المشاركة الأصلية كتبت بواسطة هلستون فـراولة
http://www.arabtravelersforum.com/tr...9/#post2316221
السلام عليكم ورحمة الله وبركاتة ،،،
ابشركم وصلني قبول من جامعة ليدز ماجستير في تخصص (Engineering Project Management).
سؤالي لاصحاب الخبره ومن سبق لهم الدراسه في الجامعه وفي نفس التخصص كيف وضع الجامعه من ناحية الدراسه والتسهيلات الي فيها وطريقه الدراسه سهولتها صعوبتها؟؟ فيها نادي رياضي مافيها ؟؟ واذا فيه احد درس فيها في نفس التخصص يا ليت يفيدني؟
بالنسبه لدراسة اللغه وش تنصحوني فيه ادرس في معهد الجامعه ولا اذا فيه معاهد ثانيه يكون فيهاا العرب اقل وبالنفس الوقت تكون كويسه ومعتمده ؟؟
ارجوووووكم يا خوان تراني محتاج فزعتكم وتزويدي بالمعلومات خاصه من لهم تجربه في الجامعه وفي نفس التخصص.
والله يوفك الجميع لما يحبه ويرضاه في هذا الشهر الكريم وكل عام وانتم بخير
محبكم
هلستون فراولة[/SIZE]
مبروك....
اعتقد انه قبولك للدراسه الاكاديميه لسنة 2009 ((بما انه مشروط الايلس))
نفس القبول الي معاي بس بختلاف التخصص..
شوف طويل العمر انا بفيدك بالي اعرفه لانه حالي من حالك (( من سال ما ضاع ))
بالنسبه لدراسة اللغه افادوني ذوي الخبره انه يوجد في ليدز معهدين قويين معروفين... في غيرهم طبعاا
المعهد الاول اسمه ((مدرسة اللغه)) وهذا للمبتدئين يعني الي ميح بالانجليزي اعتقد اسمه معهد بوبي
المعهد الثاني((معهد ليدز للغه )) وهذا تابع الجامعه وهذا مايقبل الا الي عنده
لغه نص ونص يعني يمشي حاله ((معدي المبتدئ)) ويقولك انه هالمعهد عنده امكانيات كبيره
تساعد على تطوير اللغه... وسبب انه المعهد ما يقبل الي ميح باللغه يرجع لانه هالمعهد يدرس اللغه
الاكاديميه الي تساعد طلبة الماستر والدكتوراه في برنامج دراستهم...
ومعهد الجامعه عطوني قبول بسبب اني دزيت لهم شهاده من البرتش كانسل تثبت اني معدي المبتدئ
واتمنى الاخوان يفيدونك وعلى راسهم الاخ مولبورن خبير الخبرا الي مايقصر مع الكل ولا هنوا باقي الاعضاء
المفضلات