم
• ساعدوني في ترتيب رحلة سفر الى (النمسا المانيا فرنسا) مايو 2015
• هل يشترط زيارة الدوله الي حصلة على فيزا منها
• وتقريرها من فيينا متجدد
• طالبكم تكفون تراه شهر عسل
• احتاج نصيحة من الخبراء
• احتاج اهل الخبر بالنمسا
• رأيكم ي حبايبي في الجدول هذا ؟
• من ميلان إلى زيلامسي
• سوال مهم الي خبراء زيلامسي

تقريرك جاء بطريقة خارجة عن المألوف وفيها إبداع
أهنيك عليها

بس.....


تكلمي عن الرحلة أكثر من الناس والمواقف

الحمد لله على سلامتكم

الله يسعد قلبك:109:

ضحكت على تحليلك لشخصياتهم

خاصة المضحكة:109:

بس لاحظت ان اغلبهم كبار في السن بس الي تلبس وردي وتتشبب هذي حكايــــه:109:




اختك..

الضوء الخافت ...

انت صاحب اول رد (( شكرا لك ))

واكيد راح اتكلم عن الرحله بس كلشي بوقته حلو واليوم يوم للتعارف لاغير


------------------------------------

اختي سام ..

غالباً الاجانب مايسافرون ويتفرغون للتنزه الا في عمر كبير وعدد الشباب كانو تقريبا 11 شخص والباقي في الاربعينات وطالع يعني عاقلين مابنقول كبار في السن عشان مانزعلهم .. بس ام الوردي صج حكايه

تقرير من بدايته عجيب

وشكله مليان مواقف كوميديه

وفي انتظار جديدك بشوووق

ما شاء الله عليك ...


:24:

بدايــة جميـــله جـــــــدا .. والاجمل من هذا كلـــه العنـــوان:109:


سجليــنــي من المتــابعيــن

اسلوب جديد ورائع

الف شكر وحمدلله على السلامه

بو عزيز .... مرام .... قلب


اشكركم على المرور وعلى التعليق ويالله خليكم معاي

أختي / أحلى من العقد
تقرير رائع من بدايته ,, يحمل صبغة غريبه

وطريقة جديده ,,, والتركيز على شخصيات القروب ,, يدل على ذلك
يسعدني جداً ,, أن تتقبليني من ضمن المتابعين
لكـ كلـ الود
۞ أخوك عبدالله ۞

بدايه رائعه اختي (أحلى من العقد ) .... وفريده من نوعها ...:24:
أعجبني الفندق رايق حيل ... والحديقه تاخذ العقل ...:101:
ننتظر باقي مغامراتكم النمساويه ...:11ight:

الظاهر سافرتم مع نفس الشركة
اللي انا سافرت فيها
حتى الفنادق نفسها .. هه

سؤالي .. ماقابلتم مصري في استقبال فندق ال دي فرانس ..؟؟

عن نفسي
دقيت معاه صحبة
وهو اللي كان يدلني
ويش اسوي
ووين اروح



متابع موضوعك الى اخر رمق
لمعرفة ادق التفاصيل


في الانتظار لاتبطين علينا .

بداية رائعة احلى من العقد
دوما متميزة بالتقارير
سجليني متابع

بدايه موفقه ومشوقه

تسلم الايادي

بداية مشجعة جدا وياليت تكاليف السفر مع القروب وعدد الأيام
في حفظ الله

ماشالله على الثلاثه نفر

الله يعطيكم العافيه

وحبيت اسأل شلون رتبتو مع القروب السياحي

من وين حجزتو فيه

وثاني شي الفندق بيكون ويا القروب السياحي ولا اي فندق تختارونه

تقرير مميز من بدايته متابعينك

يوم شفت العنوان تذكرت الكبسه

ثلاثة نفر اسم استفز مخيلتي وعقلي الباطن اقرأ واتذكر يومياتي الجميلة بالنمسا

ايام لاتنسى بالفعل بداية رائعة وصور اروع
وتعليق ووصف لكامل القروب الله يعطيك العافية
صفحات
تحتاج ان نخصص وقت من جدولنا اليومي للمتابعة



اجمل مافي هذه الدنيا هو تذكر يوم ووقت ماضي جميل خارج هذا الجو الحاااااااااااااااااار:112::112:

متابع


تحياتي

من المتابعين

ومافيني صبر .. متشوقه للي جاي

روووووووووووعه ماشاء الله

تقرير من مبدعه متااااااابعين للاخر

لا تتاخرين الله يعافيك

عبدالله بن محمد ..

