الموضوع: المالديف ولا سيشل ولا موريشوس ولا ولا وحدة منهم ؟؟محتارة ساعدوني

السلام عليكم ورحمة الله وبركاته ,,


المالديف ولا سيشل ولا موريشوس ولا ولا وحدة منهم *_* ؟؟,,محتارة ساعدوني :114:

:surf

اخواني واخواتي اعضاء منتدى العرب المسافرون أريد المساعدة والمشورة منكم في هالموضوع ..


أنا مقبلة على الزواج و الوالد الله يحفظه يبي يتكفل بمصاريف السفر في شهر العسل وهذه راح تكون كهدية منه لي (لزوم مايضيق على ابو الشباب بمصاريف زايدة هع)..

المهم هو قال لي اختاري الدولة اللي تعجبك ونظمي لك جدول للرحلة وانا أعطيك كل المصاريف اللي تحتاجينها ..

وأثناء السواليف مع أحد القريبات نصحتني إن السفر يكون لدولة هادية ورومانسية وقراشيعها مو كثيرة ..


ومن خلال البحث لقيت المالديف وطحت على سيشل و موريشوس واحترت بين الثلاث ..وبنفس الوقت فكرت اني اخلي هالسفرة لبعد اشهر من الزواج وتكون رحلة شهر العسل داخل السعودية او الامارات ..

يعني بالعربي الفصيح انا مشتتة مب عارفة وش اختار ..و لااقدر اشاور زوج المستقبل :106: لأن الرحلة بتكون مفاجئة ماراح يعرف عنها الا اذا قرب موعد الزواج ..


طلبتكم شوروا علي ..لأن الحيرة تقتل ..

بانتظار آرائكم ..

مواضيع عشوائيه ممكن تكون تعجبك اخترناها لك:

• نصيحه بخصوص فنادق المالديف
• الحمدلله على السلامة توني جاي من بلد السكر والابتسامه
• ساعدوني بخصوص المالديف
• اهم جـزر المالديف موريشيوس بوكيت
• الجو في موريشيوس صيف ولا شتاء
• ماهي أفضل فنادق جزر المالديف ؟
• بسم الله نبدأ في بوابة الجزرأول استفسار
• ابي معلمات عن جزيرة بوراكي
• سؤال مهم جدا عن المالديف
• أبحث عن شركات للنقل بموريشيوس
• كم سعر فندق الفور سيزون والهلتون في المالديف
• الاماكن السياحية ضمن موريشيوس
• ياخبراء المالديف رشحولي واحد من الاثنين
• شهر العسل لموريشوس في م
• ايش افضل المالديف او موريشيوس
• رحلتي الثانيه الى جزر المالديف منتجع جميرا ديفانافوشي
• أغلى عشر جزر خاصة
• طلب من مشرفنا الغالي
• خبراء موريشيوس اذا ما عليكم امر ممكن
• الحيرة في موريشيس

بارك الله لك وبارك عليك وجمع بينكما في خير

من رايي تجمعين مابين المالديف و دبي وهي الاحلى

او موريسش ودبي

دمت بود

توكلي على الله وروحي موريشوس وماراح تندمي على العموم الوجهات الثلاث جميله ولكني افضل موريشوس

شوفي وانا اختك قبل لا اجاوب على اسئلتك حاولي بالبدايه تعرفين زوج المستقبل وش رأية طبعا بما انها مفاجأة فطبعا تستخدمين اسلوب ذكي عشان تعرفين رأية مثلا تحاولين تسحبين منة معلومات عن الدول الي نفسة يروحها الدول الي مايحبها او انك تطرين الجزر والمالديف وان فلانة راحت او تبي تروحها المهم تكونين صورة واضحة عن تفكيرة والاشياء الي يحبها لان ممكن الجزر ما يحبها او موب متقبلها اساسا بعدها تقريرين برنامج شهر العسل وحنا بنساعدك ان شاء الله ......
الله يوفقكم ويخليلك الوالد ويحفظة الله يطول بعمرة

اختي الله يتمم لكم زواجكم على خير ويطرح بينكم مودة ورحمة

ثاني شي اذا الوالد ميزانيتة للسفرة مفتوحة فانا انصحك بسيشل والسبب حسب ماقريت عنها انها افضل الشواطيء بالعالم والثاني انه نادرا محد راح لها وحلو ان شهر العسل يكون مميز بديرة محد راحلها بس تراها غالية حييييييييييل


اذا مانتي حابة تكلفي علية وااااااجد جزر المالديف :24:


على فكرة انا مارحت ولا وحدة :110: منهم بس الله يخلي لنا المسافرون العرب


cc: ابو عزيز ياويلك من بنات السعودية :11ight: :109:

روحي المالديف .. منتجعاتها افضل و افخم لشهر العسل من موريشيوس .. اما سيشل ما اقدر احكم عليها..

