الموضوع: ممكن خطه كامله لدبي في أيام؟؟؟

السلام عليكم ورحمة الله وبركاته
مساء الخير للجميع
أولا: أتشرف بأني أول مره أشارك في هذا المنتدى الأكثر من رائع واللي أستفدت منه كثير خلال سفراتي القليله وللأسف لم أشارك من قبل لعدم تفرغي.

ثانيا:أتشرف أن تكون أول مشاركه لي عن دولة الإمارات العربيه الحبيبه.

وأخيرا: أحبائي أنا ناوي بأذن الله أسافر إلى دبي لأول مره لمدة 4 أيام من 9 حتى 13 فبراير 2010 وياليتها كانت أطول لكن........
المهم أبغى من أهل التجربه والخبره ولاتهونون خطه كامله تشمل

السكن (ويكون سعر معقول)+الأماكن السياحيه المهمه+المطاعم+الترفيه+أفضل طريقه للمواصلات (أستأجر سياره أو أروح على التاكسي أو المترو أو.....)

مواضيع عشوائيه ممكن تكون تعجبك اخترناها لك:

• مســاكم الله بالخير
• مهرجان دبي للتسوق يرفع إشغال فنادق الإمارة إلى
• اوت لت دبي موقعه و هل ارخص من المحلات؟
• مبروك التميز
• رايكم في فندق غلوريا
• من يدلني طريق دبي الفجيره؟
• سياحة دبي أفضل وجهة سياحية عربية في بورصة السياحة العالمية
• طيران الإمارات تنفق مليون درهم لإنشاء صالات انتظار
• محتار بين سها واوسيس
• فزعه من اهل الامارات بأسرع وقت
• احتاج فزعتكم يا خبراء دبي
• مهرجان تل الساد حيث تلتقي الرياضة والاثارة
• سكن أقتصادي بالشارقة أودبي
• فزعتكم يااخوان
• ايام عسل في دبي
• كيدز فيست
• عزاب إلى الأمارات
• مساعدة
• استفسار عن قطع غيار الرنج روفر
• استفسارات ‘

المشاركة الأصلية كتبت بواسطة ali travel
http://www.arabtravelersforum.com/tr...5/#post3443205

بعد اذنك بضيفك لك رحلتي الأسبوع الماضي مشيت من الشرقية فجر الخميس ورجعت للشرقية فجر الخميس

اليوم الأول
الأمارات مول والحديقة الثلجية انصحك تشتري قفاز والا تجيب معاك علشان ماتدفع القيمة وتغديت في نفس المول وتعشيت في نفس المول وجلست في احد الكافيهات وتحديدا مقابل هوم سنتر .

اليوم الثاني
دبي مول وتغديت هناك " مطعم حاتم " وزرت فيه الأكواريوم ونفق الأكواريوم النفق في نظري مايسوى تدخله" قدامهم محل حلويات مو طبيعي " وحديقة الأستكشاف في الدور الثاني وزرت سوق البحار وشفت النافورة وبعدها رحت الى وافي سنتر " نهائيا ماارتحت فيه نفسياً!! ماادري وش الحكمة من الموسيقى المزعجة " ولايسوى الروحة له .. واذكر اني طلعت منه ورحت الى لامسي بلازا وتعشيت هناك من صب واي

اليوم الثالث
زرت ميركاتو وتغديت هناك ومن بعده برج العرب والجميرة بيتش ووايلد وادي " من برى " وبعدها الى اطلنطس وشفت الأكواريوم " افخم من دبي مول بنظري " وركبت الميترو حق النخلة روحة ورجعة بـ 25 للشخص الواحد وبعدها رحت الى سوق جميرا التراثي وركبت العبرة وبعدها رحت الى ابن بطوطة وتعشيت هناك وبعدها الى الممشى ومرسى دبي

