المشاركة الأصلية كتبت بواسطة ريووومة
http://www.arabtravelersforum.com/tr...9/#post3267402
السلام عليكم،،،
ومبارك عليكم الشهر وصياماً مقبول
رجعت من كم يوم من الكويت العزيزة وبصررراحة كانت رحلة قصيرررة بس كانت في غاية الروووعة وحبيت اكتب بعض الملاحظات لأخواني يمكن يستفيدون منها ومنها:
1. اول ما وصلنا خذنا وقت واحنا نلف على الشقق الفندقية اللي خذيتها من المنتدى وفي منها ما دليناها المهم ان في النهاية عجبتنا شقق النوري كانت جيدة من ناحية اللأثاث والنظافة :24: وراح ازودكم ببعض من الصور للشقق لاحقاً
وللعلم ترى شقق قصر الثريا تم اغلاقها واستبدالها بالمعهد الكندي للتعليم والتدريب وحبيت ازيد عليكم شقق فندقية اسمها dream in قيمتها 45 دينار كويتي بالسالمية قريب من المطاعم على ما اعتقد.
2. لا يفووووووووووووتكم مطعم فريج صويلح رائع واكله عجيييييييييييييييييييييب و لاتنسون تمرون على محل الحلويات الشعبية اللي فاتح بداخل المطعم ترى حلوياتها عجيبة جربووووه الحلوى العمانية والرهش المشكل ترى لذيذ.
3. للأسف حبيت ازور مطعم شوكلت بار الللي بالمارينا بس كان مسكر تحت الصيانة:112:
4. لايفووووووووتكم محل برووووووووووووووووي للأطفال اللي بي الأفنيوززززز بصراحة خذت من عنده ثياب حلوووووة لبنتي وولدي ما قصرتوا انكم دليتوني عليه وكان مسوي تخفيضات جنان 75 % و 50% ونصيحة للي يروح هناك ويبي يتسوق لعياله في داخل المحل مكان للأطفال للعب والأكل خليهم وتسووووووق براحتك بدون عوار راس وتطمن عليهم ترى ياخذون رقم تلفونك اذا كان عيالك فيهم شي يتصلون عليك احنا ما درينا الا متأخر بعد ما خلصنا المجمع ولعبنا بنتي بالماجيك بلانيت اكتشفنا ان في مكان للألعاب ببرررووي حلو وعجيب :106:
شكري لكل من ساعدني ولمشووووورتكم وان شاء الله راح اكرر الزيارة قريبا
الحمدالله علي السلامه أختي ريووومه و وهذه الساعه المباركه الي أنشوفكم فيها بين أهلكم وحبايبكم
ومشكوره علي هالملاحظات الي أكيد راح تفيد أخوانج وأخواتج الي يزورون الكويت
المفضلات