حياك الله يا اخوي واتمنى اشوفك معاي لين اخر التقرير ... وياهلا مليون


سارونه ...

اهلين وسهلين ومرحبتين نورتي مذكرات 3 نفر ... اشوفج ان شاء الله من المتابعين الدائمين


mbc54321

ياسلام اخوي اخجلتنا لشدة لطفك على هالكلام الطيب .... تابعنا وان شاء الله تشوف مايسرك

من بقايا الامس ...

الظاهر المصري رفيجك طالع اجازه ماشفناه .... بس بذمتك مب السفر مع قروب سياحي روعه ومفيد ..


صخب الحياة ..

الحمدالله استانسنا في الرحلة .. واتمنى انك تستانس معانا في التقرير

البامبيني

اسمك مسجل في قائمة المتابعين :24:

بوعزيز

ولكم باااك

ناصر الغامدي

تكاليف الرحلة مع القروب تقريبا 9700 ريال + 300 يورو اضافيه للرحلات الاضافيه وعدد الايام 13 يوم


qatar3333

ااهلا اخوي الفنادق تكون الزاميه مع القروب .. و انا انظميت لقروب اقلوبس عن طريق شركة وسيطه من السعوديه اذا حاب اطرش لك عنوانهم بالخاص عشان قوانين المنتدى ..

صوت القطار

اهلا وسهلا فيك وفي متابعتك خلك ويانا



يا أجمل الوقت

الحين تقولي ليش تذكرت الكبسه لين شفت العنوان



اتاوووي

وانت الصادق اجمل شي تذكر يوم حلو وجميل وكمل معانا وتابع عشان تشوف الجمال على اصوله

بالمناسبة رجعت من السفر ولا لا


قلب

هلا هلا وولكم باك والحين بكتب الباقي


ابومصطفى

ياهلا فيك وانا مب متاخره عليكم والحين بكتب التكمله

بداية موفقة ..
بـ انتظار المتبقي ..

حلووووووو جدا.
تابعي وحنا متابعين

ممتاززززز صور وتقرير ومعلومات مهمه


الف شكر

يعطيج العافية

يعطيك العافيه معلومات حلوه

...ومتابعينك

يعطيك العافيه تقرير ولا احلى

متابعين للنهايه

السلام عليكم ورحمة الله وبركاته

اولا
من الجميل ومن العلم ان تعلق على الصور والمناظر في التقرير
وانتي اجدتي ذلك وافدتي غيرك ومنهم انا
والله يستر من تقريري اللي مادري متى اسويه وايش اعلق عليه لاني كنت هائم لااعلم ماهي الاماكن وماهي القصور
وماهي التماثيل والخ الا ماذكر في دليل رجل شرقي بارك الله فيه

ارى في صورك ابداع ولمسة رائعة
الى الامام ووفقك الله

وبالنسبة لي رجعت من السفر والحمدلله ومستعدون لشهر الخير والبركات
اعاده الله علينا وعليكم باليسر والبركات

تقرير حلو



القروب السياحي فكره جيده الصراحه .. بس ما تناسب الكل



سجلينى متابع

[color="Purple"]يعطيك العافيه اختي احلى من القعد ...:101:
استمتعنا بزيارة القصر والحديقه ....ونهر الدانوب ...:24:
بس ورى ماصورتي العشاء :110:

فكرة حلوه القروبات بس ياليت تحددين 9600 ريال قيمة الرحلة كلها مع التذاكر ولا من دون ؟

بداية جديدة من نوعها

يعطيك العافيه

وفي انتظار البقية

رحله حلوه .. احس انكم استمتعتوا ..احب الاماكن التاريخيه

غرور الكون ...