اليوم الرابع
توجهت الى سيتي سنتر وتغديت هناك وطلعت من هناك الى حديقة الممزر " بالنهار احلى وكأنك في جنة " وبعدها رحت الى الشندغة وزرت قرية التراث وبيت الشيخ سعيد وبيت جمعة واخوه بن ماجد وبعدها رحت الى سفينة البوم يـــــــــــــــــــــــــالله اتعب وانا اقول كيف ارتحت نفسيا هناك وتعشيت هناك الشخص الواحد بــ 176 الرحلة الثانية من 10:30 الى 12:30 والأسعار موحدة في الرحلتين وبعدين رحت الى " مركز القبائل للتخفيضات " انصحك بزيارته تراه قريب بالمرة من حمر عين

اليوم الخامس
زرت الآوت ليت وتغديت هناك من صب واي وبعدها الى السوق الصيني "في نظري يستاهل الزيارة والدعوة كلها على المكاسر اذا انت فنان مكاسر انت الرابح على طول اقلها انك بتشوف حاجات هناك مااتوقع بتلقاها في السوق السعودي .. وجهة نظري الخاصة " وبعدها الى الفيستفال سيتي واخذت لفة سريعة فيه وركبت العبرة " الركوب مجاني " بالمناسبة نهائياً لم ارتاح في السوق بصراحة السوق كله اغاني في اغاني ماادري وش الهدف !!
وبعدين رحت الى سوق الكرامة سوق شعبي حليو للشغلات التذكارية " كريستالات وتحف " واللبس مو ذاك الزود " طبعاً تقييم المدام وبعدين مريت على مركز القبائل للتخفيضات للمرة الثانية فيه شغلات مرررررة حلوة تقييمنا جميع

اليوم السادس
رحت الى سوق نايف " القديم هدّوه ويبنون واحد جديد مكانه " ومرينا مركز المنال مقابل له " كأنه الخبر بلاز في الشرقية " ماتقضينا هناك ضايق الوقت لأني حاجز في الباص البرمائي وعلى طول رحت الى برجمان ودفعت الفلوس وطلعت فوق وتغديت عند برجر كنج " الله يديم النعمة " وبعد ماخلصنا من الباص البرمائي رجعنا الأسواق الشعبية طبعا كلها حوالي بعض " شارع نايف + مركز المنال + البناية الكويتية + سوق الوصل + سوق الكرامة + سوق ميترو او سينترو " تقييم المدام في الأقمشة والأكسسوارات البناية الكويتية اطلق شيء واسعار رخيصة " الشاهد من الكلام انه اذا قال لك 20 قول له لا 10 وهكذا خلك مصمل على المكاسر

اليوم السابع
بعد ماقمنا من النوم رحت الى تايمز سكوير وتغديت من صب واي " والله اني رفعت ارباحهم بشيء خيالي وبعدها رحت الى المقهى الثلجي تجربة حلوة بالمرة وبعدها المدام طلبتني اروح لسوق الكرامة علشان قطعتين تبيهم ولأجل عين تكرم مدينة وبعدها مرينا للمرة الثانية لامسي بلازا وبعدها واحنا طالعين مرينا على " لولو هايبر ماركت" هذا بيفتح بعد بكرة فرعه في الخبر على شارع الملك فهد ... هذا الهايبر ماركت كذا دور بس دور الملابس حقه قويييييييييي من جد انصح بزيارته للي يبي ملابس مو غالية وكشخة " موقع على شارع ام سقيم جنب الأمارات مول

طلعت من هناك الساعة 10:30 مساء ماقالت الساعة 5:30 الا انا فاتح باب البيت

مااعتقد بقى شيء شطبت الدنيا كلها

ادري اني طولت ولكن علشان تشوف اللي رحت له انا وتقارن وهل يكفي الوقت والا لأ؟

انا اخذت شهرين علشان اهندس الأماكن هندسة على جدولي


اخوك ابو طلال




هذا رد لي سابق ... وبضيف عليه انك تقدر تشيل اللي مايجوز لك في الجدول وعندك الأشياء الأضافية اللي اذكرها في الفترة اللي انت بتروح فيها ... القرية العالمية