سيري دبي + المالديف لشهر العسل

والله يوفقج ويبارك لكم ويجكمع بينكم على خير يا رب

بصراحه إذا الميزانيه حلوه و السفر بالصيف ولا وحدة منهم *_* :d

الجاسر الحربي ,,

الله يبارك فيك ..

السفر لدبي مايهمني كثير لأنها بتاكل علي من الميزانية وأنا رايحة لها من قبل 3 مرات ..

جزاك الله خير على مشاركتك لي برأيك ..


ـــــــــــــــــــــــــــــــــــــ
ابو عزيز ..







ممكن تفسرينها ومن وين اصلها (مهتم باللغة العربية ومفرداتها)



هذه من قاموس النجديين :f5: ..

مأخوذه من قرشع يقرشع قرشعةً ..

بصراحة معناها صعب يشرح ..
لكن المقصود هنا ان أسواقها والأماكن اللي تنزار فيها قليلة ..
لأن الواحد يحط في باله انه اذا سافر لدولة ممكن تكون هذه أول سفرة وآخر سفرة لهذه الدولة فيحاول يزور كل أو معظم الأماكن اللي تتميز فيها هذه الدولة ..






الله يتمم عليكم ويجعل حياتكم كلها عسل



آمين يارب ..






اول شيء اختي اذا انتي حابه نشاركك التفكير لابد ان توضحين لنا شغلتين او ثلاث

اول شي متى ان شاء الله السفر



السفر بيكون تقريباً بنهاية يوليو على بداية أغسطس ..







الشي الثاني البابا الله يحفظه ويطول بعمره كم تقريبا حاط ميزانية للسفره (تقريبي 100 او 150 او 200 الف) احس احد بيصكني بشي



هئ http://www.s77.com/index.php?t=smiles
حرام عليك شكلك بتدج بأبوي على هالميزانية ..
بصراحة الميزانية مابين 20 الى 30 ألف ريال ..







الشي الأخير وهو الأهم انه نعرف ماهي طبيعة المسافرين لأن المالديف غير موريشيوس من عدة نواحي طبيعية وجغرافية



وشلون طبيعتنا ؟؟
حنا ناس عاديين عايشين على باب الله :f5:

احم .. ممكن توضيح أكثر للسؤال ..







وممكن تحطين زنجبار وجهة رابعة مع الثلاث اللي ذكرتيهم



أخاف ماتكفي الميزانية ..






توقفت للحظات بعد الساعة اللي وقفتها عند كلمتك اللي فوق

توقفت عند هذه الجملة


اقتباس:
وتكون رحلة شهر العسل داخل السعودية

وبحق وبدون مجاملات

ما شاء الله عليكي قنوعة

"والقناعة كنز لا يفنى"

وهذا شيء نادر ببنات السعودية في الوقت الحاضر




أكيد القناعة كنز لايفنى ..
لكن بصراحة الأهم عندي هو إني إذا رحت أروح وأنا مستانسة ما أبي أروح وأتنكد هناك لأن سبق لي الذهاب لماليزيا من 4 سنوات وشفت أشياء تضحك بين بعض العرسان ..(واحد يهاوش زوجته قدام الخلق وهي تصيح وتشاهق ,,ياحياتي هي رحمتها من قلبي ) ..

وغير كذا كثير من الأقارب ما يأيد السفر للخارج بعد الزواج بعدة أيام (لا أحد يقول ليش ,,لأني أنا نفسي ما أدري وش الحكمة من هالشيء ) وأنا من كلامهم فكرت بهالرأي ..


شكراً لك على مشاركتك ..

ــــــــــــــــــــــــــــــــ
asian eye

أحطها في بالي إن شاء الله ..

مشكور أخوي على ردك ..