ياهلا ومرحبا فيج ... وشكرا لمرورج ومتابعتج ..


mbc54321


شكرا على مرورك ومتابعتك وخلك معانا


bo_aziz76

العفو وياهلا وسهلا .. وخلك متابع للنهايه

il Bambini

الله يعافيك ياحلو

°¨·.‏_ღ_‏.·¨°

شكرا على متابعتج ياعسل

فـيـصــــل

انت متابع خمس نجوم .. يعطيك العافيه وشكرا على المتابعه ..

مهاجر الاحزان

متابعتك ووجودك يسرني ..

اتاااااوي

الحمدالله على السلامه وهاي فايدة المرشدين السياحيين يزودونك بالمعلومات الي تزيد معرفتك ومعلوماتك .. تابعنا وفالك طيب ..

ام ريوف

يااهلين وسهلين ... ومرحبتين خلج متابعه وان شاء الله تنسرين

no nick

صح كلامك القروب السياحي مايناسب الكل وبالذات الي عندهم اطفال ... ويعطيك العافيه على المتابعه

سارووونه

العشى ماصورته كنت مستحيه اصور جدام القروب اخاف يقولون متخرعه او يابانيه كلشي تصور . بس عقب ماطاحت الميانه ماخليت شي ماصورته حتى البيبسي تابعي وبتشوفين كل مالذ وطاب

مفتون السفر

هلا اخوي .. قيمة الرحلة فقط بدون التذكرة وبدون الرحلات الاضافيه .. خلك متابع ..

ملكة الليل*

يا اهلا وسهلا فيج .. وان شاء الله البقيه تنال على رضاج ..

°¨·.‏_ღ_‏.·¨°

ولكم باك ... انا بعد احب الاماكن التاريخيه والصراحه استمتعنا وااايد واااايد كانت تجربه مميزه

متابع التقرير للنهايه انشاءالله

ماشاءالله صور ومنطقه جميله تسلم الايادي

وعن موضوع الخليج العربي مو موجود بالبوصله هذا شي يزعل ليش احنا شنو ناقصنا !!!!

رحلة جميلة
وتقرير كعادتك أختي أحلى من العقد (:
رائع
متعودين منك الروعة

بس القروووب كلش موووب شي
شياب وعجز
احس كل واحد شنطة دواه على كتفه (:


عوووش
هالسنة القروووب الخاص ناقص (؛
مافيه الا 3 نفــر بس

سلمي على عبود (:



وتابعي ....
نحن هنا بالأنتظاااااااااااااااار.....

السلام عليكم ورحمة الله وبركاتة

من أجمل ما رأيت هاذا التقرير المميز

وسرد الجميل الله يعطيـــــك الف الف عافية

على كل هاذا لأبداع لي أكثر من رائع وجميـــل

كملي متابعيــــــــــــن معاك...

تحياتــــــــــــــــــي....

يعطيكي ربي الف الف عاااافيه.

شفتي كيف استفدناااااا ... هذي اول مره اسمع بامبراطورية بركوسلافيا


والظاهر انكم اول عرب يزورون هذي الدوله ( ... كشخه ... )






منكم نستفيد جدااا

مستمتعه بقراءة تقريرك المميز ..



يعطيك الف عافية عزيزتي

له له يا عيوش بلشتي بتقريرك من وراييييي(

وانا كل يوم ئول ايمتى عيوش حتحكيلي عن سفرتها

مميزة وراااائعة كالعادة وسجليلي اسمي معك متابعة


سؤال شو اخبار الشوكولاتة يا سوبرمان

ما شاء الله .. تقرير جميل ... و صراحة شجعتنيا على السفر مع الجروبات السياحية

بس نبغي معلومات عن السعر ؟

انتم تعتبرون مستكشفين لانني اول مره اسمع بهذه الدوله و منكم نستفيد ثلاثه نفر تابعي نحن ننتظر:106::106:

il Bambini


هي فعلا بروكسلافيا بلدة هادئة جدا جدا جدا ... تابعنا و مبارك عليك الشهر ...

bo_aziz76

فعلا الخليج مو موجود بالخريطة لانه ماله تاريخ معروف بالنسبة لهم ... فتاريخنا احنا نعرفه بس هم مايعرفونه ولاتنسى ان الفرس سابقاً كانت مملكتهم ممتدة في الخليج كله فأظن فارس شاملة الخليج في البوصلة والله اعلم .. مبارك عليك الشهر ...