وحاضرين لأي سؤال

صحيح نسيت اقول اني سكنت في شقق روز جاردن في منطقة البرشاء ... شقق حلوة وقريبة من اغلب المناطق

اليوم الأول والثاني والثالث كلها حوالي الشقق ابعد مشوار كان 10 دقايق

الله يعطيك العافيه Ali travel
طيب ممكن تعطيني رقم للشقق أو موقعهم على النت
وبالنسبه للمواصلات ممكن تفيدني أكثر؟؟؟؟

شاكر ومقدر

تفضل يابوسارة هذا موقعهم

http://www.rosegardenuae.com/

Tel: +971 4 3234999Fax: +971 4 3234546

وفيه عروض بتلقاها عند عرب لينك

http://www.arabtravelersforum.com/travel261429/

او في موقع بوكنج ... وبخصوص تعامل الموظفين هناك فبكل صراحة قممممممممة في الأحترام والتعامل والشهادة لله اسرع تشك ان في حياتي جربته ولا اخذ معاي حتى 3 دقايق

بخصوص المواصلات انا رحت بسيارتي فعلشان كذا ماشلت همها ... واذا انت ناوي تجي بطيارة فأفضل لك بكثيييييير انك تستأجر خاصة اذا كان السيارة فيها جارمن او عندك انت علشان ماتضيع .. ولأن التكاسي بتشفط منك فلوس بشيء مو طبيعي العداد يفتح على 5 دراهم او 7 !!!

تقد تأخذ لفة على مواضيع الأخوان وتقاريرهم وتستفيد اكثر واكثر .

وحاضرين يابوسارة لأي ياحلو

اخوك / ابوطلال

افضل شقق فندقيه وحلوه
ومن تجربه روز جاردن وتقدر اتشوف الغرف فى موقع بوكينج
وزياده على الاماكن الى اذكروها
عندك جى بى ار ألى هو الممشى فى المارينا وهو عباره عن مجموعه
مطاعم وكافيهات واذا مازرته ولا كأنك رايح دبى والجو راح اكون روعه
وبعد مارينا ووك مكان جدا رائع فيه مطاعم وكافيهات اقفلون الساعه2 ليلا
ومدينه الجميرا فى فندق ميناء السلام مكان حلو وتقدر تاخذ القوارب المائيه واتمشى
وافضل المولات
فيستيفال دبى
الامارات مول
ودبى مول
وبالنسبه للتاكسى انا اشوف انه افضل لك لأن المده قصيره وجرب المترو
وسلامتك

و ماذا عن فندق اويسس ؟؟؟؟؟؟

السلام عليكم
بس حبيت أساك اخوي علي
انا راح اكون في دبي قريبا تنصحني اخلي الاوتلت و السوق الصيني بنفس اليوم يعني قريبين من بعض ؟؟؟
و شكرا

المشاركة الأصلية كتبت بواسطة bush-bush
http://www.arabtravelersforum.com/tr...3/#post3514183

السلام عليكم
بس حبيت أساك اخوي علي
انا راح اكون في دبي قريبا تنصحني اخلي الاوتلت و السوق الصيني بنفس اليوم يعني قريبين من بعض ؟؟؟
و شكرا




اخي الكريم

بالنسبة للآوتليت والصيني اشوف انه قريبين من بعض وكان المشوار بينهم في حدود الربع ساعة مع العلم انه انا كان معاي قارمن وهو اللي بعد الله سهّل علي كل المشاوير

انصحك تستأجر سيارة لان الكيلوات في دبي مفتوحة ماهي مثل عندنا بالسعودية يعني ياحبيبي تلف الامارات ماحد يقول ادفع فرق الكيلوات
وبعدين دبي ماهي صعبة اول ماتطلع من المطار امسك مخرج ابو ظبي وتوكل على الله بعدين تبي تدخل شارع الشيخ زايد ومن هالشارع تبي تشوف اللوحات يعني Go ahead.