[align=center]
أعتقد يا ( مسك الحياة ) إن الرحلة للجزر غير موفقه في شهر عسل ،
إلا إذا كنت إنسانه مختلفه وغير خجوله منهُ ،
وذلك لأن الجزر دايم تكون شهر عسل ثاني أو راحة مابين كل عام ،
وتكون مدتها أربع ايام ، وخصوصآ بعد إنجاب أول طفل ..

ولكن أنتِ تبين شهر عسل ، و رحلة استثنائيّه
وتكون خروجاتها كثيره حتى ( تنطلقوا مع بعض ) ،
ولذلك مع إحترامي .. لا تنفع ولا واحده

ابحثي في التقارير الفرنسيّه ، و الجمال الذي هُناك
وابحثي في البوابه السويسريّه ، وإبداع الخالق ...

وبما أن الرحلة بالصيف حسب ما شفت ،
إذن الجزر لا تنفع غالبآ ..


وهذا ، أرجو لك أن تفهمي هو ماذا يحب
وماذا يريد
وبكل صراحة و تقدير :
أن المرأه هي التي تبحث وتعمل مفاجاه للرجل
هذا بحد ذاته ............ ( شيء تشكرين عليه )
بس أخاف هو بعد مسوي مفاجاه ههه وتروح فلوسكم !
يالله .. الله يوفقكما
[/align]

أسيرة الغربة

هلا بك أختي ..

اممممم والله ما أدري بس هي صعبة شوي حالياً لأن الملكة بعيدة ومافيه تواصل بيننا ..

مشكورة حبيبتي ..

ــــــــــــــــ
شمالي مختلف جدا






اختي الله يتمم لكم زواجكم على خير ويطرح بينكم مودة ورحمة



آمين يارب ..






ثاني شي اذا الوالد ميزانيتة للسفرة مفتوحة فانا انصحك بسيشل والسبب حسب ماقريت عنها انها افضل الشواطيء بالعالم والثاني انه نادرا محد راح لها وحلو ان شهر العسل يكون مميز بديرة محد راحلها بس تراها غالية حييييييييييل


اذا مانتي حابة تكلفي علية وااااااجد جزر المالديف



بصراحة ..
من خلال الكم موضوع اللي قريتهم من هنا اتضح لي عكس اللي قلته ..
يعني المالديف حسب مافهمت انها غالية ..

والميزانية مثل ماتشوف هه شوي شوي وبتكفي ان شاء الله ..


ــــــــــــــــــ

الــسراب

هلا فيك أخوي ..

يعني برأيك المالديف أحلى من تجربتك فيها ..حلو نحط المالديف حالياً برأس القائمة ..






والله يوفقج ويبارك لكم ويجكمع بينكم على خير يا رب



آآآآمين يارب ..

ـــــــــــــــــــــــ

6am 6am

ما أعتقد الميزانية بتوصلنا لأوروبا ..

مشكور على مشاركتك ..


ـــــــــــــ
ابو عزيز مرة أخرى ..

صباح الخيرات

الميزانية

الميزانية ممتازة 30 الف ريال

تكقي بلاكج لموريشيوس أو المالديف او سيشيلس لمدة 7 ايام مع 3 ايام دبي

لكم الخيار بعد ماتحددين التالي

وهو الذي قصدته من سؤالي عن طبيعة المسافرين

اللي قصدته هو ان موريس غير المالديف

موريس فيها طلعات ورحلات خارج حدود الفندق

المالديف وكما ذكرت في اكثر من مناسبة عبارة عن جزر

كل فندق في جزيرة وما في شي تقريبا غير الموجود في الفندق من خدمات



خيار جديد

وهو سويسرا

في الناحية الأخرى سويسرا او اوروبا عموما فيه عرسان يجونها كشهر عسل لكن صراحة انا ما اميل لها كشهر عسل لعدة اسباب




الطقس

الطقس في شهر 7 و8 في موريشيوس أكثر من رائع مافي حر ولا رطوبة انما ربيع وتكون الجزية بابهى حلتها

المالديف وسيشلس بتكون موسم الأمطار




الشعب والنصب

اهل موريس عشت معاه واختلطت معاه اكثر من اي شعب آخر

شعب مايعرف المكر والخداع

شعب طيب بشوش وطيب لأقصى حد

من اول مره سافرت لها عام 81 الى العام الماضي ولم تواجهني اي مشكلة مع الشعب ومع النصب