خوالي أسبان

ايوالله القروب ناقص بس 3 نفر خفاف تحسنا ... اما بالنسبة للشياب .. تراهم اصح مني ومنك ... محد شايب الا انت وانا لو تشوفهم تقول في قلبك ماشاء الله ياريت لو شيابنا مثلهم ... بس والله حليوين ودمهم خفيف ومايسوون حركات فيها قلة ادب يعني بالعربي مسنعين ويستحون ومافيهم اشواق ومشاعر زايده عن حدها :108: و بس ممنوع اتكلم اكثر ... مبارك عليك الشهر وتابعنا ...


sad22090


الله يسلمك ياسعد .. وخلك متابع ومبارك عليك الشهر ..


غردينيا

فديتج الغردينيا شرفتينا بحظورج بطرش لج الحين موقعهم على النت .. ومبارك عليج الشهر ..


mbc54321

فعلا الظاهر احنا اول عرب نروح اهناك والله اعلم .. اشكرك على متابعتك ومبارك عليك الشهر


mzoon

الله يعافيج .... ومبروك عليج الشهر .. وخلج مدافعة

target1

اهلين شوشو حبيبتي سووووري جل من لايسهوووو نسيت اخبرج بس ماعليج الشوكولا ناطرتج بس علبه صغيره :101:

Al-Mustabsher

والله يالمستبشر ترا انا وااااااااااااااايد حبيت القروبات وقررت ان شاءالله اكرر التجربه دايما الواحد صج صج صج يستفيد والاسعار في بادئ الامر بتحسها عاليه لكن لين تحسبها بمخك صح تشوف انك انت الكسبان ..ومبارك عليك الشهر

عاشقة جميرا

اشكرج على المرور وخليج متابعتنا ... و مبروك عليج الشهر

احس ان اليوم اللي قبله استانستوا كثر .. هع هع

يعطيك العافيه على التقرير الممتع وفي انتظار المزيد

ماشاء الله

تقرير ولا اروووع من كاتبه قـديـرة

أسمحي لي بحجز مقعد بين المشاهدين

فالج طيب

ننتظر البقيه

تسلم الايادي وعساج على القوه

اللهم لاحسد
تقريرك مفصل ودقيق جدا
لدرجة خلاني اهون عن تكملة تقريري


عن فندق سالزبرغ Best Western Stieglbru

سيء للغايه
لو بس الازعاج الحاصل
من مسار القطار المواجه للفندق


عن الكنيسة في ميلك اسمها
كنيسة الطائفة الباريشية
Parish Church



متابع الى اخر رمق.

موضوعك ماكن جميل
بلا احل من الريع
سجليني من المتبعين

°¨·.‏_ღ_‏.·¨°

هلا اختي .. عاد اتصدقين ان كل يوم كان يوم مميز ويوم ممتع .. يمكن الصور ماتبين المشاعر ... بس كانت الايام كلها ممتعه والضحك ماكان يفارقنا والحمدلله ..


الراايق


ياهلا وسهلا بالراايق ... وحياك الله الحين وكل حين


mbc54321

الله يعافيك الرحلة النهرية كانت قرابت الساعتين اذا انا مب غلطانه بصراحة مب متذكره بالضبط

bo_aziz76

الله يقويك ويااهلا وسهلا فيك .. بو عزيز


صخب الحياة

شكرا على متابعتك وردك وماقصرت


من بقايا الامس

اهلا وسهلا فيك لاتوقف تقريرك ولا شي بالعكس كمل لان في اشياء انت سويتها انا ماسويتها والعكس صحيح .. وبخصوص فندق بست ويسترن انا من حظي الحلو كانت غرفتي غير مطله عالشارع فماكان فيه ازعاج ابدا ابدا ابدا