وعليكم السلام ورحمة الله وبركاته

السكن بسعر مناسب

http://www.arabtravelersforum.com/travel343012/





- يفضل اتأجر سيارة أفضل وأوفر من التاكسي.... الأمور سهلة إن شاء الله اللوحات الإرشادية في كل الطرق.




-أماكن سياحية:

**القرية العالمية تستحق الزيارة ( على شارع الإمارات)....
عبارة عن عدة قرى من دول العالم ( لبنان / سوريا / الكويت / تايلند / الهند / السعودية / تركيا .... الخ )
وملاهي + مطاعم .

تفتح الساعة 4 عصراً
ويفضل اخذ جاكيت للأطفال لأن المكان مفتوح



**قرية التراث والغوص تكون فيها فعاليات حلوة تراثية فتره المهرجان، والأفضل تاخذوون بروشور فعاليات المهرجان من المطار أو موقعهم على الإنترنت.



**حديقة زعبيل ....مقسمه لقسميين وفيها 7 بوابات.
بوابة 4 فيها بوابة النجوم ... يتكون من 3 أدوار وفيه مطاعم وألعاب للأطفال.
بوابة 3 قطار لأخذ جولة فالحديقة.
بوابة 2 فيها دارجات وقوارب.



**اكويريم دبي مول + الألعاب + النافورة الراقصة


**سكي دبي-الحديقة الثلجية في الإمارات مول+ الألعاب



**مطاعم سوق جميرا



** the walk الممشى


**فندق اتلانتس



ولعديد من الأماكن السياحية فالرابط:

http://www.arabtravelersforum.com/travel326333/




اي سؤال ثاني نحن حاظرين





.

شكرا لك أخت بنوتة الامارات على الافادة

حلو البرنامج صراحه باحفظه للحاجه

الله يعافيكم

السلام عليكم

خطتك مره خطيره وشكلها ممتعه Ali travel (ابو طلال)

بس هالرحله كم كلفتك؟؟

وين سكنت ؟؟

وتبدأ تطلع من الساعه كم والى متى تستمر رحلاتك اليوميه

أفيديني الله يسعدك

جاري حفظ البرامج اللي ذكرت...
وسفرة موفقه لصاحب الموضوع

قرناس
الله يعافيك ياخوي حاضرين للحلوين

عروسة نيو

السلام عليكم

وعليكم السلام ورحمة الله وبركاته
خطتك مره خطيره وشكلها ممتعه Ali travel (ابو طلال)
الحمدلله اولا واخيرا كانت ممتعة ووناسة
بس هالرحله كم كلفتك؟؟
بصراحة وبلا مبالغة اقل من 6000 ريال سعودي
وين سكنت ؟؟
شقق روز قاردن في البرشاء
وتبدأ تطلع من الساعه كم والى متى تستمر رحلاتك اليوميه
طلعاتي اذا تأخرت بالكثير الساعة 1 الظهر ولا ارجع الا الساعة 11:30 او 12 وبعض المرات بعد ال 12 بالليل

أفيديني الله يسعدك

الله يسعدنا وياك دنيا وآخرة

بجد رووووووووووووووعه

يعطيك الف عافيه ع إفادتي

بجد بجد انبسطت انها ما تكلف كثير

الله يعطيك الف الف عافيه

ماقصرت اخوي

Ali travel
ماشاء الله تفصيلك جدا حلو وسفرتك جدا ممتعه والميزانيه حلوه بس الاسواق مو غاليه ....؟؟
وايش افضل سوق يستحق الزياره بوجهة نظرك ونظر المدآم ..!!

, ياليت تقدر تساعدني هنآآ .. والله يجزاك خير ويعطيك العافيه .. والف شكر

http://www.arabtravelersforum.com/travel345153/