الخلاصة

برايي الخاص المتواضع وبكل ثقة اقول لك روحي لموريشيوس

وبالعكس شوفي اراء الأعضاء اللي كلهم خير وبركة واللي بعضهم سحبناهم من البوابات الأوروبية ليدلو بدولهم ويردون عليكي

اختيار الفنادق والحجوزات يكون الخطة القامة بإذن الله




ملاحظة

واخيرا نجي للمفردات النجدية (مع اني من الكسيم أونيزاه) وتأثرت كثيرا بجدة وأهلها الطيبين الا اني استعنت بزوجتي (ليست من الرياض لكن عايشة فيها ومختلطة ببناتها) للتحقق من طبيعة معنى كلمتك الجديدة علي وبالفعل توصلت لمعناها امس وتحققت منها من عدة أطراف محايدة


بالنسبة لخاصة التعديل فهي موجودة للعضو حتى ساعة من بعد ارسال الرد

المشرف فقط له صلاحية التعديل في اي وقت بعد ذلك حسب طلب العضو




جمعة مباركة عليكي وعليه

وعلى الجميع بدون إستثناء

والسلام عليكم ورحمة الله بركاته

المشاركة الأصلية كتبت بواسطة 6am 6am
http://www.arabtravelersforum.com/tr...2/#post2679262

في الصيف و لا طوال العام؟

على وقت سفرتها







المشاركة الأصلية كتبت بواسطة مسك الحياة
http://www.arabtravelersforum.com/tr...8/#post2678548



السفر بيكون تقريباً بنهاية يوليو على بداية أغسطس ..



:11ight:

مرحبا مسك

بحسب وضعك وعلى ما فهمت من كلامك انصحك وبقووووه بقبرص

اما بالنسبه للجزر حلوو تكون بعد مرور فتره من الزواج سنه او اكثر


والف مبروك وبالتوفيق ان شاء الله

ما شاء الله تبارك الله

الله يوفقك ويجمع بينكم في خير

الله يسعدكم ويخليلك زوجك ... و والدك

الحقيقه وين تلقى خال زي كذا ........ اللهم بارك لهم واحفظهم واسعدهم .... امين

والله يا أختي نصيحتي لك تاخذين رأي زوجك بالمفاجأة قبل تسوينها يمكن الرجال له وجهة نظر تختلف عنك و يمكن يكون فيها إحراج له ويسبب موقف سلبي تجاهه تتصاعد مع الوقت لسلبيات أكبر

أدري أني نكدت عليك معليش أختي بس هذي نصيحة والحياة الزوجية تتطلب مراعاة كل الأمور المتعلقة بالطرفين و المفاجآت اللي مثل كذا لاحقين عليها بعد ماتعرفون بعض وش اللي يزعلكم ويفرحكم


عسى الله يوفقكم ويجمع بينكم على خير

l مرحبا اختييييييييي اول شي الف مبروك مفدما ثاني شي انصحككككككككككككك وبشده اتسيرين مالديف وبالخصوص فندق باروسسسسسسس لانه يصنف احسن فندق للي ساسيرين شهر العسل والاسترخاءءءء وليد بتستانسون انا رحتها لااكتوبر الماضيي انا وام طلال والوالد والوالده روعه المالديف وصدقني اذا رحتها ما بيهون عليج ما تردين لها مره ثانيه وبعدها ممكن اتسيرون لالالا سنغابور المسافه من مالديف لا سينغابور خمس ساعات ونص تقريبا وممكن هم اتسيرون من سينغابور لا تيلاند تقريبا ساعتين على ما اذكررررر,,,,,,, ونصيحه اخ ترى مالديف روعهههههههههههههههههههههههههههههههههههه

مع احترامي لجميع الاعضاء

ارجح رائي ابو عزيز تبين الصراحه وانا اقرأ الاراء هو الوحيد اللي اقنعني لذلك اتوكلي على الله

وروحي موريشوس

اتمنى باقي الاعضاء مايزعلون مني واختلاف الاراء لايفسد للود قضيه

وبالتوفيق وحياة سعيدة ان شاء الله

الله يوفقك ويهنيك
اهم شي استخيري وشوفي
وانا من رايي النمسا حلوة مرة
واتوقع انها تناسب ميزانيتك مابين 10 ايام و15 يوم
والله اعلم