00000000000000000000000000000000000000000


وشكرا لكم جميعا على متابعتكم وسمحولي عالتأخير واليوم ماراح اكتب التكمله وان شاء الله بكره تشوفون التكمله فمازال للحديث بقية

الرحله البحريه شكلها حلو .. و الاحلى الجو

ليته جونا كان مثل جوهم

بالنسبه للقروب ... لازم الكل يتعشا مع بعض ؟؟ ولا عادى كل واحد براسه

قرم القروم

يامرحبا ومسهلا فيك في اي وقت واي حين ... و مكانك موجود ...:101:


no nick


اهلين خوي نو نك .. بخضوص العشا لا مب لازم تاكل مع الكل .. بس اذا كان الرحلة شاملة عشاء او في رحلة لتذوق اكل البلد ... ففي الاغلب تكون مع القروب بس اذا انت حاب تاكل بروحك عادي محد بيقولك لازم تاكل معانا :101: تبي الصج اول يوم تعشينا فيه مع القروب كنا مستحيين شوي .. وثاني مره شوي راح الحياء و المره الثالثه طاحت الميانه .. اما المره الرابعه فكان العشاء احلى مع الجماعة لين تسمع سوالفهم ويسمعون سوالفك وتسالهم عن بلدهم ويسألونك عن ثقافتك وبلادك .. وغير تبادل النكت الجماعيه والتقاط الصور الجماعيه ... ترا وناااسه والجمعه حلوه

الحمدلله عالسلامة اختي ،، ماشاءالله تقرير روعة وممتع .. موفقين ،،

وناااسه

والحمدالله لحقتوا على الباص وحاسبوا المره الجايه

وفي انتظار البقيه

والله معلومات وصور قيمه

بارك الله فيج وفي انتظار باقي التقرير ان شاءالله

بيمو

يااهلا وسهلا وسررنا بوجودك

°¨·.‏_ღ_‏.·¨°

يااهلا وسهلا والبقيه في الطريق

bo_aziz76

شكرا على متابعتك وانتظر القادم

من بقايا الامس

عيل فاتتك معلومات حلوه ... هالمره حاول تنسق بين التصوير وبين الانتباه للمرشد او المرشده ...بس انتو الرياييل هاي طبيعتكم ماتقدرون تركزون على شيئين في نفس الوقت اما احنا الحريم فالله ماعطنا القدره على عمل شيئين في آآن واحد

Al-Samel

تجربت القروب تجربه حلوه ومفيده جدا .. بس اذا انت من النوع الكسول الي ماتحب تقوم بوقت معين و تحب الركاده والكسل .. فماراح تستانس مع القروب ... لازم تحط في بالك ان القروب يعني نشاط × نشاط بس تجربه راائعه

الله يعطيج العافية
تقرير يزاد جمالا من بعد تقرير اسبانيا والمغرب والبرتغال الرائعين

دمتي بود....,,,

احلى من العقد

الحمدلله على السلامة..


بخصوص الصور هههههه ... كسرت خاطري اللي تركت عيالها ..

بس ام الوردي عجيبه هههههههههههههههههههههههههههه

والأحلى العائلة الهندية ...ههههههههههههههه

الدوبي .. ههههههههههههههههههههههههه كسر خاطري

الفندق & الشارعالحديقه= نااااايس

قصر شنبرن حلوو احلى شي اللي يبيع الأيس شكله لزيز ..

المطعم شكله واااااااااااااااايد حلو

بروكسلافيا.. حبيت سالفة ام الربيان :109:

الكنيسة الثانية فضييييييييييعه وايد حلوه

الباستا شكلها لزيز :110:

ننتظر البقيه

il Bambini

متابعتك لتقاريري تشرفني واهلا وسهلا فيك بكل وقت و خلك معاي لنهاية التقرير

نواااري~


ياحي الله من يانا ... نورتي الموضوع اكثر من ماهو منور بالاعضاء الي فيه .... خلج متابعه واحنا الحين خلصنا النمسا وطرررررررررررررررنا سويسرا الحلوه

ماشاء الله

روعة بتقريرك وطرحك

تقرير مميز واسلوب اكثر من جميل

امتعني التقرير لكي الشكر

تقرير روعه الله يعطيك العافية